|
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
ياهلا وغلا فيك حبيبتي أنا بخير جعلك بخير البيبي عامل فعايله في الدوخه خواته ابد ماتعبوني ماكنت اتوحم في الحملين الي قبل وهدا الحمل من البدايه ياربي .... هههههههه ايه صحيح كأنه من عندهم وأنا مدري والله هم ويش بيسووون بكل صدق انا ماكلمتهم بس شفت البنات ايقولوعنه بالصراحه فزعووووووووني وزوجي ايقولي وشو يعني 17 الف هم مجانين ولحد الحين ماني عارفه وين اروح انا ودي الحين اروح حتى لوكان مستشفى عادي على شان اطمئن على البيبي وبعدين تتسهل بس ابد مابعرف عيادات او دكتورات زينه اهئ اهئ ولادتي إن شاء الله بتكون في شهر صفر والله يسهل علينا جميعاً أنتي بأي شهر الله يسهل لك؟؟؟؟؟ |
رد: دردشة حوامل أهل الرياض - دردشة بنات الرياض - تجمع حوامل الرياض
والله ياقلبي انا بالشهر الثامن ...
شوفي انا دكتورتي الحين بتسافر بس على مااظن بترجع قبل ماتولدين يقولون إن ولادتها القيصريه تجنن وخياطتها حلوه والولاده القيصريه 5500 اقولك إن نويتي عليها بعطيك الرقم تكلميها وتتفاهمين معاها وتابعي بأي مستوصف قريب عليك للإطمئنان ... وبعدها ولدي عندها هاااا وش رأيك |
رد: دردشة حوامل أهل الرياض - دردشة بنات الرياض - تجمع حوامل الرياض
صباح الخير
هههههههههه ضحكتيني ام الاسمر والله يعينا عليهم جوا وبرا |
رد: دردشة حوامل أهل الرياض - دردشة بنات الرياض - تجمع حوامل الرياض
مساء الخير حبيباتي
مره مشتاقه لكم الله يذكر ايام اول بلخير اقعد ومعي كرشتي عند التجمع ههههههههه والحين من اتحرك الا صوت بنتي سابقني تصيح تهئ تهئ بنات صح انا هذا الطفل الثالث الا اني اذا تذكرت الولاده ابكي من ولدت لليوم سبحان الله يا صبرنا ويا صبر ظهورنا الحمد الله اموري تماااام بس بنات بسائلكم انا بنتي عمرها الحين 26 يوم تتمغص مدري وش فيها ويحمر وجها حتى وهي نايمه لدرجه تزحف وهي تتمغص من الفراش تضنون فيها مهاس ولى اذنيها توجعها مدري وش يوجع بنتي ما اشوف شي واضح قدام عيني بس مره يوجعني قلبي اذا شفتها كذا قالو لي ادهنيها قبل النوم بزيت زيتون ايه نسيت اقولكم انها تكح مسكينه وكانت مزكمه واعطاني الدكتور قطره ملح وتحسن التنفس بس شكله نزل على صدرها يعني زكامها ما طلع مع خشمها صرت احس صدرها يخرفش وصارت تكح وتستفرغ احيانا واحيانا احس فيها شوي حراره عشان كذا متردده ادهنها بزيت زيتون لا تقولون مستشفى انا ما ابي اعطي بنتي علاجات توها صغيره وقالو لي نيلي ملابسها يمكن الماغص من المهاس ومدري انتم وش تنصحوني ام ركوني لبى قلبك لبى كلك لبى حياتك جعلني فدووه لك يا الغاليه انا تمام ربي يسعدك ويخليك ويحقق امانيك يارب سلامي لكل بنات التجمع وكل وحده بوسه والف سلام ربي لا يحرمني منكم |
رد: دردشة حوامل أهل الرياض - دردشة بنات الرياض - تجمع حوامل الرياض
ام جنى اضحك الله سنك دايم ..الله يسعدك
كادي ...هلا شلونك ..معليش تمر الأيام وتنسين ..وتعيدها وتحملين وترجعين كروشه ...إن شاء الله وانت بخير وصحه طيبه ياقلبي الظاهر نزل يلي في خشمها على حلقها وسوالها إلتهابات وبلغم يضايقها في التنفس لما تنام ارفعيلها راسها ..انتبهي مدام في حراره وبتطرش الإلتهاب والبلغم حاشرها ..اعطيها ادول خافض حراره ومسكن ..لازم تجبيلها مذيب للبلغم ماهو طارد للبلغم لأنها ماتعرف تطلعه انا احترم عدم رغبتك بالعلاجات بس لازم تحلين المشكله عشان ماتنزل على صدرها لا سمح الله ويكبر الموضوع ...وتخافين عليها بالليل وهي نايمه لازم يشوفها دكتور ..واديها جرعه صغيره مره الله يسعدك ابعديها عن المكيفات مسكينه يدخلها البرد من خشمها ابعدي اي احد فيه زكمه ويكح عنها حتى لو زعل عليك مناعتها ياقلبي صفر ..والحين الأجواء ما اقولك كلن مريض الله يحفظلك ايها من كل شر ..ويشافيها ..إن تشافت إن شاء الله طمنينا عنها لاتغيبين |
رد: دردشة حوامل أهل الرياض - دردشة بنات الرياض - تجمع حوامل الرياض
اهلين كادي حبيبتي الف مبروك البنوتة
وانا مع ام الاسمر لازم يشوفها دكتور واكيد بيعطيها دوا على قد عمرها احسن لاسمح الله تزيد الحالة سوء واذا رافضة نهائي اعطيها يانسون يعني اغلي كوب مويه وحطي عليه م ص يانسون واعطيها منو 30 مل في الليل واغلي بابونج نفس الشي واعطيها اياه الصبح لماتكون صاحية عشان تطلع البلغم والله يشفيها |
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
الله يسهل لك يارب .....ياربي متى باكون اني في الثامن احسه بعيييييييييد بس انتي وين اتابعين الله يسعدك واكون ممنونه لك حبيبتي اعطيني الرقم سعره زين عادة القيصريه مواقل من 6000 ...ايه انا بعد فكرت كذه اني اتابع في مستوصف وبعدين الولاده تتسهل الله يحفظك |
رد: دردشة حوامل أهل الرياض - دردشة بنات الرياض - تجمع حوامل الرياض
اهلللين كادى مبروووك تقومى بالسلااامة ياعري الله يشفي بنتك يارب حرم امانة وديها المستشفى الله بحفظها للك يارب ويقر عينك بشفها يالكريم
بنات كيفك جميع الله يخليكم يارب |
رد: دردشة حوامل أهل الرياض - دردشة بنات الرياض - تجمع حوامل الرياض
ام الاسمر آآآآآآآآه هذي المشكله ننسى ونعيد سبحآن الله ما نقدر نعيش بدون اولاد الله يخليهم ويحفظهم ويرزق الجميع يااارب
وهو مثل ما قلتي شكله نزل لحلقها وقريت ردودكم بنآت وسجعتوني رحت لدكتور وعطآني ادول وعلاج اسمه آيفي ( خلاصه اورآق البلآب المجففه) مذيب طآرد للبلغم كذا مكتوب عليه ام الاسمر اللي عدى بنتي اولآدي منتهين من التعب وتخيلي مره انا عند اولآدي اداويهم ومره ارجع لبنتي الصغيره ادآويهآ والعدوى والله شكلهآ تحوس في بيتي مير امري لله ام جنى ربي يسعدك وصفتك بطبقهآ بآذن الله بعد كورس العلاج للمحآفظه بمآ انهآ اعشآب ربي يكرمك ويحقق امنيتك يارب ما قصرتي يا حبيبتي الله يهون عليك واذا عادي اطبق الوصفه مع كورس العلاج خبريني ابنتظرك ام ميمونه الله يبارك فيك يا قلبي وربي يسلمك ويسعدك ويخليك وتحت امرك وديتها لطبيب يا الغاليه يا لبى قلبك حسستيني انو حنا اكثر من خوات على خوفك على بنتي وبمشي على كلام الدكتور ويارب تخف وتتعافى الف شكر لكم كلكم ما قصرتو كفيتو ووفيتو جعل ايامكم كلها سعاده وهناء محبتكم للابد كآآدي |
رد: دردشة حوامل أهل الرياض - دردشة بنات الرياض - تجمع حوامل الرياض
ماشاء الله زين ماسويتي ...الحمد لله العلاج يلي وصفه لبنتك ممتاز مره
ومافي اي مشكله على الأطفال ..دايماً اجيبه لعيالي لما يتعبون الله يطمنك على عيالك جميع ويشافيهم ...مادام تعبوا مع بعض إن شاء الله بيتشافون مع بعض وبترتاحين لا عاد احد يمرض ولا كل شويه تنتشر العدوى ...لا تنسين نفسك عشان ما ترجع عليك وتنعدين ... عليك بفتامين c ... |
| الساعة الآن 06:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .