|
رد: تجمع حوامل ليبيا
الله يسلمك ام اسيل
وربي يحفضلك غاليك وربي يعاونك والله هلبا شغل في الحوش وشغل برا الحوش ربي يعطيك صحيحتك ويحفضلك زوجك يارب |
رد: تجمع حوامل ليبيا
السلام عليكم يا حلوووووووووووووواااات
سامحوني ما طليتش اليوم .. انتم عارفين الحكاية اربعين وكنت مدايرة صيانة لجسمي من اعصار الولادة هههههههههه خشيت فيها حلوة وحنة وصبغة شعر وفتلة وشمعة وحواجب واقنعة عقبالك ياعيون زي مايقولو العزايز(تنفضي عيلك على خير وتنوضي لعويلتك يااااااااارب) وتربعني وتصيني جسمك زيني .. ونبدو نهدرزو على طهارة ولدي وولدك انشاءالله ... راهو فراس مازال ماطهرتاش نراجي في حمودي ونطهروهم مع بعض انشاءالله .. |
رد: تجمع حوامل ليبيا
أية .. لا باس على ايوووبنا الغالي ... وردي بالك عليه راهو اللي يصير للعيل يحطوه في راس امه .. انشاءالله ما يصيرله غير الخير حبوبنا ...
وسرورة .. بعيد السو عليها ياعيون .. لبسي البنية زين راهو الصغار مناعتهم ضعيفة وابسط بردة تأثر فيهم وتبان عليهم .. مرضة سرورتك فكرتني بسرورتي لما دارولي دخول للمستشفى في ولادتي بفراس كانت هيا مريضة عندها التهاب لوزتين .. وعاطيينها مضاد .. ولما خليتها عند امي كنت نبكي وكبدي مسحونة عليها ونقوللها يمه راهو المضاد كل ستة ساعات .. مرات بتنوضي في الليل .. لازم تعدلي المنبه وما تنسيش .. وامي تضحك عليا وتقولي توصي فيا عليها .. راهو اعز من الولد ولد الولد |
رد: تجمع حوامل ليبيا
والله البكي اللي بكيته على سرورة واني في المستشفى .. ما بكيتاش في حياتي يا بناويت
وزيادة جابوهالي قبل العملية .. واني نبكي ونوصي في بوها عليها تقول بنموت .... فعلا الكبيدة غااااااااااااااااااااالية غااااااااااااااااااااااااااااالية غاااااااااااااااااااااااااالية |
رد: تجمع حوامل ليبيا
ميرنا ميرنا ميرنا .... سامحيني حبيبتي .. والله توا كيف قريت ردك ...
وخيتي صبرا جميلا وبالله المستعان .. ياريت زوجك يفكر في صبرك وانتظارك ليه لما كان في السجن ويصبر عليك... ومعاش تقولي انك كبيرة .. طالما الدورة قاعدة تجيك الأمل مازال قائم وربي يعوض صبرك خيرو يرزقك بالتوأم بكامل الصحة ياااارب قولو آممممىمييييين |
رد: تجمع حوامل ليبيا
ميرنا أرجوك ارجوك ارجوك .... داومي على قراءة هذا الدعاء بعد كل صلاة 5 مرات وانشاءالله الفرج قريب وحملك في الطريق
يااااااارب سبحانك ما أحلمك .. وبحالي ما أعلمك .. وعلى تفريج همي ما أقدرك ..أنت ثقتي ورجائي .. فإجعل حسن ظني فيك جزائي .. ياااااااااااارب |
رد: تجمع حوامل ليبيا
ميرنا اللللللللف مبروك
|
رد: تجمع حوامل ليبيا
ادعولي انشاء لله بالحمل
|
رد: تجمع حوامل ليبيا
اهلا سورينام والله التجمع نورك بيك
وان شاء الله بصحه عليك وطووووووول العمر وربي يحفضلك فراس وايوب والله في وسط عيوني غر مقدر ومكتوب لاكن الحمد لله صبعه سليم بس اليوم طعمته وتطعيمت العام ونص اتعب راقد بجنبي ومرة مرة ينوض يعيط |
رد: تجمع حوامل ليبيا
هلا ام رنوة ربي يرزقك بلحمل
في القريب العاجل انتي وكل متمنيه |
| الساعة الآن 06:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .