|
رد: ديوانية البحرين - دردشة حوامل البحرين - البحرينيات
بالعكس فلونه خوش سالفه هذي لاني ابغي اخذ لفه ع المحلات اعرف الاسعار وشسمه
اممممم سألت سؤال ولا احد جاوبني المهادات او اللفات اللي يلفون فيهم البيبي كله على دينار لو يختلف من مكان للثاني؟؟ شفت برانص مذركير حليوين يهبلون عدل وشفتهم في احلى الاطفال ماركه بايخه نفس سعرهم قلت باخذ من مذركير افضل احس كلما تقدمت الاشهر شوقي لفرحتي يزيد من قبل اقول فرحه وفرحان لكن غير الحين احس متعلقه بها ياري تسهل امري واشوفها سليمه وافرح بها يارب |
رد: ديوانية البحرين - دردشة حوامل البحرين - البحرينيات
فلونه تعالي اخذيني ويديني بيت ابوي سيارتي هناك :(
|
رد: ديوانية البحرين - دردشة حوامل البحرين - البحرينيات
ام خليل صار خاطري في تويكس احين من بيشتري لي وسي السيد في العمل وانتي اخذي لج شي مفيد حق غداج لا تخربطين وااايد
|
رد: ديوانية البحرين - دردشة حوامل البحرين - البحرينيات
سلام عليكم
|
رد: ديوانية البحرين - دردشة حوامل البحرين - البحرينيات
طفلي القماطات على دينار دينار ونص عفر
البرانص اخذي واحد خفيف واحد شوي ثقيل والله يساعدش والحمدلله هانت |
رد: ديوانية البحرين - دردشة حوامل البحرين - البحرينيات
يابوا لي أكلهم بس ما اكلت الا روب ويا شوي دياي وعيش رغم انه زين طعمه بس دهشة خليل ماخلاني اكل شي وهذاني يعت وزوجي مابيي الا المغرب،، زين ايبون عشاهم من وقت
|
رد: ديوانية البحرين - دردشة حوامل البحرين - البحرينيات
عليكم السلام معصوومة
طفلوو انا خذيت لي من السعودية مهادات قطن علا دينارر وخذيت من رياض المحروس في المنامة مهادات خلقهم عادي نفس صورة ملوكة عرفتي قصدي بدينار واهو افضل لانه حجمه عود وعملي وايزي الياهل حق جمن شهر وعنده بس مهادات قطن بدينارين واايد حلووين وعجبني شغله لانه تفصيل وشغل نظيف ومرتب احسن من محلات وايد ،، رحت الديه محل الرياحين الصغار شغلهم بعد عجييب واسعارهم وااااايد زينة او بالاحرى رخيص وقوووي مهادات قطنية نفس الي عند رياض المحروس بدينار وسبع ربيات والخيط معاه بثلاث ربيات يصير دينارين يبيلي اروح مرة ثانية بس حاليا الي عندي كفااية اي استفسار ثاني يا طويلة العمر |
رد: ديوانية البحرين - دردشة حوامل البحرين - البحرينيات
هلا معصومه عليكم السلام
ام خليل وين تنامين وياعلى السرير؟ الله يساعدش يارب باجر تطلعين به وتفتكين فلونه اني اكلي خرابيط عدل عدل ويش اسوي في عمري من قبل وايد اكل والحين صايره خايبه عدل واكلي هرار ام خليل المفروض تخلين صوبش جيس روتي وجبن وجبس وتسوين لش خفايف ع الاقل ماتدرين يفاجأونش بأكلهم |
رد: ديوانية البحرين - دردشة حوامل البحرين - البحرينيات
لا شكرا حبيبتي فلونه
اني ابغي اخف نوع وشفته في احلى الاطفال بولد في الصيف ومايصلح لى الا الململ (هذا الخفيف حده) وبشتري جمن واحد قطن الفها عن الايسي خلف طوايفي متى اشوفها سليمه بس |
رد: ديوانية البحرين - دردشة حوامل البحرين - البحرينيات
ام خليل من 5 دقايق نصره تتحرك احسب كل حركه لو اقول هالوقت يعتبر مره؟؟ والمغرب مثلا مرتين والليل الثالثه وهكذا؟؟
|
رد: ديوانية البحرين - دردشة حوامل البحرين - البحرينيات
باقولج طفلو ترى احلى الاطفال اسعارهم تقريبن نفس مذركير وبضاعتهم كواليتي عادية انا ما خذيت من عندهم شي ،،، تبين اوصلج وانا سيارة ماعندي اذا يروح الحجي الشغل اتووهق حدي،، عقب ما خلصت تجهيزات صار خاطري اعرف شنو فيني تخيلي
ام خليل انا غدااي ناشف ربيان بس ما قصيت راسه وصار عجيب جنه اكل تايلندي تبين ادز لج وليش ما تخلين وحدة من هالممرضات تقعد ويا خلول وانتي روحي الكفتيريا اخذي لج خفايف |
رد: ديوانية البحرين - دردشة حوامل البحرين - البحرينيات
طفلي زين حديتيني باقول له اييب وياه جيس روتي وجبن سليس
جاموا يستصرع عليي والاخير كل شوي طلب ههههههه وانام ويا خليل على السرير البارحه عطيته ظهري ويش اسوي تراعصنا وهذاني اقروض في تفاحه تصبيرة شكلها بتيوعني زياده |
رد: ديوانية البحرين - دردشة حوامل البحرين - البحرينيات
بالعافيه ام خليل وخليه اييب وياه جبس بعد تخلينه داخل اروتيه خخخخخخ يصير فن
اني باكل نجت ماعرفت الا هالنجت اسهل شي ... المشكله ريلي ابو اكل صحي تاري الثلاجه خبز اسمر واني ماشتهيه ابغي روتي عادي لو خبز مافي جان سويت لي سندويج جبن ع الاقل بقوم اقلي نجت وبرجع برب |
رد: ديوانية البحرين - دردشة حوامل البحرين - البحرينيات
بالعافية بيزرع في جبدش هالنقتز هههههههه
هذاني هني فاشه لا تغارقين |
رد: ديوانية البحرين - دردشة حوامل البحرين - البحرينيات
الخبز الاسمر مفيد حق المعدة لانه فيه الياف اكثر وبعد مفيد علشان يحافظ علا نسبة السكر في الدم،، طفلوو بسج من هالنجت عشاج وغدااج مللتي زنوب
|
رد: ديوانية البحرين - دردشة حوامل البحرين - البحرينيات
وين راحت فلونو ام دبه
ام خليل وين وصلتين ويى تجهيز ناصر؟؟ اغراضش كمل لولا اي نسيت اقول ليكم اشتريت اسفنجه لسبوحة فرحه من لولوهايبر بدينارين 4ربيات |
رد: ديوانية البحرين - دردشة حوامل البحرين - البحرينيات
فلونه ايه والله استملت هالفرحه من هالنقتز ههههههه
|
رد: ديوانية البحرين - دردشة حوامل البحرين - البحرينيات
عليها بالعافيه بهم ان شاءالله واني يختش ما اخذت ولا شي
هذا الشهر الثاني انشغل في الشغل عدل ومارجع الا مترضرضه واليهال يستلموني اقول مامبا انام العصر حتى انام في الليل من وقت وصار مافي جانس اروح اتسوق وكان خاطري عن يازعم ارتفع المعرض ادناة صبحية ابوق روحي بس الله ما أراد.....عندي اغراض مثل ماقلت لش وصاحين الحمدلله ناقصني ادوات الحمام وشنطة يديدة وباخذ قماطين عن خاطري لجل عندي سته يمكن وباخذ شباحات نيوبورن ماعندي بس عاد ما باخذ تسع خخخخخ |
رد: ديوانية البحرين - دردشة حوامل البحرين - البحرينيات
مالي خلق اطبخ شي اني مريضه اصلا والالتهاب رجع لي الكريه افففف
|
رد: ديوانية البحرين - دردشة حوامل البحرين - البحرينيات
نسيت اقول حياكم تفضلوا ماحس بطعمه من الزكام لو اكل قراطيس نفس الشي عندي خخخخخ
|
رد: ديوانية البحرين - دردشة حوامل البحرين - البحرينيات
ام خليل روحي مشوار او بيرفكت جينز الشباحات كلهم ماركه وعلى خمس ربيات ومثل ماقلتين نيوبورن لبس بسيط بس
|
رد: ديوانية البحرين - دردشة حوامل البحرين - البحرينيات
ماعليش شر ان شاءالله وعليش بالعافية بقراطيسش
متملله كله اقول السبت خاطري اطلع اغير جو اليهال بس احبس روحي وهاليوم فيي حومه اشوى بتي طلعت ويا خالتها |
رد: ديوانية البحرين - دردشة حوامل البحرين - البحرينيات
ايه باروح ان شاءالله اذا الله أراد
شخبار بنت خالتش ماحملت؟ |
رد: ديوانية البحرين - دردشة حوامل البحرين - البحرينيات
اني وديت ولاد اختي الحديقه النباتيه مالت لبديع حليوه استانسو بس شوي وتعبت معنه المكان فن اذا طلع خلي بالسلامه وديهم بيستانسون
|
رد: ديوانية البحرين - دردشة حوامل البحرين - البحرينيات
اي بنت خاله قصدش ام زهرا؟ لا واله الله يرزقها
وبالنسبه للاكله اللي تقولين ماتعرفينها ياحبيبتي هذي عصيده بالحليب خخخخخخ لذيذه تصير ويى الحليب ودسمه |
رد: ديوانية البحرين - دردشة حوامل البحرين - البحرينيات
فلونه وينش؟؟ راحت تسوي نجتس متأكده كله تغار هالبنيه
|
رد: ديوانية البحرين - دردشة حوامل البحرين - البحرينيات
لا اقصد بت خالتش ب
وصح ام زهرا بتها كبرت ماشاءالله الله يرزقها ان شااءلله وصحي عطيني طريقتها وايد كانت لذيذه والسمسم بعد عجااااايب |
رد: ديوانية البحرين - دردشة حوامل البحرين - البحرينيات
حسيت روحي يوعانة رحت احوس في المطبخ وجفت مواعين الغدا عورني راسي واختي بتمر علي بعدين علشان نشتغل في التوزيعات ،، وابي ابرز شنطة الدختر فيني الصيحة علا روحي خايفة اروح اولد وماطلع الله يسهل الامور
|
رد: ديوانية البحرين - دردشة حوامل البحرين - البحرينيات
عديتينها بعد هههههههههه
|
رد: ديوانية البحرين - دردشة حوامل البحرين - البحرينيات
فلونه لو بتروحين تولدين ومابتطلعين؟ اول وحده تولد يعني؟ والله حاله ياحبكم للوسواس
وكلي امرش لله سبحانه وتعالى وهو كفيل بش |
رد: ديوانية البحرين - دردشة حوامل البحرين - البحرينيات
فقيلة دم فلونه ووحده كريهه لو اصيدش فلصتش وشلت قطعه منش من القهر كله تفاولين بالشر يادافع البلا
ام خليل للحين ماحملت حديتها تروح تحلل وتسوي فحوصات وراحت بس ريلها العله ماهو راضي يقتنع هالكلام من رمضان الحين مادري والله وش صار عليها ربي يرزق الجميع بالنسبه للعصيده بسيطه جدا تقلبين الطحين ع النار لين يصير بني وتخلين شكر وحليب بودره او وماي وسمسم ماعندش حليب بودرا بدل الماي خلي حليب المراعي او اي نوع وكمليها وبس بسيطه واذا تبغين طعم مميز خلي هيل وعقب مسحيها بزبده وتطلع واو روعه |
رد: ديوانية البحرين - دردشة حوامل البحرين - البحرينيات
باقوم اغسل الحمام وانتو بكرامه
برب |
رد: ديوانية البحرين - دردشة حوامل البحرين - البحرينيات
ونعم بالله والله يقومنا بالسلامة ،، من سالفة حنون وفرح عمري ولدو بعملية قيصرية وزاد الوسواس واستغل ابليس الله يلعنه بالافكار السوودة
ام خليل ،، انتي عندج خبرة اكثر منا ابي اشتري فوط صحية شنو اخذ فاام زين ؟؟ خايفة من سوالف الالتهابات وبعد استفسار ثاني ابي اشتري ادوات السباحة حق البطل شنو تنصيحيني اخذ جونسوون او بيجووون وشنو احتاااج من الصيدلية حفاظات البيبي شنو احسن نوع ما ابي بامبرز محتارة بين بيبي جوي او بامبي مع ان سمعت ان بامبي يسرب اوو موني ،، موني استخدمته اختي وكان حار وايد بعد شنوو ابي اممممم ابي اسم عطر ريحته حلوة حق البيبي غير عن المسك الابيض* |
رد: ديوانية البحرين - دردشة حوامل البحرين - البحرينيات
فلونه اخذي عطر شاهين من جنيد روعه ريحته
وعلى طاري الفوط من وين اشتري فوط لفرحتي ؟؟ |
رد: ديوانية البحرين - دردشة حوامل البحرين - البحرينيات
طفلوو لج خاطر تغسلين مواعين غداااي بعد هههههههههه والله اكره شغلة المواعين ،، الماي بارد مافيني شدة اشغل السخان واخلط الماااااي
|
رد: ديوانية البحرين - دردشة حوامل البحرين - البحرينيات
فلونه عن العطر ما استخدم الا المسك الابيض اللي يبيعونه بدينار ونص في سوق الأيام وحده تبيعه.
وادوات السباحه استخدم ساعات بيجون ساعات جونسون بس يتراوى لي جونسون ريحته احلى. والفوط الصحية استخدم فام اليلية، بي ماذكر فام لو اولويز ماذكر خبرش سبع شهور حمل هههههه،، كنت احط ليي الفوطه وفوقها بعد احط فوط مال المستشفى قلت ليهم يعطوني جيسين لانه كان يخفف عليي الم الخياط وألم القعده. واخذي من الصيدلية اللي تنظف الخشم نفس البم، ومقراض اخذي الي صاير شكله نفس المقراض العود اللي فيه صور تشكيله، ناس يستخدمون مقص بس اني ماعرف الا للمقراض وعندي ماشاءالله من ست سنوات. واذا تبين جهاز مال فحص الحراره. هذا اللي أذكره والحفاظات استخدمت لولدي بامبي وناسبه عادي. |
رد: ديوانية البحرين - دردشة حوامل البحرين - البحرينيات
انا خذيت الفوط من مذركير خذيت وحدة عووودة وثلاث حجمهم زين حق تبديل الحفاظة وانتي بكرامة وخذيت ست صغار ايوون مع بعض طقم صغاار والفوط هناك ناعمين علا جلد الياهل ياربي متى اجوف هالبطل او هالبطلة واسبحهم في البانيوو خاطرررري اووووورلد
|
رد: ديوانية البحرين - دردشة حوامل البحرين - البحرينيات
طفلي الله يرزقها ان شاءالله.. تعالوا فتاه ولدت؟ ويش يابت؟
|
رد: ديوانية البحرين - دردشة حوامل البحرين - البحرينيات
فلونه جهزتين لش دويات النفاس؟
قبل لا ادش التاسع باروح الحواج جان اشوف ليي شي |
رد: ديوانية البحرين - دردشة حوامل البحرين - البحرينيات
فلونه مواعيني يسمعون حسش ومن محبتي للمواعين ويع
يعني قولتكم اشتر يمن مذركير فوط لفرحتي احسن لان هي ناعمه ورقيقه لازم اخذ شي يناسبها ام خليل اي ولدت ويابت آلاء انزين عادي نقول نبغي فوط من عند الدختر؟؟ |
| الساعة الآن 03:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .