|
رد: تجمع حوامل (( مـــكة المكـــرمـــة ))
الله يسعدك فووووووووشيه يارب تنبسسسسطي ... حتى ترا الهوااا قوي ترا وبررد كان نفسي اكل حبه هههه (بررد بفتح البااااء)
والمطر رش رشه جامدة مافي تمهيد سبحان الله مررا حلوو الجوو نلي ياستي لاتنكدي على نفسك .. سبحان الله مافي شئ يجي بدون تعب مو انتي تتمني البيبي دا ؟ لازم تتحملي وتتعبي شويا والله يعينك والله حاسه بيكي .. لاني لما كنت في بيتي هناك مافي لا طلعات ولا خرجات مافي حريم في الشارع اصلللن!! تتخيلي قدي كدا ؟؟ لما ابا اخرج استنى ربوع ولا خميس وياارحنا ويااا مارحنا الحمدلله بس .. الله يعينك ويهونها وتعدي الايام بسووووووووورعه :) حناااان منووورة كيفك؟؟ الصورة الي حطيتيها منجد حقيقية ولا لا :( مرررررررا الاكل يشششهي مررررررا جوعتيني هههههه بعدين كنت بسالك بحكم انو عندك نونو مسبقا الله يحفظها لكي .. الطلق الصناعي اش وضعو؟؟ اسمع كتير يقولو اقوا من الطبيعي؟ بس سؤال كدا جا في راسي .. وان شاءالله اولد طبيعي بدون صناعي ولاهم يحزنووون ... مللللللكة حمدلله على سلامتك والله مره فرحت وفي نفس الوقت انقهرت متى يجي دوووووووووري؟! خخخخ استنا قصتك بفااااااااااااااااارغ الصبر !!! |
رد: تجمع حوامل (( مـــكة المكـــرمـــة ))
حديثة عهد ... انا ان شااااااااااااااءالله ان ربنا اراد وماكان في مطر داك اليوم خخخخ ح اولد في بخش .. لانو مشوووووووار من الرصيفة لين بخش
واختي ولدت فيها كم مره ونا مرتاحة لها من ناحية النظافة والتعامل واصلن كل شويا تجيكي مشرفة تسالك كيف الخدمة وازا في شكوى تشتكي في اي شئ نظافة اكل قلة ادب سؤ تعامل ايييييييي شئ... والي ماتعجبك من الدكتورات تقولي مابغا دي ابغا غيرها ولا اي شئ انا قد طلعلي خراج وشلتو عندهم في بخش واتدلعت ااااخر دلع كل شويا وحده تجي تنظف الارضية والحمام وتغير الشرشف حق السرير وتقيس الضغط ومره اهتمامهم حلو جدا صحيح اسعارهم غاليه بس يمديكي تجمعي من دحين هههه الطبيعي 4500 والقيصري 9000 تقريبا بدون التحاليل ومدري شو والله يسهل للجميييييييع يارب ... |
رد: تجمع حوامل (( مـــكة المكـــرمـــة ))
نانا
أنا أنتظر السبت بفارغ الصبر لأنو السبت بعده ياحبس من جديد ياوناسه وفله لأنو السبت الدكتور يقرر أذا فيه ربط وألا لا ولو قرر الربط ياويلي والله ماعاد أشوف الشارع بس أن شاء الله مايقرر ربط وأفلها وأرجع لحياتي والخروج والوناسه دعواتك لي |
رد: تجمع حوامل (( مـــكة المكـــرمـــة ))
نانا
بتلقف شوي وأتفلسف عليك انا جربت الطلق الصناعي في أجهاضي الأول لأن الرحم مو راضي يفتح فأخذته والدكتوره ماعلمتني وقتها جات أم زوجي عندي وأنا منومه قلت لها الدكتوره حطت لي شي تقول عشان الرحم يفتح وهي عرفت أنو طلق صناعي بس ماقالت لي تقول جلست أدعي لك وعرفت أش اللي بيحصل لي والمصيبه أخواتي جابوا لي قرفه وكف مريم وزنجبيل وبس شربتها وبغيت أموت ليلتها أصلا بس أصرخ من الألم وتبت اني أرجع أخذه أما في أجهاضي الثاني ماأخذته جلست في البيت أكل عسل وأشرب قرفه يومين الا الرحم فتح من نفسه وصرت أنزف بقوه ورحت المستشفى وعلى طول طاح الجنين ودخلت العمليات على طول وسويت التنظيف يعني24 ساعه رجعت بيتي عكس المره الأولى مره تعبت جلست 4 أيام في المستشفى نصيحتي لك أنتظري لاتستعجلين الولاده خليها الين يجي وقتها عشان لاتضطرين للطلق الصناعي لانك لو رحتي ومافيك طلق راح يحطوه لك على طول |
رد: تجمع حوامل (( مـــكة المكـــرمـــة ))
سوووووووري بناااااات والله انشغلت شوي
اهلين نانامنور بوجودك.....لالاهذي السفره حقت العشاء من النت لقطتها عشان نلي تنبسط وتتعشى وبالنسبه للطلق الصناعي كلام نلي صح ميه بالميه |
رد: تجمع حوامل (( مـــكة المكـــرمـــة ))
ياقلبي عليكي عورتيلي قلبي اللللللللللله يثبت الحمل دا واهجدي بلا وناسة وفللله !!!
اعزمي صاحباتك او اعزمينا في بيتك وفليهااااااا واطلبو اوردر من برا توصيل وخلاص وانبسطي لاتخرجي برااااااااا نهائيا انتي انسدحي بس وهما يسوو كل شئ كدا تكوني فليتي وغيرتي جوو والطلق بس سالت لانو اختي اتخرت اسبوع في الولادة وادوها طلق عشان كدا بسال اخاف اتاخر ومايفتح الرحم طيب في المرة التانية هو الجنين اصلن تعبان عشان كدا اخدتي قرفة وعسل؟ |
رد: تجمع حوامل (( مـــكة المكـــرمـــة ))
تدرووون بنات توها امي تكلمني تقول تعالو عندي بس انا مررره مالي خلق واعتذرت منها مضايقه حدي
خايفه لا اكون حاملوانا ما ابغى وزوجي مو راضي يخليني اركب لولب وانا مابغى الحبوب مره تتعبني...................................ايش اسوي والله طفشتموراضي يقتنع؟؟؟؟؟؟؟ |
رد: تجمع حوامل (( مـــكة المكـــرمـــة ))
نانا
أيوه أصلا في المره الأولى والثانيه مات الجنين يعني عشان كذا الدكتور يقول لازم أخذ أبر تثبيت هالمره بس أطمني ترى وضعي بخير هالمره الحمدلله قبل كذا ماكنت أكمل ثلاثه شهور أنا حاليا أنتظر أوامر الدكتور بالخروج وراح أنطلق بس في حدود مكه ماراح أتعداها حنان الله من هالشبعه خليها على ربك والله بس بيض وحليب قرفت مو طايقه الأكل من برى البارح جاب لي زوجي شيش طاووق ماكمل ساعه في بطني على طول خرج أبغى أكل بيت يووووه متى أروح لأهلي أكرفهم طبخ |
رد: تجمع حوامل (( مـــكة المكـــرمـــة ))
حنان
ليش ماتاخذي حبوب اللولب مشاكله كثير ويسبب نزيف وحوسه أنا ناويه بأذن الله بعد الولاده اخذ حبوب |
رد: تجمع حوامل (( مـــكة المكـــرمـــة ))
مممم ... انا مدري زوجي يقولي خليها على الله حملتي حملتي ماحملتي خلاص وقت ماربنا يريد .. بس انا ابا ع الاقل بين كل بيبي والتاني سنتين ولا تلاته .. اما ورا بعض صعب مررا احس .. واشوف اختي ومرة اخويا كيف بيعاانو!
مرة اخويا بس حملان البطن والنفاس هو الفرق بين اولادها الاتنين والله يحميهم مرررررا اشقياء اولاد طبعا ومرة تعب دحين واحد تانية ابتدائي والتاني اولى ... وانا قلت لزوجي كفاااااااااية عليا الولادة مارح اركب لولب ولا حتى فصفصه خلااااااااااااص دورك تتعب انا مالي صلاح ولا حبوب تتخن وتخلي الوحده عصبيه! يا يستخدم واقي ولا يشوف لنفسو اي دبره مدري! ماهي مشكلتي هههه |
| الساعة الآن 12:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .