رد: تجمع حوامل الأشهر الأخيره(السابع,الثامن,التاسع)
 

رد: تجمع حوامل الأشهر الأخيره(السابع,الثامن,التاسع)
 

ميامي فديتج خبرينا عن يوم ولادتج
وقوليلي شو اخذتي عشان يفتح الرحم اكثر..اعشاب ومحرضات ولا ماخذتي شي انفتح من الله
انزين لما فتح 1 سنتي كم اسبوع تم على هالقياس
لانه انا حاليا فاتح 1 سانتي من اسبوعين وكل يومين تقريبا اروح اكشف القاه على نفس الوضع
والراس عندي في الحوض ماشاء الله بس ماثبت..لازم امشي والجو عندنا في الامارات مايساعد على المشي وكل يوم عندي امتحانات وتسليم تقارير ومشاريع .. تصدقون محددين لي موعد الولاده بعد اسبوعين على نفس اليوم الي بتخرج فيه بالضبط..شكلي بتخرج اخر يوم اداوم فيه وعلى طول على المستشفى هههههه
مسكين الجنين الي في بطني درس وكرف معااي من هو نطفه خخخخ

رد: تجمع حوامل الأشهر الأخيره(السابع,الثامن,التاسع)
 

يسعد مساكم بنوتات ـ احس بحرقان بالبول الله يكرمكم - ماعرف ايش اعمل !
الله يهونها علينا ويخفف التعب .

رد: تجمع حوامل الأشهر الأخيره(السابع,الثامن,التاسع)
 

اميييين ياارب

حبيبتي لاتستهونين بالموضوع ولا تهملينه..لازم تروحين وتفحصين يمكن يكون عندج التهاب في البول ..وخليهم يسون لج مسحه مهبليه يمكن تكون جرثومه في الرحم ..بتاذي الجنين اثناء الولاده
والله يشفيج ويشفي كل مريض ويسهل علينا

رد: تجمع حوامل الأشهر الأخيره(السابع,الثامن,التاسع)
 

وين القصه ياميامي

رد: تجمع حوامل الأشهر الأخيره(السابع,الثامن,التاسع)
 

ام هزاع عملت فحص من اسبوعين وماكان في شيء الحمد لله ، الله يكتب الخير يارب .
عندي موعد بعد بكرة ان شاء الله بدي اشوف كيف ؟!

وننتظر ميامي نشوف قصتها /، حد يقلها خلاص خلصت الاوراق المتساقطة ههه

رد: تجمع حوامل الأشهر الأخيره(السابع,الثامن,التاسع)
 

ههههههههههههههههههههههههه من جد طولت ماكتبت القصه ,,

الظاهر فعلا في اكشن انا متأكده انها مانست نلقاها اللحين تكتب القصه من بعد المسلسل لكن زي ماقالت ان فيها اكشن , الله يستر عليها ..

رد: تجمع حوامل الأشهر الأخيره(السابع,الثامن,التاسع)
 

ههههه عمري فداء ولدي شكله كده ، ان الله مع الصابرين ويلا ياميامي ترانا كلنا نهلوس ههه

رد: تجمع حوامل الأشهر الأخيره(السابع,الثامن,التاسع)
 

ميمااامي يعني مافيه قصه اليوم :(

رد: تجمع حوامل الأشهر الأخيره(السابع,الثامن,التاسع)
 

قلت اسليكم شوي بقصة ولادتي اليت تقصلكم ميامي

ولادتي البكرية بولدي الله يحفظة من سنة ونص تقريبا او اقل شوي فيلم رعبhwaml9
التاسع كله يوميا مشي ساعه قلت يساعد بفتح الرحم لاكن سبحان الله طوفت التاسع وخذيت ثلاث ايام من العاشر قبل الولادة بيوم في الليل تقريبا نزل افرازات اكرمكن الله مخاطيه وبها دم شوي والم بسيط بالبطن والصباح قمت وفطرت بالقوة ورحت دكتورتي كشفت علي قالت الرحم مفتوح2سم واليوم شكلها ولادتك استعدي كل ساعه يمكن يفتح سم واحد وتوقعت لي اولد العصر المهم رجعت البيت واذان الظهر وانتم بكرامة استفرغت وبدا يجيني الم فظيع
الم الطلق عندي انا كان ببطني ورحمي وماجاني اي الم بظهري بالرغم ان خواتي قالو الطلق ظهرك بيظيمك اما انا لا
الم اقسم بالله فظيييع من تحت صدري الى مثانتي انقباضلت رهيبة وحرارة وشي ينزل لتحت لدرجة ماقدر اوقف على رجلي وامي تقولي امشي وين امشي والله اني ارتجف والطلق يروح ويجي رحت للدكتورة قالت الرحم فتح4سم اذا تقدري تتحملي شوي ولا روحي المستشفى وانا بجيك العصر وصراحه ماقدرت حتى امشي على رجلي حت المستشفى وركبولي جهاز تخطيط عشان نبضات الجنين وانا اصيح من الالم وكل شوي تجي وحدة تكشف من تحت وانتن بكرامة وتقول فتح سم ويجيني مغص واسهال واروح الله يكرمكن دورة المياه واش دم ينزل علي الين الساعه خمسه العصر جت دكتورتي قالت مفتوح الرحم 8 اصبري الساعه 6 قالو 9سم والممرضة كشفت ووسعت قالت اوكي10
قلت يافرج الله دخلت غرفة الولادة يمممممممممممممممممه hwaml79 قلت خلاص مثل الافلام المصرية شوي ينزل البيبي يبكي
الا الدكتورة تقولي يلا وانا يلا ايش؟؟؟؟؟؟؟؟؟؟؟؟؟؟؟؟؟؟؟؟حتى كيس المويه هي فقعته بيدها

ادفعي والطلق خف شوي ولاجاني ادفع بقوة قالوا تخيلي عندك امساك الله يكرمكن وادفع وادفع واصيح وابكي واقرى قران وادعي والله ماخليت ذكر الا وقلته بمووووت من الالم والدكتورة تقول حوضك ضيق وراس البيبي مانزل اصلا بالحوض يعني اجهدت روحي على الفاضي
شوي وقالت بنسوي توسيع يسمونه شق العجان فتح من المهبل الى قبل فتحة الدبر ودفعت شوي وخرج البيبي حسيت براسه وكتفه واسمع بكاه يا اللله وربي احساس فظيييع سبحان مخلص النفس من النفس وشوي المشيمة حسيت بها
بدا فيلم ثاني وهو الخياطة من كثر الدفع صار لي تمزق وقعدنا في الخياطة وربي ساعتين يمكن وانا حاسه بها والدكتورة تقول بنجتك وانا احس والله قعدت اترجى واقولها خلاص احس بالخياطه مقدر خدريني سوي اي شي بموووت واهلي خافو علي لان النونو خرجوه للحضانه وانا طووولت مررررة والله شي بشع
الي يضحك في الموضوع يوم بيخرجوني من الولادة للغرفه حقتي بنخرج بالممر وفي رجال ينتظروا بره مو محارم لي فقلت للسستر تغطي وجهي وتغطيت بالشرشف فاعوذ بالله كاني ميته وزوجي واخوي فزعوا انجنوا وانا تخيلت منظرهم واقولهم انا بخير ههههههههههه

المهم عشت شهر ماساة من الم الخياطة وحتى الحمام اصيح لادخلته وجتني نفسية واكتئاب الله لايعيدها
ورفضت حتى تركيب اللولب ما ابغى احد يلمس هذا الشي وحصل حمل ثاني الحمد لله وش نقول وبولد اذا ربي راد بعد 11يوم وممكن اقل وبموت خوووف لكني متفائلة شوي وان شاء الله ربي يسهلها علي وعليكم بحق لا اله الا الله ومعي بنوته حلوة يقولون ولادة البنت اسهل من الولد ودعواتكم خواتي تكفوووووووووون