|
رد: دردشة بنات ليبيا , دردشة حوامل ليبيا , تجمع بنات ليبيا
نمشي نصلي الظهر
|
رد: دردشة بنات ليبيا , دردشة حوامل ليبيا , تجمع بنات ليبيا
مبارك ماشريتي اوشي اتبيدوهم بالهنا والصحة يااااارب
ههههههههه ضحكت علي ولدك العسل نفس بنتي لما تاخد حاجة معادش تسيبها لين بوها ايقيمها باش ايخش حساب القطعة في الكمبيوتر هههههه وعلي قد ميديرولها امتاعين المحلات شئ لا كيسة ولاهم يحزنون تقعد حواشي البسة في الارض اليوم ان شاء الله بمنشي انشوف عمتي الغالية كان زوجي روح بكري غداي طلعت وجبة من اللحم الوطني اللي عطتهولي امي انفكر اندير طاجين لحم بالخضراء ومشتقات ومرات انقول اندير كسكسي اخف واحلي واسهل لاني اليوم بصراحة مريضة من قلة النوم |
رد: دردشة بنات ليبيا , دردشة حوامل ليبيا , تجمع بنات ليبيا
ههههههههه حلوة مغامرات اوشى واطفالها
من الاخير اوشى قداش صرفتو امس هههههههه ان شاء الله مبروكات مسعودات وبالهناء |
رد: دردشة بنات ليبيا , دردشة حوامل ليبيا , تجمع بنات ليبيا
نسيت نقول شنج توا على فكرة قريب الصدى يرد عليا
قصدكم امتى مموعد العرس تبع حمات شموة الخميس هذا ليبيا قلبى طلى فى النهار فى قمرة الليل اثرى ليك وحشةاثرىىىىىىىىىىىىىىىىىىىىىىىىىىىىىىىىىىىىىىىىىىى ىىىىى وينك عارفتنى مانتحمل فرقاك جنودة ربى يهديك ديما تشغلى فيا عليك |
رد: دردشة بنات ليبيا , دردشة حوامل ليبيا , تجمع بنات ليبيا
بنات تذكروا مرة لما قلتلكم انى مش مقتنعة ابدا بشراء الحار ابدا ابدا
لأنى رقم 1 نعتبرها بيارة حشاكم ورقم 2 نحسعها رزينة وحتى مانقدروش نوثقو فى اى حد المهم وتذكرو لما قلتلكم انىلامرة قعمزت انا وصاحبتى وقعدت تقنع فيا انها حاجة عادية جدا ومافيهاش اى مشكلة والواحد مرات يكون مشغول او جايه حد على غفلة او مش فاضى او مافيش وقت طبعا انا نحكيلكم باش نذكركم بيللى صار وكمان نحط حبيبتى جيجي فىا الصورة بما انها ماسمعتش القصة قبل واقتنعت تبو الحق وقررت انى بناخد حاجة لما يجونى السوريين يعنى حاجة نفتك منها ونتهى عليها وكمان هذا حكيتهولكم الجديد ان المراة يللى كنت بنكلمها وهى معرفة صاحبتى معادش تبى اديره .................... بس الحلو انى سمعت بأن مرت خو أهل عمى بدت ادير فيه (المبطن طبعا انا نبى ) هى مراة ماشاء الله عليها مصراتية وتهبلللللل ومتزوجة معانا احنا بس ربي مارزقهاش بالصغار وبادية من جديد تصنع المهم دبرت فى رقمها والصبح كلمتها وقلتها راهو الحق انا قبل عمرى مااقتنعت نشرى حار بس لما سمعت بيك وانا ماعنديش وقت قلت خلاص مش حنلقى حد فى نظافتك وفلاحتك وانا واثقة فيك وقالتلى ان شاء الله تطلع ثقتك فى محلها ووصيتها على 100 وتدير فيه بدينار وربع بالرغم من ان المراء يللى كنت بناخد منها بدينار بس بس الحق واحد موثوق فيه ولو زيادة فلوس بس وتوا ان شاء الله يصير خير |
رد: دردشة بنات ليبيا , دردشة حوامل ليبيا , تجمع بنات ليبيا
خالتى جاية لامى ونحس روحى مش قادرة حتى نمشى نهدرز
اليوم قلبت الدواليب الكوجينة وظمينهم ومسحت الدواليب ولغاز والرخامات وسيقت ااااااااه ظهرى بيتكسر وقعدت نحول فى قجار مراية دار النوم وطلعت الكراس والصالون من دار النوم لأنى حاطة كرسى صالون على الجنب ولقيته بلا فايدة غير يعبى حوايج ههههههههههههههههههههههه وجهزته على بس يجى وجى ويياعدنى نبو نغيرو الديكور زى ماقلتلكم بنقلب السرير فى مكان المراية والعكس |
رد: دردشة بنات ليبيا , دردشة حوامل ليبيا , تجمع بنات ليبيا
ههههههههه شفتو الاملاء
استاحشت كلام الدلع متع يقين ههههههههههههههه |
رد: دردشة بنات ليبيا , دردشة حوامل ليبيا , تجمع بنات ليبيا
جيجى بنسألك البورسلين بقداش
لانه شكله زوجى بيقتنع ولو يصير توا نديرلكم زردة وعالعموم بارك الله فيك جيجي يللى جبتيلى هذه الفكرة قوليلى بقداش لأنى زوجى قالللى كان 50 دينار الميترو فما فوق ماتحلميش بيه اهىءءءءءءءءءء ربي يستر وخلاص توا اشبح وقداش ياخد وقت تركيب نبو نركبوه توا قبل ما يجو السوريين ان شاء الله |
رد: دردشة بنات ليبيا , دردشة حوامل ليبيا , تجمع بنات ليبيا
سالى منسية يارب يعينها مع صغارها ان شاء الله
ويقين زعمة ولت للقراية ووين زهرة زعمة ولت لمصر ورغودة ياترى قاعدة فى المغرب ووين ابتسامة الصباح زعمة قاعدة ماليزيا وحنين 88 والله استاحشتها زعمةروحت وجابت ولا قاعدة فى مصر وسوما ليبيا راحت ايامها ماخشتش حتى طمنتنا على روحها جابت اكيد توا وام محمد وقصى وام ورد راحت راحت وام معاد دار ربي مرة مرة تطل وطبعا عيون وسورنام وكبريائى وام سعد راحو مع الريح هخههههههه ربى يردهملنا سالمين غانمين هههههه ام وسونة خشى طمنينا |
رد: دردشة بنات ليبيا , دردشة حوامل ليبيا , تجمع بنات ليبيا
والله السعر بالزبط مانعرفش اختاري نوعية علي السعر اللي قاله راجلك نازك وحلو مرات احسن من الغالي بلا فايدة
ياخد يوم كامل في التركيب علي حسب السطاوات وسرعتهم وماتحطيش عليه حاجة رزين ليلتين لين يتماسك كويس وبس وان شاء الله انكون فدتك في اي شئ |
| الساعة الآن 08:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .