منتديات حوامل النسائية

منتديات حوامل النسائية (https://naqatube.com/index.php)
-   إستفسارات حوامل من الشهر السابع إلى الشهر التاسع (https://naqatube.com/forumdisplay.php?f=92)
-   -   دردشة حوامل مصر - دردشة بنات مصر - تجمع حوامل مصر (https://naqatube.com/showthread.php?t=21824)

dr.princess 02-23-2011 04:03 PM

رد: دردشة حوامل مصر - دردشة بنات مصر - تجمع حوامل مصر
 
والله قلتله على تحليل الدم ومرضاش يودينى وبعدها جابلى التحليل شكينا فيه وبعدها ب 3 ايام جابلى واحد تانى لما كان هيجرالى حاجة وبرده هو مكنش مقتنع بالنتيجة ولا حتى قالى مبرووك

dr.princess 02-23-2011 04:13 PM

رد: دردشة حوامل مصر - دردشة بنات مصر - تجمع حوامل مصر
 
هقفل معاكى دلوقتى
كنت بكلم ماما وقالتلى ان ابن اختى الصغير تعبان اوى فهكلمها

وكمان لولو صاحبتى كانت حامل والحمل نزل وتعبانة فهكلمها
استغفر الله العظيم الاخبار الوحشة بتيجى ورا بعض

MALAK2010 02-23-2011 04:17 PM

رد: دردشة حوامل مصر - دردشة بنات مصر - تجمع حوامل مصر
 
الف سلامه على ابن اختك وعلى صاحبتك
طيب يالولو نتكلم بعدين ان شاء الله

أم إياد 02-23-2011 04:26 PM

رد: دردشة حوامل مصر - دردشة بنات مصر - تجمع حوامل مصر
 
مساء الخير يابنوتات..
ازيكم ياحبايبي .. أنا دخلت اهه عشان نتطمن على بعض..
يارب تكونوا بخير جميعا..
لولو وميري فكرتوني في كلامكم بحماتي.. ههههههه
بتعمل معايا زي حمواتكم بالظبط كأنكم بتحكوا اللي بيحصل معايا..
يللا ربنا يعيننا بس اللي انا باحاول فعلا اعمله زي اللي ملك بتقول عليه ..ملوكة ست العاقلين.. عقبالنا..هههه
اصل لازم حتى لوعاملوني وحش او كلامهم صعب احاول استحملهم , لاني خلاص ارتبطت بيهم ومش هاقدر اغيرهم..
وجايز بمعاملتي الحلوة معاهم يتحسنوا , وطالما جوزي روحي فيهم يبقى لازم ابقى كويسه معاهم طالما ده هيرضي جوزي..
واللي اي واحده فينا بتعمله هيقعدلها سواء حلو او وحش..
ده بس كان رأيي في موضوع الخناق مع الحموات هههههه

MALAK2010 02-23-2011 04:34 PM

رد: دردشة حوامل مصر - دردشة بنات مصر - تجمع حوامل مصر
 
هههههههههههههههههه
حلوة اوى ست العاقلين دى ربنا يخليكى ليا وياريت عاجب هههههههههههههه
والله انا مش عاوزة احسن بتانيب ضميرى لانى بتعب منه ربنا يستر

MALAK2010 02-23-2011 04:36 PM

رد: دردشة حوامل مصر - دردشة بنات مصر - تجمع حوامل مصر
 
ازيك يا ام اياد عامله ايه
ايوا كده ادخلى معانا علطووووووووووووول وقولى رايك

أم إياد 02-23-2011 04:38 PM

رد: دردشة حوامل مصر - دردشة بنات مصر - تجمع حوامل مصر
 
لولو اخبارك ايه؟
انتي في الشهر الكام دلوقتي؟
عجبني المثل بتاعك اوي..
وميرسي على وصفة الفراخ..
صحيح الجو عندك حر.. ليه كده الصيف بادئ بدري عندكم؟
دااحنا لسه عندنا برد في القاهرة.. انا كنت في السعودية وانا صغيرة اتولدت هناك وقعدنا 12 سنة كنا الاول في سكاكا الجوف وبعدين اتنقلنا القصيم ,بس فاكرة ان فعلا الجو حر اوي والتكييف مابيتقفلش..
وربنا يعينك انتي وملك في الغربة ويقومكم بالسلامة..

وبالنسبة لهدية حماتك ياملوكة ,ممكن تجيبي حاجة دهب بسيطة وتكون هي دي الهدية الواحدة لو انتي هتنزلي يوم عيد الام او قبلها بكام يوم بس .. فممكن تكون هدية واحدة للمناسبتين..
لكن لو هتنزلي بدري قبل عيد الام بفترة يبقى تجيبي هديتين وأمرك لله.. الاسعار نار طبعا يلا الحمد لله..
وبالنسبة لهدية المواليد.. حاجة واحدة يااما نقوط محترم يااما هدية قيمة..
دا رأيي .. على فكرة انا كمان سلفتي لسه والدة كان السبوع امبارح وسمت نور برضه بنوته زي القمر..
عقبالنا يارب جميعا تبقى ولادتنا سهلة ويفرحنا بذريتنا ان شاء الله..

MALAK2010 02-23-2011 04:42 PM

رد: دردشة حوامل مصر - دردشة بنات مصر - تجمع حوامل مصر
 
ام اياد :شكرا على المشورة يا جميل
انا نازلة يوم 4 فى الشهر ان شاء الله يعنى بدرى على عيد الام

MALAK2010 02-23-2011 05:04 PM

رد: دردشة حوامل مصر - دردشة بنات مصر - تجمع حوامل مصر
 
http://forum.hwaml.com/imgcache2/hwa...469877_788.gif

أم إياد 02-23-2011 05:16 PM

رد: دردشة حوامل مصر - دردشة بنات مصر - تجمع حوامل مصر
 
هههههه حلوة الصورة
بنات انا فعلا قلقانة من قعدتنا الكتير قدام الكمبيوتر..
أنا قرات ان الاشعة والموجات بتاعته بتأثر ع الناس العاديين وخصوصا الحامل وممكن تأثر ع الجنين , ربنا يحفظنا يارب..
وكمان خطورة الاشعة بتكون حسب وضع الجهاز أدام الجسم.. يعني لو الكمبيوتر محطوط بحيث يكون وضعه قدام البطن , او وضع اللاب توب على الرجلين بيكون خطر خالص ع الجنين..
ربنا يسترها علينا ان شاء الله..
طبعا مش هنقدر مانقعدش قدامه بس نحاول يكون وضعه مش مضر اوي..
ربنا يتمم لنا بخير كلنا ان شاء الله, ويرزقنا ذرية سليمة تامة الخلقة والعافية يارب .. قولوا آمين


الساعة الآن 07:03 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .