|
رد: 【ツ】أحلى تجمع لأحلى حوامل التوائم 【ツ】 الجزء الثالث
أم سارة وسبلاء لا تحاتين أن شاءالله التوينز مافيهم إلا العافية ودام الدكتور طمنج إن شاءالله ما عليهم شر وطبيعي المشيمة الوحده يكون واحد من التوينز يتغذى على حساب الثاني وأنا في آخر زيارة لي من 3 اسابيع تقريبن كان فرق بينهم 300 جرام ومافيها خطورة إن شاءالله على صحتهم ان شاءالله بتشوفينهم وبيكبرون جدامج وبتفرحين فيهم وهم أحلى عرايس يلبي قلبهم ماشاءالله بيكونون عسل لأنهم يتشابهون الله يحفظهم من كل شر دانـــات هلا والله وغلا، كنت على بالي ونورتينا ومبرووك الإجازة ، الحمدلله خذت إجازة وداومت بس الأثنين أسلم ملف الانجاز وفارقت الدوام برفع ضغط من حضرة جناب الوكيلة ضيقتني الله يسامحها، وهي عارفة أنه آخر يوم لي والله العالم إذا بينكتب لنا عمر نلتقي أو لا!!! عشان جذي امس كنت ضايقة حدي ، وطلعت السوق آخذ منزات للتوينز وكمل النواقص والحمدلله على كل حال واليوم من الصبح أحاول أدخل والنت معاندني بس دخلت ،وشفتكم الحمدللهhwaml7 أم منصور ماشاءالله احس عندج خبرة ، لا يكون دكتورةhwaml03 الله يكتب لج اللي في الخير وتبشرينا فريب رضاك ربي الله يسر أمرج باجر، وتشوفينهم وتفرحين بشوفتهم ويطمنونج واطمنينا معاج |
رد: 【ツ】أحلى تجمع لأحلى حوامل التوائم 【ツ】 الجزء الثالث
ام ساره وسبلاء
لا تخافين دام الدكتورة طمنتج فهي ادرى وتوكلي ع الله ولا توسوسين وايد والله يحفظهم لج. الياااه شحالج؟ وشحال العيال؟ مبروووووك ع الاجازة تتهنين فيها. وعن المنزات اخذتي واحد ولا اثنين؟ |
رد: 【ツ】أحلى تجمع لأحلى حوامل التوائم 【ツ】 الجزء الثالث
أحلى توينز أخبارج يا عسل، خذتي الجرعة الثانية من أبرة الرئة؟؟ يا بنات ياعسولات ياسكر سمحولي بطلع وقت الصلاة وبشوف عيالي أشووووفكم المسا بإذن الله تعالى |
رد: 【ツ】أحلى تجمع لأحلى حوامل التوائم 【ツ】 الجزء الثالث
اليااااه
نسيت أبارك لج مبروووووووووووك دخولج التاسع والله يتمم لج ع خييير وتولدين طبيعي وتقومين بالسلامة وتفرحين بأحلى توينز. تسجييييييل خروووووووج. |
رد: 【ツ】أحلى تجمع لأحلى حوامل التوائم 【ツ】 الجزء الثالث
أحلى توينز اقتباس:
ما بغيت أطلع وما ارد عليج الله يبارك في حياتج يا حلوه، إجازتي 3 اسابيع وان شاءالله اربي قبل لا تخلص لأنه مستحيل أداوم لو شو ما يصير وخذت منزين حسيت افضل، مناسبة لين عمر 6 شهور احس منفصل افضل سبحان الله واحد منهم يمرض او يرجع ويخيس فراشة ما يأثر على الثاني وسعره حلوو بيبي شوب مسوي تنزيلات الواحد 198 درهم بس وعقب بحطهم في سراير خوانهم وسلامتج إلى اللقاء مره ثانيةhwaml7 |
رد: 【ツ】أحلى تجمع لأحلى حوامل التوائم 【ツ】 الجزء الثالث
اقتباس:
خلاص اخذتها اليوم مشكورة حبيبتي ع السؤال وانا الحمدالله بخييير بس من كم يوم كان عندي مغص والحين الحمدالله راح. مع السلامة يالغلا الله يحفظج نشوفج المساhwaml7 |
رد: 【ツ】أحلى تجمع لأحلى حوامل التوائم 【ツ】 الجزء الثالث
اقتباس:
تسلمي كتيير اختي ام منصور ... ان شاء الله بكثر من السجود ... ربنا يحقق لك ماتتمنين ياارب ... |
رد: 【ツ】أحلى تجمع لأحلى حوامل التوائم 【ツ】 الجزء الثالث
حبيبتي الياه من كثر ماشفت مستويه دايه لخواتي هههههه لانه يدتيه كانت دايه وعمتيه اخت ابويه دايه محد ورث هالشغله الا انا :( كل مايحسون بشي قالوا وييييييين داية البيت يبون يربون (يولدون ) اسحبوني الله يكتب لي الاجر حتى اهل ريلي مشوا على المنوال ماادري انا طواري والا شو ؛؛؛خخخخ بعد بعطيج معلومه اذا وحده فيها بيبي واحد ها مب التوأم تحملوا تسمعون كلامي hwaml7 اللي في بطنها واحد اذا كان راسه فوق اتحب على الدرج طاله ونازله مره ووحده ويفتر راسه بقدرة رب العالمين سبحان الله هذا تعلمته من يدتيه الله يرحمها ياتها وحده اذكر ها كانت حامل وتقول قالوا لها انه راس البيبي فوق يابتها عند الدرج وقالت لها احبي طالعه نازله وهي تقول مااقدر كيف قالت ربي بيعينج وعقب خلتها ادور على الارض سبع مرات حبي وهي تحرك الحوض ولما خلصت قالت لها بتحسين يوم بتوقفين انه بطنج خالي من فوق وسبحان الله قالت لها احس انه الكتله اللي كانت في معدتي راحت هذا عن شوف عيوني وربي يتمم لكم على خير وفدييييت عيووونكم لا تنسوني بالدعاء |
رد: 【ツ】أحلى تجمع لأحلى حوامل التوائم 【ツ】 الجزء الثالث
اقتباس:
مشكووره رضاك ربي ... ان شاء الله ربنا يطمنك عليهم ... لما تشوفيهم بتنسي كل التعب بيلعبون وبيتحركون وتقولي متيين اولد واشوفهم قدامي.. الحمد لله علي رزقه ونعمته ... |
رد: 【ツ】أحلى تجمع لأحلى حوامل التوائم 【ツ】 الجزء الثالث
اقتباس:
الحمد لله طمنتيني يا الياه ... يعني فرق 300 عادي ...انا خفت والله لكن الان الحمد لله اتطمنت ...والله نعم الاخوات والصديقات وجدتهم بهذا التجمع ان شاء الله تولدي بالسلامة وتفرحي بيهم وبشوفتهم وضمتهم .. |
| الساعة الآن 12:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .