|
رد: ديوانية البحرين - دردشة حوامل البحرين - البحرينيات
هلا وغلا فيج احلام ام
ماعندي خلفية عن حالتج بس ادعو ربي الله يثبته لج ويتممه لج على خير يارب |
رد: ديوانية البحرين - دردشة حوامل البحرين - البحرينيات
شخباركم بنات
احس بضيق في نفسي وابغي اصيح لين يغمى على ما ادري شنو فيني بس مضايقه من اشوي زارتني وحده ومن طلعت اعتفست نفسيتي مع انها ما قالت شي يزعل تسئل عني مسكينة لكن ضاق خلقي وما ادري السبب اعوذ بالله من الشيطان الرجيم |
رد: ديوانية البحرين - دردشة حوامل البحرين - البحرينيات
سلام بنات شخباركم
اني بعد صادني موقف يوم الجمعه وضيق خلقي وقعدت اصيح وحالتي حاله |
رد: ديوانية البحرين - دردشة حوامل البحرين - البحرينيات
هلاحبيباتي عندي سؤال أني مثل ماذكرت الدكتورة كتبت لي على أبر التثبيت يوميا أخدها هل لازم أخدها في نفس الوقت إللي أخذت الأبره السابقة أوعادي بعدكم ساعه من الموعد علما بأن الدكتورة قالت لي لازم كل يوم فقط أخدها ماأدري أول مرة أخذ مثل هاللأبر الله يثبت حملي واايد أوسوس وخايفه جزاكم الله عني كل خير
|
رد: ديوانية البحرين - دردشة حوامل البحرين - البحرينيات
اقتباس:
اقولج نكتة تغيرين جوhwaml02hwaml02 ذي وحدة ماشية مع حبيبها قالت له قولي شي يفز قلبي وقت اسمعه قالها اخوج ورانا خخخخخخخ فديتج ابتسمي ولاتحطين ببالج |
رد: ديوانية البحرين - دردشة حوامل البحرين - البحرينيات
حبيبة حسوني ترى الصياح احيانا يريح الانسان ماتجوفين شر يالغالية ولعل ايامج كلها ضحك وتفاؤل
واحلام ام اختي والله ماعندي عليم اذا لازم بنفس الساعة انا لانه اخذها كل اسبوع مرة وماقالي الدكتور انه لازم بنفس التوقيت قالي خذيتها اول مرة يوم الخميس خلاص كل خميس تاخذينها وها بشري وافقوا المركز ان شاء الله على اعطائج الابر؟؟ |
رد: ديوانية البحرين - دردشة حوامل البحرين - البحرينيات
اقتباس:
مشكورة حبيبتي على ردودك ومساندتك لي في حيرتي والله لوتدرين العذاب إللي صادني من قلت لش بروح المركز يعني من الساعة خمس ونص العصر لين ثمان العشاء وأني أدور ويازوجي من مركز لمركز تعبت على الفاضي ،أول شيء أني على مركز جدحفص الصحي رحت وتنقعت لين يه دوري دخلت راويتها الوصفه وقلت ليها أني حامل ولازم أخد أبرتثبيت يوميا قالت ماأقدر أساعدش بشي هذه الأبرغير متوفرة في المراكز الصحية ولا حتى في مستشفى السلمانيه قلت ليها أعرف ناس يمكن يطلعون ليي الأبر مجانا إذا حاولت أني بيبهم وإنتي بس عطيني بطاقة مواعيد علشان كل يوم أيي ومعي الأبر وروح غرفة المعاجة وسيده أضربوني الأبره مارضت وقالت تعالي الصبح قسم الحوامل يمكن يحولونش السلمانية قلت لزوجي بنشتري الأبر من الصيدلية وبنروح رأسا طوارىء السلمانية الحوامل يمكن يضربوني المهم رحنا صيدلية الفارابي عند السلمانية الأبر غير موجودة في الصيدلية عندهم رحت طوارىء الحوامل وتنقعت بعد ماسجلت موعد يمكن الدكتورة تساعدني من شافتني السسستر رفضتني وقالت حالتش موطارئة والأبر غير موجودة في المستشفى ومارضت أدخل على الدكتورة زوجي عصب وتوجه للصيدلية المستشفى وشاف صيدلاني يعرفه ساعدنا بكم إبرة شفتين يعني السلمانيه عندهم الأبر ليش يكذبون ما عندهم على فكره أقدر أشتريهم بس قلت أجرب أول، وطلعنا من المستشفى وتوجهنا لمستشفى نعيم وسجلت وقبل لا أتنقع بعد رحت رأسا للدكتورة وقلت ليها حالتي وإنه الأبر عندي رفضت هي بعد وقالت ممنوع علينا حتى لوساعدتكم الممرضات يخافون يطقونش الأبرة لازم ورق من قسم الحوامل تفيد بحالتش بإعطائك الأبر هذي ...مذلة يختي مذله في هالمستشفيات كأني وحدة مدمنه وخايفين يتورطون ويايي المهم طلعنا وإتصلت على المستشفى الخاص ويمكن بعدين أروح أخذ الأبرة في قسم الطوارىء مالهم ماتسوى علينا هالمرمطة حتى لوتأخرت الله يثبته أهم شيء ويتمم على خير(( ماعليه حبيبتي كتبت قصة حياتي بس من زود العذاب إللي شفته في المستشفيات )) تسلمين يالغاليه على دعواتك ولكي مني بالمثل وأكثر |
رد: ديوانية البحرين - دردشة حوامل البحرين - البحرينيات
ويه فديتج والله
شنسوي وانا اختج هالمستشفيات ذي حالتهم بس يلا معليش الله بيعوضج ان شاءالله واهم شي يثبت حملج والله احنا مركزنا مال ام الحصم كلش معاملتهم غير حتى انا ايام كنت اتعالج عشان احمل كان الدكتور يطلب مني تحاليل مرة طلب مني تحليل رحت عند مختبر الخليج قالولي ب75 دينار قلت خلني اجرب يمكن يسوه لي بالمركز وفعلا رحت سيدة المختبر مال مركزنا وسالت ممرضة هناك تسوينه لي قالت مومشكلة اخذي موعد وخلي الطبيب بس يختم ورقة المعالجة مالتج وتعال عندي وفعلا سوتلي ياه جزاها الله كل خير بس عاد السلمانية خليها على صوب خخخخخخخ كان الله بعون الجميع على هالمستشفى المنتهية صلاحيتهhwaml10 الا بقولج اناابرة التثبيت مالي ب3دينار ونص ماادري نفس نوعية الابرة مالتج ؟؟ انا اخذها عند الدكتور حاتم اذا تسمعين عنه بمستشفى البركة للخصوبة وعادي حبيبتي فضفضي احنا هني كل وحدة تشكي همها لاختها واحنا بديرة وحدة وخوات ان شاءالله |
رد: ديوانية البحرين - دردشة حوامل البحرين - البحرينيات
اقتباس:
الأبرة إلي أستخدمها سعرها 4 دينار تقريبا ومادري إسمها يبدأ ب c ما حفظته بس تجي معاها الدوى جاهزه ،الله يثبت أحمالنا ويرزقنا بهم سالمين معافين ويكونون قرة أعين لنا والله يدوم الأخوه والمحبة تصبحين على خير يالغاليه |
رد: ديوانية البحرين - دردشة حوامل البحرين - البحرينيات
سلام عليكم كروشاااااااات
أخباااااااااااركم ممكن مساعده ان شاء الله هاليومين لي زيارة للبحرين وقلت بقضي لي وللبيبي اغراض ابي محلات للبيبي واطقم النفاس لي وامممم هل بدت التخفيضات لمحلات الماركات وعذرا طولت عليكم hwaml7 |
رد: ديوانية البحرين - دردشة حوامل البحرين - البحرينيات
السلام عليكم
شخباركم وحشتوني اليوم مازرتكم بس حبيت اسلم النوم طاير من عيني شسوي الحين 3 وهذي سالفتي كل يوم |
رد: ديوانية البحرين - دردشة حوامل البحرين - البحرينيات
صباح الخير خواتي شلونكم اليوم عساكم طيبين
ومس بينك والله انا ماعندي فكرة للحين عن المحلات ان شاءالله غيري تفيدج حبيبتي وحياج الله بديرتج الثانية تنورينها |
رد: ديوانية البحرين - دردشة حوامل البحرين - البحرينيات
صباح الخير دبدوبات
شخباركم؟؟ لا تقولون لي راقدين |
رد: ديوانية البحرين - دردشة حوامل البحرين - البحرينيات
صباح الخير على أحلى حوامل ،ويش أخباركم نايمين أني لازم أقعد من الصبح بنتي وولدي في المدرسة hwaml12ربي يحفظهم لي ويهديهم ،عااد اليوم موراضيين يقوومون من النوم وعلى مالبسوا وجهزوا إلا أني طافشة ومعصبة hwaml4 أمبي أرجع أناام البارحة ماشبعت نوم متى رجعت من طوارىء المستشفى الخاص ،رحت حق يطقوني إبرة التثبيت ربي يثبت أحمالكم ويقومكم بالسلامه وإللي زاد الطين بله ضيعنه الطريق بعد أول مرة أروح ويازوجي وأني إللي ضيعته (أم عائشة ) ويش أخبارك حبيبتي إنشاء الله بحمد منه ونعمه ربي يدومها ،الأبرة إسمها جلكسين ربي يسهل أمورنا وأمور المسلمين |
رد: ديوانية البحرين - دردشة حوامل البحرين - البحرينيات
احلام ام
صباح النور..لا انا قاعدة..خواتي قعدوني بفوضتهم لأن عليهم مدرسة..وانا اقول ما برقد معاهم بس يكسرون خاطري يبوني معاهم شخبارج انتي شمسوية؟؟ |
رد: ديوانية البحرين - دردشة حوامل البحرين - البحرينيات
روز صباحج فل شخبارج حبيبتي
واحلام ام واي عليج نفس حالتي لازم من 5 اقعد اصلي الفجر واقعد اولادي للمدرسة ولدي العود معتمد على روحه بس خالد الجعدة مطفشني الله يحفظه مايرضى يشرب شاي الحليب مال الصبح الا اذاانا سويته له ذابحني هالولد من وسواسه ابد مايرضى الشغالة تسويله فطوره ولا اي شي يخص اكله عاد انا تمللت يختج هههههه مالي نفس من الصبح اقوم اقلي له الهمبرغر حق المدرسة صرت اخلي الشغالة تقليه من الليل عقب مايرقد والصبح احطه بالسندويتش واسخنه له بالمايكرويف واقوله كاني مسويته هههههههه شفتي شلون شريرة انا هههههههه وبالنسبة للابر لا انا ابري غير الله يعطيج العافية روحي ريحي عمرج انا شوي وبقوم اكمل نومتي ومااصحى الا الساعة 1 ماشاءالله جم اعمار اولادج؟؟الله يخليهم لج وتفرحين فيهم يارب |
رد: ديوانية البحرين - دردشة حوامل البحرين - البحرينيات
أم عائشة هلا وغلا بييييييج
.. ما شاء الله عليكم الله يخلي لكم عيالكم.. |
رد: ديوانية البحرين - دردشة حوامل البحرين - البحرينيات
ويخلي لج احباب قلبج يارب ويسهل لج ولادج اللهم اااااااامين
يلاخواتي بقوم ارقد شوي اليوم الطبيب بيشوفني اادعولي اسمع نبضه اليوم ويطمني الدكتور استودعكم الله الذي لاتضيع ودائعه امنتكم الرحمن |
رد: ديوانية البحرين - دردشة حوامل البحرين - البحرينيات
نوم العوافي ان شاء الله
وان شاء الله تسمعين صوت النونو وتفرحين فيه الله وياج اختي |
رد: ديوانية البحرين - دردشة حوامل البحرين - البحرينيات
صباااااااااااااااح الخير يا حلوااااات
آنا مثلكم اقعد من الصبح حق اصحي علووي حق المدرسة مسكين ما يعذبني بس لازم اليهال يتحججون من الصبح يتريق واراجع ليه على السريع ويروح اليوم قررت ما ادخل من وقت إلا ادا كملت شغل البيت شكلكم سولفتون ورديتوا نمتوووو تأخرت عليكم ههههههههه مس بنك حياش الله بالبحرين خيوتي تقدرين تشوفين الصفحات السابقه انا منزله اسماء المحلات المختصة لليهال وارقامهم بعد بس كانه موسم التخفيضات خلص عندنا والله اعلم .. روز هذه حالتش ويه خواتش شكلها كل يوم بس زين يسون فيش عشان نشوفش من الصبح هههههه ام عايشة ، احلام أم حياكم الله بيننا نورتونا والله يثبت ليكم حملكم إن شاء الله ويخلي لكم عيالكم .. شمووووس اليوم ما بينت قرأت إلي كاتبينه لي عااااااادي تعودوو مساكين امي ويه زوجي على عصبيتي في الحمال مساكين بس اني كنت طفشانه من الحمال استغفر الله اقول متى اولد بصيدني اكتآآآآآآآآآب شكله من الثقل والتعب الله يعدي هل الاشهر على خير ياااارب ويصبرني .. |
رد: ديوانية البحرين - دردشة حوامل البحرين - البحرينيات
نسيت اسلم على كل إلي سألووا عني عشان ما انساهم أم خليل ، طفلي حياتي ، روز وشموس
تعاااااااال حنين مختفيه هل اليومين ما ليها حس عسى ما شر ... انا اليوم بعد عندي موعد تصدقون ما اذكر إلا حزت الحزة هههههههه عندي موعد اترساااوند في السلمانية الساعة 10وربع بتصل في زوجي اخبرة نسيت الحين بيهدر علي بقول لي ما تقولين إلا حزة الحزة هههههههه .. |
رد: ديوانية البحرين - دردشة حوامل البحرين - البحرينيات
هلا وغلا فيج حروف..احلى صباح لج
شخبارج؟؟ هذي شكله اللي عندهم عيال لازم يصحصون الصبح..واللي عندهم خوات مثل خواتي خخخ |
رد: ديوانية البحرين - دردشة حوامل البحرين - البحرينيات
هههه
انا اسوي لي تذكير اذا عندي موعد او شي مهم..اعرف روحي وايد انسى لأن وحنين قالت ان اهيه بتتشرى اغراض للبيبي وتجهيزات من جذي ما قامت تدش |
رد: ديوانية البحرين - دردشة حوامل البحرين - البحرينيات
حروف وينج؟؟
انا بقوم آخذ لي غفوة |
رد: ديوانية البحرين - دردشة حوامل البحرين - البحرينيات
شمس الصباح وصلت
صبااااااااااح الخير اليوم دخلت متأخرة لان بجي صديقتي على الفطور قلت اول اجهز بعدين ادخل النت مشكورة ام عائشة على النكته عشوقه بسج دلع علينا بروحي ابغي من يدلعني روز شخبارج وصبااااااح الورد |
رد: ديوانية البحرين - دردشة حوامل البحرين - البحرينيات
[align=center][/align][quote=rose soul;385353]احلام ام
صباح النور..لا انا قاعدة..خواتي قعدوني بفوضتهم لأن عليهم مدرسة..وانا اقول ما برقد معاهم بس يكسرون خاطري يبوني معاهم شخبارج انتي شمسوية؟؟[/quote] هلا بيش حبيبتي ،الحمدلله أشكره وأحمده ،الله يساعدش على إزعاج أخواتش من الصبح ،لومايحبونك ما تمنوش تنامين وياهم ربي يحفظش ويسهل أمورك يالغاليه اقتباس:
،صراح أني مثلش عندي حركات شريرة وياهم يختي يطفشوون ،الله يثبت أحمالنا وأحمال الحوامل ويقومنا بالسلامة ويطمن قلوبنا ويبعد عني الوسوسه،نمت شوي وقعدني حموود عمره تقريبا 4سنوات وللحين أنام على نومته وأصحى على قعدته ولازم أني قاعده وياه شفتييين هالحموود مطفشني غير حركاات الأشرار إللي يسويها في البيت من تكسير وعفسة ونادرا لين شفتينه قاعد تحت تلفزيون واما طول اليوم ورايي ورايي ربي يحفظه ويهديه ،الله يسمع منش يارب أعمار أولادي البنت عمرها ماشاء الله على شهر 12 تكمل 10 سنوات والولد عمره 7سنوات وكل حملي بأولادي معاناة وندور غير حملي ببنتي ربط لعنق الرحم ويبتها في نص الثامن وكملت في الحاضنه ،الحمدلله غير إجهاضاتي الثلاثة الله يبعد الشر يارب ويسهل أمورنا وأمور المؤمنات ويتمم للجميع ،والله يفرح قلبش بأولادش يارب اقتباس:
اقتباس:
|
رد: ديوانية البحرين - دردشة حوامل البحرين - البحرينيات
بالبخور العود والطيب كله نرحب بأحلام أم يا هلا ومليون مرحبا لج يا لغاليه
الله يتمم عليج وعلينا يااااااااااا رب بناااااااااااااااات صاير خاطري في اجار بحريني مع عيش ابيض ممممممممممممم والكوفي يصير خاطري فيه اروح اسوي لي كوفي وبعدين اخذ الكوبه باللي فيها على المغسلة ما اشتهي اشربه بس اشم ريحته وأشوف شكلة يعدل راسي اشلون ما ادري كاني مثل قصة جحا والكباب على الريحه ههههههههه hwaml02 |
رد: ديوانية البحرين - دردشة حوامل البحرين - البحرينيات
مسااااااااااااااااااء الووورد ... حبيت اسلم عليكم والظاهر محد موجود
|
رد: ديوانية البحرين - دردشة حوامل البحرين - البحرينيات
يسعد مساكم خواتي ويامرحبا بالاعضاء الجدد
أم عايشة اهلا وسهلاا ويارب الله يثبت حملش وتولدين التوأم بالسلامه يااارب. وعليش بالعافيه اكلي ليش لا بس مو تذبحين روحش باجر تمتنين وتقولين مانصحوني ههههههههه بس تعالي انتي باي شهر؟ أحلام أم الله يثبت حملش ان شاءالله، بس جربي روحي عيادة الحوامل بمستشفى جدحفص الصبح وشوفي وش يقررون لش. شمس الصباح اذا حسيتين بهالاحساس بالذات بعد زيارة احد لش، يمكن حسدوش عن حقد او حتى عن اعجاب الله أعلم ماحظ في ذمتي. بس عموما صلي على النبي ودوري اتجاه القبله ورفعي ايدش واقري فيهم المعوذتين وآية الكرسي وانفثي فيهم وامسحي جسمش بايدش كامل من راسش لتحت بالذات بطنش. وقولي (أعيذ نفسي وأهل بيتي بكلمات الله التامه من كل شيطان وهامه وعين لامه) كرريها وان شاءالله بترتاحين. وطلعي صدقه بنية الشفاء مما اصابش وبسم الله عليش من كل شر. حبيبة حسوني ويش فيش؟ خف راسش؟ M!Ss p!nk هلا اختي، حاليا سيتي سنتر كله تخفيضات على مايقولون حياش طفلي حياتي لش فيّه وايد، ويش فيش ماتنامين شي شاغل بالش يمكن أم حماني هلا شخبارش ولدش الحين؟ |
رد: ديوانية البحرين - دردشة حوامل البحرين - البحرينيات
اقتباس:
ضحكتيني ،بسالفة الكوفي أني بعد أحبة بس أخاف أشربه يقوولون موزين ماأدري عااد البارحة زوجي مسوي له شكثر كوفي لا ويقوول تعالي ساعديني في تحضيره وأني من شفته إنسحبت من غرفة الطعام علشان ما يصير خاطري فيه وأدوخ من الريحة الجنان أني ساعات في حملي بأولادي أتمنى شي بقوه مثل سمك مشووي وأدوخ على ريحة الشواي ومن أكلة أحسة مايعجبني وماأبغية عااد اليوم أمبا أنام الصبح وماقدرت خاطري في جبس مقلي ويش هالحالة وساعات من الصبح خاطري في مجبوس لحم الله يكون في عونه وياالوحاام هلا بيش وغلا يالغالية تصدقين إسمش يفتح النفس ويبعث على التفاؤل من الصبح وإنشاء الله دووم تكوني شمس مشرقة وسلامتك عااد وصلوا من المدرسة خلاص مالي محل صوب الكمبيوتر hwaml7 |
رد: ديوانية البحرين - دردشة حوامل البحرين - البحرينيات
اقتباس:
إنشاء الله في أقرب وقت باروح مستشفى جدحفص عيادة الحوامل بس أنتظر زوجي مشغول هاليومين تسلمين أم خليل |
رد: ديوانية البحرين - دردشة حوامل البحرين - البحرينيات
الحوامل اليدد .. هلا ومرحبا فيكم ... الله يسهل عليكم ويثبت حملكم ان شاء الله
|
رد: ديوانية البحرين - دردشة حوامل البحرين - البحرينيات
عدنا لكم بتفااااااااااااااااااااااؤل :) والإبتسااامة من الاذون للاذووووووون >> ميونونه هل الاخت كل يوم ليها حااال
المهم شخباركم شموووس فطستيني ضحك على الريحة لو اقول ليش الحين انا ويش مسويه بتضحكين عليي تعرفين ( لحلى إلي هو السمج اليابس يبيعونه جاهز ) اخدته لي وترسته ليمووون واخدت لي قلاص ثلج وقعدت اكل يمكن اكلت لي جيسين بروحي واني ما ادري كاني اكل جبس ودخل عليي زوجي يقول لي ويش مسويه ريحة البيت كلها سمج خخخخخخخخخخخخخخ يقول لي ما تنهدين بروحش كلش .. ترى نساتي متخربطه تدرووون ليش لاني حامل بنت ولد ساعات ابي حلو ساعات مالح وساعاات حامض احس هل الوجبه عدلت راسي مالح وحامض والثلج صبيت لي عليه ميرندا ليموون هذا يفي بالغرض بالنسبة للحلووو :) وجبة متكاملة خخخخ .. المهم بقول ليكم بعد سر فرحتي اليوم رحت موعدي الاترساااوند والحمد الله صحة البيبياااات كلش تمام واوزانهم طبيعية والحمد الله بس روسهم للحين فوق ما تهيؤووو للولادة بس بشكل عااام كل شي تمام ادعوو لي اكمل الثامن على خير ومن ادخل التاسع اولد وافتك .. |
رد: ديوانية البحرين - دردشة حوامل البحرين - البحرينيات
السلام عليكم
اليوم رحت السلمانيه وتشحططت شحططه ما تنوصف المهم طلعت بنتيجه انه باجر اروح لفحص عنق الرحم يشوفون اذا احتاج ربط لولا لان من قبل طرحت الحين ابغي تقرير كامل عن كلمة فحص عنق الرحم لاني خايفه يسوون لي حركه من الحركات ويطيحون هالحلم اللي مابصدق الا اذا شفته بين ايديني ربي يثبت لي وليكم بكل صحه وسلامه |
رد: ديوانية البحرين - دردشة حوامل البحرين - البحرينيات
ام خليل ويش صار على اوميغتش3؟؟
اني طرشت الطيب راح ياب لي اوميغا3-6-9 وخايفه استعمله واروح لمن اسأله اني ويش هالمر |
رد: ديوانية البحرين - دردشة حوامل البحرين - البحرينيات
أحلام أم
ان شاءالله يرضون يعطونش ياها في المركز والله يثبته لش ان شاءالله حروف عاشقة الله أمبي حلى ^_^ اكيد ما اييب اللوعه؟ شوقتيني حدي الحمدلله على سلامة البيبيات وان شاءالله الله يسهل عليش طفلي حياتي جيفه رحتين السلمانيه؟ يعني عطوش تحويل؟ لو رحتين الطوارئ؟ عملية ربط عنق الرحم سهله حدها نص ساعه وانتين طالعه ياخذون (يلده) يربطون بها عنق الرحم وبس تطلعين. ووقت فك الربط بداية الشهر التاسع، سهل حد أمه بعد الدكتورة قالت لي مابتحسين بألم، بتحسين بس بعدم ارتياح بسيط وحطت الملقط وماشفتها الا طالعه اليلده تقولي شوفي جيفه خلاص دقيقه وطلعت الحمدلله ولا حسيت لا بألم ولا بشي. اني سويتها بحملي ببتي لاني كنت اسقط خبرش الله لا يعود السوء وبحملي بولدي قالوا ليي تعالي نهاية الثالث نسوي لش فحص لتوسع عنق الرحم، رحت فحصوني وماطلع فيه توسع والحمدلله ماحتجت للربط. لاتخافين سهاله ان شاءالله . على طاري الاوميغا مافضيت اعور بالصيدليات، سايلت دكتورة المركز شكلها ماتدري به راويتها ياه قامت تديور فيه قالت لي لا تاخذينه، جذا بس ماتعرف له. قلت باسايلهم جان رحت موعدي خلف عشرة ايام. انتين دامش بتروحين للفحص سايلي الدكتورة واخذيه وياش. |
رد: ديوانية البحرين - دردشة حوامل البحرين - البحرينيات
هههههههههه حلوه خلف عشرة ايام
اني ياحبيبتي سايلت دختره هناك ماليها حال من لغرور اقول ليها بسألش عن الاوميغا الا تقول شنو ذي اوميغا مودري مودري يادافع البلا قلت انزين ابغي السلامه على عمري اني ما سايلت عن عملية الربط ياحبيبتي ان شاء الله ما احتاج اسأل عن فحص عنق الرحم اخاف يحطون هداك الشي وينزلون هالبيبي اللي ابغيه ايي للدنيا سليم مافيني شده يطيحونه ويغربلوني |
رد: ديوانية البحرين - دردشة حوامل البحرين - البحرينيات
على طاري جيفه رحت السلمانيه اني كنت اراجع عن دكتوره في عيادتها وقلت حوليني على السلمانيه لا اقدر ادفع لعيادات ولا اقدر اشتري المثبت وحوليني على السلمانيه المهم صادتني بلاوي لان رحت على عمايي ولا احصلها هناك وكل شي يسوونه ليي غلط يعطوني مواعيد غلط تصدقين عاطيني موعد من اسبوعين على اساس اليوم اروح اني ماخذتنه موعد حوامل عاطيني موعد تخذير يادافع البلاوي والنوايب ويوم قلت ليهم فطسو منالضحك يقولون اللي اخذ لش الموعد ماتاكد لان الفرق حرف واحد بين التخدير والحوامل وتالي صارت سوالف ومشيت وايد وايد وايد ومارجعت الا تحت يألمني وخفت
وهالدختره قالت لي لازم تيين عشان فحص عنق الرحم لانش طارحه من قبل وباجر يبغوني اروح اني ما ادلي بروحي مكان ويش اسوي في عمري يقولون الطابق الثالث في دختر الولاده عفر مادري فوووق |
رد: ديوانية البحرين - دردشة حوامل البحرين - البحرينيات
الحمدلله الذي لاينبغي الحمد والتمجيد الا له اللهم صل على محمد وآله الطيبين الطاهرين
دخلت الــــــــــرابع الللاي ياربي تمم لي على خيييييييييييييييييييييير وياكم كلكم |
رد: ديوانية البحرين - دردشة حوامل البحرين - البحرينيات
|
| الساعة الآن 04:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .