المشاركة الأصلية كتبت بواسطة ام ليان دشتي (المشاركة 2350433)

انا متضايقه من نغزات الناس وتعليقاتهم وتجريحهم مثلا أهلي السنه وصاحباتي واللي معاي بالدوام يتكلموني فيني جني يايبه لهم فضيحه لان زوجي شيعي هذا من ناحيه الطرف الاول السنه اما الطرف الثاني الشيعه العكس يقطون حجي علي ويقولون دخيله عليهم وساحره ولدهم وتزوجته حدي مضايقه واكثر الناس أهلي وأهله اهم اول ناس مادري ليمتى تخلف الناس إحنا مسلمين بس اختلاف بالمذاهب حتى الرسول صلى الله عليه وسلم قال ماكو فرق بين عربي وأعجمي وصدقوني حرام زوجي يعاني من نفس الشي بس ساكت وللعلم يحب السنه ولا حاول يجبرني على مذهبه واهو وايد زين معاي ويساعدني ويوقف معاي ويحبني ويخاف علي ولو افر الدنيا ماراح احصل مثله ,,,,,, اما المشكله الثانيه الكل مومتقبل جنس البنات تخيلوا اقرب الناس يقول خلفتج بنات وتعابير ويههم تييب المرض ومره كنت بابشر امي بنجاحي جان تستانس قبل لاتعرف الخبر وتقول شنو بشريني طلع ولد هذا قبل لاابلغها بنجاحي والكل يقول نطري لاتجهزين اخاف ولد مؤ بنت ،،،،، ريلي خاطره ببنت ويحبهم وانا بعد حتى عيالي يبون بنت وللعلم انا بس عندي ولدين وبنت الصغيره حسسوني ان ماعندي اولاد والله لو عندي درزن بنات راضيه المهم ريحة الياهل وأي فديته اتمنى الكل يبطل تخلف وجهل ويحمد ربه على نعمة الخلف والله يسهل علي بولادتنا أجمعين ويزرق كل محرومه بدرزن يهال 😁 ويخفف تعليقات الناس وتجريحهم لي وتحمي ريلي وعيالي وكل الناس من كل شر اميييييين 😔