|
رد: دردشة حوامل مصر - دردشة بنات مصر - تجمع حوامل مصر
بالظبط يا ملك
اللهم يا مقلب القلوب والابصار ثبت قلوبنا على دينك انا والله حاسة بفرحة خفية كدا فى قلبى موش عارفة ليه هل عشان قلبى مطمئن ان عالية فى مكانة عالية زىاسمها ولا عشان الواحد فاق وقرب من ربنا ولا ايه ولا ايه انا مشاعرى مضطربة جدااا موش عارفة انا فرحانة ولا زعلانة بس لالالالالالالا موش هستسلم للزعل أبداااااااااااااا بدل ما احزن واعيط افتكر نور عينى بدعوة حلوة واطمن قلبى بذكر الله وكلنا نعمل كدا |
رد: دردشة حوامل مصر - دردشة بنات مصر - تجمع حوامل مصر
وياريت برضه نعين بعض على الاعمال الصالحه والطاعات ونفكر بعض
احنا كل يوم بنرغى فى كل حاجه ماعدا دينا نشجع بعض على قراءه القران حتى بعد رمضان والصلاة بخشوع والاذكارواى حاجه كويسه انا عارفه طبعا ان احنا كويسين فى الطاعات بس ساعات كتير بنتلهى ممكن من اولادنا او من اى حاجه فنحاول نعين بعض على الطاعه حتى لو نعمل كل يوم واحنا بنتكلم كذا دقيقه نحددها سوا لذكر الله مع بعض علشان نكون بجد متحابين فى الله |
رد: دردشة حوامل مصر - دردشة بنات مصر - تجمع حوامل مصر
وبعدين يا بنات احنا مننساش ان احنا الوقتى قدوه لاولادنا يعنى قبل مااطلب منه يعمل الصح لازم اكون بعمله علشان يتعلم منى
|
رد: دردشة حوامل مصر - دردشة بنات مصر - تجمع حوامل مصر
يا بنات بالله عليكم ادعو لملك كتير لانها تعبانه وعندها نسبه صفرا انا خايفه عليها اوى وقلبي بيتقطع من امبارح عليها وهي يا قلبي شكلها اتغير اوى
يا سمااااا بالله عليكي ابقي طمنيني علي موضوع الصفرا ده لان البنت وزنها بيقل كل يوم عن التاني والدكتور بيقول ده عادي بس انا خايفه اوى بردو وطلب اعملها تحليل للصفرا بكرا وقولنالو علي لبن يساعد مع الرضاعه رفض اعمل ايه .. اغير الدكتور ولا اعمل ايه يارب خليهالي وماتحرمني منها ابدا ... يارب احفظهالي وفرحني بيها وبشوفتها دايما سليمه في حضني ومتخسرنيش فيها ابدا يارب من بعد ما شوفتها واتعلقت بيها |
رد: دردشة حوامل مصر - دردشة بنات مصر - تجمع حوامل مصر
ربنا يشفي ملك ويطمنك عليها يارب
انا حاسه بيكى لان سلمى كانت عيت اول ماتولدت وكانت صعبانه عليا وكنت هموت عليها انا مش عارفه موضوع الصفرا بس بالنسبه للوزن الطفل او مايتولد بيقل ميزانه فى الاسبوع الاول ده عادى ويالنسبه للرضاعه ماتستعجليش الصناعى لان الطبيعى افيد واللبن بيزيد بالتدريج ان شاء الله الطفل بيبقى احتياجه من اللبن فى الاول بسيط وبعدين بيزيد بزياده عمرة واللبن بيزيدد بكتر الرضاعه وربنا يرزقها باللبن الطبيعى ياااااااارب |
رد: دردشة حوامل مصر - دردشة بنات مصر - تجمع حوامل مصر
ربنا يخليكي يا ملك يارب لدعوتك دي
انا بردو رافضه الصناعي بس هنا بيقولولي عشان الصفرا دي تروح لازم البنت تشبع وترضع كويس وطبعا لبني لسه قليل ومش مكفيها وانا خايفه النسبه تزيد فقولنا نسال الدكتور عاللبن ده كمساعد يعني بس مش اساسي ومش هديهولها كتير بردو بس هو رفض ربنا يخليلك سلمي يا ملك وتفرحي بيها يارب |
رد: دردشة حوامل مصر - دردشة بنات مصر - تجمع حوامل مصر
بصى يا ملك اشربى سوايل كتيييييييييييييييييييييييييييييييييييييييييييييييي ييير لو تعرفى اكتر من 3 لتر فى اليوم ولو تقدرى يبقوا 5
لان الجو عندكم حر طبعا فجسمك بيحتاج سوايل علشان اللبن فمبالك بوجود الحر والجسم بيفقد السوايل فى العرق وكلى سمك مشوى بيقولوا بيزود البن وانا جربته فعلا ان شاء الله بيزيد وطبعا الحلبه بتزود بس انا مش بحبها وطبعا الحلاوة صدقينى انا جربت موضوع اللبن وقلته وعيطت كتير علشان هى مسؤله منى وانا مش عارفه اشبعها وربنا يرزقها يارب وبصراحه برضه طول مانا برضعها بقعد استغفر علشان اللبن دة رزق الطفل والرزق بيزيد بكثرة الاستغفار |
رد: دردشة حوامل مصر - دردشة بنات مصر - تجمع حوامل مصر
بحاول اشرب يا ملك والله واكل عشانها علي قد ما اقدر
بس الدكتور كان وصفلي ليها بردو ميه مقطره اديها 5 سم بين الرضعات وانا بصراحه خفت اسقيها دلوقتي ومجبتهاش معندكيش خلفيه عن الموضوع ده؟؟ او ياريت يا سما لو تعرفي تقوليلي وانا هشوف ردك |
رد: دردشة حوامل مصر - دردشة بنات مصر - تجمع حوامل مصر
فيه حاجه تانيه بردو قلقاني البنت لما بتكون نايمه مثلا بالنهار فتره طويله بسيبها نايمه ومش بصحيها ارضعها ولا حاجه لاني كنت سامعه في التلفزيون من دكتور ان النوم ده افيد للبيبي من الرضاعه
بس قرايبي بقي قالولي لا كده غلط امال هي هتشبع ازاي ماهي كده هتخس فعلا وبيقولولي ابقي اصحيها غصب عنها عشان ترضع مش عارفه الكلام ده صح ولا ايه وانا لسه معرفش حاجه في اي حاجه وبتعلم وخايفه امشي ورا كلامهم و اعملها حاجه تضرها |
رد: دردشة حوامل مصر - دردشة بنات مصر - تجمع حوامل مصر
الدكتور برضه قالى على موضوع الميه بس انا معطيتهاش برضه
انا رحت بسلمى للدكتور وهى كان عندها شهر وقلتله عاوزة ادخل صناعى لانها بتعيط ومش بتشبع فمرضاش بس عطانى دوا ليا بيزود اللبن اسمه هيربانا اساليه لو ينفع تاخديه بس انا بقولك اصبرى شويه جايز ماتحتاجيش لدوا لانك لسه والده وطبيعى بيبقى اللبن قليل شويه بس انا دخلت لسلمى صناعى لما بدات شهرين كل ما الاقى اللبن عندى خلص اعطيها |
| الساعة الآن 06:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .