|
رد: حبيباتى سيدات ليبيا تفضلو لأعرف ما حالكم
كيف حالك هدية
اسم بنوتك حلو |
رد: حبيباتى سيدات ليبيا تفضلو لأعرف ما حالكم
هدية واثري كيف حالكن
|
رد: حبيباتى سيدات ليبيا تفضلو لأعرف ما حالكم
طبعـــــــــــــــــــــــــــــــــــــــــــــــ ـــــــــــــــــــــــــا
لقيت صفحات معبيات وأني عيوني بيتغمضوا ومرة مرة نلقى موضوع أروع من الثاني نحط في المفضلة لغدوة وخلاص ~~~~ المهم اليوم مشيت ل""أبوذراع "" اللي قدام الفروج خديت منه قفيطين نزوووووكي هلبة أكمامه تايقر شيفون شفافات وصدره وظهره سبعـــــــــــــــــــــــة عريانات لكن حليت مشكل العري ببدي أسود عندي رقبته واسعة اللبسته تحت منه بدت رقبته مستورة وظهره مغطــــــــــــــــــــــــــــــــــي وأكمامه كأنهم مبطنات الحمد لله من يتق الله يجعل له مخرجا ومن تحت هو أسود مع حزام عريض تحت الصدر ذهبي بالأسود الحق طلع علي يهبل إحم إحم شكار روحه خطم من هني بارك الله فيك جنودة وقظتيني فيه ديما الحاجة اللي بحداك ما تتوقعيش فيها بغيتك ومرادك ومرات نقول بنمشي غدوة ناخد المبطش اللي حطيتي صورته أزرق كحلي بالأبيض عجبني هلبة لكن نحس فيه ما يمشيش حفلة وإنما للمـــــــــــــــــــة مثلا !!! فستاني أخذته بمائة فقط لأن اللي في قرقارش أسعاره مثبتها علي المية شووووووووووووره ؟؟؟ ومرات نقول نزيد علي المية وبناخد قفطان في حناين عجبني علي الآخر وبيطلعني بموديل جديد بــــــــ 280 انتى ربي يسهلي ونتعلم ننزل الصور توا نزلهولكم وبالك عنده صفحة حتى حناين توا ندوووووووووور ســــــــــــــــــــــــوسو الحمد لله عزومتك جت على خير مايرام والقفطان اللي خترتيه إمممممممممم مايمشيش معاي إلا من ناحية واحدة أنه مستور لكن مش ذوووووووقي ~~~~ وانفضل تلبسي ثوبك الخليجي لأن المناسبة عرس وزحمة وديما الثوب انتى يكون حلو وماشي مع جسمك ليه فخامة أكثر من بديلتك النزوكية ~~~~~~~~~~~~~~~~~~~~~~~ تعرفي نتمنى لما نبني ندير جنين من القفا يفتح عليه المطبخ ونغرس فيه خضرواتي وحتى فواكهي خخخخخخخخخخخخخخخ ماهو السبول ن الفاكهة !!!! |
رد: حبيباتى سيدات ليبيا تفضلو لأعرف ما حالكم
جنودة شن حالك توة
|
رد: حبيباتى سيدات ليبيا تفضلو لأعرف ما حالكم
توة اسمحولي بنمشي نقعد مع زوجي اشوية
تصبحن علي خير |
رد: حبيباتى سيدات ليبيا تفضلو لأعرف ما حالكم
أهلا أوشي وجنودة
أوشي درتيلي تأنيب ضمير هملت غريساتي من فترة معاش اهتميت يهم تعرفي قبل ما نجيب علوووووووووو كان اهتمامي بيهم غير عاااااااااااااااادي نستشعر فيهم صغاري وبعدين قل الاهتمام نوعا مااااااااااااا كنت نهدرز معاهم خخخخخخخ نقوللها حبيبتي عطشانة سامحيني خليتك تعطشي ~~~~~!!!!! يعطيك الصحة والله يحفظ الأمورة علما بأنني لست مؤيدة نهائيا لتصوير ذوات الأرواح فليراجع موضوعي إلى صاحبة الذوق الرفيع والمغرمة بروائع الصور فضلا لا أمرا ~~~~~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
أم فروسي
صحتين الوجبات الشهية أكل مغري وتنسيق مرتب ربي يعطيك الصحة ممكن طريقتك في شوربة العدس ؟؟؟ جنودة مرة طلبت مني كيف ندير في خبزتي المقرمشة ناخد الخبز المصري ونقطعه قطع ونحطه في طاجين ونحط عليه شوية زيت زيتون وشوية ملح وشوية بصل مرحي مجفف ""يبيعوا فيه مع البهارات "" باش يعطي نكهة زي التشيبس ونحط في الفرن من فوق وتحت نين يتحمر وكولوا وقرمشوا بالهناء والشفاء ~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
ماشاء الله اكل يشهي
ام فراس اعطيني طريقة الشوربة تسلم ايديك |
رد: حبيباتى سيدات ليبيا تفضلو لأعرف ما حالكم
جيجي
مغطســــــــــــــــــــــــــــــــة ولا ممكن خدت مكاني كفراشة ليل ~~~~~ شموسة متبخرة ~~~~~ أم نوزة شن صار فيها زعما ؟؟؟~~~~ هدية حلوووووووواسم بنوتتك ~~ الله يحفظها ~~~ بترفعيها معاك للمة بالعربة ولا في حضنك ؟؟؟ سوسو بنت أختي جابت بنوتة ~~~ تعرفي علاش خصيتك بالخبر ؟؟ حزري فزري !!! عندي حفلة ودخول يوم الأحد أحبابنا مطلعين بنت وجايبين كنة والحمد لله في خيمة قدام الحوش ومن غير معازف طبعا الصالة المتنقلة بديكور راااااااااااائع كما قالت كلفها حوالي أربعة آلاف توا بنتفرجوا ونحكيلكم وعندي عقد بنت أختي الخميس الله يبارك وعرس بنت خوي 9/5 الله يكمل علي خير |
رد: حبيباتى سيدات ليبيا تفضلو لأعرف ما حالكم
سبحان الله
هدا الفستان نفسه اللي بناخده لماما اللي خديتيه اثري كم رقمه وفي جنب محل ابودراع محل الميمونة للعبايات عالفيس حاطين عبايات روعه بس الباين غاااااااالي اوشي حالي الحمد لله وشكرا علي الدعوة يلا نستاذنكم بنمشي نساير زوجي شوية |
| الساعة الآن 05:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .