|
رد: دردشة بنات فلسطين, دردشة حوامل فلسطين, تجمع بنات فلسطين
طيب بتعرفي انو حماتي بس تعرف انا كنا طالعين انا وجوزي ومبسوطين بتنكد لنمر عليها وتشوفه وبتكون عيونها منفخه من كتر ما بكيت وبس يسألها جوزي شو مالك بتعقد تقولو ما انت ما مريت علي اليوم ومن الصبح طالعين ومبسوطين وما قولتولي حتى تعالي معنا انبسطي. بالله عليكي كيف بدي اقولها تعالي وهيه قاعده جنب جوزها وجوزها عنده جلطه واذا اخدتها مين بدو يقعد معو وبعدين صحيح انا جوزي الكبير بس في خمس شباب غيرو وبيني وبينك جوزي ما بسترجي يقولها تعالي معنا جوزي شغله يا دوب يدفع اجار البيت ويجيب اكل البيت واغراض البنت والطلعات كلها مني |
رد: دردشة بنات فلسطين, دردشة حوامل فلسطين, تجمع بنات فلسطين
اهلين لولو
انا فلسطينية من غزة مغتربة حامل بالشهر الرابع عندى غازات ببطنى وبطلع ريح كتير الله يعزك مابعرف ازا هاد الشى بياثر على البيبى او لا وكمان ماحسيت بحركة البيبى الى اسبوع وبخلص الرابع ولسة مااعرفنا صبى او بنت |
رد: دردشة بنات فلسطين, دردشة حوامل فلسطين, تجمع بنات فلسطين
بنت الضفتين طبيعي انا كمان نفس الموضوع بصير معي وراجعت الطبيب وقلي عادي
. وانا بالرابع ولسه ما حسيت بحركه بس بحس زي حكه من جوه بطني |
رد: دردشة بنات فلسطين, دردشة حوامل فلسطين, تجمع بنات فلسطين
اهلين عبير
جزاكى الله خيرا وبين معك صبى او بنت؟ |
رد: دردشة بنات فلسطين, دردشة حوامل فلسطين, تجمع بنات فلسطين
لا والله هون عنا ما في تطور كتير المستشفيات اللي بروح عليها
اذا بدي اعرف هلأ لازم ادفع كتير فلهيك لسه معنا وقت . بعدين انا كل 15 الشهر بدخل بشهري وما الي زمان داخله بالرابع |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صَبآحِك حوآء وكل الصبآيآ عبير وبنت الضفتين والجميع
حوآء بتعرفي بجد ضحكتيني ع حمآتك يعني مو لهالدرجة بجد ههههه كل ما بقرآ مواقف حمآوآتكو بحكي انا في نعمة ^^ انا بس حمآتي حرآم بتحبني كتير بس برضو بحسهآ احيآنآ بتغآر لما كنت عندهم يعني بحس لما نكون مبسوطين انا وزوجي الا ماتنكس شي موضوع ولو بالغلط عشآن يصير زعل بينا .. انا عارفة يختي خلص هيك الحمآوآت بيغآرو وبطلعلهم بصرآحة لانه احنا بكرا رح نصير متلهم .. منيح اني سافرت وبعدت عن الكل لانه بجد التدخل بيجيب مشآكل اول ماتزوجنا قعدنا شهر في شقة مفروشة وكنا اخر انبسآط بعدين قعدنا شهر رمضان كله في بيت عمتي يعني حماتي كنا مبسوطين بس لآحظت انه كانت تصير نكشات بينا احيآنآ والسبب حمآتي هلأ احنا منعزلين عن الدنيا وآآآآآآآآخر حلآآآآوة الحمدلله حاولي طنشي حمآتك بتزهق بالاخر بتعرفي مع انه انا شخصيتي قوية وما بسكت لحد بس كرمآل زوجي كنت مآ ارد ولا احكي شي وبعرف بالاخر انها عمتي وبتحبني وبتتمنالي الخير بس خدوهم ع قد عقلهم وخلص ونهاركم سعيد يآ صبآيا شو ناويين تطبخو اليوم |
رد: دردشة بنات فلسطين, دردشة حوامل فلسطين, تجمع بنات فلسطين
بعين الله يا بنااااااااااااااااات شي وانكتب علينا الله يرزقنا برهم يارب ودايما نكون مظلومين مو ظالمين
انا اليوم مش عارفه شو اعمل اكل بس على الاغلب معكرونة بجد سما ابصر مالها بناااااااااااات اقرب حد لرام الله جارة القمر اوصلي اسالي عنها |
رد: دردشة بنات فلسطين, دردشة حوامل فلسطين, تجمع بنات فلسطين
انا اليوم اعملت غدا فتة
|
رد: دردشة بنات فلسطين, دردشة حوامل فلسطين, تجمع بنات فلسطين
صحتين وهنا
|
رد: دردشة بنات فلسطين, دردشة حوامل فلسطين, تجمع بنات فلسطين
مساكم فل صبايا ماشاء الله عليكم ساير تفاعل كتيييييييييير من بعدي
اليوم صحصحت واجيتكم .. اهلا وسهلا بالصبايا الجدد جد منورين باين عليكم اجتماعياااااات بس عندي غسسيل كتييييييير عشان تعبت اسبوع تركتوا وتكوم عليا ولسى والله جسمي مكسر مكسلة اغسل هههه..وبالاخر على راسي حتعب |
| الساعة الآن 08:56 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .