|
رد: تجمع حوامل ليبيا
اهلا بيكم
كيف حالكم اليوم حبل الوصال النور نورك وبنسبه لسؤالك الاول والله ما عندي فكرة بس بنسبه للحكه لو كانت مصاحبه لافرازات يكون التهاب انصحك تمشي لدكتوره ام رفيدة والله شغلتينا عليك ربي يسهل عليك وتجيبي وتنوضي بسلامه صابرة احسبيني في صوينيه انا في هادي المرحله ما نحبش تطيبي انا غداي بزيلياء ورز ابيض |
رد: تجمع حوامل ليبيا
خلاص تو نبعتلك مع الراجل لما يروح كوني هانية يا اية
حبل الوصل لو تكررت معاك هذه الافرازات.. استشيري الدكتورة ممكن يكون ناتج عن اجهاد انتي ديرتيه (قايمة رزين ولا متحركة في قضية هلبة) |
رد: تجمع حوامل ليبيا
صابرة الله يخليك وتسلمي
اكيد حلو ريحته وصلتنيhwaml7 |
رد: تجمع حوامل ليبيا
صـــــــــــــبـــــــــــــــــاح الخـــــــــــــــــــــــير
|
رد: تجمع حوامل ليبيا
السلام عليكم وشن اخباركم يا حلوييين
ادعولي نروح بالسلامه من غير مشاكل بأذن الله لاننا حجزنا على يوم الخميس الجاي انشاءالله هذا اخر اسبوع ليا في المانيا وتصدقوا لما نوتي الشناطي او نطلع نبضع للهدايا ايعز اعليا المكان صح غربه بس اتعودت والبلاد حلوة جدا الطبيعه رهيبة ونهر الراين منظره فظيع جنب حوشي والشارع يلي ساكنه فيه من العصر الباروكي يعني منظره زي قصور العصور الوسطى والحديقة يلي في منطقتنا اتهبل تخيلوا كبيرة جدا جدا فيها بحيرة كبيرة مليانه بط ووز وبجع ونركبوا في قوراب للتجديف في البحيرة اتحسي روحك عايشه مش زي غادي والمولات والمحلات الله الله على المواد المنزليه والكهربائية صح نار بس حاجات صح وملابس الاطفال تصدقوا تشري لعيلك اي لبسة تلقي الخيارات التانيه متوفرة الكندرة والطاقيه والوشاح نفس النقشة نفس اللون ايجننوا عبيت لبنتي شنطة ماشاءالله وشريت للبيبي الجديد صاكو مليان وشريت لبنوته خوي لان مرت خوي حامل في نفس شهري وموعدي وقالولها ابنيه |
رد: تجمع حوامل ليبيا
[COLOR="DarkSlateGray"]خير يابنات كيف حالكم
وحشتوني كلكم انا تعبانةبكل عندي نزيف له اكثر من عشرة ايام وحالتي بالويل مش قادرة حتى نصبي نزل مني دم لين قلت خلاص معش فيا دم بكل نرجا فيه يوقف بيش نمشي للدكتورة ادعولي ان شاء الله خير[/انا ديما نخش ونتابع في اخباركم بس مكنتش قادرة نكتبCOLOR] |
رد: تجمع حوامل ليبيا
انشاءالله لاباس اعليك يا ام اسيل شن سبب نزيفك من حاجة ارزينه ولا دورة قويه ولا بيبي جديد
|
رد: تجمع حوامل ليبيا
معلشي الحلم اللي كنتي عايشتيه بيتم بواقع المرواح ربي يصبرك يا عيون
وتوصلي بالسلامة لا باس عليك يا ام اسيل ربي يعطيك صحيحتك ويقويك ويرزقك بيبي امور |
رد: تجمع حوامل ليبيا
الله غالب يا صابرة فعلا حلم
بس بلادي تمون لانها الاحلى باهلها وناسها وزي ما يقولوا الجنه بلا ناس ماتنداس |
رد: تجمع حوامل ليبيا
اسمعوا بنديروا سجل غياب ويلي يتغيب فوق المده المحددة بنطلعوها برا الملاك
والاسماء يلي عندها انذارات ولفت نظر هي: -ميرنا -سورينام -هاتو -ام لقمان -اميسر -راجيه -سمحه ولا ننسى التقدم بالشكر للبنات المتواجدات مع انهم مش شبه يومي بس المهم مافيش اسبوع يفوت من غير مشاركه صح كلامي ولا لا |
| الساعة الآن 05:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .