منتديات حوامل النسائية
صفحة 240 من 823 « الأولى 140190230238239 240 241242250290340740 الأخيرة »
عرض 40 مشاركات من هذا الموضوع لكل صفحة

منتديات حوامل النسائية (https://naqatube.com/index.php)
-   منتدى علاج العقم و تأخر الحمل (https://naqatube.com/forumdisplay.php?f=18)
-   -   تجمع الجزائريات المتأخرات في الحمل و أهلين بالتونسيات الغاليات (https://naqatube.com/showthread.php?t=269956)

mounira 10-01-2013 03:53 PM
رد: تجمع الجزائريات المتأخرات في الحمل و أهلين بالتونسيات الغاليات
 
اقتباس:
المشاركة الأصلية كتبت بواسطة alma021 (المشاركة 3428310)
واش منيرة خرجتي

كنت رايحة نخرج ... كرهت وحدي

mounira 10-01-2013 03:56 PM
رد: تجمع الجزائريات المتأخرات في الحمل و أهلين بالتونسيات الغاليات
 
واش راكي الما كيفاش الاحوال

احلى شيء الاموموة 10-01-2013 04:04 PM
رد: تجمع الجزائريات المتأخرات في الحمل و أهلين بالتونسيات الغاليات
 
اقتباس:
المشاركة الأصلية كتبت بواسطة حورية بيتي (المشاركة 3427903)
صباح الخير لبنات كيفاش ركم اليوم
امومة اختي وكلي امره لله عزوجل كلش بارادته وتابعة الي حكيتي عليها يقولك عند سماعة الرقية ماتقدريش وتجيك الغمه وقلبك يضياق
شوفي انا ايضا محملتش السبب هو مرض روحاني وراني مداومةعلى الرقية وايضا عندي هرمون الذكورة طالع بزاف وقالولي ديري الليزر وماحبيتش قلت خلاص كيما اكتب ربي
الحمد الله واذا راجعتي الارشيف راح تشوفي بلي قررت نجيبب طفل او طفلة نربيه او نربيها وعادي راجلي كان متزوج من قبل وعنده طفلة في عمرها 6سنين وقالي راه عندي بنت لوكان ماتولديش كامل وعادي ايا قررنا نربوا بيبي حتى يكتب ربي
الله يحفظك حروية ..ربي يعطيك حتى يرضيك ويسهل امورك ويطيحك في طفيلة ولا طفيل يسر قلبك وتربحي عليه وتجيبي طزينة نتاع ذراري..هههههههه...داومي على الرقية وربي يفرج...
والله راني حامدة ربي اللي صحتي انا وراجلي لاباس ...مي الوحدة تحير وعلاه الاجهضات هذي الكل وما نعرفش السبب...كلش بيد ربي سبحانو يسير في امورنا بحكمتو...ربي لا يحرمنا ان شاااء الله ...

احلى شيء الاموموة 10-01-2013 04:08 PM
رد: تجمع الجزائريات المتأخرات في الحمل و أهلين بالتونسيات الغاليات
 
اقتباس:
المشاركة الأصلية كتبت بواسطة حورية بيتي (المشاركة 3427907)
الاخت منيرة صباح الخير وشكرا على الورود يعطيك الصحة على الفال نتاع اليوم امومة شوفي الورد شحال شباب ايا خلاص متخميش راه جايك واحد الزهر ومزال تحملي وتجيبي طفلة وطفل وقولي هذيك حورية ثرثارة هههههههههه قالنهالي
منيرة معرفت خير اختي
ربي ينحي عليك كيفما نحيتي على قلبي بكلامك الزين..لالا ما كيش ثرثارة كلامك بلسم يداوي المهموم...ربي يشوفنا في الضناية الصالحة وعطيك على قد قلبك الكبير...ربي ييسر امورك ويسهلك مقصودك...

alma021 10-01-2013 04:08 PM
رد: تجمع الجزائريات المتأخرات في الحمل و أهلين بالتونسيات الغاليات
 
الله يسلمك منيرة اختي راني الحمد لله وانت يادرى صوتك كاش جديد عليه
امومة شفتي كل واحد وهمو فهاد الدنيا مرات علابالك واش نقول يارب كون غير تفتح عليا ياولوكان مرة نرفد ونطيح معليش المهم نعرف بللي نحمل ونحس بهاداك الاحساس نتاع الحمل ونشو فالخطين تاع التاست يا لوكان غير مرة

alma021 10-01-2013 04:12 PM
رد: تجمع الجزائريات المتأخرات في الحمل و أهلين بالتونسيات الغاليات
 
ومرات كي نقعد نفكر واش قلت نقول انا مهبولة علابالي بللي اللي ترفد وتجهض الالم نتاعها اشد من اللي ماترفدش كامل
عندي الحق ولا لالا امومة

عقيلة 10-01-2013 04:16 PM
رد: تجمع الجزائريات المتأخرات في الحمل و أهلين بالتونسيات الغاليات
 
سلام لبنات
واش أنتوما هنا وأنا عملت تجمع اليوم لبنات بلادي

احلى شيء الاموموة 10-01-2013 04:17 PM
رد: تجمع الجزائريات المتأخرات في الحمل و أهلين بالتونسيات الغاليات
 
اقتباس:
المشاركة الأصلية كتبت بواسطة alma021 (المشاركة 3428337)
الله يسلمك منيرة اختي راني الحمد لله وانت يادرى صوتك كاش جديد عليه
امومة شفتي كل واحد وهمو فهاد الدنيا مرات علابالك واش نقول يارب كون غير تفتح عليا ياولوكان مرة نرفد ونطيح معليش المهم نعرف بللي نحمل ونحس بهاداك الاحساس نتاع الحمل ونشو فالخطين تاع التاست يا لوكان غير مرة
شفتي الما يااا اختي قلبي راه معمر ...عدت دمعتي ديما تجري..حتى ضرك راني نكتب ونبكي ...الله غالب مالقري راني حامدة ربي وصابرة والكوراج الي عندي ناسي يحيروا فيا..مي قلب العبد لحمة والله راني نقول الحمد لله اللي رفدت وجربت الوحام وتحل حزامي كاين اللي يتمناها كيف قلتي مي والله الاجهاض حاجة صعيبة فرحة ما تكملش بعد ما تحلمي وتتصوري وتبني وتريبي...الحمد لله على كل حااال ....ربي يفرحنا كااامل ويرزقنا الحمل الثابت السليم ..وان الله ترفدي ويكملك ربي ويفرحك بشوفة صغيرك كلش عند ربي قريب....

احلى شيء الاموموة 10-01-2013 04:21 PM
رد: تجمع الجزائريات المتأخرات في الحمل و أهلين بالتونسيات الغاليات
 
اقتباس:
المشاركة الأصلية كتبت بواسطة alma021 (المشاركة 3428348)
ومرات كي نقعد نفكر واش قلت نقول انا مهبولة علابالي بللي اللي ترفد وتجهض الالم نتاعها اشد من اللي ماترفدش كامل
عندي الحق ولا لالا امومة
عندك الحق وما عندكش الحق ...صح الالم صعيب وخاصة نفسا..ربي يصبركل من فقدت جنينها...والله مرات نقول الحمد لله كل اجهاضاتي في الشهر الثاني مالا الالي تجهض في الخامس والسابع ...تخيلي تعرف طفلة ولا طفل وتوالف بيه ويتحرك في كرشها ومن بعد تفارقو صعيييبة بزاف...مي كي ترفدي وتفارقي على الاقل يكون عندك امل ...ورانا نهدرو برك كلش بحكمة ربي وتسييرو سبحان الله ناس تقطع الامل ويرزقهم ربي ..ربي حنين كريم

alma021 10-01-2013 04:23 PM
رد: تجمع الجزائريات المتأخرات في الحمل و أهلين بالتونسيات الغاليات
 
راني حاسة بيك امومة رانا كيف كيف وبالاك انت راكي مضرورة اكثر مني لاخاطرش يقولو تولد وماتجهضش
ربي يرزقك ان شاء الله وتروح عليك هاد البلية وتشوفي ولادك قدامك ان شاء الله


الساعة الآن 01:01 PM.
صفحة 240 من 823 « الأولى 140190230238239 240 241242250290340740 الأخيرة »
عرض 40 مشاركات من هذا الموضوع لكل صفحة

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .