|
رد: تجمع حوامل ليبيا
هلا وغلا بصابرة كيف حالك وحال عبدو ومبارك اعليك هالشهر الفضيل وعام داير في ايدك اخ او اخت لعبدو ...
|
رد: تجمع حوامل ليبيا
كل سنة وانتن طيبات
لمتكم حلوة وتسهف انا كنت في البحرمع هلي اليوم روحت قاعدة نضم في الحوش وبنطلع في العشية نشري حاجات الحلويات انا اغلب الايام نصيم مع هل زوجي مع ان زوجي ميبيش يصيم مع هله يحب يصيم بروحه وانا نقعد عركة انا وياه عشان نبي هله اكيدة تستغربو لكن انا نحبهم بكل لان امه وخواته يحبني بطريقة مش طبيعية وانا بصراحة غاليين عليا وبعدين رمضان حلاوته في اللمة |
رد: تجمع حوامل ليبيا
حبل الوصل كيف حالك ياخيتي سلمك نشادة انتي قرعتتي صح والله العظيم غالية عليا وخاطري نشوفك كل سنة وانتي طيبةوان شاء الله رمضان الجاي وليدك الجديد في ايدك يارب
شن حال اختك ووليدها ان شاء الله كويسة طمنيني عليها يابنات وين ميرنا كنها مفش عليها اخبار بكل عيون زوجي لنقنك حانطة وتهبلي وتروحي بالسلامة وتنوري ليبيا ساجدة بنتك ماشاء الله عليها ربي يخليها لكي وشن درتي في الهدايا لولي كيف حالك وحال العروس بوسيها ليا وخلينا نشوفوك كان روحتي صابرة ماشاء الله على اوليدك لمن طالع حلو لامه ولا لبوه كان بوه حلو هكي معناها ردي بالك ام لقمان كيف حالك ياحكيمتنا وكيف حال بنيتنا لاباس عليها |
رد: تجمع حوامل ليبيا
هاتوا ربي ينوضك بالسلامة وتولدي عل خير انت وعيون
ام اسيل والله ليك وحشة ... شن حو البحر معاك ..بحر قبل رمضان ياصقع الولد طالع لبوه اكثر وشوية مني |
رد: تجمع حوامل ليبيا
ام اسيل نورتى وين هالغيبة والله حتى انى خاطرى نشوفك مبروك عليك رمضان
وكيف صار في النزيف شن طلع وعاينتى ولا لا اختى باهى شوية وولدها طلعوه من الحضانة |
رد: تجمع حوامل ليبيا
حي عليك ياصابرة معناها باته طرف (طرف يعني حلو) افطني كويس
طبعا نبصر حتى انتي غير تسلمي ربي يدوم المحبة وسقدي روحك جيبينا بنية حلوة اخرى ناخذها لهيمو |
رد: تجمع حوامل ليبيا
مبروك عليكم رمضان وكل عام وانتم بخير ميرنا وينك استاحشتك خشي طمنينا عنك
|
رد: تجمع حوامل ليبيا
حبل الوصل حمدلله على سلامة اختك ووليدها
انا النزيف الدكتورة معرفتش من شنو يمكنمن الكلوميد لاني خذيته الشهر هضا بس توا كويسة وقف والحمد لله خلينا نقولو لبعضنا اكلات في رومضان نغشوا من بعضنا لزوم التغيير عارفتك سوايا بدعة والبنات كلهن يخلينا نقولو لبعضنا اكلات حلوة ولا حتى كل وحدة شن طيبت بيش مانحيروش |
رد: تجمع حوامل ليبيا
ربي يستر يا ام اسيل ..توا نحبسه باش مايطلعش ويشوفوهhwaml14
اناقلت نبي ندير اسياخ الدجاج المشوية وشربة وبيتزا وبوريك والحلو نبي اندير الكيكة الباردة او التشيز كيك |
رد: تجمع حوامل ليبيا
السلام عليكم
شن اخباركم توا يا احلى ليبياااااااااات ومبروك اعليكم الشهر وهلا وغلا بالغياب ام اسيل وحبل الوصل وام لقمان ام اسيل سلامتك من النزيف وانشاءالله خير حبل الوصل انشاءالله لاباس على اخيتك |
| الساعة الآن 12:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .