|
رد: تجمع حوامل ليبيا
سلامة فراس الف سلامه ولو حتى صفير ماتخافيش منه معظم الصغار يجيهم عند الولادة
ولاباس طهور وتربعني على خير وسلامة وبطول العمر ياربد بوسيلي سرورة وفرااااااااااس ولازم اتحطيلنا صورة فرااااااس حتى ولو من النقاااال اوكي سورينام |
رد: تجمع حوامل ليبيا
والله يا آية الجياب بجميع اشكاله ايخوف وكله الم لا يوصف انشاالله اجرنا عند المولى .. أني في جيابي الأول كملت شهري وجبت تالث يوم في العاشر وخشيت صالة الولادة على اساس طبيعي لأني بكرة وأموري كلها تمام الراس نازل والرحم مفتوح 5 سانتي وشفت الموت واني نعيط لين وصل الرحم الى 7 سانتي وبعدها قررولي عملية لأن حجم البيبي أكبر من اتساع الحوض وجبت بنتي وزنها 4 كيلو ماشاالله وفرحت وقلت هاني رقدت ونضت لقيت بنتي جنبي خير من الطبيعي لين جي تاني يوم للعملية وقالولي نوضي اليوم لازم تتحركي .. وياويلي على هاذيكا النوضة .. تخيلو نقول لأمي أني خلاص وليت معاقة ومعاش نقدر نتحرك من شدة الألم وما تحركت الا بستين شعفة ...وتوا في ولدي رجعتلي نفس المعاناة ... ولكن ديما نقول الحمد لله على النعمة اللي الملايين يتمنو فيها .. الحمد لك يارب مل السموات وملء الأرض ومل ما بينهما ومل ما شئت من شيئ بعد
|
رد: تجمع حوامل ليبيا
انشاءالله نحطلك صورة فراس وصورة حتى سارة بالك خاطرك فيهم وتجيبي الليلة انشاالله .. ههههههه
|
رد: تجمع حوامل ليبيا
اقتباس:
ان شاءالله ماتستاجعى على غالى بنت عمى كانت ماشية لبيتها بتجيب دبش ولادتها وبتقعد عند امها ودارت حادث في الطريق وراجلها اللي يسوق وهو مفيه شى راجلها برانى مش من القبيلة |
رد: تجمع حوامل ليبيا
عيون ربي يحفضلك بنتك
ويارب تشوفي محمد على ايديك وتنوضي بسلامه |
رد: تجمع حوامل ليبيا
اني من مدينة غريان ونراجع في مصحة دار الشفاء بالعزيزية عند الدكتوره هاله عبد الواحد واني في الاسبوع الاخير في الشهر السابع والباين انه ولد بالجهاز وعندي بنيه عمرها عامين واربعة شهور ومتزوجة منذ ثلاث سنوات ....لكن في اختلاف في الحمل بشكل كبير بين حملي الاول والاخير
|
رد: تجمع حوامل ليبيا
مرحبا بيك يا أم ردينة ... آنستي وشرفتي تجمعنا .. وانشاالله ربي يحفضلك بنيتك وتشوفي وليدك بين ايديك كامل الخلق والخليقة .. قوليلنا شن ناوية تسمي وليدك .. وقوليلي أهم حاجة شن مانع الحمل اللي كنتي تستعملي فيه بعد بنتك..
|
رد: تجمع حوامل ليبيا
عيوني .. وينك .. انشاالله تكوني في حموة الطلق يارب ..
|
رد: تجمع حوامل ليبيا
والله نتخايل فيك وانتي ترقصي فوق سرير الولادة ... وتقولي شعفة شعفة يا ودادة .. هههههههههههه .. جت عالقافية
|
رد: تجمع حوامل ليبيا
مييييييرنا .. وين مغطسة ... حتى لو ما تسأليش عليا .. أني ديما نفقد فيك .. وعلى فكرة أني زعلانة منك هلبة هلبة (واجد واجد ) على قولتكن
|
| الساعة الآن 02:39 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .