رد: هنا تجمع حوامل الشهر (الرابع والخامس والسادس)
 

طبعا خلال الخمس سنين بعد ما جبت رنيم كنا يعني كأنو متزوجين يعني نادر كثير ما نكون سوا الا اذا كان عم لعب رنيم
وطبعا حملت وكملت الشهرين والنصف واطمنا على البيبي وبعد كم يوم صرت اشوف دم بالبول بعيد عنك وعنا ولما خابرت الدكتورة طلبت تحاليل طبعا طلع في جرثومة جايتني وفي التهاب شديد وصفتلي حبوب تثبيت وضلت اسبوعين انزف وبلش يجيني طلق وصرت اشوف قطع وكل ما اخابر الدكتورة تقلي استني البيبي ما كان فيه شي ولما خلصت ادوية الالتهاب رحت لعندها طبعا هالفترة نفسيتي بنووب تعبت وخصوصي اني حسيت بالوحدة وما في دعم من زوجي واهلي بعيدين ورحت لعندها قالت البيبي ما تولازم عملية تنظيف ورحت للمشفى
لأني كنت مو اكلة شي لأني حسيت من يومين برجفة قوية ونبض بعدين توقف وهيك دخلت العمليات وكمل الفلم بأن طبيبة التخدير الشاطرة ما خدرتني بالعرق ولما اج الدكتورة بدها تشتغل صرت اصرخ اني فايقة ودكتورتي بلشت تخانقهم وسمعتهم يركضوا وتقلهم يخدروني باليد الثاني ويعطوني ابرة مشان ما تلتهب ذراعي يلي مليانة مخدر

رد: هنا تجمع حوامل الشهر (الرابع والخامس والسادس)
 

ياقلبي ايوه كملي

رد: هنا تجمع حوامل الشهر (الرابع والخامس والسادس)
 

طبعا ماما قالتلي اني طلعت صفرا كثير وقالولهم اني تحسست من المخدر انا فقت وصرت ابكي وما عد قدرت الا ابكي واصرخ طبعا الدكتورة قالت انو الرجم فاتحة 4 سم تصوري الي اسبوعين بطلق ولما اقلهم بقولوا اكيد عادي لأني ما جربت الطلق ويومها زوجي بدو يطلعني للبيت بس ماما اخذتني لعندها يومين بس بعدها اخذني من عندها

وهووون بلشت فصل جديد من الفلم

رد: هنا تجمع حوامل الشهر (الرابع والخامس والسادس)
 

كملي ياقلبي

رد: هنا تجمع حوامل الشهر (الرابع والخامس والسادس)
 

صار يجيني الم بظهري شي يقلنا من الهضم وشي غازات وركبنا دويخة لحد ما دكتوري الغدة ما قلتلك صار عندي قصور بالغدة منهيك ما كنت بنحف الا بصعوبة المهم الله يجزي الخير قالي اروح للطبيب الكلى وطلع في استسقاء درجة 3 ومو عارفين ليش وضليت سنتين كثير صعبين الام وما اقدر اقول اني بتألم خوف من زوجي وتحاليل وصور اشعة وظليلة بالاخير شخص او ضيق وصل حويضي حالبي بالكلية من اثر الجرثومة يلي سببتلي اجهاض صارت الحويضة عندي تسكر وطبعاا ركبنا دويخة ثانية بها الدكاترة الشاطرين وقال الدكتور بده تحليل بالنظائر المشعة وشو بدي احكيلك كله بكوم وهالتحليل بكوم خصوص اني عملته على حساب الشركة عند زوجي لأنه غالي وكان الدكتور بيكره الشوام وتركني من الساعة 5 لل 9 المسا لعمله وكثر مؤلم وطلع بعدين انو الكلية ربع عملها ولما رجعت للدكتور قال بدها استئصال

رد: هنا تجمع حوامل الشهر (الرابع والخامس والسادس)
 

وهون خفت لرحت لدكتور قرايبنا وما عد عمل عمليات لأنه كبر وبعتني اعمل صور ظليلة بطرق معينة بعدين قال خلاص السبت تعي حعملك العملية للننقذ الكلية وتشتغل كم سنة احسن ما نشيلها
وهيك قرر العملية عملتها حوالي5 ساعات بالعمليا ولما طلعت قالت ماما انو الدكتور طلع تعبان بالمرة والعملية كانت تصنيع حويضة جديدة

رد: هنا تجمع حوامل الشهر (الرابع والخامس والسادس)
 

ياقلبي
عندي اسئلة بس تخلصي قصتك

رد: هنا تجمع حوامل الشهر (الرابع والخامس والسادس)
 

وحطلي قسطرة لمدة شهرين ونصف تقريبا وبعدها مشان نوفر قال حيقملي القسطرة بالعيادة عنده وحيوفر علي تخدير عام ومصاريف المشفة مشان خمس دقائق بس كانت الاصعب بحياتي وهيك قمت القسطرة وبعد شهرين قال الكلية تمام ومشي الحال وسألته ممكن احمل قال نعم وهيك شهر وحملت بنسرين

رد: هنا تجمع حوامل الشهر (الرابع والخامس والسادس)
 

وكان حملها عادي بس صار فقر دم وسكر حمل وبالسادس صار مع بحص بالكلية من الكلس يلي عطتني ياه الدكتورة يلي اختارها زوجي لأن هديك قال هي سبب الاجهاض الماضي وصفتلي ادوية كثير انا خفت رجعت لطبيبتي الاولى يلي بحبها ورفضت اخذ شي قالت راجعي دكتورك وارجعييب وطبعا نصحني اذا بقدر اتحمل ولا يعطيني دوا اخترت اتحمل الوجع وبالتاسع ولدت قيصري بنسرين واجتني خوالف قوية كثير وقالوا اني نزفت كثير خلال العملية وطبعا ما كنت اقدر اوقف ومعدتي العفو منك ما خرجت كانو ما حيخرجوني بس دكتورتي قالت اني صبورة واكيد حنفذ تعليماتها لحد ما اخرج والحمد لله عانيت 5 ايام بعدين مشي الحال ونسرين يلي ما شاء الله كانت نشيطة كثير وعذبتني ما تنام و جسمي تعب كثير وهلأ عمرها 3 سنين ونصف تقريبا و رجعت حملت منهيك بحس جسمي تعبان

رد: هنا تجمع حوامل الشهر (الرابع والخامس والسادس)
 

طبعا بعد العملية كان يجيني مغصات نا عمة بالكلية بس مقبولة وخلال هالحمل فرحت كثير بس بالشهر الثاني تعبت من الصيام وليلة العيد الصغير نزفت وطبعا تحركت مخاوفي ولما خبرت الدكتورة وصفتلي مثبت وطبعا ما عد رديت على زوجي وارتحت وتركت كل الشغل بس لو تشوفي زوجي كان بدللني لأني حامل ولما نزفت ظن انو راح البيبي وطبعا ورجاني الويل حتى صار يحاكي البنات على الفيس قهرني كثير بس الله كبير الحمد لله مرق الخطر بس لساتني بخاف اقوم باي جهد اصلا ما فيني قوة دوبني بطبخ وبشوف نسرين ورنيم والله بيعين