منتديات حوامل النسائية

منتديات حوامل النسائية (https://naqatube.com/index.php)
-   إستفسارات مرحلة الولادة (https://naqatube.com/forumdisplay.php?f=96)
-   -   .·¤ تجمع الحوامل اللي ولادتهم في محرم¤·. (https://naqatube.com/showthread.php?t=102533)

دلع الأحساء 06-24-2012 07:54 AM

رد: .·¤ تجمع الحوامل اللي ولادتهم في محرم¤·.
 
صبحك الله بنور رنده

Marawy 06-24-2012 08:20 AM

رد: .·¤ تجمع الحوامل اللي ولادتهم في محرم¤·.
 
صباح النور ،،

أعز الناس ،، ربي يبارك فيج حبيبتي ،، هههههه لا ما اتخيل نفسي ارقص بالدبه ،،
فديتج هذا واجبي ،، ما اعرف اقرا شي في التجمع وما ارد عليه ،، بالنسبه للاسنان ،، ما سوا لي شي ،، اساسا كلم زوجي الدكتور قبل لا نروح وخبره ان مافي داعي تجيبها دامها حامل !! وقال خلها تاكل حبة بندول وحده بس كل اربع ساعات ،، جربي سنسوداين للاسنان الحساسه ،، احس نفعني الحمدلله ،، و زوجة اخوي مغربيه عطتني طريقه وهي انج تاخذين المسمار (ما اعرف اسمه شنو ) ههههه وتخلينه في ماي وتحطينه على النار ،، بعدها تاخذين الماي ماله وتسوين مضمضه فيه ،، ماجربتها بس تقول وايد تنفع ،، ونفعتها في حملها الاول ،،
ماعليج شر يالغاليه واجر وعافيه ان شاء الله ،،

اعز ديري بالج ،، ارتاحي ،، خلي الحركه والقومه والقعده لما تدخلين السادس ،، انا نفسج ،، احس نفسي مصختها ،، اوقات من التعب ووقفتي في الحر احس يصيدني هبوط او غثيان ،، الله يستر ،، لو زوجي درا كان ذبحني هههههه

اما سالفة الحلبه هذي غير شكل هههههههه ! اعقلي يابنت الناس ،، وستري على نفسج ،، هههههههههه ،، بس زين ترد عليج امج ،، وهي صادقه بعد 4 شهور بتسوي لج ،،

بسم الله على رجلج ،، ارتاحي ،، هههههه واتركي عنج التنكس ،، الله يستر بعرس اخوي وش بسوي ! من الحين اقول لهم احس مالي خاطر اروح واسوي شعري ومكياج واقعد طول الوقت ،، ان غفلتوا عني بنام تحت الطاوله ههههه


انا المستحيل ،، مشكورة يالغاليه تسلمين فديتج

العنود ،، فديتج ويجبر بخاطرج وخاطر كل وحده بالتجمع ،، ربي يجعل صباحج نور ،،
كلنا موسوسين يالغاليه ،، انا اوقات احس نفسي ابالغ ،، بس لما افكر اقول فعلا هذا شي مب سهل ولازم ما اتهاون فيه ،، وغلطه وحده ممكن تضيع تعبنا هذا كله ،، والله راح يقدم اللي فيه الخير ،، والرطب مافي منه مضره بس لا تكثرين اكلي باعتدال عن خاطرج ،، بس هو عامة يقولوا ما يضر ،،

دلع ،، لا لا تحملي ،! تراه مفيد وممكن ينزل دمج لو ما اكلتيه ،، حاولي تشربين ماي كثير وراه عشان ماتحسين بطعمه ،،او مثل ماقالت لج العنود ،، اكليها بعد وجبه دسمه،، مسكين زوجج هههههه بس معذوره معذوره الحامل ماعليها حرج ههههه ،،
احنا باليوم تتغير نفسيتنا مليون مره ،، شلون لين عقب كم يوم هههههه ابشري يا اختي منتي برايحه السوق ،،

ام اسكندر ،، انا حملي صاير متأخر على كلام الدكتورة ،، يعني على حساب الدورة انا الحين المفروض 20 اسبوع ،. بس على السونار اكون 17 اسبوع داخله على ال 18 ،، الله يستر مب عارفه امشي على اي تاريخ ،،
اما مسج ولادتج عن جد تحفه ههههه ،، لكن هذا دليل على تعبج وان مالج خاطر تكتبين شعر هههههههه ان شاء الله حزة ولادتي ما انسى الموضوع اللي خليتيه ،، ومشكورة على الرابط ،،


رند ،، صباحج ورد يالغاليه ،، شخبارج ؟ وشخبار البيبي ؟

دلع الأحساء 06-24-2012 08:28 AM

رد: .·¤ تجمع الحوامل اللي ولادتهم في محرم¤·.
 
ولكمووو حبيبتي مراوي


شوفو ام ليان وش كاتبه عن التجمع والله موتتني ضحك

http://forum.hwaml.com/t144534.html

Marawy 06-24-2012 08:46 AM

رد: .·¤ تجمع الحوامل اللي ولادتهم في محرم¤·.
 
دلع ،، فعلا ردج عليها كان مقنع ،،. وبصراحه استغرب من ناس تفكر نفسها !! كيف الواحد يفرح بالموت !! هذا موت !! يعني كلنا رايحين على نفس الدرب إذا مو اليوم بكره !!!

الله يهديها بس ،، واحس نزلت من عيني لما بدت تدعي على البنات ان الله يرويهم في اجنتهم !! طيب ليش !!؟ هم وش قالوا !! مجرد عطوها رايهم لا غير !! وهي اساسا موضوعها حساس والمفروض ماتقوله لأي احد لو من كان ،، بس احس مثل ما قلتي انها تبي تسوي فتنه بين البنات بالمنتدى ،، والا مثل هالمواضيع المفروض ما تنطرح ،، وكلنا ندري ونعرف ان المنتدى فيه من كل الاجناس ! وفيه من كل الديانات والمذاهب لكن بعد نتساعد ونتعاون ونحب بعض وصارت بيننا عشره ،،

انا بحرينيه وشفت اللي صار بالبحرين وعشته لحظه بلحظه ،، وكنت بالجامعه يوم صار الهجوم عليها ،، لكن لحد اليوم ،، ما افكر اني ما ابتسم في وجه شيعي بحريني و هذا شي تلقائي ،، ربي يهدي النفوس وكل ظالم راح ياخذ جزاه ،، إذا مب اليوم بكره ،،

الله يعوضها خير ،، ويبعد الشر عن كل وحده بتجمعنا ،،

دلع الأحساء 06-24-2012 09:01 AM

رد: .·¤ تجمع الحوامل اللي ولادتهم في محرم¤·.
 
اي بصراحه نرفزتني بقض النظر عن انها تدافع عن الشيعه

بس ماله داعي الموضوع من اساسو

يعني انا عندي كل واحد وشخصه ونفسة وتربيته في بيته واخلاقة مو مذهبه


الله يهديها تدعي على اجنة البنات الي ردو عليها

Marawy 06-24-2012 09:07 AM

رد: .·¤ تجمع الحوامل اللي ولادتهم في محرم¤·.
 
اي والله. صدقتي يا دلع ،،

دلع الأحساء 06-24-2012 09:10 AM

رد: .·¤ تجمع الحوامل اللي ولادتهم في محرم¤·.
 
المهم ماعلينا بيها

شخبارك وشخبار التقضي لعرس اخوك

احس اصعب شي تواجهينه الفستان لان الحين مش باين لا انك حامل ولا انك مو حامل بين الأثنين ههه

ويطلع الكرش مع الفساتين مب حلوو

شسويتي كيف دبرتي عمرك؟؟


انا زواج اختي في العيد وراح اكون في نهاية السادس بإذن الله يعني بشوف شي يناسب حوامل

ام رتيل 06-24-2012 09:41 AM

رد: .·¤ تجمع الحوامل اللي ولادتهم في محرم¤·.
 
السلام عليكم بنات
دلع الاحساء اعجبني ردك ودخلت ادور عليك ووووين ههههههه
كنت بسألك انت اخت القمر صح ؟.....
قولي لنا وينها الغاطسه مانشوفها ...وايش اخبارها ان شاءالله حامل هههههه

Marawy 06-24-2012 09:43 AM

رد: .·¤ تجمع الحوامل اللي ولادتهم في محرم¤·.
 
دلع ،، اي والله هذا اصعب شي ،، اخذت فستان واسع وناعم لونه وردي فاتح على بطيخي ،، بس خوفي يصير ضيق لين الاسبوع الجاي ،، ههههه احس نفسي تغيرت

حتى مشيتي صارت غير ،، سبحان الله ،، بالاول كنت لما اشوف وحده حامل اقول انها تبالغ ،، اشدعوه ماتقدر تمشي !! والا تمشي وايدها على ظهرها !! الحين صرت اعذرها الصراحه ،،

الحين اللي شاغل بالي شلون بقعد بالصالون عشان المكياج والشعر ،، وانا من حملت صايره ما اقدر اصبر على شي كلش ،، اتملل بسرعه من الانتظار ،، غير انني لازم اقوم واتحرك من مكاني كثير بالعرس ،، الله يستر ،، شكلي كل ساعه بروح اتمدد شوي على كرسي العرسان هههههههههه ،، الله يعين بس ،،

الثلاثاء عندي موعد الله يطمن قلبي يارب ،، صايره كثير احاتي وافكر من بعد سالفة رياليتي ،، الله يعوضها خير ،،

انتي شخبارج ؟ وشلون حركة البيبي ؟ زادت والا للحينها خفيفه نفسي ؟
اوقات اشك ان اللي احس به مو حركة ههههه والله جنني هالحمل ،،

دلع الأحساء 06-24-2012 09:45 AM

رد: .·¤ تجمع الحوامل اللي ولادتهم في محرم¤·.
 
بنات وش رايكم بهالفكره وخأصه البكرية هون
بيما انو انا احب التصوير حيييل وعندي صور.ياكثرها من انا ملود ليين الحين
وعندي ثلاث البومات كبار معبيين صور لكل مرحله بحياتي
وانا افرفر في قوقل شفت بعض الاجانب مصورين نفسهم وهم حوامل بدون الفيس
بس بطن لكل.شهر تمر فيه
عاد.انا تو.تجي على بالي هالفكره وانا في الرابع
والي عاجبني انو من غير وجه لان ادري الحين حمل وحالتنا حاله هههه والكشه قايمه
عاد من اشوي امسك الجوال واقابل المرايا واصور بطني على جنب وكتب عند الصوره الشهر الرابع
وحاولت امثل الشهر الثالث ودعست بطني وشفطت الكرش وسويت شهر ثالث ههه
ودي في شهر اول وثاني بس خلاص ماترضى تدخل الكرش اكثر ههه
بس في فرق في البطن حسيت انه كبر بين الشهر لرابع والثالث
وعاد جوالي من غير شريحه وبس في البيت مرمي وبعدين بنزل الصور في فلاش لما اوصل لتاسع بأذن الله وبوديها الاستديو وبطبعها
وبحطها في البوم البيبي المستقبلي
اش رايكم؟؟


الساعة الآن 09:58 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .