رد: تجمع حوامل سوريا-دردشة ورود سوريا-دردشة الغاليات
 

ههههه جوري شو قصة الاخطاء الاملائية هههه

كيفك يا حلوة وكيفو يزن

اي والله سروءة ورنومة حجزولنا البنات ...

انا اليوم عملت رز ولسا في سمك من مبارح

وعم جهز ملوخية بالليل رح اعملها ...

رد: تجمع حوامل سوريا-دردشة ورود سوريا-دردشة الغاليات
 

ههههههه ما بدنا هلاء نمسك شر السلفات
كل واحد بحالو
كل السلفات هيك
في متل بقول
لولا الغيرة ما حبلت النسوان
ههههههههه

رد: تجمع حوامل سوريا-دردشة ورود سوريا-دردشة الغاليات
 

ههههههههههههههه

ايه يا وردة معاكي حق .. الله يسامح الجميع ...

اي شو بتخبرونا

رد: تجمع حوامل سوريا-دردشة ورود سوريا-دردشة الغاليات
 

ممممممممممممم هايدي شو جاي عبالك تسمعي
خدي سمعي هاي غيري جو
‫مذيعة دلوعة - حزورة مع شطورة‬‎ - YouTube

رد: تجمع حوامل سوريا-دردشة ورود سوريا-دردشة الغاليات
 

بنات بالله عطوني رئيكم بهالبطل الصغير يئبر قلبي ان شاء الله ما الذه



لك دخيــــل ربك ..
يارب عجل نصرك لسوريــــا
لنخلي ضحكة ♥ عمـــــر ♥ نشيدنا الوطني ..
الله يحميــــك ياحـــر يا أبن الأحــــــرار


http://forum.hwaml.com/imgcache2/hwa...551086_929.jpg

رد: تجمع حوامل سوريا-دردشة ورود سوريا-دردشة الغاليات
 

يسلمووو حبيبتي ...

مالة شوي والله

رد: تجمع حوامل سوريا-دردشة ورود سوريا-دردشة الغاليات
 

كيفكون ياحلوات
سلامتك هايدي انشتلله بتصيري منيحة بسرعة اي عنجد اذا سلفتك بتغار مشكلة بس انتي طنشيها ‏
اكيد حبيبتي هوي العين حق شوفي مو بالضرورة تكون سلفتك يلي صابتك عين احيانا الام بتحسد حالها وبتطرق ولادها عين
الله يحميكي ويحمينا جميع اقري المعوذات صبح ومسا وكتري استغفار ‏

حمد الله عسلامتك رنومة وهلأ رايحة اقرأ قصتك بس قلت بسلم عليكون قبل بس والله خايفة لانو كل مابقرا قصة ولادة ببكي وبطني بيمغصني هههه

سروءة كيفك ياحلوة اي مابتتقصري حبيبتي حركي وامشي وناطرين خبر قومتك بالسلامة على نار ربي يسهلك وتولدي قبل موعدك

ههههههه زهرة والله شكيت انو تكون لازانيا شكلها طيبة والله بس انا مو مساويتها ولا مرة لذالك بدي عذبك تعطيني الطريقة تسلمي لقلبي

وردة شلونك اليوم وصحتين وهنا على القهوة انا متل سروءة مابحبها غير مع اهلي او رفقاتي وهلأ بالحمل منعتني الدكتورة عنها ‏
يقربني عمووووووورة والله بياخود العقل هالولد انا متابعتو عالفيس بوك كل يوم بفوت على صفحتو ووبتطمن عليه
وهلأ عمنستنى يطالعو عمو من المعتقل الله لايوفقون مالو غيرو اخر مرة صار يبكي بمظاهرة لان عمو مو شايلو والناس كلها غرب حواليه
ربي يحميه ويحمي كل اطفال سوريا ‏....الله يهدك يابشار وين صرنا

رد: تجمع حوامل سوريا-دردشة ورود سوريا-دردشة الغاليات
 

هههههههههه جورري تلت ارباع كتابتك مافهمتها رجعتي للكلاجسي شكلك


شو طبختوا اليوم يابنات؟
انا ساويت شيش طاووق وبطاطا مقلية وجنبون عيران وصلطة جرجير

رد: تجمع حوامل سوريا-دردشة ورود سوريا-دردشة الغاليات
 

ههههههه زهرة والله شكيت انو تكون لازانيا شكلها طيبة والله بس انا مو مساويتها ولا مرة لذالك بدي عذبك تعطيني الطريقة تسلمي لقلبي
تكرمي حبيبتي وألف طلب متل هالطلب
سجلي عندك
المقادير الحشوة:
كيلو لحمة مفرومة غنم ناعمة
2 بصلتان
3 فصوص توم
5 بندورات
معلقة من معجون الطماطم
رشة ملح وفلفل أسود ورشة من جوزة الطيب
مقادير البشاميل
حليب مقدار 5 فنجاين قهوة
و5 ملاعق طحين
وقطعة زبدة صغيرة
مقادير اللازانيا علبة من شرائح اللازانيا
وزبدة
جبنة أي نوع أنتي بتفضليه انا حطيت جبنة قشقوان عادية
الطريقة:
بتحضري صينية مربعة انا عندي ياها مدورة كتير عذبتني بصفها وخصوصا أنو مالها مسلوقة
بدك تنتبهي على العلبة إذا مكتوب عليها بدها سلق او لا لا
بتدهن الصينية زبدة ودهني أطراف الشرائح بالزبدة كمان
في طنجرة حطي اللحمة وقليها وضيفي الملح والفلفل وجوزة الطيب
وبعدين حطي البصل المفروم وتوم المهروس وقليهن منيح
بعدها ضيفي البندورة وخليها تغلي شوي ضيفي رب البندورة مشان لونها يطلع حلو
وبعد غلوتين أطفي
البشاميل في ظرف بجي جاهز اذا حبيت او متل ماأنا عملته
حمصت الطحين بالزبدة وسخنت الحليب وكتيته فوقه بس مع التحريك المستمر مشان مايتكتل
حطي طبقة من البشاميل بالصينية وبعدها طبقة من الشرائح وبعدها طبقة بشاميل وطبقة لحمة وجبنة وارجعي حطي شرائح لازانيا وبشاميل وولحمة وجبنة وهيك لحتى ترغبي بالعدد الطبقات واختمي الصينية بشاميل وقليل من الجبنة على الوجه مشان لما بدك تقطعيها ماينخرب شكلها وحطي الفرن على درجة حرارة متوسطة واتركيها من 30- 45
دقيقة وطلعي عليها بس استوت وألف صحة وهنا وإذا حبيت أي استفسار أساليني وانا تحت امرك وبس عمليتها قوليلي النتيجة أتفقنا؟

رد: تجمع حوامل سوريا-دردشة ورود سوريا-دردشة الغاليات
 

هدولة يا روحي صحتين وهنا ...

كيفك اليوم

ايه مالي خبر الجلاكسي هيك بتعمل هههههه