رد: دردشة حوامل مملكة المغرب - تجمع بنات المغرب
 

حتى انا سمعت بلا العملية صعيبة وكتحتاجي بزاف وقت باش تشافاي
هو بغاني انا نقرر عملية كيقول غادي تنعسي تفيقي تلقاي كلشي داز وتهناي
وهداك صاحبو مراتو ولدات هادي شهرين هي مزيانة واخا هي ولدات فالنهار الاول من التاسع

رد: دردشة حوامل مملكة المغرب - تجمع بنات المغرب
 

حبيبتي فاطمة الزهراء انا سماعت بلي المرا ملي كتولد بعملية قيصرية ماتقدرشي تزيد فوق 2 او لا 3 ديال العيال حييت كيكون صعيب بزاف عليها والحريق كيستمر من بعد العملية كخس ترتااح وكيكون عندك الحريق فالكرش...والولادة الطبيعية حتى هي فيها الحريييق بزاف وكاملين كنعرفوا هادشي.وعاد من بعد الغرازي ولكن مكايبقاوشي بزاف...ونقطة اخرى ملي كيكون مستشفى خاص كيتهلاو في المرا وكيهتموا بيها..وعلى حسب ما كنشوف المرا لي كتولد طبيعية دغيا كترجاع ن الصحة ديالها والطبيعية ديالا ولي كتكون بالعملية لا كتبقى شحال وهي في الفراش ما تحركشي ما تهوزشي............انا ما عنديشي شي تجربة شخصية ولكن هادشي لي كنسمع.....واخيرا طبيبة ديالك هي لي كتقرر

رد: دردشة حوامل مملكة المغرب - تجمع بنات المغرب
 

شوف نساي خوف، أنا زوجة خوية ة ولدت سمانة فايتة قلت لي كلما زوينة ، قلت سهام حر ساعة يفوت خلاص ملي تقبط بيبي بين يديك

رد: دردشة حوامل مملكة المغرب - تجمع بنات المغرب
 

تبارك الله عليكم سمورة ام مرام سهاام قصصكم مزيونة.........كولشي مكتااب مكايعراف الوحيد ماين كايجيه

رد: دردشة حوامل مملكة المغرب - تجمع بنات المغرب
 

شكرا ليكم مرومة نسنوسة سهام على مساندة والله تلفت
عطاني وقت قالي فكري باش نقرر ولكن تلفات بيا الوقت
انا كنت باغة نولد في مستشفى حكومي غير حيت سمعت ان المستشفيات الخصوصي كيعملو سبة باش يعملو ليك قيصرية طبعا حيت مصاريفها اغلى ولكن والو راجلي مبغاش وحتى انا خفت قالك تيخيطو الغراز بلا بنج فمستشفيات الحكومية الى مكنتيش كتعرفي شي وحدة نيت وتعطيها الرشوة
خلاصة الامر انا وافقت نولد فمستشفى خاص ولكن ماشي فكازا حدا ماما فالرباط حيت ختكم خواااافة هههه
دعيو معاي والله يسهل عليا وعليكم ويرزق كل واحدة كتسنى الحمل

رد: دردشة حوامل مملكة المغرب - تجمع بنات المغرب
 

شكرا سهام حبيبة ولكن ملي كيقرب الوقت كتولي خايفة خاصة الى معندكش تجربة كتخافي بزاف

رد: دردشة حوامل مملكة المغرب - تجمع بنات المغرب
 

آآآآمين حبيبة، أنا نعاوده ليك، خلي طبيبة تقر ولادة ديالك طبيعية ولا قيصرية، حداية صحبتي دابا إيطالية أصل عندها 56 سنة قالت ليك من أفضل ولادة طبيعية إلا ما كان مانع صحي محدد من طرف طبيبة ديالك قالت ليك بحكم تجربتها الشخصية

رد: دردشة حوامل مملكة المغرب - تجمع بنات المغرب
 

الللللللله يسرلك ويسهل علييك اختي فاطمة الزهراء وتكون ولادة ميسرة وسهلة...احنايا في المغرب المستشفيات الحكومية كارثة..ما نصحكشي تولد تماك حييت الغرازي فحالي قولتي بلا بنج وعاد معاملة ديال الفيرميرات صعيبة وبعد المرات كيضربو او كيقولو كلام ماشي مزيان..ومكايهتموشي بيك اذا ما عطيتهومشي الرشووة..ولي مكتاب هو لي غادي يكون وانشاءالله ما يكون غير الخير

رد: دردشة حوامل مملكة المغرب - تجمع بنات المغرب
 

لهلا يخطيكم البنات خليها فيد الله غادي نخليها طبيعية وربي يسرها عليا
وتبارك الله عليكم منورين التجمع بالرومانسية والافكار الرائعة

رد: دردشة حوامل مملكة المغرب - تجمع بنات المغرب
 

alah ybrekfik zinate labnate , alors chi fikra jdidaaaaa haboubateee