|
رد: دردشة بنات ليبيا , دردشة حوامل ليبيا , تجمع بنات ليبيا
ملخص قصة ولادتي...
دارلي زكريا لنقي دخول يوم 14.3 الساعه 6 مساءآ يوم الخميس خشيت المصحة وبصراحة كنت خايفه جدآ لان مافش اي بوادر ولادة لا في لية لا تساهيل والرحم مسكر والدخول كان ع اساس ليه صناعيه.... اد كان نبض الجنين تمام واد ضعف عمليه طبعا فتت موعد ولادتي ب 8 ايام... طبعا عطوني اللبوس الساعه 1 ليل نحسابهم دارو كشف بس ههههههههه لعند ما في مراة قالتلي هو زي حبة الرز ماتشوفيه لا تحسيه... طبعا قالولي ساعه ماتحركيش بعدها بدت فيا لية دورة وبعدها بساعه بدت اللية تعلق دقيقه بدقيقه..... في البدايه قعدت نبكي حسيت بطلعة الروح بجد بعدها ع الساعه 5 صبح قعدت نهدي في اعصابي ونمسح ع بطني ونقرا في سورة الزلزله اكثر شئ ودعاء سيدنا يونس في بطن الحوت واكثرت من الاستغفار بجد يابنات برغم قوة الليه حسيت بصبر وقتها لعند مابعدها بنص ساعه جت القابله كشفت لقت 2 سم بس ... صارلي احبااااط وقعدت نمشي بصعوبه في الممر جيت رديت لسريري وقدت صابرة عالالم قوي بعدها خديت الديشمبر بندير حوض امية دافيه لقيت المنظفه بالحمام رديت للسرير فجأه حسيت بالم نزول الراس عيطت بقوة غصبا عني لقيت جميع القابلات فوق راسي ههههههه بيكشفن قلت الراااااااااس معش نقدر حطوني عالكروسه وجرررررررري ع غرفة الولاده حطوني عالكشك طوووال وبدت الدكتورة طبعا تولد فيا والحمدللله يارب جبت طبيعي وارتحت الحمل هدا تعبني جدا وكل شئ بأجره....... |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
ام فراس ضروووووووووورى تقوليلى كيف التوقيع متع عمر البيبي زمان جربته بس مازبط معى |
رد: دردشة بنات ليبيا , دردشة حوامل ليبيا , تجمع بنات ليبيا
شموووووسة الحمد لله على سلامة زوجك
وين حصتى خخخخخخخخخخخ |
رد: دردشة بنات ليبيا , دردشة حوامل ليبيا , تجمع بنات ليبيا
خخخخخخخخ ام فراس قصتك حلوووووووووووووووووة
الله يبارك لك وعليك |
رد: دردشة بنات ليبيا , دردشة حوامل ليبيا , تجمع بنات ليبيا
1 مرفق
والله مااخساره فيك ياسوسو هاكي ذوقي منها واعطي باقي البناتhttp://forum.hwaml.com/attachment.ph...1&d=1364226789
|
رد: دردشة بنات ليبيا , دردشة حوامل ليبيا , تجمع بنات ليبيا
يابنات ماتقولوليش شنو هذا خيرها العباد شنو صارلها
والله الجامعة تحشم والله معاد تنخش والله تقول ماهم مسلمات البنات يللى فيها والله حاجة تحشم وتقطع الوجه قصدى توا بدى اكثر من قبل بهلبببببببببببة الموضوع زاد عن حده وتفجر اكثر من اللازم معادش فيه من يشد معادش فيه منو يتكلم معادش فيه منو يحكم عرفتونى على شنو نحكى ولاه على الشكل الخارجى والله حاجات انا بروحى نتحشم نديرها او نلبسها مش قدام بوى قدام خوى الصغير خيرهم خيرهم ياااااااااااااارب اهدى العباد يااااااااارب |
رد: دردشة بنات ليبيا , دردشة حوامل ليبيا , تجمع بنات ليبيا
لالالا هده ليا بروحى ويالله تسدنى انا وصغارى خخخخخخخخخخخ
البنات تعطيهم حلقوم واعطيهم حصتى انا منحباهش |
رد: دردشة بنات ليبيا , دردشة حوامل ليبيا , تجمع بنات ليبيا
خلى نكمللكم على البلى استغفر الله
قبل حتى يللى تدير حاجة كانت حاجة بسيطة وبينى وبينكم حتى كان فيه بنة وكان فيه من يدير اكثر من هكى بنات معدودات ومعروفات بس توا بدى الكل الا من ستر الله والله انهارها سمعتها من زوجى كلمة على وحدة فايته انسلخ وجهى و وين حاسبه روحه ساهره هده قال ناقصها الفيلو بس يعنى بالمعنى هذا والله والعلاقات واللمسات وااااااااااااااه والبلى الاحرف استغفر الله والله قلبى حارقنى عالبنات وعلى الاولاد والله قلبى قريب يتقطع على البلاد وشبابها والله متغششة على هكى مسلمين ويللى يوجعك حاسبين رواحهم صح ومتحجبين ومايديروش فى حاجة غلط والله اليوم وحدة نعرفها قتلها لو تنحى وشاحك احسن لانك هكى تسؤى فى سمعة الحجاب والله على قد ما قلبى محروق وكان نلقى نغير الوضع كان نلقى ندير حاجة لان بصراحة معادش فيه حد يتكلم بدت حاجة الناس بدو يعتبرو فيها عادية يعنى لما واحد ووحدة مقعمزين حكم فى حجور بعض الناس يشوفو فيها بدت عادية وبكل برود يقولولك هذا صاحبها وكانه زوجه او يقولولك خطيبها وكأنه مشرو يعنى |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ماشاء شي مروح من السفر والجايبات عز والله
مبروك عليك ام فراس وتتربى في غزك البنوتة يارب والفال ليانجيب طبيعي شموسة الحمد لله عالسلامة ويافرحتك والله |
| الساعة الآن 06:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .