|
رد: تجمع حوامل ليبيا
شكرا اختى معراج
وشكر الله سعيك اختى صابره وانشالله مانعزيكن فى غالى |
رد: تجمع حوامل ليبيا
يارب يسمع منك يا هاتووو ونجيبوا في رمضان انا مستعجلة جدا مع انه 60 حاجه ناقصتني بس الرزن والثقل تعبني تصدقي كل ليله راجلي يقولي هبا نطلعوا نشروا شن ناقصك نركب السيارة وماتجيش نص ساعه انقوله ردني اعييت تعبت وانروح عالفاضي
ربي يكرمنا من وسعه ونولدوا بالصحه والسلامه لينا ولاولادنا يارب يارب ارحمنا في هالشهر الفضيل واغفر لنا ذنوبنا ما ظهر منها وما بطن قولوا امين |
رد: تجمع حوامل ليبيا
شريتوا حوايج العيد ولا مازال انا شريت من اسبوع تقريبا
|
رد: تجمع حوامل ليبيا
السلام عليكم كيف حالكم وحال رمضان معاكم انا والله تعبانه اول سنة علي رمضان من غير اهلي كل شئ عليا ياربي الحمد لله
بالنسبه للحمل قاعده ماحملتش كل شهر انقول هالشهر ربي يرزق |
رد: تجمع حوامل ليبيا
هلا ميمونه كيف حالك ومبروك عليك الشهر وانشاءالله تحملي بزوز توامه
|
رد: تجمع حوامل ليبيا
ان شاء الله ياعيون زوجي انا اليوم عديت ودرتلي توسيع بس مش واجد شويه قالتلي لانو الرحم مازال مسكر وقالتلي تمشي اليومين هذين وان شاء الله خير
|
رد: تجمع حوامل ليبيا
اقتباس:
تسلمين حبيبتي انت شن حالك وشن صار فيك روحتي او لا شن مازال امتي موعدكhwaml7 يارب اتنوضي بالسلامة وتشوفي البيبي في حضنك |
رد: تجمع حوامل ليبيا
اقتباس:
عظم الله اجرك يا ام لقمان وانشالله ربى ايصبرها ويقوي عزمها |
رد: تجمع حوامل ليبيا
بناتى واخواتى سامحنى على انى ما نخشش واجد لانى نرقد بعد صلاة الفجر ونوعة الساعة 11 تمام فى الصبح ونبداء على طول فى قراة القران وبعد ما نقراء فى جزاءين كل يوم مع سورة البقرة يوميا بعدها نبداء انقوم بواجبات فى الشقة والراجل وبعدها نخش للمطبخ امتعى انجهز اى نوع حلو وبعد العصر ننزل الى حوش اهل زوجى وانا حطين على المقليات نبداء نقلى ونقلى ونقلى ونقلى ونقلى ونقلى من براه ومن جوها من الكلام لى نسمع فيه ونقول يارب صبرنى اهو اقريب تنفرج وخايفه انتكلم ايضيع اجرى والله المة سمحة لكن ها الصبايا ما خلن فيها حاجة اكويسة وانا على خاطر راجلى ما يكسدش ابروحة انقول خلينة نفطرو مع خواته واخوات لكن لمة تبى صبر *
|
رد: تجمع حوامل ليبيا
شوفو موقف امس صارلى واذا انا غلطنة والله ما اتحشموش منى قولولى انتى يا ميرنا غلطنة : اخت راجلى ادير فى باسطى بعد الفطور وانا رقيت اشقتى دزتلى مع بنت سلفى تبي اكريمة شنتيه انا عندى كريمة سائلة اعطيتها منها وقتالها اظربيها بالمظرب الكهربائى شكلها ماعرفتش اديرها حطتها على الكيك بدون ما تضربها جيت انا ثانى يوم القيتها اطنش ومعندهش الريح وين اتهب وتعزق فى الكلام وانا انقول ياغفل لك لله ازعمك شن صاير وانا امس امعهن ما فيش شى وتبداء اتقول ها الزغد ة شن تضحك علينا تعطى فينا فى حليب رايب وتقولنا حطنه علىالباسطى اينفش ابروحه قاتلها والله قلتلكم اضربوه فى المضرب وطلعت من المطبخ وسكرت على روحى فى شقتى نين جاء الرجل على اذان المغرب وبداء يرضى فىويقولى امسحيها فى وجه هالمرة وقعد ايحب ويظبط وقالى توة نحجزلك فى مصيف سوسة ثانى يوم العيد خيتكن ميرنا ما اهنكش شى عقل على طول راضيت وانزلت بس مع صبيتىمازالت القصة مستمرة وربى يستر اليوم شن يصير والله ما عندى جهد للمشاكل يا نا على
|
| الساعة الآن 01:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .