|
رد: حبيباتى سيدات ليبيا تفضلو لأعرف ما حالكم
هلا بالغالية ام فروسي
شن اخبارك ام فراس عندك فكرة علي Basal Body Temerature |
رد: حبيباتى سيدات ليبيا تفضلو لأعرف ما حالكم
اقتباس:
يا مرحبا بأأموووله وبنيتها الاموووره خلاص توا ام فطووومي انقولك مش اموله وشن قصة ام زوجك واسمها لاحول ولاقوة الا بالله.. انا توقعت ان فاطمة ع اسمهـــا .. الحق بس معليش حبيبتي اهم شئ قناعتكم انتم خصيصا لو كان الاسم من الاسماء القديمة زي فتحية..رجعة .. فوزيه.. وهكدا انحس فيه ظلم طفله ف الالفيه تسمي ب هالاساااامي لكن زي عائشه .. فاطمة .. خديجة .. هذين اسامي اروع نساء الارض وناهيك عن معناهن الجمييل .. المشكله شن بيفهم الامهااات هكي ..؟؟ وليش لازم يسمووا ع الاب او الام تعرفي صديقتي سلفاتها ال 3 مسميااات ع ام زوجهن ومع ذلك زعلت ودااارت قصه كبيره عشان سموا بنتهم نماااارق وبعدها جابت توأم ولد وبنت دارتلهم قصه يسموهم ع باته وعليها بم ان مافش ذكر ف عيله سمو العيل ابوبكر ع باته وقعدت تبس اسمهاا فسموها ابتهال طبعا هي لي اختااارت الاسم من بين 5 اسماء عشان يرضوها بالنسبـــــة للرضاعه هي اول ايام صعبه شوي حبيبتي تحملي .. لانها بجد صعبه ..وفي نفس الوقت ضروريه لان اللبأ غني بالمضادات المناعيه لي يعتطي بنتك مناعة 6 اشهور .. طبعا اول ايااام كل ماترضعي كل ما رحمك ينقبض ويرد لمكانه تحسي زي ليه بس الحق نا حسيتهااا ف الاء اكثر لدرجة ثاني يوم عديت لمصحة من المها بعد طلعت وقالتلي دكتوره ف الثالت تزيج اكثر .. \ عموما هي صعبة رضاعه بس بعدها تخف بتدريج نا كنت كل ما يلتقم الحلمة فراس تعيط عياااط بدموعي نبقي ورضاعات أفـــنت احسن رضاعة من فيلبس هنا طبعا كويسات بكل حتي عنق الحلمة يقلل دخول الهواء لفم الرضيع بالتالي-مغص اقل.. ننصحك بها دائمآ هي وماركة تشيكووو بالنسبه لمستلزمات بنوتك.. واحسن حاجه هنا حتى ف بريطانيا بانيو الاستحمام فيه كيف تحطي المولود يعني ح تساعدك هالحاجه اشوي .. ولاي استفسار تفضلي عزيزتي بحكم خبرتي وكذلك قرائتي الكثيره للمواضيع الخاصه بكل مايهم الرضع والاطفااال شوفي هالموضوع يمكن يساعدك مع استحمام بنوتك خصيصا بعد تربعن http://forum.hwaml.com/t277558.html |
رد: حبيباتى سيدات ليبيا تفضلو لأعرف ما حالكم
هلا جنوده تيمبرتشر قصدك
اي عندي فكره اختصارها ال بي بي تي طبعا درجة حراره الجسم القاعديه يفضل قياسها بعد مايكون الجسم ف حالة راااحه افضل شئ اعتقد بعد ماتنوضي الصبح طبعا هرمون الاستروجين يكون عالي في فترة الاباااضه ومنها درجة الحراره تزيد من نص الي درجه يوم التبويض .... والصور قمة ف الروعه .. شفت فيهم واحد ع اسا نفس حراس قصر الملكة اليزابيت ف لندن ( قصر باكينهاام | |
رد: حبيباتى سيدات ليبيا تفضلو لأعرف ما حالكم
جنوده ليش ماتنسخي الصور وتنزليهن في موضوع منفصل في منتدي بوح الصوره
|
رد: حبيباتى سيدات ليبيا تفضلو لأعرف ما حالكم
فيه ترمومتر خااص بهن شفته ع الامازون مرة مع شرائط معرفة يوم التبويض
قالتلي الهيلت فيزيتوور لي تجيني مره ان من بعد هالخدمه قعدن الانجليزيااات ينهن بها قتلها عندي فكره ع موضوع اي جماع قبل نزول بويضة بيومين ترجح جنس البنت اكثر وبعد نزولها ب 12 ساعه ترجح الذكر اكثر .. والله القادر ع كل شئ ويهب لمن يشاء الذكر او الانثي اولا واخرآ السبب طبيآ ف هالشئ ان حيوا |
رد: حبيباتى سيدات ليبيا تفضلو لأعرف ما حالكم
جهازي مستك وفراس زاد خبطه توا قبل مانكمل الرد زاد ثقل
نستادن توا هم ال 2 ينقوا |
رد: حبيباتى سيدات ليبيا تفضلو لأعرف ما حالكم
ممكن تحطي صورته في الامازون
ايه bbt زعمة كويسة الطريقة |
رد: حبيباتى سيدات ليبيا تفضلو لأعرف ما حالكم
الصور في موضوع يبوا تنسيق وتعليق
وانا حابة انكم انتم تشوشوفهم اكثر شي يعني لو مش من معزتكم ونحب نشارككم كل شي لكنت مانزلتهم بس راح نحاول نجمع اكثر صور مهمة ونحبها وبعدين ممكن نضطر نكتب اسمس عليهم لحفظ الحقوق هههههه وهدا ياخد وقت |
رد: حبيباتى سيدات ليبيا تفضلو لأعرف ما حالكم
السلام عليكم
يااااارب احفظ درنه واهلها وخيتي انزاد عليها وليد ماشاء الله توه عندها اربعه بتموت علي بنت لان ولادها الزوز الاولين ايقولولها بنت واتجيب ولد ههههه ربي يحفظهم مشاكسين اتجي لحوش بوي بروحها لما نتلاقوا ساعتين وتروح واتجي في يوم مافي حد هي وصغارها باش مايضربوا حد وتقدر تجري في جرتهم صغيرين العام الجاي ان شاء الله الكبير يقرا لكن قصير خخخخخ واحد شويطين انحبهم جوهم مش عادي خصوصا لما نلقي اختي تجري في جرتهم وهما لاخر لحضه ايديروا في العمايل ايهبلوا ههههههه جنوده الصور روووووووعه وربي يدوم فرحتك ويحفظ راجلك وربي يحقق كل ماتتمنوا رنوده حبيبتي مش غيرانه من اختها من ناحيتي مع انها متعلقه بيا اكثر بس لما بوها ايجي ايلعب قي جمونتي ماتبيش تغار تبيه ايدلعها هي وبسسسس هههههه ربي يحفظهن امول ربي يحفظك ويحفظ الاموره فاتي وربي يهدي اهل زوجك والله شئ يرفع الضغط اتوكلي علي الله وان شاء الله ربي يوفقك في حياتك ويبعد عليك مشاكلهم عزوزتك غيوره بطريقه ,,,,,, شن بنقول بس والله نفس عزوزة صاحبتي اللي قلتلك مره عليها وربي يهدي وخلاص ام فروسي شن جو الصغار واخر اخبار الولي العسل انا جمان شادتها عياط لين انشدها ونوم الليل ناسياته بس عادي لانها قاعده صغيره المهم بعد شهور اتنظم نومها مش زي وخيتها سنتين النوم ماتعرفاش غير 5ساعات بسسسس وفي النهار |
رد: حبيباتى سيدات ليبيا تفضلو لأعرف ما حالكم
اليوم عمليتي من جهة اليمين توجع فيا داويتها من شوي وربي يشفيني
كنت انقول ان عمليتي في رنوده اوعر لكن في جوجو حبيبتي اوعر والحمد لله علي كل حال في رنوده نضت علي نزول الميه قبل الفجر واليوم اللي قبلها متمشيه وفي الليل صار ج م ا ع قريب متت يومها هههه نضت فرحانه خخخ بنجيب وقعدت ساعتين نتمشي في الحوش ونرتب شويه حاجات في الحوش وبخرته هههه مع 11 ونص الوجعات بدو وراي بعض معادش قدرت لكن صبرت للواحد ونص امشيت كشفت عليا الدكتوره قالت 4 سانتي ونص فرحت توقعت الباقي بينفتح الرحم بسرعه قعدت للساعه 3 عياطات ياااارب قلبت الدنيا هههه مع اني قلت مانبيش انعيط لكن الوجع حار موت كشفت القت 7 فرحححححت قلت هانت وبعد شوي 8 لكن الصدمه ان النبض ضعييف والقابله اللي تسهل عليا قالت دم هلبه نزل خشوني عمليه انا مقعمزه يضربوا في يبرة التخدير ورقدت فتحوا علي طول اتصدقوا انحرك في صوابع رجليا ونتني في ركبتي انقول لدكتوره حرام عليك شوفي كيف انحرك راك تفتحي في بطني وانحس في كل شئ ونرعش مع بعضي وبنعيط وبنصيح لكن طاقتي تمت وقعدت ندعي والله لما جبدوا رنوده كان روحي طلعت لدرجت ايوروا فيا فيها مش قادره نفتح اعيوني وغبت عالوعي بعدها تقريبا نص ساعه فقت ايزيدوا فيا في الدم وتغديه ووووو وميات حاجة يتجاروا وخلاص يعني تقدروا اتقولوا قريب جبت طبيعي وجربت الزوز واتلحمد لله طبعا القصه باختصار فيها هلللللبه حاجات شفت دمعه راجلي لاول مره ربي يحفظه خاف علينا حتي في جمان اما قصه العروسه جمان السبت الصبح خلاص معادش متحمله طول الليل الم ونزلت السداده والمشكله انها قاعده مانزلتش الحوض وواضحه بطني فوق امشيت وتيت رنوده وقريب نتقطع شاده روحي مانبكيش قدامها حبيبتي ووتيت ساكوها وشنطتي وساكو جمونتي طبعا مافيش الم ولاده حقاني زي في رنوده لكن معادش قادره خصوصا ان كان عندي هبوط انحس بنطيح ودايخه وعارفه انهم حيشدوني عمليه لان دكتورتي قالتلي حطيت رنوده عند خالتها وقلبي بيتقطع قريب متت حتي راجلي متاثر شاد ايدي وبس ويسوق بالتانيه وساكتين الا من شهقاتي قاعده موصلتش للمصحه اتصلت باختي نسال علي رنوده نسمع فيها تلعب مع الصغار فرحت نوعا ما قالتلي اختي مازال تتصلي بنصكر تلفوني هههههه خشيت للدكتوره دارتلي جهاز البنوته مضايقه والمشيمه نازله شوي قالتلي بالكتير غدوه الصبح عمليتك لو ماتبيش توه وتعالي في اي لحضه قلتها ديريلي دخول دارلتي دخول وانا انهدرز في الحجره انا وزوجي جوني الممرضات ايجهزوا فيا لبست وانا انحس نفسي بنموت رنوده بين عيوني وصيت راجلي عليها وووووو لين خشيت الحجره وركبولي الاجهزه وآآآآه من حجره العمليات صوت الاجهزه بس ايركب الرعب قعدت نقرا في الاذكار ونتاكد اني مستوره لان دكتور التخدير بيخش وقعدت نقرا في القرآن لين فقدت عمليتي اتعطلت لساعه عكس رنوده تلت ساعه فقط والحمد لله طبعا طلعوني لحجرتي وجيجي هانم اتهتري ههههههه وراجلي فيديو ايصور فيا وهو ايزيد فيا يسال وانا انجاوب تفرجنا عالفيدوا لما روحنا وامسحته مع انه يبيه يقعد باش يضحك عارفاته ههههه طبعا لما فقت مزبوط بدي الالم مع ان البنج قاعد وحشاكم مارجعتاش ساعتين واعطوني مسكن وشويه نصقع وشويه نسخن طبعا طلعت قبل المغرب من العمليه وللاسف المفروض ايمشوني الساعه 2 في الليل لمنع اللتجلط لقدر الله قعدت لساعه 9 الصبح وانا نتالم وبلبس العمليه المهم بعد هالاهمال لما جت الدكتوره 9وشكيتلها بيمشوني طحت والله الطيحه احرف من العمليه والزوز والا حاولوا ايشدوني خلوني انطيح ربي يهديهم ردوني للسرير ونفس الشئ قعدت للواحد لين امي واختي نوضوني واعطوني عصير باش مندوخش وقدرت والحمد لله ومعادش امشيت لتاني يوم وطلبت جبوب الكربون والزرابيط لان بطني كانت منفوخه هللبه معادش قدرت نتنفس منها وماصار شئ اعطوني اكثر من مره ولا فايده وكحه البنج قريب متت منها في الجرح طول اليوم اللي بعده اغمي عليا ولما فقت معادش قدرت نتنفس ونرعش طبعا اليومين الاولين قالولي انتي دلوعه وماتتحمليش لكن لما مرضت معادش قدرت عرفوا اني ماندلعش نبضات قلبي مش منتظمه تصدقوا ومعادش قدرت نتنفس لين دارولي اكسجين ونزلوني للطوارئ ومسكن ومراقبه لنبضات القلب وصارت فيا حاله ساعتين كاملات بعدها الحمد لله تعرفوا شن كنت انفكر كان كل تفكيري بنياتي وندعي ان ربي يحفظهم ويرعاهم كنت انشوف في الموت بين اعيوني والحمد لله والله كل وقت نحمد في ربي اني بين بنياتي وفي حوشي وكل احبابي بخير كتبت باختصار وفيه هلللللبه حاجات وربي يهون علي كل حامل ويرزق كل محرومه ويحفظ كل صغاركم يارب |
رد: حبيباتى سيدات ليبيا تفضلو لأعرف ما حالكم
الضئ بدي يهرب هلبه
غدوه ان شاء الله بيوصل المولد وبيجوا ايركبوا لحوشي وحوش سلفي لانه كبير المهم نرتاحوا وكل شئ يخدم خصوصا التدفئه حوشي يولي زي التلج اليوم غداي بازين زعما تعبني البازين وامس جتني خالتي قالتلي قبل ماتوصل بنص ساعه قعدت نجي بخرت الحوش وطلعت لحم وحطيت الشاهي اخضر واحمر عالنار ووتيت سفري وغيرت بيجامتي ومكيجت عالخفيف وبنوتاتي امغيرتلهم وكل امورهم تمام وجت نص ساعه لما تعرفي نفسك وقتك ضيق اديري فيها هللللبه حاجات والله كان بوسع الوقت نفس الحاجات انديرهم في ساعتين ههههه سبحان الله وجت عزوزتي هدرزت وحطيت الدحيه والحلبه عالنار وجهزت السفره قعمزت انهدر ومره مره انشوف العشئ هرب الضئ شغل راجلي المولد الصغير ايشغل 8 لامبات العاديات الصفر لكن الضئ الابيض 20 لامبه خير من لاشئ روحت وغسلت ماعيني وارتحت هاليومين اكيد حيجوني امتاعيني اللي ماجونيش خصوصا لما يسمعوا باختي باش يفضوا بعدين بيها او ينحرجوا لو القوني غادي |
رد: حبيباتى سيدات ليبيا تفضلو لأعرف ما حالكم
آآآآآآىخ دويت هلبه
شكلي بنولي زي قبل انعبي في الصفحات قبل منتقل في الحمل ونتعب هههههه تذكروا سلام توه حبيبتي جمونتي بترضع تصبحوا علي طاعه الرحمن |
رد: حبيباتى سيدات ليبيا تفضلو لأعرف ما حالكم
غاليتي جيجي الله قصتك قريب زي قصتي غير انا=ت الحمد للع افتكيتي نت الالتصاقات
الحمد لله حتى انت تعدبتي بس يالا لما تشوفي حوجو يهون شن جو رنودة معاها وتموا ناسك ولا قاغدين يتعصروا ولالالا غاليتي امولة خيرها شن تبيكم تسموها العزوز ياكبدي هدا شعور غيرة واضح ويا حنا هي امه اهم ختى تعاملك سيئة بتتحمشي بس هكاوتك خلهم ودرا حتى انت متعدليش وكيف حال فطومنك توا سلام للكل |
رد: حبيباتى سيدات ليبيا تفضلو لأعرف ما حالكم
صباااحوووو
اهئ اهئ راقده 5 ساعات بس وليا 3 ايام على هالحااااله فروووسي رايح يسهر وينق ياروحي والله ماعرفت السبب \ |
رد: حبيباتى سيدات ليبيا تفضلو لأعرف ما حالكم
جنوده انواع واشكال بي بي تي واجد ع الامازون انا مرة ندور في جهاز قياس التبويض عشان طريقة العد تبقي مضمونه في منع الحمل لقيت واحد يجي معاه
توا كتبت اسمه ف الامازووون واجد طلعلي وحتي اسعاره كويسه الجق http://forum.hwaml.com/imgcache2/hwa...149115_799.jpg |
رد: حبيباتى سيدات ليبيا تفضلو لأعرف ما حالكم
جنوده انواع واشكال بي بي تي واجد ع الامازون انا مرة ندور في جهاز قياس التبويض عشان طريقة العد تبقي مضمونه في منع الحمل لقيت واحد يجي معاه
توا كتبت اسمه ف الامازووون واجد طلعلي وحتي اسعاره كويسه الجق طبعا هنا ادق ف تحديد التبويض http://forum.hwaml.com/imgcache2/hwa...149232_109.jpg http://forum.hwaml.com/imgcache2/hwa...149232_874.jpg |
رد: حبيباتى سيدات ليبيا تفضلو لأعرف ما حالكم
صبااااااحو ع الحلوين كيف حالكم ان شالله تكونو كويسين تبو الحقو قداش يسهفو فيا الاخوات اللي عايشات برا ماشالله نقرا ف قصصكم ووين تطلعو وتدهورو الحق نتمني اني ف مكانكم والله فدييييييييت من لييبيا نتمني نطلع نعيش البرا بالاخص البيبي اللي بيجي قداش نتمناله يعيش ويتعلم البرا وماينحرم من شي لانكم عارفين ان هنا ف ليبيا لا عندنا ملاهي ولا مولات ولا وين نطلعو وندهورو الحق انا لما كنت صغيره بابا ربي يخليه لينا ماحرمنا من شي ديما كان يسفر فينا الحمد لله عشنا طفوله حلوا لكن توا نخمم ف البيبي حرام ماعنداش وين يلعب ولا يدهور انا زوجي يشتغل مهندس ف شركة الليبيانا عطلاته مش هلبا مره وحده بس في السنه نسافرو الحق والله ماتسد بكلللللللللللللل يارب تتحسن البلاد قبل ماجي البيبي يااااارب
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حال حبايب قلبي اليوم
شن دايرين وان شاء كلكم طيبين |
رد: حبيباتى سيدات ليبيا تفضلو لأعرف ما حالكم
فروستي ... وجنودة ... واثورة
مشكورات جدا والله يبارك فيكن عالاطراء الحمد لله ندير في اللي علي وزيادة ونشوف في ثمار تعبي |
رد: حبيباتى سيدات ليبيا تفضلو لأعرف ما حالكم
جنودة الصور ايهبلن ربي يزيدك من نعيمه
|
رد: حبيباتى سيدات ليبيا تفضلو لأعرف ما حالكم
فروسة ..
معليش ياقلبي كل شي باجره فروسي ممكن يطلع في سنون نفس رويتا حتى هي الايام هذي حارمتني من النوم ربي يهديهم ويصبرنا |
رد: حبيباتى سيدات ليبيا تفضلو لأعرف ما حالكم
شموسة ...
زعما وصلتي بالسلامة |
رد: حبيباتى سيدات ليبيا تفضلو لأعرف ما حالكم
جيجي ..
ماجورة ان شاء الله |
رد: حبيباتى سيدات ليبيا تفضلو لأعرف ما حالكم
نمشي نبرم علي قسمي
|
رد: حبيباتى سيدات ليبيا تفضلو لأعرف ما حالكم
السلام عليكم كيف حالكم
فروسه صندوق الرسايل الخاصة امتاعي تعبا كيف نمسح بعض الرسايل معرفتش |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
كيف حالكم نفرة نفرة خخخخخخخ اوشي خلاص عودتينا عليها ربي يحفظك ام نوزه كيف حالك وحال حموده ونوزه الحلوه ناسي مازال والله بس مش عارفه بيجو او لا اعتقد هالاسبوعين ميجيني حد الكل مشغول حتي اني قالتى الدكتوره لراجلي بعد مطلعت من العمليه انها عطلت فيها لان عمليتي الاولي فيها هلبه التصاقات والله اعلم مع اني ماعمري شكيت من شئ بعد ولادتي برنوده ولا في حملي بجمان وآآآآآمممم شن سالتي تاني ياحلوه ام فروسي غبطتك علي نوم 5ساعات هههههه انا حتي ساعه مارقدتش لحد توه لان العسوله ولا قالت نرقد ربي يحفظها وتوه راقده امورتي اثري وجنوده وهدهد وامول وحبيبة حاتم وشموسه والمختفيه تماااااااما سوسو كيف حالكم وشن اخباركم ان شاء الله تمام |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حال الجميع بدون استثناء ام فراس بارك الله فيك ان شاء الله ندوره او نشوفه في الفارمسي اللي جنبنا حبيبة حاتم غير تقولي هكي ارض الوطن مافيش زيه ام نوزة كيف حال السنافر هههههههه ضحكتني كلمة يتعصروااا تعبير قوي جدا لناسنا في ليبيا اللي مايجوش في نفس الوقت فعلا صدقتي فيها اوشي شن اخبار المدرسة |
رد: حبيباتى سيدات ليبيا تفضلو لأعرف ما حالكم
بنات شن صاير في درنة مافهمت شي
وليش الكهرباء مقطوعة بسبب الامطار او في شي ثاني وسمعنا اشاعات ان مصرف ليبيا بدأ يصرف من الاحتياطي وفي تقرير في الجزيرة انه حتي لو ةليبيا بدت تصدر في النفط زي قبل راح تضطر انها تستلف ان شاء الله خير والله فديت من الاخبار الزفته كل يوم في النازل وكل ماتنحل مشكلة تطلع وحده غيرها بصراحه المشكلة في الشعب 42 سنة وهوا في التخلف وتعود علي طباع معينة مايمشي الا بالقوة حسبي الله ونعم الوكيل في اللي كان السبب كل مانفكر انقول كان يخطط للحظات زي هذه دولة معتمدة عليه بس لا جيش ولا قانون وكان يغرس في افكاره هههههه كل مانتفكر شن كنا نقروا في المجتمع وكيف كان تفكيري صغير نقرا ونحفظ في اشياء مافيش في العالم كله |
رد: حبيباتى سيدات ليبيا تفضلو لأعرف ما حالكم
الســـــــــــــــــــــلام عليكم ورحمة الله وبركاتـــــــــــــــــــــــــه
يا هلا بالغوالـــــــــــــــــــــــــــــــي **** طبعا حكاية انقطاع الكهرباء حاجة لا تصــــــــــــــــــــــــــــــدق أمس هرب الساعة 6 العشية ، قريب المغرب ماجاش إلا مع الساعة 12 ليلا وشوفي جوك من ضيقة الخاطر والصققققققققققققققع لما جي كنت غارقة في البطانيات فالحق ما نضتش غير زوزي ولع الدفاية ،،، اللي أخيرا ولعناها تخيلوا مع الفجــــــــــــــــــــــــــــــــــــــر يهرب ثاااااااااااااني امشيت للمدرسة مع الساعة 12 مازال ماجاش والمشكلة أحني مربوطة الكهرباء مع المية يعني انقطعت المية أمتى روحت لقيته قعدت نجرررررررررري خوفا من تبخره والحمد لله على كل حاااااااااااااااااااااااااااال |
رد: حبيباتى سيدات ليبيا تفضلو لأعرف ما حالكم
نحكيلكم موقف
اليوم صار مع الوالــــــــــــــــــــــــــدة تشتكي هذه الأيام من معدتها وهي عندها معاها قصة طويلة المهم وصفولها دكتور حاذق وأنااااااااااااا شجعتها وبقوة أنها تمشيله رفعها خوي ومشت هم جالسين هررررررررررررررررب النوووووووووووووووووووووور القصة مش هنايا القصة أن المصحة علي كبرها وفيها قداش تخصص وتخصص ما عندهمش مولــــــــــــــــــــــــــد لا ،،،،،،،،،،،، القصة مش هنايا القصة أنه ما عندهمش حتى لامباااااااااااااااااااات شحن قعدوا مقعمزين في الظلام بنور النقالات ولما خشت للطبيب عاينها على ضوووووووووووء الشموووووووووووووووع جو رومانســــــــــــــــــــــــــــــــــــــــــــ ي خخخخخخخخخخخخخخخخخ توا هنايا شن دخل الحكوووووووووووووووووووووووووومة هذا قطاع خاص وياخدوا على الكشف الواحد 30 ديناااااااااااااااااااااااااااااااار بدون تعليــــــــــــــــــــــــــــــــــــــــــــــ ـق ~~~~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
اثوره الف الف لاباس عالوالده ربي يشفيها
اثوره امشي خودي مولد وريحي راسك والله اليوم الحمد لله ركبوه الصبح ولما هرب مع العصر اشتغل تومتك وكل شئ يشتغل زي ماهو والحق احني يهرب بالكثير 4ساعات ونص انتم زي اماليا بيهبلوا منه وخصوصا ان الغالي وتاج راسي بوي عنده علاج طبيعي واجهزه كهربائيه بياخدو مولد وخلاص والمولدات مش اي مولد تاخديه زي امتاعي الاول يخدم لامبات وبالكثير تلاجه ويبدا يرعش كرهته باهي اقنعت راجلي باش اخدي واحد كبير وحتي سلفي خدي منه خيط يعني ايخدم حوشين ماشاء الله صح مكلف لكن مانقعدش علي اعصابي خصوصا مع نونو صغيره جمونه مش راضيه ترقد حبيبتي تاني ليله والله ماعد قادره مره مره انصبر روحي نتصفح النت ونقرا كتاب وخلاص ربي يحفظها حتي دوشتلها لااااااا يوجد نوم رنوده دوشتلها ورقدت حبيبتي ربي يحفظها تبيني انحنيها قلتلها من عنووووووني |
رد: حبيباتى سيدات ليبيا تفضلو لأعرف ما حالكم
جنوده ديري زيني لاعاد تشوفي ولاتتصفحي اخبار ونتوكلوا علي ربي وللي بيصير الحمد لله علي كل حال
ربي يحفظ بلادنا الغاليه يااااارب تصبحوا علي الف خير |
رد: حبيباتى سيدات ليبيا تفضلو لأعرف ما حالكم
السلام عليكم كيف حالكم كلكم
|
رد: حبيباتى سيدات ليبيا تفضلو لأعرف ما حالكم
اقتباس:
اقتباس:
اقتباس:
اقتباس:
ويسلمو ايديك ع الموضوع الحلو استفدت منه |
رد: حبيباتى سيدات ليبيا تفضلو لأعرف ما حالكم
جي جي الغاليه الف الحمد لله ع سلامتك ومأجورة ع كل التعب ان شاء الله الحمد لله انك شفتي جمونه بخير اكيد نساتك الوجع كله وان شاء الله ربي يحفظلك بنياتك وبوهم واهلك وديما يقفو جنبك يارب الله غالب الطب في ليبيا يخوف!
عزيزتي الغاليه اثري كيف حالك وحال اطفالك الحلوين وربي يعينكم ع هروب الضي وخاصة مع الصقع وان شاء الله الف لاباس ع الوالدة صار عاينت في جو رومانسي الله غالب وخلاص !!! صح معقولة عيادة مافيهاش مولد وهما عارفين هروب الضي؟ وهما تلقي ايجار شهر يشريلهم مولد ! الغالية الحبيبة اوشي كيف حالك وحال صغارك ربي يحفظهم ان شاء الله تكوني بالف خير شموسه طمنينا كيف حالك وحال سنافرك والبيبي الحلو وان شاء الله تكوني وصلتي بالسلامة كويس غيرتي جو في الطبيعه الحلوة في ماليزا ربي يدوم عليك نعيمة ويخليلك عويلتك يارب هدوشه الحلوة وين مغطسه انتي وسومة ان شاء الله تكوني بخير سوسو اختفاء تام ان شاء الله خير ام نوزة الله يبارك فيك كيف حالك تنتي وحال سنافرك ربي يحفظهم ام معاد وام ورد ان شاء الله تكونو بالف خير |
رد: حبيباتى سيدات ليبيا تفضلو لأعرف ما حالكم
ام فروسي كيف حالك وحال الولي وفروسي وربي يعينك ع السهر توا بديت نحس بيك هههه
بدا الثلج عندكم ينزل والا مزال؟ واكيد عنكم عطلة في نهاية السنه وين حابين تمشو ان شاء الله؟ امس شريت عطر ايلي صعب من كثر ماشكرتيه شوقتيني نجربه شريته اونلاين 50مل ب53 دولار حسيته رخيص خفت يطلع مش اصلي مع نفس الصورة الي نزلتيها بالزبط ومن نييورك ومرة حكيتي ع عطر للرجال212 شريتيه والا لا؟ لاني ندور في عطر رجالي يكون حلو وقوي مش عارفه تنصحيني بيه او لا جنودة ماشاء الله ولايتكم حلوة وفرصة للتدهوير ربي يهنيكم بس وين ناوييين تمشو اخر السنه؟؟ احني ان شاء الله بنمشو لنييورك وويست فرجينيا مانعرفش قراب منكم او لا؟ |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم احبابي وشن دايرين |
رد: حبيباتى سيدات ليبيا تفضلو لأعرف ما حالكم
امولة ياقلبي ..
كيف حالك وحال فطومة الحلوة ... وربي يعينك علي عمتك ونصيحة اي شي يزعلك احكيه لزوجك بطريقة ماتكونيش فيها فضة |
رد: حبيباتى سيدات ليبيا تفضلو لأعرف ما حالكم
هدهد ...
حبيبتي كيف حالك وحال السوما وشن جو الصقع عندك |
| الساعة الآن 03:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .