|
رد: دردشة بنات العراق, دردشة حوامل العراق , تجمع بنات العراق
تسلمين ام نورهانه بس دا اسوي شوربه اريد آكلات شوية تسمنة
شكلهم الحلوات اليوم نايمات للعصر مو للظهر مبين البارحة الكل كان عده سهرة * |
رد: دردشة بنات العراق, دردشة حوامل العراق , تجمع بنات العراق
ههههههههههههه اي والله
والله مااعرف ليش ابنج شكد وزنه تكدرين تنطي مي مال تمن احنه نسمي فوح وخلي بدل الملح شكر |
رد: دردشة بنات العراق, دردشة حوامل العراق , تجمع بنات العراق
عمره 8شهور و وزنه7 كيلوات دا اعطي اكل بس ما يأكل أحاول اعطية فواكه سريلاك شوربة خضار شويه تمن بس ما ادري احس وزنه بعده حتي اخر مره قبل اسبوع إحنا للدكتور قال ليش هيجي ضعيف اسويله ماي فوح بس ابد ما يحبه
|
رد: دردشة بنات العراق, دردشة حوامل العراق , تجمع بنات العراق
يمعود صدق كذب هاي وينكم أني عن نفسي نعست راح اروح أنام ماطول محمد نام و بعد شويه لازم اقعد بنتي للمدرسه ف خلاص قفلت عل أخير اشوفكم باجر
تصبحون علي خير لل دينامون و صباح الخير للي توهم قاعدين |
رد: دردشة بنات العراق, دردشة حوامل العراق , تجمع بنات العراق
السلام عليكم ورحمة الله
صباحكم عافية وتفاؤل يمة فدوة للعقل الراجح والكلام الموزون بيودة بس أحب أذكر نقطة مهمة احنة بالفعل اخوات وكل يوم أواصر علاقتنا تزداد ونشكي لبعضنا ونطرح وجهات نظر وكل وحدة تستفيد من الثانية بس نصيحة من أخت ما أكول اكبركم بس الحياة شوفتني أشكال وعاشرت وقرأت وسمعت لحد ما صرت انسانة تفكر 42 ساعة باليوم ههههههه حلوة هاي 42 ساعة مو اللي تشوف نفسها ماتتقبل رأي وحاطة اجابة معينة براسها إذا ما لكت نفس هالإجابة والرأي.. تتعصب وتخجّل أختها خلي تهدأ وتوسع صدرها لتباين الآراء بعدين تجي تكتب ومثلما كالت ام كرار الحروف وحدها متبين مغزى كلامنا الصوت والوجه يحدد أكثر ولهذا ممكن يصير سوء فهم إيمان سلامتج إن شاءالله هاي الدكتورة أفضل لا اليوم مو للظهر كعدت بال9 هههههه طبخت وعجنت كليجة بعدني ممحشيتها ولا شاويتها أم نورهانة لخاطر الجنين لتبجين وتقهرين نفسج صدكيني طفلج يتأثر شدي حيلج صيري أقوى من الظرف وإذا زوجج مديفيد وياه نقاش ولا توسل والحاح منج خلي والدتج تحاجيه بهدوء مو شرط تاخذج يمها لا بس بعض الأزواج من يشوفون الأهل ساكتين يزيدون الطين بلة كل البنات الحبيّبات سلامي وتحياتي بدون استثناء. |
رد: دردشة بنات العراق, دردشة حوامل العراق , تجمع بنات العراق
هلووووووووووو رويدة شلونج حبي لا يمعوده اني تعودت على السكوت وحتى صايرة باردة كلش بس مااعر ليش اني من احبل اظل ابجي حاله نفسيه وهو يضوج ميقبل احد يدخل واني هم صايرة اطنش بس شسوي وضايجه من وره الامتحانات هم عااادي اعرف اخذ حقي منه بغير طرق وهسه خابرني كال راحى اروح اخذلج اجازة
|
رد: دردشة بنات العراق, دردشة حوامل العراق , تجمع بنات العراق
أم محمد تشرفنا عزيزتي
الطفل يحتاج طول بال وكلي باوقات متقطعة حتى لو كل وجبة خاشوكتين ثلاثة إن شاءالله يصير مثلما تتمنين وأحسن. |
رد: دردشة بنات العراق, دردشة حوامل العراق , تجمع بنات العراق
اكول خلي اروح اسوي غده واجيكم اوكي راح اضل فاتحة الدردشة
|
رد: دردشة بنات العراق, دردشة حوامل العراق , تجمع بنات العراق
هلاوات عيوني أنتِ
الله يعينج .. اي الانسان من يحس انه احتمال يفقد شي عزيز حصل عليه بتعب تمر عليه حالات بكاء لا إرادية ريحي قلبج بالقرآن والدعاء ويارب النجاح بالامتحانات والحمل الثابت. الله وياج أنا ايضا تاركتها مفتوحة |
رد: دردشة بنات العراق, دردشة حوامل العراق , تجمع بنات العراق
هلو بنات شلونكم اليوم كعدت ساعة 12 وعالسريع سويتلهم ريوك وكعدت طبخت الغده وبعد شوي حمايه يطلع ونبقى بس اني ورجلي نلعب لعب خخخخخخخخخخخخخخ
لج ايه شبيج مستويه عالاخر شو دك وركص عندج هههههههه يارب الفرحة دايما وتعم الجميع فله والله عادي هالشي يصير بدايه الحمل اني هم من حملت حالتي صارت زفت 24 ساعة دك ولطم بسبب او بدونه وانتي حابله اكثر مني واكيد تعرفين هالشي وهالشي انشالله يختفي ويه نهاية الوحام امونة شلونج حبي شخبارج واخبار بنونة وابوها وكماشة ام محمد اسفة لسه مصار عندي طفل حتى افيدج بهالموضوع انطيه دكسون اذا تكدرين هههههههههههه باقي البناااات شلونكم انشالله الجميع بخير اليوم الحمد لله حالتي النفسية زينة ومرتاحة بعض الشي ياربي يريح بالي دايما ويريح بال كل وحدة ضايجة |
| الساعة الآن 12:07 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .