المشاركة الأصلية كتبت بواسطة reetal (المشاركة 3445732)

كيفكن صباااايا احلى امهات وامهات المستقبل اشتقتلكم.. متحمممسه احكيلكم شو صار معي.... من شوي كتبت رد طووويل وراح للاسف يلا رح ارجع اعيده هههههههه
اممم اول الشي شفتو كان معي الم متل الطلق بس اخف ومحتمل وانا سمعت كلامكم ورحت الدكتوره للاسف طلع بسبب دخول البيبي الحوض كان عم يعمل تووسع ومشان هيك صار الم بيشبه الدوره والتحجر بسبب استعداد الرحم للولاده.. . وقالتلي الدكتوره من علامات نزول البيبي للحوض الام بتشبه الدوره ودوخه واستفراغ وضغط البيبي عالعانه... وقالتلي اميز الم الطلق انو غير محتمل والطلق مابخبي حالو بيبين انو طلق... وكمان ياحلوين قالتلي وزن البيبي 2 كيلو و 900 غرام وانا بالاسبوع 38 قالتلي لازم اكل... وكمان هاتو البشاره حابه افرحكم واطمنكم ياحلوين.. عملت كشف داخلي للرحم رح احكيلكم تجربتي طبعاا انا الخوااافه تشنجت ودمعو عيوني وقلت لامي بدي اولد عمليه هاد الكشف ومرعوبه وحاسه انو رح يغمى علي كيف الولاده المهم اجت الدكتوره لبست قفاز بلاستيكي وقالتلي استرخي وانا متشنجه واقول لحظه لحظه المهم ما احس الا دخل. اصبعين وقاست الرحم لو فاتح او لا وماتوجعت ابداااااااااااااا ترا الجماع مؤلم اكتر والله وانا عم احكي هيك مو مشان اطمنكم هي الصراحه المهم مو متل ماتوقعت عاادي حتى اسهل من المسحه او العينه والله لانو بأيدها مو بحديده متل المسحه.. . المهم قالتلي الرحم لسه مو فاتح مسكر وراس البيبي نازل ولمسته يعني ممكن بأي وقت اولد المهم ازيد مشي وجماع وبأذن الله تجي الولاده وقالتلي مثل عجبني.. قالتلي التمره لما تستوي لحالها تقع. . ولاتفكري بالولاده البيبي لما يجهز لحالو رح ينزل بدون تدخل وخلطات ومدري ايش
طولت عليكم بس متحمسه وشفت سؤالكم عني الله يجزيكم الخير يااارب يااارب اسألك بأسمك الاعظم انو تقوم كل وحده فيكم بالسلامه ومن بداية التاسع يااارب
بحبكم واي سؤال انا جااهزه