|
رد: الغاليات بنات فلسطين اتفضلو هون.....
لالالا عاشت الأسامي
ناعم والله .. مممم إنتي ونصيبك والله اذا لقيتك راح جيبلك نفس مقاس بنتي xl |
رد: الغاليات بنات فلسطين اتفضلو هون.....
في الوقت الحالي مو قادرين
لأنه لهلأ بسدد بفلوس الزواج وإن شاء الله على السنة الجديدة بنكون خلصنا واحتمال كبير نطلع نتأجر |
رد: الغاليات بنات فلسطين اتفضلو هون.....
وبعدين راتب زوجي 1400 شيكل يادووب يكفو ديون ومصروف وبيعطي أهله كمان
وآل شوو حماتي متمسكة فية بدهاش أطلع من عندها بس أنا مصممة بدي أطلع |
رد: الغاليات بنات فلسطين اتفضلو هون.....
شكلو حماتك صعبه شوي ...
|
رد: الغاليات بنات فلسطين اتفضلو هون.....
لالالالا مو صعبة
بس هية لقت مين يشتغل عنها ويريحها أكيد بدها تتمسك فية بس أنا والله تعبت بجد صرت أكره اشي اسمه شغل بيت من كتر ما بشتغل |
رد: الغاليات بنات فلسطين اتفضلو هون.....
عارفة خطيبة سلفي أبوها خلى سلفي يمضي على ورقة وعند محامي على أساس ما تسكن مع العيلة
ويسكنها بشقة لحالها ... شفتي لوييييين الناس |
رد: الغاليات بنات فلسطين اتفضلو هون.....
بعين الله ... كمان شغل بيت مع اطفال صعبه
انا خالتي بتكون ام زوجي كلهم شباب بالبيت انا بساعدها بالشغل بس بالطبخ والعجين ما بتحب حدا يساعدها لانه بتحب تعمل شغلتها لحالها ...وكمان لانه اولادي بغلبو شوي بتصير تحكيلي اعمل شغلي لحالي احسن من دوشتهم هههههه |
رد: الغاليات بنات فلسطين اتفضلو هون.....
معقوووووول ليش طيب من اولها محامي وضمانات خخخخ
|
رد: الغاليات بنات فلسطين اتفضلو هون.....
ههههههههههه مريحة راسها
والله أنا حماتي بحس فيها شوية لؤم مابعرف ليش يعني عمتي صغيرة بالعمرة وقادرة تعمل وتشتغل كان عندها بنت ما كانت تخليها تعمل شغلة بالبيت كانت مريحاها ع الآخر ولما إجيت أنا صرت أحس حالي خدامة بجد انقهرت وهلأ لما صار عندي بنت عندها أخلص الشغل بعدين اشوف البنت وساعات بكون بجلي البنت بتعيط بتروح بتسكتها غصب عشان أكمل جلي وما أشطرها تاكل وتحط الصينية ع المجلى وتطلع طيب ياااربي ليش هيك بجد ساعات بكون بدي أنجلط وبتم ساكتة |
رد: الغاليات بنات فلسطين اتفضلو هون.....
والله أبوها بفهم ههههههههههههههه
بس يلا أبوي بقول بناتي بنات عيشة بيرضن بكل اشي وهو فعلا |
رد: الغاليات بنات فلسطين اتفضلو هون.....
بتعرفي جربي تخلي زوجك يساعد معك بالبيت حتى لوشغلات بسيطه ....
|
رد: الغاليات بنات فلسطين اتفضلو هون.....
ممممم حماكي بشتغل ؟ أو حماتك ؟؟
مممم أنا دار حماي بعد ما يجوزوا سلفي بدهم يبنوا لأنه إلهم قطعة أرض بس بدهم يبنوا طابق إلهم واللي بدو يبني يدفع لشقته ولكل اشي يعني البنى علينا احنا فأنا بدي أختصر مابدي أبني عندهم قلت إن شاء الله اذا صار نصيب واشتغلت راح أشتري قطعة أرض وأبني فيها أريح لراسي صح ولا لآ |
رد: الغاليات بنات فلسطين اتفضلو هون.....
طبعاااا اريح تبنو لوحدكم
لا مابشتغلو بس كانو عايشين بره |
رد: الغاليات بنات فلسطين اتفضلو هون.....
طول وأنا بالعيلة مستحيل أخلي زوجي يساعدني
لأنه هاد الشي منتقد وانتي مابتعرفي شو بصيروا يحكوا محكوم وما بعرف شوووو حرام هو برتب معي غرفتنا بيفرش شرشف التخت برتب الحرام اللي بنتغطى فيه وبطويه وبضبه بالخزانة بيعمل معي شغل غرفتنا وبس |
رد: الغاليات بنات فلسطين اتفضلو هون.....
إنتي من أي بلد ؟؟
صحيح ليش ماتحطي صور لأولادك ؟ |
رد: الغاليات بنات فلسطين اتفضلو هون.....
انا والله مع انه عملولنا كل شي
بس كنت حابه نعملو من تعبنا وبجهدنا .... اسلوب حماتك هاد من الاساليب الحموات يلي مابحبو بس شو بدو الواحد يعمل بدو يتحمل وكله اجر وثواب ما بتخاف بنتها يصير فيها هيك |
رد: الغاليات بنات فلسطين اتفضلو هون.....
زوجي مابقبل احطلهم صور
هو صعب شوي في هيك امور خخخخخخ اذا قبل حطيتهم ان شاء الله ... |
رد: الغاليات بنات فلسطين اتفضلو هون.....
ههههههههههههههه الحكي اخدنااااا
برمنا مابخلص ههههههههه الوقت اتاخرر ..... |
رد: الغاليات بنات فلسطين اتفضلو هون.....
عارفة والله بنتها مش قليلة ومنيح انه اتزوجت بالغربة
وكل اللي بتعملوا فية حماة بنتها زي الزفت بتعاملها معاملة قاسية وكل ما بتشكي لإمها عمتي بتزيد قساوة علية والله مابكزب عليكي مش عارفة شو بدي أعمل صرت ؟؟ حتى صرت أحقد عليها وعلى بنتها ليش زوجك مابقبل شو فيها هدول أطفال عادي يعني |
رد: الغاليات بنات فلسطين اتفضلو هون.....
ههههههههههه فعلا برمنا ما بخلص خلص بشوفك بعد الساعة 2 الظهر ان شاء الله
بنكون مخلصين شغلنا ومستريحين هع هع وبتكون أجت الكهربا عندك والله راح أشتاقلك يا عسل .. بس ماحكتيلي من أي بلد إنتي ؟؟ والله اتسليت كتييير معك |
رد: الغاليات بنات فلسطين اتفضلو هون.....
الله يكون بالعون
وحالة حماتك صعبه خصوصي لما تكون حاله نفسيه وتعويض نقص بدك تسايريهااا ربك بطلعو الك ب اولادك واجر وثواب |
رد: الغاليات بنات فلسطين اتفضلو هون.....
ان شاء الله ربنا بفرجها
خلص روحي نامي وأنا كمان بدي أنام تصبحي على خير ياعسل |
رد: الغاليات بنات فلسطين اتفضلو هون.....
وانتي بخيررر
بشوفك بكره ... |
رد: الغاليات بنات فلسطين اتفضلو هون.....
يسلموووو ع الترحيب صبايا
انا من الضفة وبالتحديد رام الله فيني ولد انشالله رح اسميه محمد ادعولي بتسهيل الولادة |
رد: الغاليات بنات فلسطين اتفضلو هون.....
صباح الخير ياصبايا
نور وام مروان وهدوء منورات لو حكتولي اسهرت معكم هههههه ام مروان بعين الله حبيبتي اصبري وربنا بعطيك بزوجك واولادك يارب هيك بنات الاصل بعملو والي مربيات والي بعمل خير ما يندم عليه نور شو اخبارك واخبار سيلا ويامن هدوء الله يقومك بالسلامة يارب اسم جميل محمد الله يحفضة ونشوفيه بصحة وسلامة دودو ولولو وحلا وحواء وكل الصبايا يسعد صباحكم ام مروان ان شاء الله ازا فضيت بنزلو صورة لاابني ولا يهمك يا عسل |
رد: الغاليات بنات فلسطين اتفضلو هون.....
صبآآآآآآآآآآآآآآآآآآآآآح الخير
شايفة يا نور طفينا ع 3 ونمت ع طول وهي الست صحتني ع 10 والله ميتة نعس يلا بنام بعد العصر |
رد: الغاليات بنات فلسطين اتفضلو هون.....
شووووووو وين الصبايا ؟؟
صارلي كاتبة الرد من 10 وهلا الساعة 1 ونص مافي حد رد بعدي ؟؟؟؟؟ ممممم ع العموم انا رايحة كمان ساعة ع بيت اهلي بشوفكم بس اروح او اذا فتت من عند اهلي |
رد: الغاليات بنات فلسطين اتفضلو هون.....
يسعد اوقاتكم يا حلوات كيفكم يارب تكونو بخير
ام اسيد منوورة ياقلبي حبيبتي انتي " والجبنه الي حكيت عنها غير الجبنه الصفرا هيك اسمها جبنة كشكوان ذوقييها ما رح تندمي ام مروان ونور العمر سهرتكم كانت حلوه لو عرفت اجيت ابقو نادو علي بالنسبة لحماتي انا مو سهلة ابدا بس كمان انا ما بخليها تدخل فينا وبحياتنا بحترمها بقوم بواجبها وما بقصر معها وبالنسبة للشغل يا ام مروان هي ساكنه بشقة جنبي الباب بالباب ما بعمل معها اشي الا بالمناسبات ومرات انا من نفسي بلاقيها حايسة بساعدها ووقت ما يكون عندي شغل طبعا كانت تعمل قصص ومشاكل على هالموضوع خصوصا لما يجن بناتها يزورنها ليش كنتك ما بسوي معك هي احنا حمواتنا كلشي بنسوي الهن ومن هالحكي بتقلب يوم يومين وبعدها بترجع عادي ماشاء الله صحتها منيحه وقادرة تشتغل وعندها بنت بيت يعني الواحد باخد بنت الناس ليستعبدها انا كمان بهالموضوع زوجي بوقف معي بحكي انا ما بحب مرتي تتعب وبكفيها شغل بيتها واولادها لما اجت سلفتي قبل اربع شهور تزوج سلفي بنتها لحماتي بتحكي انه كل واحده بدها تجي يوم تشتغل لامي شغل البيت وتعمل معها كلشي طول النهار رد حمايه بحكيلها انتي شو دخلك بهيك قصص انتي بتجي ضيفه هون وهاد الحكي ما الك في من يومها ما عاد انفتح الموضوع مممممممم بتصفي انه كيف انتي بتكون علاقتك مع حماتك حتى لو كنتي انتي كنتها الي معها بالبيت المفروض تشاركك بكل شغل البيت بعدين انتي المفروض تعملي كلشي لبنتك وبعدين تشوفي شغل البيت جربي هيك مره خلصي كل امور البنت من الصبح ولما تجي تقلك لي ما تشتغلي احكيلها بلشي انتي لوقت ما اخلص للبنت وبجي بساعدك وبنكمل مع بعض هيك مره على مره بتتعود وبتصير تساعدك او انتي رتبي البيت وخلي الجلي احكيلها ما لحقت البنت بتضل تبكي يعني هاد الشي بايدك لانه بكرا راح تشوفي قدي راح تتذايقي لما سلفتك تجي ضيفه ما تشيل كاسة معك لانها ساكنه لحالها وتكوني انتي الكنه الي حامله كلشي على راسها |
رد: الغاليات بنات فلسطين اتفضلو هون.....
مساء الخير يا صبايا
ام مروان يسعد مساكي ان الله بتتهني عند اهلك بتنوري باي وقت حواء هلا فيكي يا عسل هههههههههههه والله ضحكتيني من قلبي انا ما بعرف اعمل هيك ههههههههههه بخاف ما عندي قلب اعمل هيك انتي قووووية هههههه بتاخدي حقك شايفة منيح الي انا مش ساكنة عند حماية بروح زي الضيفة وبروح ههههههههه |
رد: الغاليات بنات فلسطين اتفضلو هون.....
مين هووووووووون........
|
رد: الغاليات بنات فلسطين اتفضلو هون.....
حواء وام عبدالله وهدوء والله السهره امبارح كانت ناقصتكم .... المهم كيفكم وشو اخباركم ...
كلام حواء صح بالنسبه لحماة ام مروان انا مابقول انه ماتساعدها بالمره بس لازم يكون فيه شوية تعاون زي ماحكت حواء بس اذا شغلت كم شهر وطالعه من عندهم اتحملي هالكم شهر بعين الله ... ام مروان كيف اصبحتي نيالك والله صحيتي ع ال10 انا صحيت 6 صبح ولهلء صاحيه خخخخ هدوء ربنا يقومك بالسلامه وتشوفي محمد بصحه وعافيه ... |
رد: الغاليات بنات فلسطين اتفضلو هون.....
الله يسلمكم يااااااااااااااا رب
ويحفظلكم اهلكم واحبابكم |
رد: الغاليات بنات فلسطين اتفضلو هون.....
مساء الخير يا صبايا
هدوء منورة حبيبتي شو اخبارك من نفس رام والا من القرى وكم عمرك وشو دارسة يعني اي شي بتحبي تحكيه وكمان وين ساكنة هههههه عند حماتك ولا كيف نور حبيبتي الله يسعد مساكي انا مع كلامك وكلام حواء الكلام صح مية مية بس انا بحكي انو بدو بنت جريئة الي تحكي انا بحكي عن حالي انو بخاف ههههههه ما عندي هالجرئة اني اجاوب واهاوش بحالي لبالي اما بالنسبة لعقيبكم فهو صح ولا يصح الا الصحيح تسلملولي يارب شو اني بنبسط بس اجي هون ام مروان شكلو القعدة حلوة عند اهلك يلا اشتقنالك يا دودو ولولو حلا وعلااااانة منكم كثير ولا فوفو الي ما بتبيتن الله يجعل غيابكم خير يارب يسعد مساكم جميعا طبعا انا هون الي بتفوت تحكي معي هههههه ابني ربطني ما بخليني اطلع عنا الجو متقلب .. جوزي بدو ياني احمل هههههه وانا ما بدي مش عارفة شو اسوي شو ريئكم |
رد: الغاليات بنات فلسطين اتفضلو هون.....
ام اسيد لسى بدري ع الحمل خصوصي انتي ولدتي بعمليه ...
انا كنت ناويه احمل بعد بنتي بس اجلت الموضوع لسنه ونص عشان العمليه... شو طبختي اليوم <<< بسال لانه جوعانه خخخخخ |
رد: الغاليات بنات فلسطين اتفضلو هون.....
حبيبتي يا ام يامن والله انا ع طول رح اولدبعملية ما في مجال حتى لو استنيت سنتين
اليوم اعملت صنية جاج مع بطاطا وخليه عليه مرقة اما شو يا ام يامن راحت عليك بتشهي ومع صحن شطة فلفل اخضر من تحت ايدن اختك ام اسيد وصحت لبن نعاج بشهووو هههههههه يا غليا تعالي وبحضر واجبك والله |
رد: الغاليات بنات فلسطين اتفضلو هون.....
ههههههه شهيتيني ... انا بدي اعمل فليه لحم مع بطاطا وسلطات لانه اتغدينا نواشف واجلنا الغدا للعشا
وليش لازم تولدي بعمليه مش شرط هي انا اول مره طبيعي وتاني مره عمليه وعادي الدكتورحكالي مش شرط المره جايه عمليه كله برجع حسب الظروف ... وحسب شو سبب ولادتك بالعمليه وهي كمان حواء اول مره ولددت عمليه وتاني مره طبيعي .. |
رد: الغاليات بنات فلسطين اتفضلو هون.....
حبيبتي يا ام يامن انا كان كل شي عندي طبيعي والحمد لله ودخلت الغرفة وكل شي طبيعي وصل التوسع 8 ونص بس راسو ما نول منيح بالحوض السبب ضيق الحوض عندي وهاد السبب باني رح نكوم ولاداتي كلها بعملية طبعا الحمد لله على كل حال 12 ساعة وانا بطلق الحمد لله
|
رد: الغاليات بنات فلسطين اتفضلو هون.....
طيب ليه ما اكتشفو هالشي من قبل كمان انتي اتاكدي من الموضوع
روحي شوفي دكتور |
رد: الغاليات بنات فلسطين اتفضلو هون.....
مساااااااااااااااااااااء الخير
أنا روحت ع بيتي والله انبسطت كتييير عند أهلي ما إلي الخاطر أروح بالنسبة لكلام حواء والله بخاف أحكي هالشي ما بعرف ليش بس بيني وبينك راح أقوي حالي وأتجرأ وأجرب أحكيلها إياه بكرة هههههههه وأشوف شو ردة فعلها ... عارفة يا نور اليوم رحت ع العيادة وكانت لسا دوبها صاحية ما كنت عاملة شي من شغل البيت قلت بس أروح بعمل المهم وانا مروحة بقول معقول عمتي تكون عملت شغل البيت ههههههه كنت بواسي بحالي بس للأسف الشديد كان كل شي على حطة إيدي هههههه |
رد: الغاليات بنات فلسطين اتفضلو هون.....
شوووووووووووو عشان أنا إجيت ما في حدا ؟؟؟؟؟؟؟؟؟؟؟؟؟؟؟؟؟؟
|
| الساعة الآن 08:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .