|
رد: الغاليات بنات فلسطين اتفضلو هون.....
صباح الخير للجميع
كيفكم ؟؟ طمنوني عنكم ؟؟ وضعي حاليا تعبانة كتييييير وبستنى ساعة الولادة ... عم تجيني أوجاع كل يوم بس مش منتظمة وخفيفة أدعولي الله يهونها عليي لأنو بجد تعبت مش قادرة تحياتي لكل الصبايا ... :) |
رد: الغاليات بنات فلسطين اتفضلو هون.....
صباح الخير ... كيفكم وشو اخباركم ؟..
حلا ان شاء الله تقومي بالسلامه يااارب .. وتكون ساعه سهله وتشوفي ابنك بحضنك بصحه وسلامه يااارب .. وكمان حواء وام عبد الله يااارب تقومو بالسلامه يااارب ويهونها عليكم ... |
رد: الغاليات بنات فلسطين اتفضلو هون.....
يسعد مساااااااااااكم
شو افطاركم اليوم؟؟ |
رد: الغاليات بنات فلسطين اتفضلو هون.....
حلا ... ربنا يهونها عليكي وتقومي بالسلامة إن شااااااء الله إنتي والبيبي ..
ممم اليوم إفطارنا .. زوجي جاي على باله مغكرونة بالباشميل وعملت شوربة وفي عندي طبيخ بازيلا من إمبارح وطبعا عملت سلطة |
رد: الغاليات بنات فلسطين اتفضلو هون.....
يسعد مساكم
حلا ربي يقومك بالسلامه يارب جاره احنا افطارنا كبده وقوانص وبطاطا ولبن وباذنجان( من الاخر مقالي) |
رد: الغاليات بنات فلسطين اتفضلو هون.....
كيفكم صبايا
فتت اطمن على حوامل اخر شهر الله يقومكم بالسلامة جميعا ويهونها عليكم يارب يلا طمنونا عنكم يوم بيوم حلا حبيبتي الله يهونها عليكي ويقيمك سالمة ويوصل يوسف بالسلامة يارب حواء وام عبدالله ان شاء الله بتهون وبتقومولنا سالمين وبتفرحونا بالاخبار الحلوة فوفو زمان ما بينت ان شاء الله تكون بخير واحساس سلامتك الله يهونها عليكي يارب لولو اكيد مغلباكي صابرينا متل الافندي عندي ما بنيمني الليل طمنيني عنك انا والله ابني صرلو كم يوم مغص وعياط مش طبيعي كتييييير وبقعد بعيط معه ما بينام طول الليل بيتلوى من المغص وبينام دقيقتين وبيصحى ع صوت واااااااحد جد اعصابي هالكم يوم تلفااااااانة ومرهقة ارهاق مش طبيعي بس الحمدلله شو بدنا نعمل ، الله يهونها عليه وعلي قولولي تجاربكم بالنسبة لمغص الاطفال ، هو يومين وبيكمل شهر شو بتنصوني اعمله او اعطيه ليرتاح عن تجربة |
رد: الغاليات بنات فلسطين اتفضلو هون.....
يسعد صباحكن ...
دودو ... أنا صار معي متل حكايتك مع بنتي وكان عمرها شهر وكانت تعيط على نفس واحد يمكن شي 4 ساعات متواصلة وماترضى تسكت واذا سكتت من أقل صوت ترجع تعيط وصرت أعيط عليها وما كنت بعرف إنها ممغوصة وأخدتها على طول ع الدكتور لما شفتها مارضيت تسكت وطلع معها نفخة وكتبلي دوا نقط أقطرلها بتمها وبتروق عليه كتييير وصرت لما أشوفها صارت تعيط وماتسكت على طول أحطلها بتمها الدوا اذا بدك بكتبلك اسمه هههه لأنه أنا بعيدة عنه هلأ |
رد: الغاليات بنات فلسطين اتفضلو هون.....
يسسسعد صباحكن ... ^ـ^
|
رد: الغاليات بنات فلسطين اتفضلو هون.....
صباح الخير ...
بنات بدي اسال .... في صبايا الله يجزيهم الخير قالولي انه النبض بيبان بعد 40 يوم .. انا امبارح رحت ع الدكتور وما قالي انه في نبض ولما ساته ع النبض قالي ب 12-8 بيبان يعني بيكون لي شهرين عامله التلقيح الصناعي .. مع العلم انه طمني على البيبي وع كيس الحمل وقالي كل شي تمام وقلل حبات التثبيت لاتنين مع اني كنت اخد 3 حبات باليوم ... اممم مع اني شفت ع الشاشه مكان ما كان يقيس للجنين طوله شي بينبض بس لما سالته ما قالي انه اه ولا لاء .. طمنوني الله يطمن بالكم |
رد: الغاليات بنات فلسطين اتفضلو هون.....
هلا صباح النور .. كيفك ام مروان وكيف البنوته ...
مالكم من امبارح ع نفس الصفحه ... كيفكم وشو اخباركم .. وشو اخبار الحوامل حلا وام عبد الله وحواء ..؟ |
| الساعة الآن 02:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .