|
رد: تجمع حوامل ليبيا
سورينام حبوبتنا واعيونا استاحشتك........
لازم تخشي كل يوم باش نطمن فراس كان شكله زي سرورة خلاص حلو وايهبل من غير ما نشوفه ونقولك حاجة عييت من الانتظار تعالي انتي وميرنا وابركوا مش مقايلة لا ربي يخليهم الزوز وتشوفيهم زي ما تبيهم يارب انا امي ما نقدرش نعطيها بنتي لانها تعاني في عيلة زوز عزارة وبوي وزوز كناين يتوحموا مرضى تجري بيهم من عيادة لعيادة واطيبلهم تقولوا بناتها مش كناينها وعزوزتي كبيرة هلبة ومريضة وماعنديش حموات صبايا يعني لازم سارة تتعود على خوها باش تريحني |
رد: تجمع حوامل ليبيا
خيرني من دون النسون يا سورينااااام موعدي وفات لا وجع ولا بادرة امل انه ولادة اصلا تعبت طبقت كل النصايح قرفه وجماع ومشي ورطب وكثرة حركة في الحوش وحمام دافي ظهري انهد بلا فايدة
غدوة موعدي في العيادة ونشوف الدكتورة شن تقول لو قالت وجع صناعي رح نتوكل على ربي وخلاص والامر لله من قبل ومن بعد والحمدلله حمدا كثيرا طيبا مباركا فيه............. |
رد: تجمع حوامل ليبيا
واخيرا نزلت صورة سارة وهي متنكرة بشكل قطة
هادي في سوق الثلات في واحد يرسم في وجه الاطفال ورسم وجه القطة لسارة |
رد: تجمع حوامل ليبيا
تصبحون على خير
وانا اصبح بأذن الله على ولادة سهلة ميسرة بأذن الله............................ |
رد: تجمع حوامل ليبيا
تبااارك الرحمن على سرورتك يا عيون والله ماشا الله عليها ربي يحفظها .. تعرفي تبان اصغر من بنتي رغم انهم تقريبا انداد .. سرورتي 3-5-2009
ووجه القطة زايد محليها السنفورة .. في شبه تاني بيناتنا (بنتي وبنتك صلوعاااااااات) |
رد: تجمع حوامل ليبيا
والله يا عيون لا تقولي من دون النسون ولا شي الحمد لله على كل حال .. وبعدين فيه نسبة كبيرة يفوت معدهم وما يجيبوش فيه .. لان الولادة زي الحمل كلها تساخير من عند ربي وساعة نزول وليدك مازال ما اذنش بيها المولى ..عندي صاحبتي فات موعدها 13 يوم وفي الاخير حددولها موعد بيعطوها وجع صناعي جابت طبيعي قبل ما توصل فيه وكنة خالي جابت بعدي وهيا موعدها قبلي تخيلي فات موعدها ب 19 يوم وما سمعتش كلام الدكتورة اللي عاطيتها موعد وجع صناعي وقالت لا تو نجيب طبيعي في الأخير نقص نبض البيبي واضطرو للعملية بعيد عنك باش جابت وليدها
|
رد: تجمع حوامل ليبيا
ياآيه يا حبيبتي انتي مفهمتنيش اني نبي نعطي للبيبي الشيشه مع الرضاعه الطبيعه قصدي كاعامل مساعد فقط يعني عند الضروره زي عرس ولا لمه ولا اي طلعه باهي معقوله كل طلعه نقعد نخمم كيف بنديرلا ففكرت نعطي الشيشه مش نبطل الرضاعه الطبيعيه نهائي لالا بالعكس اني اكثر انسانه مقتنعة بيها بدليل اني رضعت بنتي عامين لكن والله شردتني ومتعلقة بيا هلبه ولازم نرفعها معاي لاي مكان وانتي عارفه الباقي وشكرا علي النصيحه ..
|
رد: تجمع حوامل ليبيا
ربي يخلي اميمتك ليكم ولعويلتها ولكناينها .. والله النساوين اللي يعانو في كناينهم هكي قلال وانشا الله غير الكناين باهيات معاها
وربي يقويك انتي ينوضك بالسلامة لعويلتك .. لازماتك طاقة كبيرة ياعيون باش تقدري تعاني زوز صغار وراجل اساليني اني .. معاش لاقية وقت نحط حاجة في بطني وما ناكل الا لما يرقدو سلامتهم |
رد: تجمع حوامل ليبيا
تصبحو على خييييييييييييير .. وما فيش خير من صبح نسمعو فيه بعيون جابت آآآآآآآآآآآآآآآآآآآآمييييييييييييييييييييييييييين
|
رد: تجمع حوامل ليبيا
وانتي من أهل الخير يا سورينام وانشالله ربي يسهل علي عيون وتجيب وترتاح يا رب
|
| الساعة الآن 11:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .