منتديات حوامل النسائية

منتديات حوامل النسائية (https://naqatube.com/index.php)
-   ملتقى عضوات حوامل (https://naqatube.com/forumdisplay.php?f=69)
-   -   حبيباتى سيدات ليبيا تفضلو لأعرف ما حالكم (https://naqatube.com/showthread.php?t=262918)

جوهرة ليبيا 06-25-2013 11:53 PM

رد: حبيباتى سيدات ليبيا تفضلو لأعرف ما حالكم
 
اثري مشكورة عزيزتي عالكلام المفيد والقيم

بالنسبة للتخفيضات يااااااريت نقدر نمشي لكن راجلي ايروح متاخر

رنودة اليوم احسن وانا امس كان عندي تقلصات مع العصر وحتي انا مرضت امي قالتلي تعالي غيري جو واختي

العروسة بايتة بتحني شدت فيا غير تعالي

امشيت وطبعا رديت الشمال لرنودة الله غالب بنحاول بعد رمضان لان لو بنفكر نبدا غدوة من جديد افكارها ممكن تتلخبط

ربي يسر الامور


سوسو ارقي حوشك ديما ياغالية واقري سورة البقرة او افتحيها واسمعيها في الحوش وربي يحفظك


خوي عانا من السحر تلات سنوات من مدير فرع الي تحويل لمستشفي الامراض العقلية حسبي الله ونعم الوكيل

والله فترة صعبة مع اني صغيرة سادس ابتدائي
والحمد لله توة بحوشة وعندة 3ورش حدادة والمونيوم وثلاث اولاد وبنوتة ووووووووو قصة طويييييييله
يارب متشوفة في حبيب



جنودة ربي ايعاونك



وسلمكم نشادات ربي لا يحرمني منكم

جوهرة ليبيا 06-26-2013 12:49 AM

رد: حبيباتى سيدات ليبيا تفضلو لأعرف ما حالكم
 
البارح بتت في حوش بوي جو مش عادي مرة خوي قالت الا ما تركبوا تباتوا فوق ركبنا وولادها سلامتهم بيطيروا وحتي النوم مابوش يرقدوا

فرحانين بعماتهم ربي يحفظهم

جوهرة ليبيا 06-26-2013 01:13 AM

رد: حبيباتى سيدات ليبيا تفضلو لأعرف ما حالكم
 
اختي حنت دارتلها اللاصقة مرت خوي وانا حنيتها

اختي حامل في السابع ماشاء الله وقالولها بنوته فرحانة اختي هاذي من يومها متحبش الاولاد هههههههههههه

وتبي تخنب مني الاسم اللي بنسمية مجرد مانتبت علي اسم

ماشاء الله بنتها رياضية تضرب في امها ضرب تشبحية من بعيد تبارك الرحمن قلتلها مابعدك

و شن تاني آآآآآآمممم ورنودة رقدت شوي وناضت طبعا احني مارقدناش صليت انا قبل الفجر واختي الفجر نحيتلها الحنة وصلت ولصقنا من جديد الحلوة قالت ماصبغتش وحنيتها

روحت صلاة العشاء كحححححلة ماشاء الله

وكلينا في الليل طول الوقت سفرة وراء التانية والحمد لله انهدرزوا وماخدتناش الدوة للغيبة والقرمة الحمد لله وصلينا وسبحنا

خوي رقد في صالون الرجاله هه هههه

وجابلنا سلم خوي سفنز من الصبح سخون حتي كان كرهته من فضيحة سنفاز قرجي

وركبت امي وخواتي الزوز وفطرنا ولا يخلوا الامر من تنقريز الصغار الحلوين

ودرنا غدانا كسكسي بالبصلة

وامبطن الفلفل اللذيذ من ايدياتي احم احم

وصلاة العشاء روحت راجلي جاني
واختي كلمتني وانا مروحه قالتلي درت البتزا علي طريقتك تعالي اخطمي خودي عشاك قلت لراجلي مامانعش وهو ياعمري جعان ماشاء الله كانت سخونة تهبل ياكل قطعة وراء التانية قبل مانوصلوا هههههه

ومن شوي دوشنا التلاتة رقد راجلي وبنوتي وانا شوي وبنرقد مررررررهقة

جوهرة ليبيا 06-26-2013 01:17 AM

رد: حبيباتى سيدات ليبيا تفضلو لأعرف ما حالكم
 
اثري تعالي وينك

سوسو
جنودة

اوووووووشي ليها ايام ان شاء الله خير

جوهرة ليبيا 06-26-2013 01:18 AM

رد: حبيباتى سيدات ليبيا تفضلو لأعرف ما حالكم
 
وينكم بنات تعالوا بس شويييييي

جوهرة ليبيا 06-26-2013 01:20 AM

رد: حبيباتى سيدات ليبيا تفضلو لأعرف ما حالكم
 
نآآآكل في جيلاتي طريفة العلب الدوائر ايهبل

منو تحب الجلاتي؟؟؟

جوهرة ليبيا 06-26-2013 01:46 AM

رد: حبيباتى سيدات ليبيا تفضلو لأعرف ما حالكم
 
تصبحوا علي الف الف الف خييييير




السلام عليكم hwaml7

أم أجنادين 80 06-26-2013 01:53 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته

sosolibya 06-26-2013 05:10 PM

رد: حبيباتى سيدات ليبيا تفضلو لأعرف ما حالكم
 
https://www.facebook.com/shatee.alsanabel?ref=stream

sosolibya 06-26-2013 05:13 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته


الساعة الآن 09:41 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .