منتديات حوامل النسائية - دردشة بنات ليبيا , دردشة حوامل ليبيا , تجمع بنات ليبيا

اقتباس:

المشاركة الأصلية كتبت بواسطة أثري في مدادي (المشاركة 3213364)

أوشـــــــــــــــــــــــــــي

أهلا بيك ،،،،،،،،،،،
شن أخبار الشرق ؟؟؟ إنت في درنة ولا البيضاء ؟؟؟
ولا المرج ؟؟؟
نعرف إنك من طبرق ... لكن وين السكنى ؟؟؟ تحديداً

ربي يحفظ أوخياتك ويزيدهم من فضله ..........
لكن تعرفـــــــــــــــــــــوا
أني ممكن مسمومة شويــــــــــــــــــة
لكن
أني ضد العفس علي القلب والصحة
وتوفيـــــــــــــر كل مايشتهيه الزوج
داااااااااااااائما
وأبدااااااااااااااا
أقصد المرأة تمر بمراحل توهن صحتها وتغير مزاجها
دورة ، حمل ، وحام ،، ترزين ، نفاس ، سهور ليل مع الأطفال
وهي أمور معفيين منها الرجال
فلاحـــــــــــــــــرج
إن تدلعت شوية حينما تكونين بحاجة للراحة والاستجمام
وهذا مش عيب فيك
بل هو أمر يزيدك أنوثة ورقة ونعومة
ويحسس زوجك أنك تستاهلي الاهتمام والرعاية المثلى
لأن اللي مايديرش لروحــــــــــــــه قيمة مايدروهالاش الناس ~~~ قاعدة أراها ذهبيـــــــــــة

أني مش من باب تخبيب الزوجة على زوجها ’’’’ لا والعياذ بالله
ولكن من باب أن دوام الحال من المحال
والإنسان عرضة لتغيرات تقلل من جودة عطاءها فإن إعتاد الزوج على نمط معين من الرفاهية
صحيحة تاعبة
مرتاحة متكدرة
مش حيتقبل أي تقصير ، ويعتبره من واجباتك بعد أن كان ينظر إليه على أنه من جمايلك
°°°°° خلاصـــــــــــــــــــــة سنوات زوجيــــــــــــــــــة
~~~~~~~~~~~~~~~~~~~~~~~~~~~~~~

هلا اثري ...... انا ياحبيبة نسكن في شحات الاثرية

وانا مع كل كلمة قلتيها ... فعلا زي ما يقولو ولدك علي ماتربيه وزوجك علي ماتعوديه

يعني انا بصراحة وسط مع زوجي يعني مش مدلعته واجد ودائما لما يجي ويلقاني مثلا

ضامة الحوش ودايرة غدوة معتبرة والعيال نظاف ... انجيب له طويسة الشاهي ونقعد

جنبه ونقول آه يظهري آآآه يارجولي تعرف ياحبي اليوم نضت ودرت ودرت ودرت وكله عشانك

ياااااااااا... اناديه باسم الدلع ... يمشي ايصبي يقول للعيال خلو ماما تريح وماتعقدوهاش

ووووووو ...... وانا قصدي من كل هذا انوريه اني تاعبة عشان ما يزرش عليا في مرات اخرى

اقتباس:

المشاركة الأصلية كتبت بواسطة أم أجنادين 80 (المشاركة 3214027)

السلام عليكم ورحمة الله وبركاته
اوشي ربي يعطيك الصحة الباين حوشك كبير وشن قصة 400,000 بتبيعوا
انا كنت اول ماتزوجت تنظيف ومسح كل يوم انا وزوجي بس القيته تضييع وقت وبدل
مانضيعه في تنظيف زايد نقعد مع راجلي او اندير اي شي ثاني
جتني فترة درت حتي اشغال يدوية من الكساد ,,,
وتوا بديت انقسم في الاعمال علي عدة ايام حتي مانتعبش رغم ان حوشي صغير
والوقت الباقي للمطبخ او لنفسي

الله يسلمك ياحبيبة ... من فترة كنا عارضين حوشنا للبيع ب 300.000 طبعا انا ايامها كنت مريضة

وكارهة الحوش بس توة الحمد لله لما قعدت علي كراسي عقلي حمدت ربي اننا ما بعناش

وحتى انا نفسك ضروري الضم انقسمه حاصة لو انا دايرة حملة عالحوش

اقتباس:

المشاركة الأصلية كتبت بواسطة أم أجنادين 80 (المشاركة 3214068)

واكثر سبب خلاني نغير من قناعاتي وناخد حاجات معقولة بدل اشايء غالية
اقارب زوجي هلبة ويواصلوا في بعض فكل طلعة مرات بلبسة ,,
وعندي اهداف ثانية اهم من اللبس " حوش الاحلام " هههههههه
فنقولك جيجي بما ان حالتكم كويسة خودي يلي يعجبك وانتي طلعاتك مش هلبة عنددك الحق تاخدي حاجات معدودة وراقية ..
وانا عن قناعة بديت انقص في مصروفي مثلا بدل مانجيب حناية ب45 انحني بروحي والفولس ناخد بيهم لبسة هههههه بخيلة
لاني من النوع يلي نعرف وين انحط فلوسي ,,,

توة انا سبحان الله انا مع جيجي في النقطة هاذي .... وانت نفس الوقت تفكيرك حلو

لان كل وحدة فينا عارفة شنو البيئة والمحيط اللي هي فيه وفي الاخر

بكل الوحدة تلبس اللي يمشي مع جسمها وطولها والالوان اللي يمشو معاها

واكيد بتطلع اميرة اهم شي تعرف نقاط الجمال وتبرزهن بطريقة حضارية ومحترمة

اقتباس:

المشاركة الأصلية كتبت بواسطة أم أجنادين 80 (المشاركة 3214080)

https://fbcdn-sphotos-e-a.akamaihd.n...51967896_n.jpg

https://fbcdn-sphotos-h-a.akamaihd.n...15542287_n.jpg

https://fbcdn-sphotos-h-a.akamaihd.n...15542287_n.jpg

شن رايكم

ايهبللللللللللللللللل ايجنن خاطري نرسم الرسمة هادي لمزرعتي خخخخخخخخ