|
رد: ديوانية البحرين - دردشة حوامل البحرين - البحرينيات
اقتباس:
انا ايام الحمل كلش كلش مافكرت في خياط وهالسوالف ,,,, الشي الي اخاف منه وايد اشيله من بالي |
رد: ديوانية البحرين - دردشة حوامل البحرين - البحرينيات
ام حماني
يا هلاااااااااا فيش الله يخلي ليش هل القمر حماني ويحفظة من كل شير يهبل الصلاة على النبي ،، عجل خاطرش تحملين بس بدون تنفخ هاااا شلون يطلع حمل هذا ههههههههه .. يالله اهم شي ولدتي بالسلامة وشفتي حمني بين إيدش .. يالرشيقة بما احنا للحين بطااااات .. أم عايشة كانش آنا معني احملت طبيعي بس من ثاني شهر لي طلع لي بطن واااااااضح كاني بالرابع او الخامس والكل كان يطالعني اخر شي طلعت حامل بتوأم وبما انج تلقيح إن شاء الله توائم والله يثبت لش حملش يااااااااااااااااارب .. فرووحة ترى الحال من بعضوو واني قاعده اكتب واللألم داااااااااااااابحني كاني بوووولد وزوجي من البارح وياااي سهرااان بس اني خايفه اروح المستشفى توه نايم مسكين ,, بس إلي مصبرني اني عندي موعد اليوم في الفاتح بصبر وبشوووووف إذا زاد هم يعرفون يتصرفون معاااي بما اني بالمستشفى .. وبتضحكون علي ادا عرفتواا الخبر لما شفت الألم ازيد رحت طيور الجنة وخميت الاكوااا والماكوو على قولتهم وسويت لي توزيعااات سريعة سلتين وعدلتهم ورحت عطورات البيان وشريت لي مسك ابيض ربع تولة وزينتهم حق التوزيعاااات خفت اولد وانا ما سويت شي بس ما كملت اقول لزوجي ادا الله رااد ولدت انت كملهم وهو متنرفز يقول انتي في شنو وتحاتين شنوووو بس عن جد الالم زلزااال بس آآآنا ما أبي اولد الحين ما باقي شي عليي .. دعوااااتكم |
رد: ديوانية البحرين - دردشة حوامل البحرين - البحرينيات
حروف عاشقة الله يطمن قلبج مثل ماطمنتي قلبي
والله يسمع منج واكون حامل بتوام وااااااي وناسة الله بيعوض صبري خير ان شاءالله من عقب 11 سنة الحمدلله ربي على نعمتك وكرمك وان شاءالله تكملين التاسع وتولدين على خير الله يسهل لج ولادتج يارب وتجوفينهم بين يدينك كاملين بلازيادة ولانقصان فديتهم التوام حلوين يهبلون الله يحفظهم يارب بس اختي اذا الالم زاد لاتخلين روحج روحي الدختر وان شاءالله اللي فيه خير يصير لج تصدقين احنا ذي حالتنا بالنسبة للتوزيعات هههههههههه ذكرتيني يوم ولدت بخالد ولدي فيني الطلق وتهيا رحمي 3 اصابع وانا للحين من محل لمحل هههههههههههه بس يختجج نسيت شنو يسوون حق المولود يلا ان شاءالله تفيدوني بخبراتكم يارب لانه انا غريبة هني واهلي مومعاي وماعندي الا اهل زوجي واستحي اسالهم عن كل شي ابيه الا وين ذي طيور الجنة وشنو يبيع حبيبتي حق البيبي |
رد: ديوانية البحرين - دردشة حوامل البحرين - البحرينيات
اقتباس:
الله يسلمج ويخليج لج كل اعيالج الموجودين واللي يايين بالطريج hwaml7 شكلج يختي بتولدين بدايه التاسع ... الللله يسهل عليج |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
صباح الخير حروف عاشقة ما عليج شر وان يتمم وتولدين بالتاسع وتفرحين وتفرحينا وياش وفي وين عصافير الجنه يصير وعطورات البيان ابغي اشتغل على التوزيعات لاني بولد في الأمتحانات نهاية الفصل الأول hwaml15 ام حماني الله يخلي لج حماني وترجعين عروس الي ابو حماني ام عائشة الله يعطيج توائم يا رب وتفرحين ابهم ام خليل اشلونج مع النساااه ان شاء الله افضل حنين الماضي وينج من زمااااااااااان ماليها حس |
رد: ديوانية البحرين - دردشة حوامل البحرين - البحرينيات
اقتباس:
هلا ومرحبا بأختي أم عائشة ربي يتمم فرحتش وتطمنين على النونو وإنشاء الله 2 نونو أو3 نونو أهم شيء يختي السلامة وتأكدي إن شاء الله إن الله بيعوض صبرش وتفرحين ويفرحون أولادش وياش |
رد: ديوانية البحرين - دردشة حوامل البحرين - البحرينيات
صباح الخير
اليوم خذيت راحتي في النووووووم لأن ماكو ازعاجhwaml02 لأن رديت الشقة شخباركم دبدوبات؟؟ |
رد: ديوانية البحرين - دردشة حوامل البحرين - البحرينيات
أم عائشة هلا مرة ثانية وأني أكتب الرد تفاجأت بزيارة زوجة حميي وكتبت الرد ناقص وألحين راحت وبكملة بقولش قصتي في حملي بعد الإجهاضين الأوليين أول ماتزوجت ،كنت خايفة في حملي الثالث بعد لاسمح الله أجهضة ،نومتني دكتورتي الخاصة في السلمانية على شان أرتاح وإتابعني وقررت تسوي لي ربط لعنق الرحم مع إني ماأحتاجه لاكن كإجراء إحترازي سوت لي الربط ولاكن تحت شرط زوجي إن مايسوي لي الربط رجال لأنه تخابر إن الرجال إللي في العمليات هم يسوون الربط والدكتورة مجرد إشراف المهم من خوفي وهواشي ويا الدكتورات في العملية بسبب خوفي وكلام زوجي عن الرجال إللي في العمليات عصبوا عليي وقالوا خلاص راح نسووي لش بنج نصفي وبجدية بتمين صاحية طول العملية وبتشوفين إنه إحنه إللي نسوي لش الربط ،تعبت قصتي طويلة ...سويت الربط وعانيت من تبعات البنج النصفي إنه لازمني عوار الراس الحاااد لين ولدت بأحلى بنوته وهي بنتي الوحيدة بس بعد ولدتها في نص الشهر الثامن وضلت في الحاضنه إسبوع ،هي وردة البيت ولو إنها واايد تعاند وأنانيه على أخوتها وتضربهم يمكن لأنها تحس روحها وحيدة بين أولاد ،يعانون منها على عمري وووايد دليعة ومصوعه و ومعذبتني بدلاعتها ربي يحفظها ويهديها ... لمن كنت مرقده بحملي بها كانت تحتي وحده عجميه مرقدة في نفس الغرفة وصديقتي في المستشفى وكنه نصبر بعض ونسلي روحنا ونقرأ القرأن ونوزع الحلاوة كل ليلة جمعه بنية قضاء الحوائج ،المهم هذه الصديقة المستجدة وإللي كانت رحمه لي من رب العالمين في غربتي في المستشفى وبعادي عن زوجي وأهلي فعلا ماأقدر أنساها كانت من عشر سنين ماحملت وعندها بنت وحده عمرها عشر سنوات ،وبالعلاج ومن بعد إجهاضات قديمه وبعيدة وعقم مؤقت حملت ومن خبر حملها للين ولدت في الشهر بداية التاسع على ماأظن أوأواخر الثامن هي مرقده ونزيله دائمة في المستشفى يرخصوني ويرقدوني وهي مازالت على سريرها ،...الخلاصة الله عوضها بأربعة أبناء توائم ولدتهم بعملية قيصرية ...ولدين وبنتين سمتهم حسن وحسين وزينب وليلى في عمر بنتي في الصف الخامس ألحين بالإضافة لبنتها السابقة اللتي كانت وحيدة ،صاروا الحمدلله خمسة شفتين يالغالية الله كريم ويجازي الصابرين خير ،أهم شي تمسكي بحبل الله وداومي على قراءة القرءان في حملك وطلعي صدقات شبه يومية حتى لو القليل وإرتاحي والله يفرح قلبك وقلب أهلش وناسش خلاص تعبت باقوووم hwaml7 |
رد: ديوانية البحرين - دردشة حوامل البحرين - البحرينيات
اقتباس:
ويقولون من عاشر قوما اربعين يوما صار منهمhwaml02 وانا صار لي معاشرة اهل الطيب والكرم اهل البحرين تقريبا 16 سنة وزوجي واولادي بحرينين قح فخلاص صرت منكم واتشرف بذي الشي وربي يشهدعليhwaml23hwaml53 اقتباس:
اللهم ااااااااااامين اقتباس:
هلافيج زود حبيبتي احلام من زمان مابينتي شخبارج عساج طيبة وشخبار البيبي ان شاءالله كل شي تمام واللهم ااااااااااامين والله حتى لوكنت حامل بواحد هم استانس اهم شي يكون بصحة وبلا زيادة ولانقصان مشكورة فديتج [ |
رد: ديوانية البحرين - دردشة حوامل البحرين - البحرينيات
روز صباحج رحمة من الرحمن
عليج بالعافية زين سويتي ارتحتي شوي انا بعد من راحوا عيالي المدرسة وسيدة وينك يالسرير هههههههههههه عاد انا من قبل احب النوم والحين بعد حامل احط الحمال عذري عشان ارقد وريلي وعليه عليه مايقولي شي الا بالعكس من اقوم اقوله تبي شي اسويلك شي يقولي لا رقدي ارتاحي فديته هالريل مافي منه الله يخليه لي ويخليلكم ازواجكم واولادكم يارب |
رد: ديوانية البحرين - دردشة حوامل البحرين - البحرينيات
اقتباس:
هلا فيج حبيبتي واي عليج والله حسيت بالمج وباللي عانيته بس الحمدلله اجر وعافية ان شاءالله ويلا معليج لها حق تتدلعhwaml02 عقب اللي شفتيه بحمالها خلها تتدلع وبعدين لاتنسين البنوتة حلاتها بدلعها واكيد تحس انه اهي شمعة البيت وحبيبة البابا عشان جي تتدلع عليكم فديتها والله اموت بالبنات والله ولله الحمد عطاني صبيين واتمنى من كل قلبي هالمرة تكون بنوتة يارب والله يخليلج اولادج كلهم يارب وتجوفينهم معاريس وتعزمينا بعدhwaml03 وسبحان ربي على كرمه اذا اعطى ادهش سبحانك ربي انتي تدرين انا امس اقول لزوجي انا احس انهم 2 ماادري احسهم جي لانه بحمالي من قبل ماكنت حاسة باللي احسه الحين وحتى يوم قلت للطبيب انه بطني احسه عود ضحك وقالي تفائلي ولاتنسين انه احنا رجعنالج 3 اجنة وان شاءالله على 25\10 موعدي عنده يسمعني النبض ويمكن يبين عنده اذا توام او واحد الله يتمم حمالنا على خير ويرزقنا جميعا بالذرية الصالحة والله يخلي عيال صديقتج ماشاءالله تبارك الرحمن الله عوض صبرها خير |
رد: ديوانية البحرين - دردشة حوامل البحرين - البحرينيات
اقتباس:
انا بعد احب النوم..والحين بعد بزوود واعليه الازواج دايما يبون راحتنا يقولون كفاية الحمال اللي عليهم بعدhwaml02 ولازم يتحملونا .. احنا نتعب اكثر منهم |
رد: ديوانية البحرين - دردشة حوامل البحرين - البحرينيات
اقتباس:
الحمدلك يارب على نعمك وعظم هداياك الغالية حمدا دائم لاينقطع أبدا سبحانك يارب لاتطرد محتاجا وقف على بابك ياكريم هلا بيش أم عائشة الله يفرح عيونش بشوفة عائشة وشوفة إخوانها سالمين غانمين وربي يدوم عليك الصحة والعافية ويحفظ لش كل أحبابش وأهلا ومرحبا بيش عزيزتي بين أهلش وناسش على فكرة يبين عليش إماراتية مادري بس من طريقة كتابتش بنوتتي حقا وردة البيت رغم كل حركاتها البنت حبيبة أمها وصديقتها ،الله يرزقش بالبنية ويرزق كل محرومه لاتحاتين بعزمش على عرسهم والله يرزق الجميع طولة العمر أهم شي أتمنى ليهم الهداية والنجاح هم وجميع أولاد المؤمنين والمؤمنات إن شاء الله توائم مادام قالش الدكتور توقعي هالإحتمال ويارب الموعد الياي تسمعين النبض وكل شيء تمام وأني وياش بعد موعدي 24\10 الله كريم ويثبت حملنا الله يسمع منش عااد صديقتي من زمان ماأدري عنها شي حتى رقمها ضايع لاكن مصير الحي يتلاقى وسلامتش يالغالية يارب يخف عليي وجع الظهر اليوم أكتب وأني منسدحه ههههة |
رد: ديوانية البحرين - دردشة حوامل البحرين - البحرينيات
بسم الله ماشاءالله دخلت الرابع ^_^
بستانس بالتيكر تالي نسولف وياكم hwaml7 |
رد: ديوانية البحرين - دردشة حوامل البحرين - البحرينيات
مذركير تخفيضات عجيييب حولت على ثياب اليهال الصغار ^_^
بنات بخصوص ملابس الاطفال يقولون لش اخذي من هالماركات لانهم يكونون معقمين عكس اللي في المحلات العاديه والله أعلم، عموما غسلوهم قبل احسن. طفلي حياتي وويش سويتين ويا الفحص اليوم؟ باجر موعدش السكر الله يساعدش بس ترى حلو السانكست يعني مو كريه مره بس لا تتحركين وايد عقب ماتاخذينه علشان مايدور راسش او يتقلب بطنش. اتذكر كنت اصوم من 9 تقريبا واروح الصبح 8 فجوووره عادي الالام في هالفترة تحسب الوحده كانها طلق، الله يهونها عليش والله ذكرتيني اني قعدت ببيت ابويي بحملي ببتي لاني كنت اسقط قبلها وشقتي طابق ثاني والدرج رفيع، ظليت هناك للشهر السادس وتالي رجعت شقتي، صدق كانت فترة كريهه رغم اني شقتي صوب بيت ابويي بالضبط. أم حماني جان زين الحمل سهل لا تعب ولا ثقل ولا غثيان ولا جان شحنا البيت يهال كل سنه هههههههههه أم عايشه مادري يمكن لانش تاكلين وايد على قولتش ولا يمكن انتفاخ بالبطن من الغازات وش دراش تزيد تراها بهالفترة، والا ان شاءالله يكونون توأم والله يعوضش خير. شمس الصباح الحمدلله أخف بوايد الله يخفف على كل الحوامل ان شاءالله روز سول الحمدلله على السلامه ^_^ |
رد: ديوانية البحرين - دردشة حوامل البحرين - البحرينيات
سلااااااااااام كروشااات
رحت الفاتح اليوووم وحدد لي الدكتور موعد للعملية لانه يقول انا وايد تعبانة وما اقدر اتسحمل الثقل ازيد دمي ناقص وضعطي نازل تاريخ 24 \ 10\ 2010م موعد العملية وهم بعد للحين الاجنة وضعهم مقعدي ما تعدل فالفضل عملية والله يسهل إن شاء الله .. دعوااااتكم |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
اقتباس:
... حروف .. بعد عمري انتي .. اكيد ما بننساج من الدعاء .. الله يسهل عليج ياربـ وتبشرينا ان شاء الله.. وتفرحين بالتوائم.. |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
حروف عاشقة
الله يسهل عليش ان شاءالله وتولدينهم بصحه وسلامه يااارب روز الله يبارك فيش ويسهل عليش ان شاءالله طفلي حياتي انتين وينه ويش صار عليش؟ اني اقول يمكن ادخل اشوف خبر عنش طمنينا حنين الماضي وين مختفيه؟ فتاة ذهبية من زمان ماقلتين لينا عن غذاكم ويش بتسوين ^_^ |
رد: ديوانية البحرين - دردشة حوامل البحرين - البحرينيات
الله يسلمكم جميع وريدكم في وقتكم إن شاء الله ومشكورين على الدعوااات الحلوة ..
بس ما ادري ويش صادني قبل اقول ابي اولد واحن ولما صارت السالفة جد صرت خااايفه مو على اني بسوي عمليه خااايفه على البيبيات بعدين بخلونهم في الحضانة واني ما ابي .. يالله لا إعتراض على حكمة وإلي فيه الصلاح بصير إن شاء الله .. |
رد: ديوانية البحرين - دردشة حوامل البحرين - البحرينيات
اقتباس:
ونسيت اقول لش مبرووووووووووووك لحقتيني ودخلتين الرابع عقبال ماندخل التاسع ونولد ويى بعض بكل صحه وسلامه اني محد بارك لي غيرش يوم ادخل الرابع لكن يلا انتين الخير والبركه باقي البنات شخباركم وشخبار البيبيات؟؟ |
رد: ديوانية البحرين - دردشة حوامل البحرين - البحرينيات
اني اكلت 6:45 وصمت من 7 على اساس يبغوني 7 ولاني اول مره مافهم شي ماعتقد اقدر اوصل هناك 7 عادي نتأخر لعقب ال7؟؟؟ عشان شوي انام الصبح
|
رد: ديوانية البحرين - دردشة حوامل البحرين - البحرينيات
وحدووووووه
|
رد: ديوانية البحرين - دردشة حوامل البحرين - البحرينيات
لالا كلش الديوانيه حالتها حااااله
محد |
رد: ديوانية البحرين - دردشة حوامل البحرين - البحرينيات
السلام عليكم ، رجعنا لكم من بعد وعكه صحية ومستشفيات ، شخباركم وشنو آخر التطورات؟
|
رد: ديوانية البحرين - دردشة حوامل البحرين - البحرينيات
هلا هلا بنت الاياويد
عسى مااشر؟ |
رد: ديوانية البحرين - دردشة حوامل البحرين - البحرينيات
طفلي حياتي
وكلي امرش لله وان شاءالله على ماقلتين خيره من الله، تحملي بروحش اهم شي قد ماتقدرين انبطحي ورفعي ريولش شوي عن مستوى الارض. عادي تروحين عقب 7 دامش صايمه من 7، هو اهم شي ماتقل عن عشر ساعات الى 12 ساعه صيام. بس عاد بتهلجين يختش بتيوعين وايد وسيده هالشربت في جبدش. الله يبارك فيش الحمدلله نعمه من الله ماظنيت افتك من الشهور الأولى الحمدلله يالله ان تيسر الياي يارب. فجووووره لا إله الا الله، انتين مادري ويش فيه حظش ماتيين الا الدنيا خليه هههههههه بنت الأياويد سلاماات ماتشوفين شر عاد كريه حامل ومرض اففف الله يعينش |
رد: ديوانية البحرين - دردشة حوامل البحرين - البحرينيات
ههههههههههههههههه
تصدقين ام خليل شكلي فيني كاشوووح |
رد: ديوانية البحرين - دردشة حوامل البحرين - البحرينيات
يبي لش جواي ههههههههههه
بسم الله عليش تعالي بسالش انتين غيرتين اسمش؟ ماكان قبل اسمش فجووووره؟؟ الحين شلتين الواوات؟! |
رد: ديوانية البحرين - دردشة حوامل البحرين - البحرينيات
لاااا هذهوووه
هههههههههههههههههههههههههه شفيج ام خليل احوليتي؟ ههههههههههههههههههههههههه |
رد: ديوانية البحرين - دردشة حوامل البحرين - البحرينيات
عندي سوؤااااااااااااااااااااااال
امته يفحصون الحامل من تحت من الحين احااتي يعووور لو لا!! |
رد: ديوانية البحرين - دردشة حوامل البحرين - البحرينيات
شكلي صدق حولت من زمان
ماتشوفين كله اكتب اسمش بالواوات هههههههههههه |
رد: ديوانية البحرين - دردشة حوامل البحرين - البحرينيات
اذا رحتين للولاده تفحصش الدكتورة تشوف جم سم مفتوح
وعادي مع التنفس السريع وقتها مابتحسين بألم |
رد: ديوانية البحرين - دردشة حوامل البحرين - البحرينيات
باااااااال
انه خايفه اروح موعد عادي حق الدكتووره احس كل ماجربت الولاده اخاف من الدكتوره خخخخخخخخ |
رد: ديوانية البحرين - دردشة حوامل البحرين - البحرينيات
الشر ماييكم ، صادتني صخونه وصلت 38 وشي بس قالولي خطر لانج حامل حطولي سيلان وابره مضاد وثلاثة ايام قاطة روحي مادري بالدنيا وايد صخونتي كانت قوية وآكل حبوب مافي فايدة امس بعد رديت رحت ركبوا علي سيلان والحين من الصخونه ريولي ويدي وايد ألم الظاهر مال البطحه لان ماكنت امشي وايد كله راقدة
|
رد: ديوانية البحرين - دردشة حوامل البحرين - البحرينيات
تدرين بصير مثل ام حماني الشي اللي اخاف منه اشيله من بالي ما بي افكر فيه الا حزتها
تعلمي شلون تشاهقين علشان ما تتألمين ، اما صدق شكلنا نضحك بالمشاهق هههههههه بس وش نسوي من له حيله فليحتال |
رد: ديوانية البحرين - دردشة حوامل البحرين - البحرينيات
الا ابي اسأل روز شخبارها سوت التراسوند ولا للحين ماعرفت شنو فيها ؟
|
رد: ديوانية البحرين - دردشة حوامل البحرين - البحرينيات
بنت الاياويد الحمدلله على السلامه كلش مو وقتها عسى خفت الحين
|
| الساعة الآن 06:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .