|
رد: تجمع حــوامل التوائم
توامي
مشكوره الله يسعدك يارب زود الغلا اللهم امين حبيبتي الله يستجيب منك يارب فديتك والله على دعواتك ......... كروشات الله يسعدكم لاتنسون ان بعد هالعسر يسر وفرحه كثروا استغفار / استغفرالله الذي لا اله الا هو الحي القيوم واتوب اليه استغفرالله استغفرالله |
رد: تجمع حــوامل التوائم
زود الغلا انا بخير انتي اخبارج
يااارب يرزقك الي تتمنينه ويجيك توائم بنات يارب انا احبهااا كثير هل الاغنيه اتذكر ايام الطفوله وبغنيهاا لعيالي انشاء الله |
رد: تجمع حــوامل التوائم
اخبااركم بنات
انشاء الله بخير اخبارك وصايف خيتي اخبارك توامي فرحة عمري اخبارك زود الغلا وكل البنات الحبوبات بنات عندي استفسار بسيط بطني ماكبر ابد وانا الحين في الشهر الثالث تتوقعون صغااار مره الحلوين انا ماكل كثير حتى الحبووب الي وصفتها لي الطبيبه ما اكلتهاا لي كم يوم تطريش اكرمكم الله شنوو الحل بليييز ساعدوني |
رد: تجمع حــوامل التوائم
هلا فيك ملوك ياعسل
الحمدالله انا بخير ولله الحمد حبيبتي عادي ترى بعضهم مايكبر بطنهم الا بالشهر السادس ومافوق اعرف وحده كانت بالتاسع صديقتي تحكيني عنها تقول انو بطنها كان صغيييييير مره ويمكن انتِ نحيفه فعشان كذا يبين انو صغير اهم شئ انك لما تراجعي الطبيبه تقول لك كل شئ تمام الله يقر عيونك بشوفتهم معافين ,,,,, والله يقر عيني بحمل قريب وابشركم وانضم لكم ربي يسعدكم لا اله الا الله - محمد رسول الله ^.^ |
رد: تجمع حــوامل التوائم
يسلمووو اخت وصايف الله يعطيكي العافيه طمنتيني
الهم إني أسألك لك الحمد..لا إله إلا أنت وحدك لا شريك لك ..بديع السموات والارض يا ذا الجلال والإكرام يا حي يا قيوم لا إله إلا انت سبحان الله رب العرش العظيم ، اللهم أسألك بأسمك الاعظم ورضوانك الاكبر ، اللهم اني اسألك باسمك الطاهر الطيب ، المبارك الاحب إليك الذي الذي اذا دعيت به اجبت واذا سئلت به اعطيت واذا استرحمت به رحمت واذا استفرجت به فرجت ان تيسر امر ((اختى وصايف))، ياالله انت الشافي المعافي، انت المعطي الكريم السميع البصير ، القادر القدير انت الرحمن الرحيم الجبار الحي القيوم ذو الجلال والاكرام ،اللهم اسالك بقدرتك اللي قدرت بها على جميع خلقك..واسالك اللهم برحمتك التي وسعت كل شي.. اللهم يا فارج الهم يا كاشف الغم يا ربنا ورب كل شيء ومليكه سبحانك تباركت وتعاليت..اللهم يافعال لما تريد يا مجيب دعوة المضطر اذا دعاك يا من تقول للشيء كن فيكون..اللهم ياذا العرش العظيم يا قوي يارحمن..يا قادر على كل شيء انت القادر وحدك والاطباء لا يقدرون..انت العالم سبحانك وغيرك لا يعلم..تعلم مافي الارحام اللهم ارزق(( اختي وصايف)) وارزق اخواتي في الله بالذرية الصالحة اللهم اقر اعينهم بالحمل عاجلا" غير آجل يارب العالمين..من لنا غيرك ندعوه ونرجوه..ك سوانا كثير وليس لنا رب سواك ندعوه..الله لا تحرمهم من الذرية الصالحة..اللهم ارزقها وارزق اخواتي في الله بالذرية الصالحة ..رب ذرية ترزق برها..اللهم اسالك ذريه ترزق برها..اللهم استجب دعائنا وتقبلة من ومن المسلمين..اللهم آآمين لا إله إلا انت،سبحان الله رب العرش العظيم،وصلى الله على محمد وعلى آله وصحبه أجمعين..)) |
رد: تجمع حــوامل التوائم
ملووك
فديتك فديتك على الدعوه الله يرزقك من حيث لاتحتسبين الله يجزاك الجنه يالغلا ,,, ملووك : بتسافري هالصيف ؟؟ ماعندي شئ ابي اسولف هههههههههههههههههه |
رد: تجمع حــوامل التوائم
الله يسلمك يارب ويحقق لك كل امانيك
والله يمكن اروح الى الطائف احتمال بس خايف من الطائره تاثر على الحمل وانتي خيتي |
رد: تجمع حــوامل التوائم
صباح الخير ..............
مع انى مواصله من أمس وهذى حزت نومتى لكن كالعاده قبل أنام لازم أشيك على التجمع فلما لقيت واجد يسألونى عن تجربتى السابقه مع التوأم فزيت من نومى ورحت الصاله عشان أحط مشاركتى لأنى مثل ماقلت لكم أنا أتصفخ النت من الموبايل . المهم توأمى السابق الله يحفظهم ويباركلى فيهم يارب عمرهم ألحين 8 سنوات أولاد وكان حملى الثالث وطبيعى . كان كل شى أوكى من ناحية صحة الأجنه وتغذيتى وكنت مريحه نفسى ع الاخر وماخذه اجازه لحد ماولدت وحتى بطنى ماكان مبين انى حامل بتوأم عكس ألحين مع انى كنت أسمن من ألحين !! المهم أوضاعى طبيعيه لحد مادخلت الثامن وعلى أساس انهم توأم الدكتور كان يحذرنى انه ممكن تصير ولاده مبكره فى هذا الشهر . وكنت خايفه حدى وحتى زوجى كان يحاتينى وسبحان الله أمه الله يهديها تسلطت عليه إلا تودينى عمره وطبعا هم من درو انى حامل بتوم اشتغلو عليه لأنه كان يداربنى حيل hwaml4 وزوجى وداهم بالسياره وحالتى النفسيه زفت وترجيته يروح بطياره لأنى كنت خايفه عليه وأول يوم وصلو واعتمروا وتطمنت عليه رحت عند أهلى ويومها خذيت شور وطلعت ولا أزلق على الرخام hwaml13 تاااااااااااااااااااااابعوووووووووووووووووووووووون ىىىىىىىىىىىىىىىىىىىىى |
رد: تجمع حــوامل التوائم
هههههههههههههه ما أحب التشويق راح أكمل ............................... بعد الطيحه ظهرنى قام يعورنى وقالت أختى خل نوديج الطبيب أحسن عشان نتطمن . وفعلا ودونى ورحت مستشفى حكومى وفحصنى الدكتور والصدمه لما قال لى رحمج مفتوح 4 سانتى ويله دخلوها ولاده . هنيه قعدت أصيح وأبجى وقلت مابى أولد لما يجى زوجى ومارظيت أدخل قلت لأخوى يودينى المستشفى الخاص اللى أتابع عنده ورحنا وكان حزة طوارئ ودكتورى مو موجود وفيه دكتوره قالتلى نفس الكلام وخوفتنى قالت الأطفال واحد ساحب دم الثانى لأنهم مشيمه وحده وخطر عليج تنطرين وقالت احتمال نحولهم بعد الولاده للمستشفى الحكومى لان الحاظنات مودايما متوفره . أخوى نصحنى قال أحسن لج أرجعك للمستشفى الحكومى وقعد ينصحنى وأنا حالتى حاله كنت أبى زوجى بأى طريقه وما كان جواله دولى ولايرد على ولااتصل فينى بس مره . رجعنا للمستشفى الحكومى وانا بحاله يرثى لها لأنى متعوده زوجى يكون معاى وهو يتخذ القرار لأنى أثق برايه وخفت يصيرلى شى وهو موعندى وهو كان دايما ينطر اللحظه اللى أولد فيها . وعلى هالكلام هو كان ناوى يقعد 4 أيام بمكه حسب أوامر أمه . المهم بالمستشفى حطتنى الدكتوره بغرفة الولاده وقالت راح ننطر عليج لبكره مادرى ليش؟؟؟؟؟؟؟؟؟؟؟؟؟؟ الأحداث برا ماكنت أدرى عنها أتارى زوجى داق وجهازى خذوه منى أهلى لما دخلونى لأن الدكتوره منعتنى أدخله معاى غرفة الولاده اللى قعدت فيها لثانى يوم وأنا ماأدرى شنو أنطر!!!!!!!!!!!! اتصل زوجى على اختى وحلفها وقال أكيد فيها شى وعلموه !!!!!!! المسكين بنفس اللحظه أخذ أمه وخواته وقال برجع وأمه تصيح وتدعى على حسب كلامه لى بعدين كانت تقوله يالمجنون تبى تذبحنا بالدرب وانت طاير بهالسرعه وماندرى يمكن انها تموت قبل لانوصل لها !!!!!!!!!!!!!!!!!!!!!!!!!!!!!!!!!( يمه اسم الله على )خخخخخخ........................................... ... المهم وصل زوجى بالسلامه وكلم الدكاتره اللى يعرفهم واهتمو فينى وقعدت فى المستشفى أسبوعين لين خلصت أسبوعين من الثامن وولدت الحمدلله طبيعى وللأسف طلع واحد منهم ياحياتى لونه أبيض مافيه نقطة دم والثانى لونه عنابى غامق لانه ساحب دم أخوه . بس ماكان شى يخوف وسيطرو عليه بسرعه وعطوه ابرة دم وصار طبيعى وقعد فى الحاظنه أسبوع والثانى قعد أسبوعين ياقلبى عاد هذا بعدين راح أقول لكم المظاعفات اللى صارت فيه . وترا يابنات لاتحاتون والله ولادتهم عادى وماحسيت فيهم وكان بينهم 3 دقايق وكنت ماخذه الابره وماحسيت بأى ألم وأوزانهم صج تخرع 2كيلو الا كم جرام بس سبحان الله عادى بس طلعت الأربعين كبرو بسرعه . |
رد: تجمع حــوامل التوائم
أنا مصممه أكمل لأنى أدرى بنفسى أنا كسوله وان ماكتبت كل شى ألحين راح أنسى لأنى أطول ما أدخل للمشاركه الا قليل بس والله من حبى لكم واحساسى بخوفكم والقلق اللى انتو فيه فلت لازم أطمنهم .
تصدقون يابنات انتم توكلو على الله وكل شى سهالات والله أقولها من واقع تجربه . أنا لما حملت بتوامى السابق كنت على طول أحاتى وأقول الحين حياتى تتغير وراح انشغل ولاراح أهتم بنفسى ودايما أبجى وأقول أكيد راح أنحرم من السفرات والسهر وووووووووووو وسبحان الله والله ثم والله ان كانو التوأم ماشالله أهدا عيالى ولاتعبونى ماشالله وربكم سهل على والظاهر أمى ياحياتى كانت تدعيلى يمال الجنه . اللى ساعدنى بنفاسى انهم ماطلعو بنفس الوقت فاخذت فترة راحه على ماتعودت على واحد طلع الثانى ووقتها جبتلى مربيه سيلانيه والله ماأنسى فضلها على وكانت هى أمهم أكثر منى عمرها بالخمسين وهاديه ورزينه وكانت تتحملهم اثنينهم وتطردنى وتقول (مدام انتى واجد نيرفز وعصبيه بيبى عشان جذى على طول يبكى لما انتى تمسكى خخخخخخخخخخخخخخ) أول 6 شهور كانت شوية تعب من ناحية السهر وقلة النوم بس الحمدلله كنت باجازه وزوجى صراحه ماقصر ساعدنى كنا نسهر أنا وياه كل واحد يتحمل واحد والصبح أعطيهم المربيه لحد ماأقعد ولاتنسون ان كان عندى عيال وواحد كان أول سنه مدرسه وكان يبى اهتمام وتدريس ومتابعه . المهم حياتى ماتغيرت كثسر سيطرت على الوضع وبالعكس أخليهم عند المربيه وأطلع وأستانس وكل شى طبيعى وكانت مشكله وحده معكره مزاجى !!!!!!!!!!!!!!!!!!!!!!!!!!!!!!!!!!!!!!!! تدرون شنو اهى؟؟؟؟؟؟؟؟؟؟؟؟ تذكرون واحد منهم لما قلتلكم صارتله مضاعفات !!!!!!!!!!!!!!!!!! كان هالولد هو اللى نزل من غير دم وعطوه ابرة دم وكنت الاحظ وهو فى الحاظنه فى صدره خط صغير لونه أحمر وكنت اعتقد انه من الولاده والسحب !!!!!!!!!!!!!!!!!!! لكن هالخط مع الأيام قام يكبر وينتفخ وصار عريض ولونه عنابى وشكله مثل كبدة الخروف وملمسه خشن وحااااااااار وكن كبره ياحياتى كان واصل للرقبه وكان يظايقه رحت الطبيب قال لى وحمه دمويه وتصغر مع الأيام لكن كنت أشوف العكس كانت تكبر وتصير فيها بقع مثل اللى تصير بالتفاحه اذا خاست؟؟؟؟؟؟؟؟؟؟؟؟؟؟؟؟؟؟ وبيوم من الأيام كان من بكره العيد وعيالى صار عمرهم 4 شهور وفجأه بعد ما سبحته ولبسته صارت الكارثه hwaml9 ياحياتى اسمحولى بالليل انشالله أكمل لأن ظهرى ذبحنى وبدت عيونى تسكر . مع السلااااااااااامه تمسون على خيييييييييير hwaml7 |
| الساعة الآن 06:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .