|
رد: تجمع حوامل ليبيا
ام اسيل كيف حالك وحال صغارك مصر جوها مش عااااادي هالايام
لاباس علي وسيفا اسمعي يا ام اسيل انتي عندك بنيه ووليد قبل يوسف ولا ني غالطه |
رد: تجمع حوامل ليبيا
تعرفو انا متضايقه
متضايقه لينا 5 سنوات وهو يوعد فيا بالسفر امس اكد لى اننا توا نسافرو الاسبوع هذا وكلمته عشان ياكد علىطلب الاجازه رجع وقالى ان المدير مش قاعد وبنهايه الاسبوع بيش يجى وانه راح ياخذ وقت فى دز الطلب الى الرئيسى وعشان يردو تبيلهم ايام يعنى خلاص والله نكتب ونبكى كرهته خلاص شنو هذا كرهته من جد استغرب رده فعلى لا تكلمت ولا عصبت ولا حاجه بالعكس عاملته عادى بس عيونى مليانه دموع وقعد العشيه كلها يكلمنى بس انا خلاص مليت توا طلع للمسجد يصلى المغرب قلت انكلمكم |
رد: تجمع حوامل ليبيا
متزعليش روحك واكيد هو اكتر منك خاطره تسافرو وتغيرو جو بس اكيد في سبب للتأخير وان شاء الله يوفقولكم علي الاجازه وتسافروا وتنبسطوا يا ام قصي
|
رد: تجمع حوامل ليبيا
رغوده صحه فطورك يا حبوبه راك تشربي اميه هلبا بطنك تنتفخ وتقعدي تنيني هههه زيني
|
رد: تجمع حوامل ليبيا
ام قصي يا حبيبتي ماتزعليش روحك وهدي اعصابك الله غالب هوا صارله هكي شن بيدير توا ان شالله ياخد اجازه وانتي تاخدي اجازه وتسافروا
ولا في عطله خمسطاش سافروا ماتنكديش روحك بجوها خلاص شن بديري يعني غير حرق اعصاب بس |
رد: تجمع حوامل ليبيا
ام روفيده معقوله اني مانعدلش عليك هادا كلام توا مع انك بعد فتره معاش بتولي من فصيلتي لكن هيا الله غالب شن بندير
|
رد: تجمع حوامل ليبيا
تعرفى يا هاتو هو يحمس فيا ويقولى فى خاطرى نسافر ونغير جو
من زمان كان كل مره عندنا حاجه فى بدايه زواجنا بنينا الشقه ونحمل ونجيب وهذا اثاث وتوا الحمدلله جا وقت التغيير وفى خاطرى تركيه تعرفى سلفتى وهى عروس مشو لمصر تحكى مره وانا قاعده قالت لها وحده انتى ما ادهورتيش فى مصر كويس فى اما كان ما مشيتلهاش تعرفى بحتت فيا بطرف عينها وقالت على الاقل انا مشيت لمصر قديش قهرتنى نحس باهل زوجى يضحكو عليا لانى بينت قديش فى خاطر نسافر وراجلى ما شالنيش ومش بس هكى نبى نطلع |
رد: تجمع حوامل ليبيا
وين ايوته مغيبه ان شالله خير ياااااارب ربي يسعدها ويهنيها هيا وعويلتها
وساااااااااالي الغاليه والله مشغوله عليها ليها ايام مغيبه واليوم مهناش حتي في الياهو استاحشتها ربي يسعدها ان شالله |
رد: تجمع حوامل ليبيا
لا يايقين مافيش عطله 15
مافيش طلعه الا فى الصيف وتعرفى انا لى ليلتين وانا قاعده نبحث فى النت على الفنادق وام قعمر معايا وحتى اخترنا الفندق فى تركيا اذا مشينلها وتوا احلامى راحت حاسه بنفسيتى من فوووووووووووووووووق لى تحت تحت |
رد: تجمع حوامل ليبيا
كيف الحال يا حلوات
|
| الساعة الآن 03:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .