|
رد: الغاليات بنات فلسطين اتفضلو هون.....
اقتباس:
شكرا ع الاجابة لانه لما رحت اطعمها طعم الشهر ،طعموها ابرة بإيدها وبس ولما رجعت عليهم عشان طعم الشهرين حكتلي انه انا ما طعمتها طعم الشهر ،، حكيتلها امبلى طعمتيها ننحكتلي وين طعمتها ،، حكتلها في ايدها حكتلي ناقص تطعيم برجلها ،، وطعمتها امبارح برجلها ،، وأجلت طعم الشهرين ل بعد شهر ،، هاي القصة ،، ما بعرف اذا فهمتي ع الحكاية حكيتلها وحكتلي وحكتلي وحكتلها هههههههههه بدي اسألك يعني قبل تطعيم الشهر الي اعطوه فيه ابرتين ونقط ما اخذ تطعيم غيرو بإيده ؟ اقتباس:
كيفك وين هالغيبة بالنسبه للطنطاف ،، بنتي كانت تغلبني كثير كثير وبتضل تعيط حتى لو شبعانة ،، ومرات كانت بتطلع صوت زي طقطقة لما ترضع ،، وكمان شفت حبة بيضا في سقف حلقا من ورا وكمان كانت تراجع كثير،، واخذتها ع ستي تشوفها لانه ستي بتعرف كيف الطنطاف وحكتلي انه معها طنطاف ورحنا ع طولكرم عند دكتور اسمه احمد سليم جيوسي ،، و شال الطنطاف ،، والحمدلله اليوم صارت احسن بس ياروحي كثييير عيطت واتوجعت اقتباس:
سلامتها بنتك ما تشوف شر يارب الطنطاف يا ستي حسب ما فهمت ،، بيكون زي قطعة صغيرة ملتهبة في اخر الحلق ،، والطفل ما بيعرف يرضع منها لانها بتكون زي الشوكة بتخزه ،، وبيظل يزن وكمان ناس بيسموها اللهاة اقتباس:
سلامتك يارب ما تشوفي شر اتوكلي ع الله ،واقرأي الرقية الشرعية انتي بتاخذي مثبت ؟ او مميع للدم؟ كبريا هلا يا عسل الله يسلمك والله ما بعرف احنا عنا بيسموه طنطاف |
رد: الغاليات بنات فلسطين اتفضلو هون.....
مسا الخير
ام أسيد تسلمي حبيبتي ،، ربي يخليلك ابنك ويفرحك فيه يا رب نور الله يسعدك ويخليلك ولادك ،،، يوسف ما بيشبه حد من اخوتو التلاتة أحلا منو ،، ههههههههه لولو حمادة ربي يطمن قلبك ويثبت لك حملك ويتمملك على خير حبيبتي فوفو سلامتها رزان ،، بس ما فهمت شو هو الطنطاف ؟؟ الإبرة الي أخدها يوسف بكتفو عالشهر اسمها تخريسة هي تطعيم لمرض السل اللهم عافينا ،، بتكون تحت الجلد وبعدها بشهر بتعمل صديد (مدة) وبيكون لونها احمر ،، هاد دليل انو البيبي استفاد من الطعم |
رد: الغاليات بنات فلسطين اتفضلو هون.....
صبايا ..
النجــــــــــــــــــــــــــــــــــــــــــــــ ــــــــــدة من الصبح مع مغص ببطني ووجع بظهري .. وحاسة كأنو في شي بدو يبزل عفوا عالوصف .. بس معقول تكون الدورة ؟؟!! ام اسيد انا لسه ما اعطيت يوسف اي شي بس بيرضع مني |
رد: الغاليات بنات فلسطين اتفضلو هون.....
مساء الخير يا صبايا
لولو حمادة الله يتمملك على خير يارب ويفرحك فيه وهو بين يدك حواء ماشاء الله عنه كبرانة الله يخليك اياه حلا ليكون حامل هههههه ممكن الدورة وممكن التهابات فوفو الف سلامة عليه بس بعرف الجيوسي طبيب نسائي مو اطفال ام مروان بدي اسهر مين بدها تسهر هههههههه نور ودموع وينكم باقي الصبايا يسعد مساكم يارب دودو ولولو وينكم بتختفو كثير |
رد: الغاليات بنات فلسطين اتفضلو هون.....
حلا
الله يسلمك يعني هاي الابرة الي بتحكي عنها اخذ بنفس اليوم ابرة برجله ؟ والله انا زيك ما بعرفه الا بالاسم ولا عمري شفته وما بعرف شكله ،، هو ما بيعرفوه الا الحجات الختايرة الكبار وبيعالجو بس بعرف انه شغلة ملتهبة في اخر الحلق وبتوجع الطفل مثل الشوكة ،، وبتطلع للاطفال لحد عمر 6 اشهر ،، بس مش كل الاطفال ام اسيد اه انا لاحظت انه مكتوب على الروشيته تبعت الدوا انه دكتور نسائي وكمان مكتوب دكتور عام وعائلة ،، بس هو اتعلم من وحدة في منطقة عتيل عن الطنطاف وكيف ينشال ،، ورحنا عليه ،، بس كثير مغلواني قال بياخذ 100 شيكل |
رد: الغاليات بنات فلسطين اتفضلو هون.....
ام اسيد
الله لا يوطرزلك ههههههههههههههههه .. شو حامل ما حامل ؟؟ .. لا يختي ما انا حاطة لولب بس ازا مش الدورة رح تكون التهابات ... انا بسهر ازا كنت قادرة :) فوفو اه الابرتين بنفس اليوم .. الي برجله والي بكتفو .. والنقط الي بتمو اها .. عمري ما سمعت عنو المهم انو سلامتها الحلوة وبيروح الشر عنها |
رد: الغاليات بنات فلسطين اتفضلو هون.....
هلا فوفو منورة ان شاء الله هديت بنتك
انا هيك بعرف ان شاء الله تكون استفادت منو |
رد: الغاليات بنات فلسطين اتفضلو هون.....
ام اسيد
شو بتعملي ؟؟ وكيف اسيد ؟؟ خبريني عنو عم يلعب وبكاغي ..يعني وهيك شغلات |
رد: الغاليات بنات فلسطين اتفضلو هون.....
الله يسعدك يا ام خليل هههههه الله يشفيك يارب شو الاخبار هاتي نتسلى تعو يا صبايا
|
رد: الغاليات بنات فلسطين اتفضلو هون.....
يلا انا هون يختي ..
سالتك عن اسيد فوق .. خبريني ؟؟ يوسف ما شاء الله بيعرفني وبيعرف ابوه واخوتو .. بيكاغي وبيدحك بصوت عالي .. كتير بينبسط لما الاعبو بيمسك لعبتو وبيحطها بتمو . ولما اقعدو بيصمد شوي قبل ما يقلب هههههههه |
| الساعة الآن 11:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .