|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
....دوبي استوعب انو للصرصور
فوائد...واحنا ظالمينه ومحتقرينه وهو يجي بيتنااا عشان يساعدنا في امور الحياااااااه....الله لايخليك لينا ويحرمنا منك يا اكره شي على وجه الارض بصراحه كل شي بالدنيا له فايده وأولهم الصرصور موفر لموارد الطاقة ممكن انه يفاجئ شخص بالحمام ليجعله ينهي استحمامه سريعا بدلا من هدر الماء بلا فائدة للتنبؤات الجوية كما انه خبير ممتاز بالأرصاد الجويةفما إن تراه حتى تتأكد من انه الصيف على الأبواب http://im36.gulfup.com/jWcDf.gif عذر شرعي كما انه وجود الصرصور في إدارة من إدارات الحكومة يعطي حجة جيدة للموظفين كي يوقفوا العمل أفضل من حجة : الكمبيوتر خربان http://www.arabpicturesgallery.com/r...oach-deems.jpg ستايل ثم انه ألوان الصرصور هي ألوان هادئة مثلا عنابي احمر بني وحتى مبقع وينصح خبراء الديكوربالاستعانة به للفحص الدوري وجوده في البيت ينبهناإلى انه هناك زوايا في الحائط تحتاج إلى إغلاقبالاسمنت رياضةاجبارية كما انه بداية جيدة لبرنامج رياضي (( ريجيم))لأنه يخلينا نركض وانط من الخرعة ! الخرعه http://im7.gulfup.com/2011-07-13/1310504446761.jpg اخصائياجتماعي يساعد على الترابط الاسري حيث ان الزوجة تلتصق بزوجها حال رؤيته ويهرع الاطفال في احضان ابائهم http://www.s-oman.net/avb/attachment...5&d=1244067141 تسلية وتدريب يستخدم للتدريب على الدقة في التصويب في المعسكرات التدريبية في تحذيف الزبيريات ( وأسألوا بعض ناس )عليه وايضا في المنزل بديلا للبلاي ستيشن حيث المتعة والتسابق في الاصابة الاولى هههههههههههههههههههههههههه |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
رمضانكم مبارك وينعاد عليكم ياااارب الف الف شكر يا احلي وخيات الله لايحرمني منكم ومن دعائكم ونشدتكم علي بوي الغالي ربي يشفيه ويعطيه صحيحته يااااارب بوي روح من تونس انقولوا الحمد لله علي كل حال والله قلبنا متقطع عليه وطول الوقت انخمم فيه الله لايحرمني منه يااارب الكلام الحمد لله بدئ مفهوم ولله الحمد وبدا في العلاج الطبيعي المكثف طبعا مش صايم مع انه متاثر ويبي يصيم لكن لازم من حبة الضغط وحبه القلب لان بعيد الشر علي قليبه دقاته مش منتضمه وقاعد متاثر خصوصا لما يصلي او نفتحوا التلفزيون علي التراويح يتقطع قلبه كيف انه اول سنه يصلي في الحوش او لما يشوفنا احني البنات ايدير نفسه راقد لما يحس بخشتنا عليه الله لايحرم كل وحده من بوها وصحته ويغفر لجميع موتانا يااااارب العالمين دعواتكم لبوي بالشفاء العاجل يااااااااارب |
رد: حبيباتى سيدات ليبيا تفضلو لأعرف ما حالكم
اليوم لما امشيت بعد الفطور حسيته احسن وبدي يتقبل في مرضه ومسعداتنا
والله الحق كله خوتي الاولاد المتزوج والاعزب الله لايحرمنا منهم مايبوناش نتعبوا خصوصا ان اغلبنا حوامل العبره خانقتني ودمعتي اليوم مش راضيه تنزل انحس نفسي مخنوقه البكي يهون عالانسان الحمد لله الحمد لله اللهم لك الحمد ولك الشكر ياااااااااااااارب |
رد: حبيباتى سيدات ليبيا تفضلو لأعرف ما حالكم
اليوم نضت بكري ضميت حوشي ورتبته كله بما اني نمشي يوميا لحوش بوي
مع اني نمشي مع 3انرتب وانطيب غداي ونمشي وبعدين غسلت الحوايج وصليت الضحي وقريت قران لظهر بعد الظهر جابلي راجلي لحم مفروم وهبره وصدور دجاج غسلتهم وكيستهم كل واحد وقسمتهم وقعمزت انسبح وكملت باقي سوره البقره للعصر استرخيت ساعه ومع سته الا ربع خشيت للمطبخ اول شئ الشربه وبديت في تجهيز الخضره كلها من بطاطا وكوسا وسلاطه المهم كلها ودرت امبطن امشكل <<<بطاطا وفلفل حلو وباذنجان ودرت عصبانه جنودة جربتها طلعت تهبل ويممممم وطاجين جبن بالدجاج وسمبوسه العجينه جاهزة وعجنت البيتزا وشكلت من نفس العجينه جيب التاجر <<<الفركسي المقلي وبيتزا ملفوفه وخبزة كسكاس طبعا انا والله ماعندي نيه اندير حاجه بس علي خاطر زوجي وخواتي البنات وامي وبوي عارفتهم خواتي مش حيديروا شئ قلت اندير حاجات خفيفه ودرت من كل شئ قطعتين بدون ملح علي خاطر بوي الغالي ربي يشفيه ويعافيه يااااارب ودرته حتي كيكه الكراميل خفيفه وباش ميهبطش السكر عنه وبس هادي اخباري ربي يطمن بالي انا وعيلتي ونشوف بوي ايدب علي رجيلاته اليوم باهي خلي خوي يطلعه للجنان بره في نهايه العشيه الحمد لله ان عندنا اربع جنانات كبار ومش حيقلق من داخل هلبه ياااااااااااااارب اشفي والدي عاجل غير آجل يااااااارب العالمين واحفظ امي الحبيبه وجميع افراد اسرتي الله لايحرمني منهم ويحفظكم جميعا |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
ااه حبيبتى جنودة أولا انت تعتبرى كثرتى حاجات كنت المفروض درتى حاجة حارة وحدة بس بما انكم تعملو فى وجبة والكيكة المفروض لغيتيها وأكتفيتى بحاجة بسيطة زلقمة الاقى وخلاص أو حتى حكة شامية تكفى اهو نحنا أمس مادرناش حتى حاجة حلوة بس تمر نوعين فقط وعصائر من كل نوع وحليب ولبن وانت أصلا درتو المهلبية الحق مفروض لغيتيها مادام فيه كيكة أو العكس ليش كل هالتعب وبالتالى نحسه اسراف صح حبيبتى وبعدين بما أنكم بتديرو حاجتين حار أو أكثر المفروض الكسكسى لغيتوه والله وجعنى حرااااااااااام لمهم صحتين على قلوبكم وبالنسبة للمشى لو انت مرتاحة عندهم أريحلك تمشى تديرىفطورك عندهم على ألأقل ماتبديش متحشمة انك مجبورة تكونى جايبة معاك حاجة والنسبة ليا درت حاجتى ومشيت قبل المغرب....... |
رد: حبيباتى سيدات ليبيا تفضلو لأعرف ما حالكم
خلى نحكيلكم على فطورنا
عصبان طاجين طعمية خبزملفوفة بيتزا شربة وبعد الفطور مشيت لعيالى مدايرين برااك يمممممم مانحسش برمضان إلا مع البراك فااااااااااايح يهبل |
رد: حبيباتى سيدات ليبيا تفضلو لأعرف ما حالكم
الحمد لله يللى طمنتينا جيجي يااااااارب تشفيه يارب
وماشاء الله تعتبرى كثرتى حاجات هلبة قريب 11 الحاجة كانى انا رانى هبلت وبنتك وين |
رد: حبيباتى سيدات ليبيا تفضلو لأعرف ما حالكم
حبيباتى واااااااااااك مبيخها اللقطة هذه معاش عرفت روحى صايمة ولا فاطرة
بالرغم من انى المفروض نكمل يوم السبت بس من البارح مافى شىء والصبح كنت فاطرة بس توا بنمسك صيام وخلاص إن شاء الله |
رد: حبيباتى سيدات ليبيا تفضلو لأعرف ما حالكم
خيركم مافيه حد اليوم
المهم عندى ليكم عجينة رهيييييييييييييييييييييييييبة فظيعة تجننننننننننننننننننننننن وأنا اليون جربتها للفركسى طبعا الحق انقوللكم ومانكذبش عليكم أنا فى العادعندى مكونات معينة وطربقة خاصة للعجن بس بدون مقادير معينة بس اليوم ركزت وزنت وكتبت باش قلت كان جت مليحة نعطيها للحبايب |
رد: حبيباتى سيدات ليبيا تفضلو لأعرف ما حالكم
العجينة كالتالى:
4 أكواب دقيق (الملعقة التى أستخدمتها ملعقة حليب الحكة) 2 ملعقة خميرة بيرة 1 ملعقة ورشة ملح 2 ملعقة سكر ربع كوب زيت كوب وثلاثة أرباع كوب ماء نخلط المكونات الجافة ثم نعجها بالماء والزيت ثم ندهنها بالزيت ونتركها ترتاح ماتصدقوشقداش فظيعة تخيلو من وأنا نعجن فيها وهى قطن تهبل روعة الحق جربوها وادعولى |
رد: حبيباتى سيدات ليبيا تفضلو لأعرف ما حالكم
السلام عليكم
والله تعب هكي عليكم ام فراس احكيلنا شن درتوا وشن دار مرت صاحب زوجك |
رد: حبيباتى سيدات ليبيا تفضلو لأعرف ما حالكم
انا درت طعمية وشربة اليوم
|
رد: حبيباتى سيدات ليبيا تفضلو لأعرف ما حالكم
الف لاباس علي بوك جيجي
وان شاء الله كل يوم احسن من الثاني ماشاء الله عليك حتي في رمضان ناشطة سته الا ربع دخلتي ولحقتي علي هداا كله عيني عليك باردة |
رد: حبيباتى سيدات ليبيا تفضلو لأعرف ما حالكم
حتي انتم تعتبروا مكثرين سوسو
قولي انتي درتي الخبزة الملفوفة والباقي من داره |
رد: حبيباتى سيدات ليبيا تفضلو لأعرف ما حالكم
اقتباس:
على ألأقل احنا هلبة حنودة وعندنا هلبة شباب ياكلو ماشاء الله العصبان داروه حماتى وسلفتى وسلفتى دارت فى حوشها طاجين وحماتى دارت طعمية واليوم أنا درت فركسى وبعد شوية بنحشيها ولقمة القاضى قاعدة ماقليتهاش وبنرفع كمان نوع من الحلو اسمه محلاة الجبن شاريه زوجى من محل للجبن يهبللللللللللللل ياجنودة الحل متع أصحابنا السوريين بس بصدق حلوووووووووووة والله يخدمو على روسهم كانا حنى نطلعو من بلادنا مانقدرو نعيشو ناخذوها إسراف وخلاص الله غالب ويااااااااااااااااارب فرج على سوريا يارب قولو أمييييييين |
رد: حبيباتى سيدات ليبيا تفضلو لأعرف ما حالكم
رأسى تفجر
لا إله إلا الله محمد رسول الله |
رد: حبيباتى سيدات ليبيا تفضلو لأعرف ما حالكم
صحة شريبتكم
|
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم جميعا وكل سنة وانتم طيبين وينعاد عليكم بالصحه والعافيه لقيتكم من ايامات بعد تدوير وهذا وين سخر ربي كتبت سوسو الف مبروك ع النجاح والحمد لله ع سلامة امك وان شاء الله عمره مقبوله مع انها متأخره جي جي الحمد لله ع سلامة بوك وان شاء الله طهور ولاباس عليه و ان شاء الله ربي يطول في عمره ويخليهولكم شموسه\ام فراس \ اوشي\ ام معاد\ ليبيا قلبي\اثري في مدادي\ ام اجنادين \عيون زوجي\توما\ قلبي يسجد لله كل سنه وانتم طيبين وان شاء الله تكونو بالف خير |
رد: حبيباتى سيدات ليبيا تفضلو لأعرف ما حالكم
احني صايمين من يوم الثلاثاء وطول اليوم عندنا 17 ساعه وان شاء الله ربي يقدرنا ويعيينا
اول رمضان يمر عليا مش حلو كنت واخده ع لمة العيله وجو السهريات في ليبيا بس اهني مافيش جو لرمضان بكل وزيادة تعبني الترجيع مع اني في الخامس وبعد المغرب من التعب مانقدرش نطر نكسر صيامي ونرقد طول الله غالب وخلاص والله امس ماسكتت من البكا والدموع والنفسيه تعبانه والله المستعان دعواتكم ونصايحكم ياغاليات |
رد: حبيباتى سيدات ليبيا تفضلو لأعرف ما حالكم
الســــــــــــــــــــــــــــــــــــــــــــــل ام عليكم ورحمة الله وبركاته
مبــــــــــــــــــــــــــــــــــــــــــــــــ ــــــــــــــــــــــارك رمضان الحلــــــــــــــــــــــــــــــــــــــــــــــ ـــــــــــــــــــــــوات |
رد: حبيباتى سيدات ليبيا تفضلو لأعرف ما حالكم
اقتباس:
خليتي مكانك ،،،، معقولــــــــــــــــــــــــــــــــــــــة تبدلينا بالفيــــــــــــــــــــــــس معناها مش عارفة قيمتنا ~~~~ تي والله مازال تغطسي زي هالغطسة المحترمة ما عاد مرحبين بيك ....وحدة تفنص ــــــــــــــــــــــــ اقتباس:
وإن شاء الله أزمة وتفوت علي خير ويهنيكم الله عليه ويخش عليه رمضان بالصحةوالعافية اقتباس:
إن كان إفطار ليش تعذبي في روحك وتقطعي الماكلة والشراب وكان صيام كيف صيام وأول اليوم إفطار ؟؟؟ الدين يسر إن أصبحت مفطرة ثم طهرت في وسط النهار فما عليك إلا بالغسل والصلاة فقــــــــــــــــــــــــــــط وكلي وأشربي بس خفاء كي لا يشك في أمرك تصلين ولا تصومين فاليوم إما صوم أو فطر أما تعذيب نفس ..............فلا اقتباس:
الحمد لله فااااااااااااااااات الهلبة ومازال الشوية وجاك رمضان في الخامس أرحم من الثاني أو التاسع في بنتي بكرتي رزقنا الله أجر الصبر عليها توحمت في رمضان وفي عليوة التاسع في رمضان وفي دودي السادس في رمضان أهونهم جميعــــــــــــــــــــــــــــا وأحمدي الله على نعمه العظيمة فمن كان في نعمة ولم يشكر خرج منها ولم يشعر وإملئي وقتك بالطاعات قرآن وذكر مستمر وإن جلست على الشبكة استثمري وقتك بالمواقع العطرة الطيبة التي تقويك دينيا كي تشعرين بدفع نحو الأفضل |
رد: حبيباتى سيدات ليبيا تفضلو لأعرف ما حالكم
هيا بالسلامة توا
بالك غدوة نخش بكري شويـــــــــــــــــــــــــــــــــــــــــة قبل ماننسى بنعاود نعلن عن مقترحي الصغير ~~~~~~~~~~~~~~~~ يتبع |
رد: حبيباتى سيدات ليبيا تفضلو لأعرف ما حالكم
إلــــــــــــــــــــــى كل بيت يضـــــــــــــــــــــــم أطفال ما قبل المدرســـــــــــــــــــــة
أربع أو خمس سنوات إليكِ مقترح ~~~~ كل يوم ســـــــــــــــــــــــؤال ........~~~~ نضع كل يوم السؤال المفترض تعليمه لطفلك مرفقاً بإجابته وبنهايــــــــــــــــــة رمضان يكن المجموع 30 معلومــــــــــــــــــــــــــــــــة تعلمها أطفالنا الأسئلة من منهج منسق لهذه السن فمن تريد الانضمام معنا فلتشمر عن ساعد الجد ولنبــــــــــــــــــــــــــدأ معـــــــــــــــــــــــاً سؤال أول يوم ،،،،،،،،،،،،،،،،،،، س / من ربك ؟ ج / ربي الله عز وجل ~~~~~~~~~~~~~~~~~~~~~~ سؤال ثاني يوم ــ ألا وهو اليوم ـــ س/ مادينك ؟ ج / ديني الإسلام *** نتمنى التفاعل وكتابة مدى تجاوب الطفل ، ونود أن لا يأتي السؤال الذي يلي إلا وقد تثبتت الأسئلة الأولى وهكذا .............................. مقترح """ صغنون """" نبتغي به الفائدة والتنافس |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم اليوم ربي يدوم عليكم الصحه والسعاده يارب من ساعتين روحت من حوش بوي ربي يخليه ويشفيه يااااااارب وتوه رنوده وبوها رقدوا معادش قدر يسهر للصلاه بنوضه للفجر بس اليوم درت فطوري بيتزا ومن نفس العجينه خبزة كسكاس او شاورما وسينابون وقبضة اليد وسيسرول الدجاج المحشي بالخضره المقليه وابواق وصفيحه قلاش درت صونيه لبوي بدون ملح من كل شئ قطعتين وبعتت صونيه لسلفتي وفطورنا حني وفضلي من كل شئ قطعتين اكليناهم من شوي الله قداش نفرح لما مايقعد شئ الحمد لله مانحسش بالاسراف اولا منكثرش وتانيا مايفضلش عندي بوي اصريت عليه ياكل وتحت انضاري ربي مايحرمني شوفته وابتسامته يااااااااااارب اليوم حاول ينزل من السرير بروحه بدون مانندروا لكن كانت في مصلحته الحمد لله محاوله ناجحه جو خواتي كلهم حاولنا فيه يهدرز معانا بس يتاثر لو مفهمناشي او انسايروا علي انه فهمنا الحمد لله الحمد لله الحمد لله |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
حالة نادرة .. فسرها النبى منذ اكثر من 1400 سنه http://www.tajid.com/world/حالة-نادرة-فسرها-النبى-منذ-اكثر-من-1400-سن/ |
رد: حبيباتى سيدات ليبيا تفضلو لأعرف ما حالكم
أهلين أمولة إن شاء الله ربى يعينك ويقدرك
|
رد: حبيباتى سيدات ليبيا تفضلو لأعرف ما حالكم
أثرىرمضانك مبارك بإذن الله
وماشاء الله الحق مقترحك رائع ويجنننننن ونبى نستأذنك نديره موضوع ونتشاركو فيه مع باقى العضوات لو سمحتيلى يعنى طبعا وانت رح تكونى المشرة والكل فى الكل |
رد: حبيباتى سيدات ليبيا تفضلو لأعرف ما حالكم
السلام عليكم
هلا باامولة ربي يكون في عونك في الغربة |
رد: حبيباتى سيدات ليبيا تفضلو لأعرف ما حالكم
ربي يعينك اموله...حاسة بيك
حتي نحن تعب تقريبا عشرين ساعة صيام ومافش جو نفس ليبيانطلعو من حوسة المطبخ ساعة ويجي السحورومافش نيه للاكل به لان الفطورمازال ماانهضم ....ربي يعينا وكله باجره |
رد: حبيباتى سيدات ليبيا تفضلو لأعرف ما حالكم
بطني ليه وظهري...والولي مارقدتناش...مثاترة مني حتي هي بم انها ترضع طبيعي بس... افتكت منها سوسو دوري نا توا... بس نا تمرض فيا بكل
|
رد: حبيباتى سيدات ليبيا تفضلو لأعرف ما حالكم
وووووووووووووه الكهرباء ماتنقطعش الا توا
كيف بنحط البيتزا الملفوفة في الكوشة ودرت البسبوسة علي اساس بنمشي لحوش عمي وانطيب رشدة جت 5 ونص ومزال مقطوع اتصلت بيهم قلت مش راح انلحق قالت حماتي تعالي وجيبيها البيزا في كوشة الغز قداش بنرفع من طاجين علي اساس اطيب وانقصها وانحطها في الحافظة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيفكم كلكم شنجوووووووووووووووو
بنفس عجينة أمس بس زدت عليها كودقيق وشوي مية وملاعق حليب بودرة ودرت بيها بيتزا على كبر الطاجين وخبزة أو بيتزا ملفوفة |
رد: حبيباتى سيدات ليبيا تفضلو لأعرف ما حالكم
أثرى لو سمحتى ممكن عنى بعد إذنك
اليوم ماتحطيش سؤال جديد لأن حمود كويس ومية مية بس تلخبط ولما نسأله يتلخبط فى ألأجوبة وزيادة على ذا زايداته أنا سؤال بعد من ربك ... الله ألا وهو ,, أين الله فى السماء وممكن إضافة على العرش أستوى وهذا السؤال أخذته معيون زوجى أيام زمااااااااان الله يجزاها الخير ولان أخى صغير 5 سنوات فحابة نضيفه للبرنامج وخوى صعب شوية يعنى قريب نص ساعة مقعمزة نقنع فيه يعاود ألأسئلة وألأجوبة وهو متلكمس حااااالة تسكير الدماغ والطيار ة والكلب وكمان ماما حبت تضيف سؤال من هو نبيك ,,,, محمد صلى الله عليه وسلم ولهذا زيدنا هاليوم خلى ترسخ ألأجوبة |
رد: حبيباتى سيدات ليبيا تفضلو لأعرف ما حالكم
أنا توا اتصلت بماما وقلتلها يولعو المولد
باش نحط الجبنة على البيتزا فى الكوشة وبعد شوية بننطلقو لحوش عيالى إن شاء الله |
رد: حبيباتى سيدات ليبيا تفضلو لأعرف ما حالكم
إن شاء الله أبوكم تمام جيجيى
هيا سلامات |
رد: حبيباتى سيدات ليبيا تفضلو لأعرف ما حالكم
الحمد لله يا جـــــــــــــــــــــــي جي
والله فرحت بالأخبار الحلوة وهذا بفضل الله ثم لتماسككم وارتباطكم والأروع رغبة الوالد القوية في العودة لمسيرته العادية وهذا من أكبر عوامل الشفاء بعد لطف الله وجوده فأمي أيضا تعرضت في فترة ما إلى ارتخاء بأعصاب القدمين سبب لها شلل وين رفعناها لتونس في كرسي عجلات ـــ أيام تنذكر ولا تنعاد ــ أيام عصيبة تركت كل شيء وانطلقت معها لتونس ،، كنت متابعة لعلاجها كله بحذافيره قلقت الدكاترة معاي كثيرة السؤال ،،، ودقيقة جدا في التشخيص والأسباب مع الأخذ بأعظم أسباب الصحة والعافية التقرب لله تعالى بجميع الطاعات وأخصها الصدقة وقيام الليل المهم علاجها كان معتمد على الطب الفيزيائي "" العلاج الطبيعي"" فقــــــــــــــــــــــط بالإضافة إلى فيتامينات ومقويات ولكنها كانت لا تيأس أبدا جلسة العلاج الطبيعي بجميع حركاتها تعيدها في اليوم عشرات المرات وكلما سنحت لها الفرصة تحاول النهوض ولوحدها ـــ ذكرني الوالد شفاه الله بها ـــ إلى أن مــــــــــــــــنّ الله عليها بالشفاء التام والآن اللهم بااااااااااااااااااارك حركتها طبيعية جداً بل أنشط حتى منا حني بناتها الله يحفظ اميمتي ويبارك لها في عمرها وصحتها ودينها فهي أم ـــــــ كما أراها أنااااااااااا ــــــــــ لامثيل لهااااااااااااااااا واللهم احفظ والدك واشفه من كل سوء وارحم والدي رحمة واسعة وأسكنه فسيح جنانك برحمتك يااااااااااااااااااااااارب آه تحركت المواجع ولا حول ولا قوة إلا بالله العلي العظيم اقتباس:
أولا ،،، بخصوص الموضوع ياريتك ديريه لكن بشرط أن تكوني أنت .............. الكل في الكل يعني تاخذي الإشراف وما إلى ذلك وإنما أنا أكون كغيري مشاركة بإبنـــــــــــــــي فقط ثانيا ،،،،،، أهم الشيء التدرج في طلب العلم سواء للكبار أو الصغار وأنتم ياروحي حطيتولهم أربعة أسئلة في مــــــــــــــــــــــــرة مايجيش هكي من طلب العلم جملة ذهب عنه جملة ،،، وإنما يؤخذ على مر الأيام والليالي ومتهتميش توا أنه يتقن الإجابة مئة بالمئة لأن هناك مراجعة دورية يومية في الأول والثاني ومع التكرار تنقش المعلومة بإذن الرحمن ثالثا،،،،،،،،، لهذا يجب أن أضع سؤال الليلة كي نسير على نسق المنهج 30 سؤال نكملها في هالشهر المبارك وأنتم أعطيتم سؤال الليلة مسبقاً الله يبارك عليكم تحياتي للوالدة صاحبة الهمة العالية وقوليلها مانستغنوش علي مقترحاتك الرائعة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
ياليت كل أخية مشاركة لنا تضع مؤشرات تقدم """ العضو""" ومدى حفظه واتقانه سؤال الليلة / س ـمن نبيك ؟ ج / محمد صلى الله عليه وسلم |
| الساعة الآن 11:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .