المشاركة الأصلية كتبت بواسطة كروشه متفائله (المشاركة 3332608)

حبيبت عمر حبيبتي مشتاقين لك طلي علينا وباذن الله ترجعين تبشرينا بحملك
السلطانه حبيبتي كل ازواجنا نفس زوجك ان زوجي كل شهر نفس طريقه زوجك
وثقتنا بربنا قويه وربنا لن يخذلنا
لولو انا نفس اعراضك بس الحمد لله ماعندي ارتفاع بهرمون الحليب وخفت والله اخاف فيني هرمون وانا مااخذت بالي لانه قبل اربع شهور اخر فحص
يارب مالنا سواك ارزقنا الذريه عاجلا غير اجل آمين آمين آمين
ربي لاتذرني فردا وانت خير الوارثين وجميع صبايا التجمع والمنتظرات الحمل

المشاركة الأصلية كتبت بواسطة كروشه متفائله (المشاركة 3332609)

وبشرينا حبيبتي السلطانه بالنتيجه وباذن الله حامل

المشاركة الأصلية كتبت بواسطة صمتي عالم (المشاركة 3332527)

كل عام وانتم بخيرر حبيباااتي
مبرووك الحياة حلووه الله يثبته وتفرحين بشووفته

كيفكم بنااات ايش اخر الاخباار

حيااتي توامي وحشتيني يالغلا اخبارك مع الحمل



سبحان الله وبحمده

المشاركة الأصلية كتبت بواسطة السلطانه 22 (المشاركة 3332493)

سلام بنات
انا اليوم الصباح زوجي وداني المستشفى عشان نعمل تحليل و انتوا عارفين اني ما قلتله اني سويت تحليل بيوم 12 من الابره و طلع سالب المهم انا احسب اني حسوي تحليل دم رحت واخذت تحويل عشان اسوي تحليل و قلت للدكتوره ابغى تحليل حمل دم و اخذ الورقه و وديتها المختبر فاعطوني علبه عشان احط عينه بول فيها الله يكرمكم فاستغربت قلت انا طلبت تحليل دم مو بول قالوا لازم تكلمي الاستشاري و حوووسه زوجي قال خلاص خلينا على تحليل البول قلتله انا توي خارجه من الحمام كيف؟
المهم اخذوا العينه و بكره الصباح تطلع النتيجه
رجعنا البيت و نمنا من التعب و الانتظار و انا اصلا كنت مواصله من امس \
و انا نايمه زوجي حط راسه على بطني و كانه يتسمع انا انتبهت له و سمعته يقول الا فيه اكيد فيه عيال

انا وقتها شوي و اصيح مسكت نفسي و سويت نفسي نايمه و الله يا بنات انا زعلانه عشانه ايش راح يسوي اذا عرف انه ما فيه حمل و الله مكتئبه و فيني صياح ماسكته من اليوم و دحين راح نام و بعدها على طول نزلت دموعي الله يعيني يا رب و يصبرني
و حتى لما اغسل او اشتغل بالمطبخ يجي يمسك بطني كاني حامل و اشوف وجهه فرحااان مره و انا دموعي بتنزل و فيني غصه
قلتله لا تسوي كذا فيني انا مو حامل قال تفاءلي بالخير ليش التشاؤم قلتله حاسه بالام الدوره و اكيد مو حامل
يا بنات انا احاول اشيل هذي الفكره من راسه ما ابغاه يتحطم بس الشهر ذا بس عرفت قد ايش يبغى يكون اب زي ما ابغى اكون ام

الله يصبرنا يا رب العالمين و فرح قلبي و قلب زوجي بالحمل و الولد الصالح عاجلا غير اجل

و كمان قبل 3 ايام و انا احس بان حلمه الصدر بارزه مرا و تعورني كثيير ما ابغى احد يلمسها حتى اللبس العادي يعورني اذا لمسته و حتى لما اتروش بس الصدر نفسه حاسته مليان و ثقيل بس ما فيه الم اول مره تحصلي يعني عادي لاني اخذت منشطات و ابر و لا عادي لانه قبل الدوره زمان ما يجيني الم بصدري قبل الدوره ابدا
باقي على الدوره 3 ايام و الدوفاستون وقفته قبل يومين
معليش بنات طولت عليكم تحملوني و ادعولي

المشاركة الأصلية كتبت بواسطة جمانة نور (المشاركة 3332342)

روح سعيد، أم توتة، sokara ، الحياة حلوة ،وحبيبتنا حياتي توامي وكل البنات الله يجبر بخاطر كم ويريح بالكم بكل ما تتمنون الله يعطيكم من الأرض للسماء انه على كل شيء قدير خلونا نتفاءل ونحسن الظن برب العزة والجبروت انه عليه هين وإذا أراد شيء يقول له كن فيكون