|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
و حبيبتي انتي بتسأليني عن مواقف مرت أبوه معي أنا صارلي سنة و نص متزوجة مش زمان و بعدي صغيرة شوي عمري 20 و عمر جوزي 23 و هو خلص دراسته و بيشتغل مع أبوه الهم منجرة كبيرة و بيعملوا أطقم نوم و غيرها يعني هما اللي عملوا طقم النوم تبعنا بس مرت أبوه من وهو صغير كانت من الصبح تطلعوا عالشارع و كان يروح عبيت عمو هو و اخته و ستو هي اللي ربتو و مرت أبوه ما بتحبله الخير و لما صار بالثانوي طردته و سكن في بيت لحالو و صارت أخته تطعميه و تشربوا و تضب البيت و تغسله و هيك يعني بس أبوه ما كان آسي مع مراته بدليل انها قدرت تطرد ولاده و كمان بتقول عن ولادها انهم مش أخوات جوزي و هما خواته من أبوه و الها كتيييييير مواقف شو بدي أحكي لأحكي بس مواقفها معي مثلا لما جوزي يقبض من أبوه بتصير تعد علينا الشيكل لدرجة انه بتقول عني طول نهارها تشتري عصير طبيعي طيب أنا حامل و ضروري هالشي و لا لو عرفت انه أكلنا شوكولاتة و لا حاجة بتقول بيضيعوا مصاريهم عالكلام الفاضي كمان مرة نزل عليا دم و أنا بحملي هذا و ما حد عرف شو مالي صارت تحكي معها طلق و فزعت الدنيا و صارت تقول أقص ايدي لو دخلت بالشهر التامن يعني عشان ابني اللي مات كان سبعاوي مع انه هي ولدت ابنها الأول سبعاوي كان معها زلال بس هو عايش الله يخليلها اياه يا رب و هي مش كبيرة بالعمر لهيك مكيودة عمرها تقريبا 40 سنة و بتعرفي و الله كنت أروح عندها عبيتها أول ما تجوزت و كنت أحبها مع انها ما كانت منيحة مع جوزي و الله كمان جوزي كان يقولي روحي عندها عيب و بالعيد روحنا عليها و أعطيت لجوزي مصاري و قلتله عيدها و بالفعل انبسطت بس ما بعرف ليش صارت تتحركش فيا ما علينا و الله اني مسلماها للي خلقها ما بعرف شو أحكيلك قلبي تعب انسي مواقفها كتيرة و ما بتنعد و الله ما انا قادرة أفتكر هلأ مواقفها لأنه انا ما بهتم الها هي آخر اهتماماتي و صيح هي تربت بمصر يعني رداحة و نورية و الله لا يوريكي كمان بتعرفي كل همها انها تحوش مصاري و تشتري دهب و لو بدها تشوف جوزها ميت قدامها ما بتبيع و لو جرام دهب الله يهديها و كمان مربية ولادها على انه أي شي بيصير أو بيسمعوه أو بيشوفوه يحكولها اياه و طبعا هي بتفسر على كيفها يعني بتكزب الكزبة و بتصدقها و بتعرفي كل هذا و أنا ساكنة بعيد عنها هي و سلافها بالعمارة و أنا بيتي منفرد بعيد شوي عن العمارة هو هذا البيت اللي سكنت فيه جوزي بس زبطوه و تجوزنا فيه الحمد لله منيح وواسع و بطون كمان و صحيح أخت جوزي قدي بالعمر و بتدرس جامعة و ساكنة عند ستها في بيت عمها لأنه مرت أبوها ضربتها ضرب جامد عشان الشغل و هي اللي كانت تشتغل الها كل شي معلش طولت عليكي بالحكي |
رد: دردشة بنات فلسطين, دردشة حوامل فلسطين, تجمع بنات فلسطين
ربنا مابنسى حد ام عزمي الله يخليكم لبعض ويوفقكم
وتقومي بالسلااااامة يارب |
رد: دردشة بنات فلسطين, دردشة حوامل فلسطين, تجمع بنات فلسطين
هبــــHeba Tـــــه مساء الخير سلامة عيونك,, بتعرفي في المدارس عنا هون كل سنه بيجي دكتور على المدرسه و بعملوا فحص مجاني لكل الطلاب للعيون و السمع لحتى يتأكدوا اذا في طالب عم بشكي من شي ,, فبنتي اسيل ما شاء الله عليها اجتازت التست ,, هلآ لانا لمى الدكتور عمل الها الفحص بتحكيلي ماما انا عرفت كل الحروف ما عدى اخر سطرين كتير صغار و عملت غلطات فيهم,,على طول بعتوا النا انو لانا لازم تعمل فحص لعيونها على طول اعملنا الها فحص عند دكتور عيون و نفس الشي ما عرفت كل الحروف الصغيره فالدكتور قرر الها نضاره بس للدراسه انا زعلت لانو عيونها ربي يحفظهم خضر و ما توقعت انها تحتاج نضارات وقت الدراسه ,,ان شاء الله لمى تكبر راح نسويلها ليزر لحتى ما تحتاج للنضارات ,, و انتي ااذاا فيكي تعالجي المشكله بالليزر افضل اذا ما بتحبي تتقيدي بالنضارات طول الوقت |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا بنات
كيفكن..؟؟ يا رب تكونو بأحسن حال هلأ انا جديدة هون حابة أنضم الكم اذا في امكانية كنت متابعة من زمان المنتدى وحبيتو كتير وحبيت روح الأخوة اللي موجودة هون فيني أكون معكم ... ّّ!!! |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
فراشــ ـة الآحـ ـلام ****** هلا فيكي حبيبتي نورتي المكان ,, يسعدني انك تنضمي لتجمعنا بتمنالك اوقااااات سعيده و تواصل دائم معنــااااااا |
رد: دردشة بنات فلسطين, دردشة حوامل فلسطين, تجمع بنات فلسطين
امـــ عـــزمـــي ــ *^^* ما انتبهت هاي الاموره بتكون بنت اخوكي ئديش عمرها الصغيره ._. ااناا كتير بحب صور الاطفال و اكتر شي بيعجبني فيهم اذا كانت ضحكتهم حلوه و نغنوشه في صوره لبنتي لانا كانت كتير صغيره يمكن شي سنه بضل احكيلها ماما انتي لمى كنتي صغيره كنتي تشبهي الاولاد ما كان عندك شعر طويل هههه ,,حكتلها عملت الك حلق لحتى يعرفوكي انك بنت ههههههههههه http://forum.hwaml.com/imgcache2/hwa...894166_221.jpg |
رد: دردشة بنات فلسطين, دردشة حوامل فلسطين, تجمع بنات فلسطين
مها ماشالله بنوووتك قمر احمم احم طالعة لامها اكيد
فراششششة اهلا وسهلا بتنوري والله |
رد: دردشة بنات فلسطين, دردشة حوامل فلسطين, تجمع بنات فلسطين
عيوون المهــآ , مـآشآآآء الله عليهــآ بنتك صلآآآة النبي
اكيد حِلوة طآلعــة لأمهــآ والا لأبوهـآ ؟؟ قولي الصرآآحة هههه ربي يخليلك بناتك ويحميهم من العين - هلا فيكي فرآشــة نورتِ التجمع انتي من غزة والا من وين ؟؟ - يسعد صبـآحك مسك السنين وصبـآحكم بنات |
رد: دردشة بنات فلسطين, دردشة حوامل فلسطين, تجمع بنات فلسطين
صبـــــــــــاح الخير
شو الاخبار اليوم ان شاء الله تمام ما شاء الله عليها البنوته بس انا ما فهمت هاي بنت عيون المها ولا بنت اخوها لام عزمي فهموني يسعد صباحك مسك السنين انتي وغموض انثى فراشة الاحلام منوره التجمع |
| الساعة الآن 06:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .