|
رد: دردشة حوامل المغرب المغتربات
سلام عليكم الاخوات لباس عليكم انا شوية قاتلني رجلي من فوق وضهري من تحت حتى كنعرج بيها والله خايفة تبقا هاكا وتزيد مع تقل جارتي وقع ليها نفس شيء حتى مبقاتش تتحركها ولقات صعوبة في الولادة الله يسترها نمعايا دعيو معايا عافاكم
|
رد: دردشة حوامل المغرب المغتربات
السلام عليكم اخواتي الاخت ام صيصة بالنسبة لحبس البولة الصراحة هادشي شفتو غير في المغرب اما هنا بايطالياا من الاسابيع الاولى تنديرهاا في ولدي ماتنشرب لا ما لا والو انا من رايي غيري الطبيب لانو اصلا المراة الحامل ماتتقدرش تحبسهاا
اختى نور القمر لاتصدقي كلام الطبيب على السونار لانو انا سالت كدا طبيب في حملي وكلهم اكدوا لياا انز ماعندوش تاثير لانو كنت كل مرة غادة الصبيطار في حملي الاول في ولدي وديماا ختك الايكوغرافي والحمد الله لا ياثر ولا شي ونزيدك في الشهر الخامس تيكون بتدقيق اكثر بش تيبين على اي مشكل ممكن الانسان يتفاداه وانشاء الله مايكون الا الخير |
رد: دردشة حوامل المغرب المغتربات
اختي ام ريان انا هكاك طرا لي فاش دخلت للخامس وكنت الى تحنيت كنتكوانسا ومتنقدرش انعس على ضهدي كيجيني دكشي بحال الى لكلاكاج جارتي هنا سولتها وقالت لي نفس الهضرة الي قالت لك جارتك صافي وتخلعت وقلت الله ياربي واحد الشوية مغدي كاع نقدر مزال نتحرك
وملي دورت لامي وسولتها قالت لي راه دكشي كيفوت ابنتي غير الرشكة هديك والحمد لله فعلا قعد فيا شي سيمانة ومشا مرة مرة كيجي ولكين ماشي بنفس الحدة غير مع ختك متتكلسش الارض وراك عارفة شغال الدار مكين الي يقدي ليك شي حاجة الى مقديتيهاش وعاد كلشي مني مكين لخدامة لزوج الله اشافيك ومتخافيش راه دكشي دايز انشاء الله |
رد: دردشة حوامل المغرب المغتربات
السلام عليكم
اخواتي توحشتكم و نتمنى نسمع صواتك في التجمع الي دارتو نور في الهوت مايل اختي نور راه دخلت و لكن ما كين حد اونلين اما عن موضوع الضهر و شد الي كيجي في الرجل هادشي عادي من التقل كيركز على عروق الرجلين راه حتى انا كنعاني منها و لكن اش نديرو كلشي غادي يفوت و الصبر راه اول واق واق تسمعوها كلشي يتنسى الله يكمل لينا شهورنا على خير |
رد: دردشة حوامل المغرب المغتربات
آلسلام عليكم حبيباتي
أختي أم صيصة ما يكون عندك باس بداي تردي البال حقاش كاين شي أطباء الله يحضر السلامة عندهم شي أفكار لا علاقة لها بالطب انا فكل مرة كندير اكوكرافي قبل ما نشوف البيبي كنعمل تحليلة دالبول عزك الله المهم غير باش نقوليك ره سال المجرب لا تسال الطبيب و لعلمك انا كنت تبعت مع واحد الطبيبة مغربية هنا فبلجيكا مسكينة واقيلة طالعة بالنقيل ههه تبعتهاصدق خاسر ليا فشهرين كتشوف الدم كتهبط مني وكتكوليا نتسناو حتى تحبس أ نشوفو شنو كاين حتى ما بقا ليها ما تشوف.هو قدر الله ولكن لوكان تبعت مع شي طبيبة أخرا ما كانش وقعليا هاكاك أ الحمد لله على كل شيء تهلاي ف راسك و مايكون عندك باس حبيبة |
رد: دردشة حوامل المغرب المغتربات
السلام عليكم البنات الاخوات الكروشات دياولننا.كيف دايرين و الله حتا توحشتكم بزاف.سمحولي غبرت عليكم شوية عندي شي ضروف صعييبة شوية في الخدمة.انا حولوني من البلاصة لي كنت خدامة فيها لبلاصة اخرا.و نتوما كتعرفوخدمة الموضف ما عندو الا يقبل باي مهمة كتسند ليه.حقيقة الخدمة الجديدية صعيبة عليا و انا حاملة حينت جربتها واحد العام و ترهقت فيها نفسيا و جسديا.و انا هاد العام خايفة بزاف على البيبي ليتاثر.سمحوو لي الا تقلت عليكم راني كنحس براسي مخنوقة نتوما بحال خواتاتي بغيت نفضفض و نفش عليكم قلبي شوية.نتمنى من جميع الاخوات يدعيو معايا الله يعيني و يفرج عليا
|
رد: دردشة حوامل المغرب المغتربات
سمحولي ما رحبتش بالاخوات الجداد ديالنا.نتمنى تستافدو و تلقاو اللي بغيتو معانا فهاد التجمع
الله يبارك |
رد: دردشة حوامل المغرب المغتربات
اهلا بكن يا نساء المغرب الحبيب
|
رد: دردشة حوامل المغرب المغتربات
بغيت نعرف منكم العيالات واش كترة البول كاتكون فالشهور الالى ديال لحمل
|
رد: دردشة حوامل المغرب المغتربات
اهلا ام ضمياء كيف دايرة لاباس عليك.مرحبا بيك بيناتنا.ممكن تعرفينا شوية على راسك يعني نتي منين و واش حاملة و شحال عندك...........
بالنسبة للبول شئ طبيعي كايتزاد بزاف مع الحمل و تيولي يحرمك حتا من النوم المتواصل الهني بالليل خصوص بالشهور الاولة و الاخيرة.انا دابا في الشهور الوسطى و مازال تنعاني معاها و الحمد لله على كل شئ |
| الساعة الآن 01:02 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .