|
رد: تجمع حوامل ليبيا
كرسي ايوب بي 85 ولونه مناسب بنات وولاد ازرق واحمر
بنسبه لنعته المزبوطه ان شاء الله ناخدها من زوجي بتفصيل المملل ونعطيهالك لا كن المحل معروف بأذن لله غر يروح نقصقصه على مكانه بزبط .. وبصراحه المحل حلو واسعاره حلوة ومعضم حاجات ايوب منه ننصحك تمشيله مدامك قعده ماولتيش |
رد: تجمع حوامل ليبيا
خيرات يا صبايا وحشتني واجد واااااااااااااااااااااجد
ونجيكن ليا كلكن سألتن عليا وفقدتني وعارفة روحي غالية عليكن زي ماانتن غاليات علي انا جهازي كان خارب يفتح لكن نص المفاتيح خاربات والمدرسة بدت وتعب مانحكيلكمش ووووووووووووووه من التعب برة وجوة |
رد: تجمع حوامل ليبيا
ام اسيل نورتي التجمع
وربي يكون بعونك .. هدا حال الدنيا والله تعب في تعب الحمد لله على كل حآل. باقي الحلوات شكلهم راقداتhwaml02 |
رد: تجمع حوامل ليبيا
حبل الوصل عظم الله اجرك في بنت عمك ولسكنها الله فسيح جناته والله وجعتني اسم الله علي مينتها اكيدة محروقة عليها ربي يصبرها
عيووووووووووووووووووووووون مازلتي تكرركري ياوخيتي واجعتيني هلبة (واجد) ربي ينوضك بالسلامة ان شاء الله اليوم ترقدي من هن وتركب فيك اللية من هن مايجي الصبح الا وانتي وليدك احداك يارب ميرنا والله ليك وحشة معش بتجي لبنغازي ولا شنو هيا تعالي نرجا فيك |
رد: تجمع حوامل ليبيا
اهلين بأم ايوب كيف حالك وحال ايوب ماشاء عليه ربي يحفظه لكي وتشوفيه عريس والتجمع منور بوجودكم
والتعب ماعندنا وين نهربو منه غير نحصلو كلمة حلوة كله يهون لكن الرجالة يحسابو روحهم ملوك الارض يروح يبي كل شي تمام وانت تتعبي مش مشكلة هذا واجبك من قالك تشتغلي كان ماتبيش التعب اقعدي في الحوش تبي تضطري تسكتي لان الشغل يوفر في راحة مادية ويغنيك على مدة ايدك لراجلك انا كان ننبط معش نسكت |
رد: تجمع حوامل ليبيا
ام اسيل هلا وغلا والحمدلله على سلامتك وكيف حال الضابط وصغارك انشاءالله تمام
قلنا شكله الضابط هج من مصروف رمضان والعيد والمدرسه وخلاك تولولي بروحك ههههههههههههههههههههه الله غالب ادعيلي مازلت من الصبح ما حسيتش بحركة ومشيت بعد المغرب لدكتورة دارتلي تخطيط وجهاز وقالت النبض كويس والمية كويسه بس البيبي لحد الان راسه صح تحت بس مازال مانزلش للحوض مادرتش كشف لكن باين انه امسكر |
رد: تجمع حوامل ليبيا
الحمدلله اطمنتي على ايوب يا اية والحمدلله على سلامته
سارة كويسه اليوم بس البردة مازالت مأثرة شويه فيها مشيت انا وزوجي لزاويه الدهماني ولفين بالسيارة وما لقيتش وزوجي مايحبش يسئل زي الناس بالله اعطيني نعته جنبه معروفه باش ادلينا بالزبط |
رد: تجمع حوامل ليبيا
اليوم مشيت لين انهد حيلي ومافيش فايدة
خايفة يوم الاتنين يتعبوني بالصناعي وفي الاخير عمليه ادعولي انجيب طبيعي اماااااااااااااااااااااااااااانه اماااااااااااااااااااااااااااااااااااااانه امااااااااااااااااااااااااااااااااااااانه امااااااااااااااااااااااااااااااااااانه |
رد: تجمع حوامل ليبيا
عيون اكيد زوجك يعرف سيمفرو زاوية الدهماني على اليمين منه مجموعة محلات
حنين وغيرة وان شاء الله اكيد رح تلقي طلبك |
رد: تجمع حوامل ليبيا
ربي يشفي سرورة يارب
وتجيبي من غير وجاع صناعي يااااااااااارب ما تستحقيشي |
| الساعة الآن 09:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .