|
رد: ديوانية حوامل البحرين
السلام عليكم حوامل شخباركم؟؟ شمسوووين؟؟ انا اليوم رحت الموعد..وسمعوني نبض البيبي..ويوم سمعته قعدت اضحك جني هبلة هههه شعور حلووو والدكتورة يوم تجوف بطني تقول .. هذي اي كبر البيبي؟؟اكيد نتفة بس بعدين بيكبر بطنج مرة وحدة تقول المفروض كان يسون لي التراساوند بس الدكتورة مادري شسالفتها بس قالت لي الأفضل تسوين من بعد الأسبوع 18 لأن يبين اذا الجنين فيه شي بعد فبنتظر انا لي اسبوعين وباخذ احتمال عند فوزية كمال hwaml02ابي اعرف شفيني .. الفضول ذابحني |
رد: ديوانية حوامل البحرين
عليكم السلام هلا والله روز شخبارج ان شاء الله احسن من عقب الطيحه رجعتي شقتج ولا للحين؟
اي شعور واايد حلو لين يسمعونج نبضاته بس في البداية ماتعرفين بالضبط هذي دقات قلبه ولا صوت الجهاز انا كانت تدور بنتي اخر شي حصلتها كلش تحت فشكيت في الموضوع قلت اكيد بنت لان البنت كله تقعد تحت جريب الرحم وطلع ظني صح ، ان شاء الله تاريخ 19 بدش السابع وعندي بكرى موعد تحليل سكر بس شكلي بأجل موعدي مع الدكتورة على ماتطلع النتيجة يبغي لها وقت ، والله يعينا على هالابره الثقيلة |
رد: ديوانية حوامل البحرين
هلا وغلا بيج بنت الأياويد اي رجعت شقتي..توني البارحة وصحتي الحمدلله تمام انا بعد تصدقين قامت الدكتورة تدور .. ويوم حطته شوي تحت سمعت الدقات واقول في خاطري هذي المنتفخ اللي فوق شنو هههه مو المفروض البيبي يكون داخله والحين شوي شوي قاعدة تفتكين من الاشهر..وناسة بدشين السابع ومال تحليل السكر يعطون ابر؟؟ |
رد: ديوانية حوامل البحرين
هاي كروشات شخباركم ؟
اليوم رحت اول شي موعد الحمل في مستشفى البلاد وما سوو لي تلفزيون وقالوو حتى لو سوو ما يقولون شنو جنس البيبي طبعا خذوو ابوال وقالوو اوكي وزن وبعد اوكي وضغط ونفس الشي اوكي وعطوني حق سكر الشهر الجاي وحق تلفزيون تاريخ 21/9/2010 وموعد حوامل تاريخ 13/10/2010 طبعا خلصت من عندهم رحت مركز شفاء الجزيرة الطبي والا قالوو لي ما في الا دكتور يجيك جنس البيبي ما في دكتورة طبعا ما وافقت ورحت عياده الدكتورة منى الشرقي وقالت ليي جنس البيبي بنوته وماخذه وضعية السجود في نومتها يحليلها روز سول صح شعور حلوو انج تسمعين نبض البيبي انا سمعوني اياه اليوم مرتين في المركز وفي عياده منى الشرقي بس بصراحة معاملتها وااااااااايد حلوة وارتحت لها وكله تمزح |
رد: ديوانية حوامل البحرين
هلااا فيكم مرة ثانية .. زوجي توه مسافر .. بيغيب عشرة ايام واني جيت بيت ابوي كالعادة.. حده متحمس يعرف جنس البيبي ويقوول ليي روحي جيكي يمكن يبين واني متخايبة لان ابي احد يوديني .. سمعت عن دكتورة فهيمة المطووع عندها اجهزة حديثة ومن بداية الشهر الرابع ممكن تقول ليي اذا بنت او ولد .. احد راح جرب عندها ؟؟ شكلي بروح لها لان مابي انطر اسبوعين ..
|
رد: ديوانية حوامل البحرين
الفتاة الذهبية اوووه طلعت يعني بنوتة يا حليلها يهبلون البنوتاتhwaml02 وفي وضعية السجود..هههه .. هاي تتدرب من الحين شلون تصلي |
رد: ديوانية حوامل البحرين
هلا بنوتة حلوة ههه ماشاء الله عليكم كل مرة وحدة تقول زوجها بيسافر عنها..تصدقون انا بعد بيسافر عني بس نهاية 9 او 10 وانا ماعرف اروح المستشفى الا معاه ريلي بريله هههه ماعرف احد غيره بالنسبة لدكتورة فهيمة سمعت عنها يقولون شاطرة..ودام انتي بالشهر الرابع احتمال كبير يبين معاج |
رد: ديوانية حوامل البحرين
سلااااااااااااااااااام عليكم حوامل البحرين وحشتوني وهلا بالحوامل الجدد تحية مني لكم
خلص العيد عندي اليوم ههههههههههههههههه شخباركم وشخبار الحمل معاكم عن اخباري البنوته صايرة تتحرك حركات قويه تضايقني ولدي الصغير يحط يده على بطني ويفرح ويقول ماما هذة تضرب لانها تبغي تطلع لان بطنش صغير وهي تبغي تتحرك ههههههههه صرت امشي مثل البطة حتى الدرج في البيت ما اركب بسرعة اول وحده تركب الدرج ولكن اخر وحده توصل للطابق الثاني يوم السبت عندي موعد في الخاص بعد ما اطمئن ان بنتي بخير برد اسئلها عن جنس البيبي زيادة تأكيد لان في المركز الصحي لما عرفت الدكتورة اني اتابع في الخاص وشافت الملف قالت ماشاء الله مسوية شغل عدل ما يحتاج نسوي لك تلفزيون وخصوصا انش تتابعين في الخاص وبصراحة انه بعد خفت تسوي لي لان موعدي يصير مباشرة بعد موعدي في الخاص يعني يوم السبت في الخاص والأحد في المركز الصحي |
رد: ديوانية حوامل البحرين
روز سول
اي تتدرب هههههههههههههههه اقولج فشلتني الدكتورة تقول ترفس ما تبينا نجيك ههههههههههههه بنوتة الله يرجعه لج بالسلامة انا بنت عم امي جيكت عند فهيمة وقالت وايد زينة |
رد: ديوانية حوامل البحرين
هلا والله شمس احنا تمام انتي شلونج
|
| الساعة الآن 07:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .