|
رد: حبيباتى سيدات ليبيا تفضلو لأعرف ما حالكم
جنودة خوذي بالك وتحرصي واجد وتاكدي من الاكل الحلال
|
رد: حبيباتى سيدات ليبيا تفضلو لأعرف ما حالكم
فعلا هدهد غياب
شكلها حتى هي تتعب في الروضة مع سوما عشان هكي ترقد معاها ههههههههه |
رد: حبيباتى سيدات ليبيا تفضلو لأعرف ما حالكم
سوسو مش غير غياب
زعما واخذة اذن وشن صار في مسابقتها |
رد: حبيباتى سيدات ليبيا تفضلو لأعرف ما حالكم
جيجي الله يبارك تجهيزات ماالاخر
اعزمينا بيش انجوك خخخخخ |
رد: حبيباتى سيدات ليبيا تفضلو لأعرف ما حالكم
اثورة كيف حالك ياحبيبة وعويلتك وبوهم عساكم طيبين
|
رد: حبيباتى سيدات ليبيا تفضلو لأعرف ما حالكم
شموسة ...
ماشاء الله علي سنافرك ربي يخليهم لك والصور روعة ايهبلوووووو سلم يدياتك واستمتعي علي قد ماتقدري واصحي عالبيبي |
رد: حبيباتى سيدات ليبيا تفضلو لأعرف ما حالكم
درت عشايا مقطع لاول مرة بدون قديد خخخخ
درتله قطع بطاطا وجزر وحمص وفوحته بالثوم والزعتر وطشة حلبة .. |
رد: حبيباتى سيدات ليبيا تفضلو لأعرف ما حالكم
شكلي بنشري الة التجفيف وخلاص معش فيها
جاي خاطري في حساااااااااء |
رد: حبيباتى سيدات ليبيا تفضلو لأعرف ما حالكم
مرحبا اوشـــي
|
رد: حبيباتى سيدات ليبيا تفضلو لأعرف ما حالكم
ام نوزه معش خشت حتي هي
واموووله خدتها الامومه رسمي |
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم اليوم حبيباتي ربي يحفظكم ويخليكم والله لو انقوللكم نتمناكم كلكم اول الناس معازيمي ربي يشهد عليا زي اوخياتي وفرحتي اكيد اتم بيكم ربي يجمعنا في يوم عالخير ياااااارب او في جنات الفردوس يااااااااااااااااااااارب تنسيقاتي الحمد لله رتبنا كل شئ كانوا اليوم عندي اهلي وحتي غدوه بيجوا ان شاء الله دعواتكم ربي يتمم السبوع عالخير فرحت هلبه ان التنسيقات عجبتكم لان بجد متعب الاختيار مع ان زوجي يعتبر اختار كل شئ ايجيبلي انذوق ونختار اتفقت مع بنات الفقي ودفعت العربون اليوم اثري سالتني من وين تعرفينا قعدت نبتسم وقلتلها وحده في النت من حي الاندلس قالتلي لقبكم مانعرفش انتم او لا وحبيت نشكرك هللللللبه وان شاء الله يطلع العشئ زي مانبي اليوم ذقت السله يمممم حاااااااره بصراحه بنقوللها تنقص اشويه حاره هلبه وزي ماقلتي سلاطتهم حاره يتفللفلوا الناس خخخخخخخ تعرفوا مزينتي مش حتجي عندها عزومه في حوشها مش عارفه نمشي لمزين او نمكيج بروحي شئ ناعم وشعري مش مشكله لاني تعبت والكل عارف مش حابه اندير شئ اوفر ايقولوا مش تاعبه !!!!! وتعرفوا كلام الناس هدرزت هلبه والحلوه جمان في حضني مش ناويه ترقد كاعادة |
رد: حبيباتى سيدات ليبيا تفضلو لأعرف ما حالكم
شموسه رحله موفقه وربي يحفظلك صغارك ويتمم حملك عالخير يارب
فروسه كيف حالك وحال الصغار وبوهم ان شاء الله تمااااااام يارب جنوده ربي يوفقك لما يحبه ويرضاه وردي بالك من كل شئ في الغربه وخصوصا في البدايه اوشي عجبني تصرف ردينه ربي يحفظها وخلي ديما كلمتها مسموعه عند خوتها ويحترموها وربي يحفظهم كلهم وامهم العسل وبوهم اثري وينك اليوم وكيف حال الصغار وبوهم حتي اليوم مقروش الصغار مش عارفه علاش !!!! هدهد وينك ياعسل وكيف حال سومه امول ربي يحفظك انتي وفطوم نستنوا فيك تحكيلنا كل شئ بالتفصيل وربي يعاونك الايام او الشهور الاولي صععععععععبه عالام وان شاء الله تطلع بنوتك هويديه ومش عياطه واهم حاجه ترقد في الليل هههههه سوسو !!!!!!!!!!!!!!!!!!!!!!!!!!!!! |
رد: حبيباتى سيدات ليبيا تفضلو لأعرف ما حالكم
تصبحوا علي الللللللف خير
|
رد: حبيباتى سيدات ليبيا تفضلو لأعرف ما حالكم
اهئ اهئ
فرااااس دايرها ليلة فينا وتوا اجديت زوجي بيش يرقد وخليه معايا حرام ديما ماشئ متأخر او نعسان للكليه العيل جايته حالة نشاط ومايبيش يرقد ومرات يبدي ينق رقاه باته وان شاء الله خير المشكله ربي يحفظهم يرقد هو تنوض الاء... |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم ياحبوبات وحشتوني وصحيتوا مشكورات اللي فقدتوني ان شاء الله ماتفقدوا غالي اني تعب هاليومين الجمعه رفعت سما للروضة وبعد كملنا مشيت لسوق قريب عالروضة لدت لين رجليا طاحو واني مروحة قلبت عليا الدنيا سما في الباص عياطات حشاكم وماتبيش العربة اضطريت شديتها شوية في ايدي مع انه غلط خطر عالعيل والباص يوقف كل شوي في المحطات المهم روحت مادة لساني وقلت توووووبة معاد نبي روضات ههههههه ويوم السبت طلعنا كالعادة مع راجلي جبنا النواقص وتغدينا برا وكان الجو صقع مووووووت والمطعم الي مشينالها بعيداجلنا الغدي لبعد الشوبنق لكن بعدين حسيت روحي منمووت من الجوع والطريق بعيدة قالي راجلي تخيلي نوصلوا ونلقوا المحل مصكر انضني بتقتليني ههههههه لأني جيعانه وهو اللي أجل الغدي ماليها في الفطور وشبعان وطبعا روحنا الدنيا مظلمة يادوب صلينا وكلينا فواكه ودرت دورة علي سما وللنوم فورا واليوم صابحة عيانة وصاحب راجلي جي بيتغدا درت كسكسي بالبصلة وامبطن وقبل منزيد معاهم بطاطا مقلية وخلاص لاني واقفة بالسيف امشي راجلي قاللي ساد معاش تديري شي وبعدها ضميت المطبخ وموعد ازالة الشعر درت بالماكينة عالسريع ودوشت وصليت العشي وكيف قعمزت اااااخ نحس في رقبتي تقول مجروحة ونبلع في ريقي بالسيف شكلي منمرض الايام هادي بكل الجو صقععع واني مهملة من ناحية اللبس الثقيل مانحبش نلبس هلبة نضايق ويولي عليا بعدين المهم كيف حالكم كلكم كلكم جيجي ربي يسهل امورك ويكمل اسبوعك علي خير جنودة ديري بالك من كل شي تصوري اكتشفنا حاجات مش حلال عمرهم مايخطروا علي بالك زوجي مسكين اول سنة جي اهني مايعرف شي مايعرفش محلات الحلال ياكل في حوت وخضروات بس وقال كان واحد اردني ساكن معاي ياكل في خنزير حشاكم !!!!ويبرر في التصرف متاعه بأنه هوا مضطر وعادي قاله زوجي ليش انت مضطر تاكل لحم وكان ماكليتش لحم بتموت ؟؟ واني للأسف صارتلي غلطة حبوب الفيتامينات اللي ناخد فيهم طول الحمل طلع فيهم ومش كاتبين عليه لين صاحب زوجي اكتشفه قال ولدي يلعب بشيشة الدواء مشي تحول الكاغط من عليه اكتشف انه مكتوب تحت الكاغط hwaml4 فروسة حتي اني زيك نستغرب اللي يفتوا ويقولوا الدجاج عادي وحتي في الروضة عطوا للصغار زبادي مابيتش نعطي لسما مشي وحدة لبنانية استغربت قلتلها مرات فيه جيلاتين قاتلي والله بتدققي في كل تتعبي قالت اهم حاجة اللحم حلال والباقي مو مشكلة وقالت الجيلاتين قالوا الشيوخ عادي لانه مكرر قلتلها لا خليني في السليم اضمنلي وجارتي الليبية ماتعلم بيها من وين زارقة تشري في شوكلاته ومستكة بدون ماتشوف قالت مانعلمش انه حتي هدوما فيهم والله اني الحمد لله راجلي حريص بكل ضروري يقرأ علي كل شي وكان حاجة مالقاش عليه شي ماياخدهاش وخلاص |
رد: حبيباتى سيدات ليبيا تفضلو لأعرف ما حالكم
علامة الحلال ياجنودة U هيا في الاصل المنتجات الحلال دايرينهم علي خاطر اليهود لانه حتي هما ماياكلوش في الخنزير سبحان الله
راجلي قاللي لولا اليهود احني مش محصلين شي هنا قاللي تحسابي دايرينه للعرب والا ملزومين بيهم hwaml03 |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
ااااه يابنغازي
ربي يهدي البلاد ياااارب والله مقهورة ع لي صاااار المشكله نضت نعسانه بعد سهرتي مع فراااس لقيت خواتي دازتلي ع فايبر ع لي صاير قالني من 2 بليل دنيا منقلبه والضرب مش بعيد ع هلي لان هلي ف وسط البلاد وماما رعشت لان خويا عدا قدام مستشفي الجلاء طبعا ضد انصار الزريعة لان خساره فيهم اسم سانصار الشريعه اي شريعة لي ينصرو فيها هالتكفرين.. ايام معمر ماكانوا بس يفكروا انهم يطلعوا او يخطوا خطوة عموما ماما رقا عليها السكــر وشالوها المستشفي وبعدها خويا رد وكلمته قال بنحارب لوجه الله قتله بلاد حايسه وربي ياخد الحق حتي رضا والديك |
رد: حبيباتى سيدات ليبيا تفضلو لأعرف ما حالكم
المشكله انهم ه التكفيرين منتشرين ف بنغازي واجد
وبم ان خويا سلفي هو وجماعته ديما تصير بيناتهم مشادات كلاميه ويستر الله طبعا هم من فكر القاعده واسامه بن لادن ومحللين دم وقتل الجيش والشرطه لذلك ديما يهاجموا ف قوات الصاعقه ف بنغازي وينابشوا فيهم المشكله يا بنات ان ف شباب صغار ف الصاعقه مساكين من الفقر منظمين عشان رواتب وفي لي بحمية وطنيه ودمه حااامي وفيه لي نفس خويا يلبس نفسهم ويعدي لنية خالصة لله\ وهذوما كلهم ديما يرموا عليهم انصار الزريعه |
رد: حبيباتى سيدات ليبيا تفضلو لأعرف ما حالكم
ياااااااااااااااااااااارب احقن دماء المسلمين
يارب احفظ اهل بنغازي وربي ينتقم من هالظالمين حسبي الله ونعم الوكيل فيهم يقتلوا في ابرياء وشباب بلادي الغالين والله مانعرف شن بنقول غير ربي يحفظ شبابنا واهالينا في كل مكان وربي ينتقم من الظالم يااااارب الف لاباس علي اميمتك فروسه وربي يحفظ وخيك و جماعته ويسحق كل من يبي في اهل بنغازي وكل بلادي الضرر والقتل حسبنا الله ونعم الوكيل يااااااااااااااااااااااااااااارب احفظ بلادي الغاليه في كل مكان |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
ياربي احفظ بنغازي
والله قلبي متقطع عليها حسبي الله ونعم الوكيل |
رد: حبيباتى سيدات ليبيا تفضلو لأعرف ما حالكم
جنوووده بلنسبه لصور الاكل لي حاطه هظا تبع الخطوط التركيه يعني ميه في ميه حلال
وبلنسبه لااكل المطاعم هنا في ماليزيا الحمد لله كلها اسلام ماشالله يعني اكل حلال ميه ميه او ماتدخلي في مطعم تلقي مكتوب كلمة حلال اوحاطين صور قران عل الحائط واذكار ابجد عاجبني التمسك بيدينهم اواغلبيه ملتزمين بلحجاب الكامل بس في الصين بذات الحي لي نسكنو فيه لاسف مافيش مطاعم حلال يعني لو ناخذو من بره ناخذو سمك او بيتز او شبش او حاجه بلتن"زي مطعم مكدونلز عند همبرقر بلسمط او كنتاكي بلسمك اوانواع البيتز بلجمبري وفواكه البحر بس الداجاج حلال هذي بعيده جدا لانه شرط لحم الحلال هو الذبح اوهما مايذبجوش او عل فكره اليهود صاح يذبحو بس ماايكبروش عليه |
رد: حبيباتى سيدات ليبيا تفضلو لأعرف ما حالكم
دودو عليش اتحطي في سمو في الروضه مش مازالت اصغيرونه خليها تقعد في الحوش ترقد اوترتاحي انتي وايها خير
|
رد: حبيباتى سيدات ليبيا تفضلو لأعرف ما حالكم
جيجي ان شالله ابسلامتك اوسلامته عروستنا لصغير وان شالله ايجيك كل شي زي مااتحبي
|
رد: حبيباتى سيدات ليبيا تفضلو لأعرف ما حالكم
فروسه لاباس عل الوالده
فعلا شي يقهر وايقطع القلب |
رد: حبيباتى سيدات ليبيا تفضلو لأعرف ما حالكم
السلام عليكم
|
رد: حبيباتى سيدات ليبيا تفضلو لأعرف ما حالكم
السلام عليكم
يارب فرج عالبلاد واهدي شبابنا حسبي الله ونعم الوكيل فروسة لاباس على ميمتك وربي يحفظ وخيك |
رد: حبيباتى سيدات ليبيا تفضلو لأعرف ما حالكم
شموسة نرفع في سوما بيش تلعب وتتعود عالخلطة والصغار حرام ديما قالقة في الخوش وتشوب من الناس لما يجينا حد تديرلنا في حالة
عموما اني ماخاطريش نمشي اليوم انضني منغير منمشي مرة في الاسبوع بدل مرتين واعر بصراحة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله
كتبت رددددددددددددددددددددددددددد طويييييييييييييييييييييييييييييييييل خبطت دودي خبطة واااااااااااااااااااااااحدة ألغت كل شيء !!!!!!!!!!!!!! |
رد: حبيباتى سيدات ليبيا تفضلو لأعرف ما حالكم
اللهم احفظ بنغاااااااااااااااااااااااااازي
وهلها ولا حول ولا قوة إلا بالله العلي العظيم حسبي الله ونعم الوكيل اللهم أهلك أعداء الشريعة واجعل تدبيرهم تدميرهم وافضح حالهم واهتك أسرارهم ولابأس طهورا على الوالـــــــــــــــــــــــــــــدة أم فروسي والله وجعتني ،،، خلاص معاش تتحمل ~~~~ طمنينا إن شاء الله أحسن توا ؟؟؟ والله الوالدة ما قلنالها حتى حاجة وبالنصيب اليوم هي لاهية تدير في "" عصبان لشمس "" فمحستش بشيء !!!! لأن عمتي في شارع عشرين من غير عمتي الثانية وخالتي وعيت عمي ،،،،، ولا حول ولا قوة إلاا بالله |
رد: حبيباتى سيدات ليبيا تفضلو لأعرف ما حالكم
قال الشيخ أبو الفضل الليبي -وفقه الله- عن فرقة (أنصار الشريعة):
"هؤلاء هدَمَة للشريعة، هؤلاء جماعة التكفير أو القاعدة، عندما عرف الناس حقيقة هؤلاء جنحوا إلى تغيير أسماءهم فسموا أنفسهم (أنصار الشريعة)، ففي أمثالهم يقول شيخ الإسلام -رحمه الله-: لا الإسلام نصروا، ولا لعدوه كسروا، بل هؤلاء الإفساد والفساد الذي يقومون به أكثر، ما علمنا أن لهم صلاحا إلا الفساد والإرهاب، والإساءة إلى الإسلام، وتشويه أهل السنة وأنهم مرجئة ويتهمونهم بالقبائح، فلا علاقة لهم بهذا الاسم لا من قريب ولا من بعيد". |
رد: حبيباتى سيدات ليبيا تفضلو لأعرف ما حالكم
هدهــــــــــــــــــــــــــد
رحلة مرهقة ،،،،،،،،،،،، إذن ؟؟؟ مقترح جعلها مرة بالأسبوع فكرة طيبة أيضا ~~~~ وحاولي أن تجعلي منها صديقة لك ،،، نعم حاوريها وتحدثي معها بل واستشيريها في غداء اليوم ؟؟؟ نعم هي لاتفقه أغلب كلامك ولكنها تتواصل معك بلغة جسدها كما أنها تزداد ثروتها اللغوية ،،،وهذا هو المهم في سنها فحينما ينطلق لسانها ستصبح نسخة منك في عباراتها وحتى إيماءاتها فعندما تجتهدين في بناء هذا الجسر التواصلي معها ستربحين حميمية في العلاقة بينكما وثروة لغوية رائعة ،،، وخاصة إن طعمت عباراتك بكلمات عربية فصحى فتصبح لديها تشكيلة طيبة يمر الوقت بروعة لدوام الهدرزة بينكما ورعاك الله وحفظ زوجك المتقي الله في أكله وشرابه فمن موانع استجابة الدعاء أكل الحرام ناهيك عن العقاب الآخروي |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكن اليوم ان شاء طيبات واموركن هانية
|
رد: حبيباتى سيدات ليبيا تفضلو لأعرف ما حالكم
لا حول ولا قوة الا بالله ..
ربي ينتقم من كل جبار ظالم الله يجعل تدبيرهم في تدميرهم انصار الجريمة ... المجرمين المحبين للدماء والفساد والدمار الله يقهرهم كيف ماقهرونا في خيرة شبابنا |
رد: حبيباتى سيدات ليبيا تفضلو لأعرف ما حالكم
فروسة لاباس عالوالدة ربي مايوريها سو ان شاء الله
وربي يخليلك خيك ويحفظه طمنينا علي جدة فروسي |
رد: حبيباتى سيدات ليبيا تفضلو لأعرف ما حالكم
جيجي مشكورة علي كلامك العسل
وحتى انا نفس تفكيرك قلت خلي عندها اشوية استقلالية وتعرف كيف تنتعامل مع خوتها خاصة انها هي الكبيرة ربي يحفظلك بنياتك وتفرحي بيها |
رد: حبيباتى سيدات ليبيا تفضلو لأعرف ما حالكم
لفضيلة الشيخ محمد بن عمر بازمول حفظه الله: علمني ديني : أن أتجنب إراقة الدم المحرم، وأن حرمة الدماء المؤمنة أشد من حرمة الكعبة، بل زوال الدنيا أهون عند الله من قتل رجل مسلم. عَنْ ابْنِ عُمَرَ -رَضِيَ اللَّهُ عَنْهُمَا- قَالَ: قَالَ رَسُولُ اللَّهِ - صلى الله عليه وسلم -: "لَنْ يَزَالَ الْمُؤْمِنُ فِي فُسْحَةٍ مِنْ دِينِهِ مَا لَمْ يُصِبْ دَمًا حَرَامًا" (أخرجه البخاري في كتاب الديات، باب: قول الله تعالى: {من يقتل مؤمنًا متعمدًا}، حديث رقم (6862)). عَنْ عَبْدِ اللَّهِ بْنِ عُمَرَ قَالَ: "إِنَّ مِنْ وَرْطَاتِ الْأُمُورِ الَّتِي لَا مَخْرَجَ لِمَنْ أَوْقَعَ نَفْسَهُ فِيهَا سَفْكَ الدَّمِ الْحَرَامِ بِغَيْرِ حِلِّهِ" (أخرجه البخاري في كتاب الديات، باب: قول الله تعالى: {من يقتل مؤمنًا متعمدًا}، حديث رقم (6863).). وَعَنْ عَبْدِ اللَّهِ بْنِ عَمْرٍو -رَضِيَ اللَّه ُعَنْهُمَا- أَنَّ النَّبِيَّ - صلى الله عليه وسلم - قَالَ: لَزَوَالُ الدُّنْيَا أَهْوَنُ عِنْدَ اللَّهِ مِنْ قَتْلِ رَجُلٍ مُسْلِمٍ. رَوَاهُ مُسْلِمٌ وَالنَّسَائِيُّ، وَالتِّرْمِذِيُّ مَرْفُوعًا وَمَوْقُوفًا وَرَجَّحَ الْمَوْقُوفَ، وهو في حكم المرفوع. وَرَوَى النَّسَائِيُّ وَالْبَيْهَقِيُّ -أَيْضًا- مِنْ حَدِيثِ بُرَيْدَةَ قَالَ: قَالَ رَسُولُ اللَّهِ - صلى الله عليه وسلم -: قَتْلُ الْمُؤْمِنِ أَعْظَمُ عِنْدَ اللَّهِ مِنْ زَوَالِ الدُّنْيَا. قال الألباني في صحيح الترغيب والترهيب: "حسن صحيح"اهـ وَرَوَى ابْنُ مَاجَهْ عَنْ عَبْدِ اللَّهِ بْنِ عَمْرٍو قَالَ: رَأَيْتُ رَسُولَ اللَّهِ - صلى الله عليه وسلم - يَطُوفُ بِالْكَعْبَةِ وَيَقُولُ: مَا أَطْيَبَكِ! وَمَا أَطَيْبَ رِيحَكِ! مَا أَعْظَمَكِ! وَمَا أَعْظَمَ حُرْمَتَكِ! وَالَّذِي نَفْسُ مُحَمَّدٍ بِيَدِهِ لَحُرْمَةُ الْمُؤْمِنِ عِنْدَ اللَّهِ أَعْظَمُ مِنْ حُرْمَتِكِ؛ مَالِهِ وَدَمِهِ. اللَّفْظُ لابْنِ مَاجَهْ. قال الألباني في صحيح الترغيب والترهيب: صحيح لغيره.اهـ |
رد: حبيباتى سيدات ليبيا تفضلو لأعرف ما حالكم
أهــــــــــــــــــــــــــلا أوشي
يارمرحبتين بغزالتنا وعوضك الله عن مشاريعك بما هو خيرا منهااااااااااااااااااااااا |
| الساعة الآن 07:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .