|
|
رد: دردشة حوامل مصر - دردشة بنات مصر - تجمع حوامل مصر
الحمد لله يا ام اياد الا صحيح انتى اسمك ايه يا جميل
|
رد: دردشة حوامل مصر - دردشة بنات مصر - تجمع حوامل مصر
سارة ازيك ياجميل وازي يحيى ربنا يكرمك وتشوفيه على خير..
على فكرة انا ضايعة جدا في موضوع المذاكرة والكلام ده كانت برضه سمية لسه بتسالني امبارح وقعدت اشتكي لها من لخمتي في الشغل اصل بادي محاضرات وسكاشن وبعدها بآخد محاضرات الدبلومة وعلى مااروح بالليل يادوب الحق اعمل اكل وبعدين اقعد ع النت اعمل ابحاث واجهز لتاني يوم انتي عارفة بقى مالناش مناهج وكل حاجة احنا اللي بنجيبها من النت دعوااااااااااااتك |
رد: دردشة حوامل مصر - دردشة بنات مصر - تجمع حوامل مصر
ايوة ياسارة اسمي آية ياحبيبتي.ز
على فكرة انا ماخرجتش الكلية النهاردة عشان تعبانة من امبارح وعشان كده تلاقيني فاتحة في الوقت ده |
رد: دردشة حوامل مصر - دردشة بنات مصر - تجمع حوامل مصر
ربنا معكى يا روحى وتبقى احلى دكتوره
انا كمان باذن الله هقدم على شغل بأذن الله دعواتك كده |
رد: دردشة حوامل مصر - دردشة بنات مصر - تجمع حوامل مصر
الف سلامه يا جميل مالك طمننى عليكى
روحتى فين يا مرمر |
رد: دردشة حوامل مصر - دردشة بنات مصر - تجمع حوامل مصر
ربنا يكرمك وتلاقي شغل مناسب ان شاء الله؟
بس قصدك بعد ماتولدي ولا ايه؟ بالنسبة للتعب هو مغص جامد كده عامل زي الطلق ماانتي عارفة بقى جربته قبل كده بس دا بقى في البطن بس ومن تحت ع الشمال بس مش قادرة اقف او اقعد منه بيروح وييجي كل شوية .. فكنت قلقانة وخفت أخرج |
رد: دردشة حوامل مصر - دردشة بنات مصر - تجمع حوامل مصر
ألف ألف سلامه عليكى يا حبيبتى معلش بأذن الله يكون خير بس الأحسن روح للدكتوره وهى تطمنك
لا أصلى قدمت خلاص كانت فى مسابقه فالأزهر وقدمت تجى بقى وقت ما تجى ربنا يسهل بأذن الله وهبقى مدرسه بس يارب أكون أد المسؤليه يااااااااااااااااااااارب معلش ممكن أسألك سؤال هو وحش شويه بس عايزه اعرف ليه أياد توفى وربنا يرحمه ويدخلك بيه الجنه يااااااااااااااااااارب كان فى سبب كعين يعنى وربنا يتمملك حملك ده على خير يااااااااااااااااااااااااااب |
رد: دردشة حوامل مصر - دردشة بنات مصر - تجمع حوامل مصر
بس أنا ما جربتش الطلق قبل كده يا جميل ده اول نونو ليا بأذن الله وحنين دى على أنى كنت مفكرها بنوته بس كده
|
رد: دردشة حوامل مصر - دردشة بنات مصر - تجمع حوامل مصر
روحتى فين يا ايه لو كان سؤالى ضايقك خلاص اسحبه
|
رد: دردشة حوامل مصر - دردشة بنات مصر - تجمع حوامل مصر
ربنا يخليكي ياسارة ويوصلك يحيى بالسلامة
وجزاكي الله خيرا على دعواتك الحلوة.. قصدي جربت الطلق انا يعني.. ماانا عارفة ان حنين دي عشان قالولك انها بنت في الاول فسجلي بيه انا متابعة ههههه بصي ياستي باختصار الموضوع هو اياد مات بعد 3 ايام من الولادة .. انا تعبت اوي في الولادة وقعدت 3ايام واول مانزل ماعيطش على طول وبعد كام ساعة بدا يعيط عياط هستيري واطرافه ازرقث وبدا يترعش والسخونية زادت جامد.. وديناه حضانة حطوله محاليل وكده .. وتاني يوم قلبه وقف وطلبوا عناية مركزة.. على ماحجزناله في مستشفى نضيفة في بلد تانية مات في الاسعاف اللي كان هينقله لانه ماكانش مجهز كويس.. وكاتبين في شهادة الوفاة سببها تسمم دم.. مع اني كنت واخده حقنتين التيتانوس قدر الله وماشاء فعل.. ومن بعدها عملت تحاليل كتير لان حماي كانت دايما تقوللي انتي السبب في موت الولد وروحي حللي فحللت وكده حاجات كتير بس الحمد لله مافيش اي حاجة وكل الدكاترة رجحوا ان السبب عسر الولادة وطولها وعيب من الدكتور في الولادة أثر على عصب التنفس عنده فما قدرش يكمل.. وبس.. دعواتك بقى ربنا يتم بخير المرة دي بنت او ولد كل اللي يجيبه ربنا حلو بس اللي يفكر كويس ويتقي الله.. اصل عليا ضغوطات جامده من حماتي وبناتها.. بس انا المهم عندي تكون ذرية صالحة تامة الخلقة والصحة واحمد ربنا كل الحمد |
| الساعة الآن 05:53 AM. |
|
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .