|
رد: ديوانية البحرين - دردشة حوامل البحرين - البحرينيات
اووه حروف سلامات حبيبتي خطاكم الشر الحمدلله على سلامتكم اشوفج مالج بيانه كلش في الديوانية يالله الحمدلله في الحديد ولا في العبيد واهم شي البيبيات مافيهم شي ، حاولي المغرب تقرين على روحج المعوذات وعلى بطنج يمكن صايدتكم عين او شي لاسمح الله بس ارقي روحج بكلام الله
|
رد: ديوانية البحرين - دردشة حوامل البحرين - البحرينيات
خطاااااااكم اللاش خيوتي ،، الله يسلمش الحمد الله على كل حااال ..
اي والله يا خيو من حملت وانا مو مترقعة كل مره شي الكل يقول أكيد عين ما صلت على النبي وإن شاء الله اسوي بنصيحتش تسلمين لي :) ،، المشكله يوم الحادث كنت رايحة موعدي ومطمنه على البيبيات وصادفت وحده ما ادري ليش من اشوفها اتشائم صليت على النبي لما شفتها ووقفت معااي وتسألني ليش جايه وجم ليش وليش بطنش كبيرة ما فكتني وبس طلعنا من المستشفى قريب من وصل البيت يصيدنا الحادث والله يا وخيتي ذكرتيني قبل الحادث بدقايق بالضبط كنت اكلم زوجي عنها ومره وحده صادنا الحادث سبحان الله .. |
رد: ديوانية البحرين - دردشة حوامل البحرين - البحرينيات
بل اكيد عينها حاره هذي ، يبي لج تاخذين شي من وراها اذا من النوع الي تزوركم في البيت حطي لها تمر او شي وملة ماي عشان تغسل يدها واخذي الماي وزيديه وتمسحي فيه عن عيونها والله هالناس ماتخلي احد في حاله ولاتنسين تطلعين صدقة عن يوم الحادث والحمدلله على سلامتكم
|
رد: ديوانية البحرين - دردشة حوامل البحرين - البحرينيات
صباااح الخيررر
مشكوورين بنات ،، الله يسلمكم ويحفظكم والله يسهل على الجميع وكل وحدة تفررح بضناها سليم معافى فتوت ،، ثنكيووو على سؤالج ،، وانا هل جم يوم مابي ارد بيتنا لوو على كيفي ابي ارقد في بيت ابوي مع اختي وولدها hwaml02 حرووف،، في نفس اليوم الي ولدت اختي كانت هناك وحدة بتولد وفيها توأم كنت اقول في خاطري ان شاء الله مب انتي ،، والحمدلله على سلامتكم واهم شي البيبيات ما صادهم شي ،، والله يحفظكم من كل عيين ما تصلي على النبي ويحفظ جمييع المؤمنين والمؤمنااات بنت الاياويد،، بسج من هل وسواس ان شاء الله بتولدين في التاسع،، بس هالفترة ريحي روحج ولا توقفين وايد وتركي عنج السياااقة لي الله يسرهاا لج وتولدين بسألكم بنات ،، الشباصة الي يحطونها في سر البيبي عقب الولادة المفروض يوم الرخصة في المستشفى الممرضة تشيلها صح؟؟ hwaml5 يعني ما نرجع ويا البيبي البيت وفي سره الشباصة ؟ |
رد: ديوانية البحرين - دردشة حوامل البحرين - البحرينيات
هههههههههههههههه هلا فلونة الحمدلله على سلامة اختج والفال لنا ياربي ، السياقة ماقدر اتركها عني لاني لازم انا اسوق مافي احد بوديني واييبني الله كريم، شخبار الطبخ ماشوف احد سولف لنا عن الطباخ؟
|
رد: ديوانية البحرين - دردشة حوامل البحرين - البحرينيات
افا عليج انا ماعندي شي اوديج واييبج بس جم تعطيني hwaml02
اتصدقين صار لي خمس دقايق مجابلة الفريزر مادري شنو اطبخ وفي النهاية قررت اطبخ دياي يمكن احطه في الفرن اسرع وما اتغربل بالمواعين عقب الطبااااخ،، الصبح مسوية ريووقي بلاليط وبس انا الي تريقت ريلي يازعم يبي يخفف هالجم يوم مايبي عيش ولا خبز ولاا اشياء مقلية |
رد: ديوانية البحرين - دردشة حوامل البحرين - البحرينيات
يحليلاته يسوي ريجيم ، حلوة انتي بروحج يبي لج تريحين روحج حالج من حالي بثقلنا ههههههههههه ، بس سوي دياي في الفرن اسرع لج ، عاد الحين حلو بيت ابوج صاير لان في بيبي اهناك وناسة فديتهم اليهال ، فلونة ماقط جفتي شباصة مالت الشعر عليها رازجي صناعي؟عيزت ادور يمكن شفتوا في مكان بالغلط؟
|
رد: ديوانية البحرين - دردشة حوامل البحرين - البحرينيات
تدرين انا سويت التراسوند وقالو لي البيبي نازل وبس للحين
ما سويت مرة ثانية ،، ان شاء الله احين صار وضعه طبيعي لا والله حبيبتي ماقط جفتهم واذا طلعت اي مكان باشغل دوربين يمكن اجوف لج في اي محل hwaml02 انزين شباصة مالت سر البيبي محد عنده خبره اذا تنشال او لا hwaml5 |
رد: ديوانية البحرين - دردشة حوامل البحرين - البحرينيات
ماعتقد تنشال وانتوا في البيت تداوونه لين يطيح تحطون عليه زيت الزيتون ومادري شنو لين يلين ويطيح بروحه ، بل اكره شي انا ماتحمل اشوف شكله يعورني قلبي
|
رد: ديوانية البحرين - دردشة حوامل البحرين - البحرينيات
انا يتراولي المفروض تنشال بس ولد اختي ما شالوها
وقلت لها خل يروحون يتأكدون،، انا استأذن احين بابتدي في غداااي نجوفكم بعديين |
| الساعة الآن 11:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .