رد: تجمع سيدات ليبيا الغاليات..
 

سبحان الله كنت مدايرة في بالي بنسأل أوشي على بسبوسة القالكسي ولقيت وسونة حاطة الصورة

الحق عاطيتهالي قبل أوشي الطريقة نفس طريقة وسونة

بس يللي بنسأل عليه هو ليييييييييييش 3 بيضات البسبوسة العادية دحية وحدة و 3 يعني بتكون زي الباسطي ولا كيف

ونبي نسأل على كمية اليكنج بودر بالزبط قداااااش

البارح وصيت راجلي على جوز الهند لأنه كيف تم مني
جابلي بس ماحصلش النستلة والشوكلاطة..

رد: تجمع سيدات ليبيا الغاليات..
 

بالنسبة لدبنهامز تلقوه في نهاية السياحية قبل ماتوصلي لمانجو بعد ماتفوتوازرقاء اليمامة تانية هما هلبا محلات ماركة جنب بعض

اولهم البي اتش اس وبعدها نكست وماركس وقدمهم دبنهامز وبعدها مانجو وقدامه الدو وانجلوت

اني الماركات ناخد فيهم من بريطانيا عن طريق التسوق بالنت بصدق يجوني حاجة كويسة واسعارهم ارخص من اهني الحق

ومع هذا نمشي في التخفيضات نهاية الموسم في الصيف والشتي وخاصة البي اتش اس حاجتة حلوة ونحصل منه لبس للحوش

وطلعات خفيفة وان شاءالله نكون افدتك

رد: تجمع سيدات ليبيا الغاليات..
 

سوسو صحيتي على نصيحتك بخصوص بنتي والله جربت واللي تقعد عنده ماتسكتلاش بكل هي عندي وتعيط الله المستعان

بالنسبة للبسبوسة تبي تلاتة بيضات لانها تجيك زي الكيكة جربيها راهي روووووووووعة

رد: تجمع سيدات ليبيا الغاليات..
 

السلام عليكم ورحمه الله وبركاته

رد: تجمع سيدات ليبيا الغاليات..
 

كيف حالكم اليوم ياحلوات

هدهد كيف حال سنك اليوم وحال الامورة سما

ام معاذ مشيه موفقه لسوق احتمال غدوه نمشي لدبنهامز وكيف حال الصغار

اليوم بنمشي شوي لاختي اللي تتوحم عندها هبوط في الدم ومن الوحم ماتقدر تاكل شئ
لين تمشي ادير تغديه

سوسو وام وسونه شلونكم

غداي رز مبوخ وسلاطه ومخلل والكرنب المقلي

اليوم الجو برا ماشاء الله مافيش روشن وباب في الحوش الا وفتحته وطلعت جمونه للشمس ونشاط وحيويه وسيقت الجنانات

وكنيس وتلميع تعرفوا ليه يومين الجو غبره سبحان الله

الرواشن تعبوني في الشفط والتلميع لانهم عاليات

توا كيف درت نسكافيه وقاعده نشرب فيه

رد: تجمع سيدات ليبيا الغاليات..
 

مشكوره عالوصف ام وسونه

احسن حاجه اللافته امتاعه كبييييره وواضحه القيت هادي الصورة ام معاذ ممكن تفيدنا الاسم واضح


[IMG]http://forum.hwaml.com/imgcache2/hwa...831207_839.jpg[/IMG]

رد: تجمع سيدات ليبيا الغاليات..
 

صحيحة غديكم جوهرة صوريه ونزليهولنا زي غداي هداكا اليوم

اني اليوم عطلة من المطبخ بسبب زهاء امس درت رز مخلط واول امس درت عسلوز وبعدين في الليل لو ربي هداها

والضي جي بندير طاجين التوست ربي يسهل

رد: تجمع سيدات ليبيا الغاليات..
 

هو ساهل في نهاية السياحية على اليمين وكله الواجهه متاعه مرش مكتوب عليه دبنهامز

رد: تجمع سيدات ليبيا الغاليات..
 

علي قلبك وسونه وتو انصوره ان شاء الله

طلعتلك الصورة لدبنهامز ؟؟؟

رد: تجمع سيدات ليبيا الغاليات..
 

العصر ياذن بنوض اندوش وانغير وانصلي

سلام توا