|
رد: دردشة بنات فلسطين, دردشة حوامل فلسطين, تجمع بنات فلسطين
ههههههههههههه
ياستي هينا بنحكي مابنعرف بكره كيف هتكون حياتهم ومستقبلهم بصراحة انا زعلانه على الي ببطني بحكي مسكين مش عارف شو مستنيه في الدنيا الله يكون بالعون |
رد: دردشة بنات فلسطين, دردشة حوامل فلسطين, تجمع بنات فلسطين
بنات بجد بجد
انا نفسي اروح ع الضفة قد مازوجي بحكيلي عن اهل الضفة مابصدق بقول معقول غير عنا جد مبارح عطلت سيارتنا وبدنا نركب تاكسي المهم وقفلنا شخص بسيارة تويتا حدييييييث واللي كان سوق مش باين سواق لابس وجنتل طبعا احنا لازم نعطي فلوس يخصم المشوار اللي هوا بقلنا اهلا وسهلا فيكم انا مش سواق بس كنت طالع ولقيتكم بطريقي حبيت اساعدكم لو كل واحد فينا بيعمل هيك كان انتهت ازمة المواصلات والله الواحد لما بركبلو سيارة عن الخط بدو ساعة ونص ومابوصل للمشوار اصلا المهم زوجي طبعا حكى معو الا بقلو انا مش من غزة انا من الضفة والزلمة بلش ياخد ويعطي بالحكي بس يالله شووو نااااااااااس زوء ومتفهمين اما اهل غزة الله يكون بعونهم ويصبرهم دايما مشحونين ومتعصبين مش من قلة من الوضع يلي احنا فيه |
رد: دردشة بنات فلسطين, دردشة حوامل فلسطين, تجمع بنات فلسطين
اه والله مساكين هههه
انا بنتي من هسا اتقدمولها 3 عرسان هي لما تيجي بتشوف مين بدها امبيرح شفت بنوتة كتير حلوة اعجبتني قلت بدي اتوحم عليها اجيب متلها بعد ثواني بدت البنت تنط وتشاغب وكتيييييير بتغلب امها اول مرة بشوف بنت هيك هههههه قلت لحالي اذا بتطلع بنتي هيك مصيبة |
رد: دردشة بنات فلسطين, دردشة حوامل فلسطين, تجمع بنات فلسطين
والله يا اخت مسك هاد ما بتعلق بالبلد بكل محل بتلاقي ناس هيك وناس غير مو كلها متل ما بعضها
انا والله كتير نفسي اروح على غزة ولا مرة ما زرتها |
رد: دردشة بنات فلسطين, دردشة حوامل فلسطين, تجمع بنات فلسطين
انا مابعرف اي مكان بفلسطين الا صور ربنا يفرجها ونصير نروح ونجي ع بعض
اما غزة بقعة جغرافية زغييييييييييييييييييييييرة الحلو فيها البحر وكل الفنادق والمطاعم بتطل عليه |
رد: دردشة بنات فلسطين, دردشة حوامل فلسطين, تجمع بنات فلسطين
ان شاء الله ربنا بيفرجها عليكم
بالك ايش! استغربت من شي قبل اسبوع رحت على مستشفى للاطفال عنا استغربت انو في هناك تقريبا نص المستشفى اطفال من غزة والله كتير استغربت |
رد: دردشة بنات فلسطين, دردشة حوامل فلسطين, تجمع بنات فلسطين
مزبوط كلامك مسك
انا الصبح لما بطلع على الدوام بفضل على الاقل نص ساعة مشان اركب واحيانا السواق بيقعد يتشرط بده زيادة بعين الله على فكره الضفة كتير حلوه انا كنت اشوفها بس ما كنت انزل فيها لما كنا نيجي من السعودية عن طريق جسر الاردن ان شاء الله الله يوعدنا ونروح هناك |
رد: دردشة بنات فلسطين, دردشة حوامل فلسطين, تجمع بنات فلسطين
ليه موجودين هناك
بتعالجوا مثلا |
رد: دردشة بنات فلسطين, دردشة حوامل فلسطين, تجمع بنات فلسطين
كتير بتعالجوا اه يعني قعدنا مع اهلهم وحدة منهم امها صارت تحكيلنا بقصة بنتها عندها توقف بالنمو وامعاءها ملتصقة ببعض بتحكيلنا جبتها من غزة بس نفس فيها كانت راح تموت وبحاولو يعالجوها هسا وكل مرة بيعملولها عمليات وما بتنحل المشكلة
هسا اللي استغربت منو انو ما اعرفت انو الاطفال بييجوا يتعالجو عنا امها بتحكي انو ما بدفعوا شي عالعلاج السلطة بتدفع للدولة عن كل الاطفال |
رد: دردشة بنات فلسطين, دردشة حوامل فلسطين, تجمع بنات فلسطين
الله يشافيهم ان شاء الله ويشافي كل امة محمد صلى الله عليه وسلم
|
رد: دردشة بنات فلسطين, دردشة حوامل فلسطين, تجمع بنات فلسطين
اه والله كتير في عنا اطفال بعانوا من امراض متل هيك
كل هاي الامراض نتيجة الحرب الي صارت على غزة ونتيجة الفسفسور الي رموه علينا يعني كتير سمعت قصص اطفال فيهم تشوهات بسبب الفسفسور الله يصبر اهلهم يارب |
رد: دردشة بنات فلسطين, دردشة حوامل فلسطين, تجمع بنات فلسطين
عنجد الله يصبر اهلهم طتير بتغلبوا وخصوصا لما ما يكون علاج لهاي الامراض بضلهم يتنقلوا من مستشفى لتاني وما في حل
الله يعينهم ويشفيهم يا رب |
رد: دردشة بنات فلسطين, دردشة حوامل فلسطين, تجمع بنات فلسطين
صبايا شو ناويين تطبخوا اليوم؟
|
رد: دردشة بنات فلسطين, دردشة حوامل فلسطين, تجمع بنات فلسطين
انا عن نفسي مش عارفه
قاعدة بفكر شو بدي اطبخ ولحتى الان ما استقريت على شي خصوصا انه انبوبة الغاز عندي مخلصه وبدها شهر لما تتعبى تاني مش عارفه شو اعمل |
رد: دردشة بنات فلسطين, دردشة حوامل فلسطين, تجمع بنات فلسطين
وانا والله مو عارفة شو اطبخ المشكلة بسال جوزي دايما شو بنفسك اطبخلك كل مرة بعطيني نفس الجواب
بقللي انتي ليش بتغلبي حالك بالطبيخ! تطبخيش بجيب معي اكل او بنطلع برا بس انا مو بالزبط بحب اكل برا بس شكلي اليوم مو راح اطبخ بدي اطلع كمان شوي اجيب ثوبي من عند الخياطة مشان الفرح اليوم ادعولي تكون مزبطتو |
رد: دردشة بنات فلسطين, دردشة حوامل فلسطين, تجمع بنات فلسطين
اها
ان شاء الله يكون زابط عليكي وحلو مايا بدي اسئلك معلش بطلع الك شعر على بطنك ولا كيف لانه بصراحة انا حاسه انه الشعر الي على بطني زاد وصرت اخجل منه كتير |
رد: دردشة بنات فلسطين, دردشة حوامل فلسطين, تجمع بنات فلسطين
انا من قبل ما كان على بطني شعر بالمرة اما هسا بالحمل بلاحظ انو صار يطلع شعر بس مو كثير خفيف بس بتخيل عادي تغير بالهرمونات بصير بالحمل وكلشي بتغير
|
رد: دردشة بنات فلسطين, دردشة حوامل فلسطين, تجمع بنات فلسطين
اها
الدكتورة نصحتني ما اشيله حكتلي بروح لحالو |
رد: دردشة بنات فلسطين, دردشة حوامل فلسطين, تجمع بنات فلسطين
مرحيا بينك روز مرحبا صبايا موجودين ومش موجودين
كيفكم اليوم انا نفسيتي تعبانة هاليومين مش من حمل لاء بس عشان زوجي سافر عندي اهلي بتونس بينك روز وصل خالك بسلامة على تونس طمني اهل طيب حبيبتي بالنسبة للشعر بطن هاد امر عادي جدا تغيير هرمونات مش اكتر بعد ولادة باذن الله بيروح لوحده احكولي صبايا شو اعمل بغيب زوجي قلقانة وصغاري متعبيني كتير وهاد لس باول يومين من سفره بدي اسئالكم دايما في نبض مستمر اسفل بطني يعني بعد سره بشوي لدرجة مابعرف انام منه ولحتى اكون قاعدة منيح اذا في حد بيعرف يساعدني سلامي للجميع |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا شلونكم شو عاملين
لفت انتباهي بكلامكم مايا ؟؟ وين الخياطة يلي عاملة عندها توبك ؟؟ ولما تجبيه احكيلنا حلو ولا كيف طلع أنا عملت فستان لحنة بنت عمي بكرة عقبال ماتقوموا سالمين بس حساه ناعم وسمبل |
رد: دردشة بنات فلسطين, دردشة حوامل فلسطين, تجمع بنات فلسطين
جار القمر سألتيني ليش اهلي بتونس
عشان احنا بالاصل كنا هناك وقت سلطة كانت بتونس مع الشهيد ابو عمار بعدين اخواتي تزوجوا بتونس وستقرينا هناك وطبعا استشهد والدي بتونس رحمه الله وامي غالية كمان توفيت قبل سنتين بتونس ومابقي الا اخواتي وانا كنت رجعت غزة وتزوج لكن باذن الله راجعه انا وزوجي اولادي نعيش بتونس الخضراء |
رد: دردشة بنات فلسطين, دردشة حوامل فلسطين, تجمع بنات فلسطين
اهلين اخت احساس هاي الخياطة وحدة من عنا بالبلد كتير شاطرة اعجبتني مع انو اول مرة بجربها
والفستان طلع كتير حلو البستو اليوم لسا هسا روحت البيت عنا فرح لابن عمي واليوم كان حنة العروس اما التوب لونو احمر مع اسود ههههه يعني ما شاء الله من بعيد ببين |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم ورد صبآيـآ ..
مسك السنين , شو خلآكي تحسي انك بتعرفيني هههه اساسا يمكن نص الموجودين بيعرفوا بعض وهما مش عارفين هالشي !! سهى , انتي متى ناوية ترجعي ع تونس ؟ ان شآء الله بنتعرف وبشوفك :) طيب ليش زوجك لحالو رايح ع تونس عند اهلك انتي ليش مش رايحة ؟ فعلآآ تونس حلوة كتير روعة واسم ع مسمى " تونس الخضراء " .. بس المكان حلو باصحابو يعني انا بعتبر غزة احلآ هههه ^^ هلأ بدا موسم الافراح والمناسبات .. انا فرح اخت زوجي عالصيف بس للاسف مش رح يصحلي انزل احضرو اهئ اهئ |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم حلو فيكم
حبيبتي غموض يسعد صباحك ياعسل زوجي نزل لوحده عند اهلي عشان بدنا نفتح مشروع بتونس ونستقر وانا كنت قبله بشهر بتونس بس رجعت عشان اكون عند اولادي صغار وهو يطلع ويرتب الامور وانشاء الله بالصيف بنلتقي بعتلك رسالة وشرحت فيها كل استفساراتك |
رد: دردشة بنات فلسطين, دردشة حوامل فلسطين, تجمع بنات فلسطين
مساء الورد ع احلى حوامل كيفكم صباياااا وكيف الحمل معكم ربنا يتمم للجميع ع خير و يقومكم بالسلامة جمعة مباركة
|
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير بنات مايا انا معزومة على عرس بتاريخ 7-4-2012 بالناصره لصديقة كانت تشتغل معي بس مش رح اقدر احضره لانه مسافة بين القدس والناصرة ........... صحيح كلامك نحن عنا بمستشفى المقاصد بالقدس كتير ناس من اهل غزة الله يكون بعونهم مايا شو بدك تسمي بنوتك؟ بنات ساعدوني باسم ولد مش ملاقية اسم يعجبني !!! سهى موفقين ان شالله بتونس والله يرحم والدك والدتك |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا كيفكم
اسمعوا شو بدي احكيلكم يوم الخميس رحت على الدكتوره وحكتلي ببطلنك بنوووته يالله شو انبسطت فيها واعطتني الها صورة طول الوقت اطلع عليها سبحان الله كيف ربنا خلقها يارب احفظها الي ولأبوها يارب ان شاء الله ناويين نسميها رهف زوجي نفسه بهاد الاسم من زمااان سهى الحمد لله على سلامة خالو ان شاء الله رحله موفقه يارب على فكره سهى بتكون زوجة خالوووو ^_^ |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير بينك روز ما شالله مبروك البنوته ان شالله ربي يتمملك على خير ............... |
رد: دردشة بنات فلسطين, دردشة حوامل فلسطين, تجمع بنات فلسطين
صباح الفل ع الجميع
الله يخيلكم لبعض ياسهى وبيتك روز جارة شو اسم ابنك الكبير ؟؟ جبيه ع نفس الوزن هههه احلى بينك روز ربي يطمن قلبك دايما البنت والولد كلهم حلوين دكتورة ريم احنا بخير انتي شلونك؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
احساس انتي شو طلع جنس البيبي؟؟؟؟؟ انا اسم ابني يزن ...................... يلا ساعدوني باسم |
رد: دردشة بنات فلسطين, دردشة حوامل فلسطين, تجمع بنات فلسطين
الله يبارك فيكي يارب جارة واحساس
بس في شي غريب صار يابنات لما رحت على الدكتوره بحكيلها انا بالاسبوع العشرين للهيه بتقولي الجهاز بيحكي انك بالاسبوع 22 وحكتلي انه راس البنت كبير شوي بصراحة خايفه ازا في عندكم تفسير احكولي |
رد: دردشة بنات فلسطين, دردشة حوامل فلسطين, تجمع بنات فلسطين
عادي دائما الحسابات تخربط شوية
بالنسبة للراس مابعرف؟ |
رد: دردشة بنات فلسطين, دردشة حوامل فلسطين, تجمع بنات فلسطين
اها
شكرا الك حبيبتي احساس بس شو الازبط حسباتي ولا حساب الجهاز |
رد: دردشة بنات فلسطين, دردشة حوامل فلسطين, تجمع بنات فلسطين
بينك منووورة دائما السونار بزيد اسبوع عن حساب الدورة
جارة سمي ابنك زين او يزيد مشابه لاسم يزن |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا
كيفكم يا حلوين كيف الوضع عندكم ؟؟ والله مشتاقه كثييييييييييييييييييييييييييييييييير لايام البلاد |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا كيفكم!!
بينك روز مبروك البنوتة احلى شي البنات كتير بحب لبسهن ههه وجارة احنا لسا ما قررنا ايش راح نسمي البنوتة بس جوزي حابب اسم لمار شو رايكن؟ |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير بينك روز انا لما فحصت كان الجهاز زايد اسبوعين قلي الدكتور انه بالاشهر الاولى الجهاز ادق من هلا فما تخافي..... بالنسبه لراس الجنين ليش ما استفسرتي من الدكتورة بس في فترة من التكون بيكون فيها راس الجنين اكبر من جسمه مايا اسم لمار بجنن .............. |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم صبايا
بينك روز مبروك على بنوتة وماتخافي بخصوص راسها كان مجد ابني هيك وحكولي بدنا نسحبه بجهاز شفط عشان راسه بس الحمد الله دكتورة شاطره بالاصدقاء المريض وفتحت عنق رحم شوي واخدت بعدها غرز كتير بس ماتخافي وهي انتي بتشوفي مجد كيف حلو ولا راسه كبيرة هههههههه المهم الف الف الف مبروك ياعسل على بنوته رهف وانشاء الله تقومي بالسلامة وحساب جهاز هو ادق بحساب غموض وباقي الصبايا انا كتير بحبكم بس سامحوني لس ماحفظت اسمئكم بس اكيد راح احفظهم ههههههه انا والله بمر بظروف شوي صعبة عشان سفر زوجي واولاد مغلبيين بينك روز بتعرفهم عشان انا بكون زوجت خالها على فكرة صبايا بينك روز بنوته ناعمة وهادية كتير كتير كتير وعسل انا بحبها وبحب خواتها يلاه طولت عليكم سلامي للجميع لحظة ليش ماحد جاوبني على سؤالي وهو انه بحس بنبض تحت بطني يوميا وبيزيد اذا كنت جالسه عند جهاز كمبيوتر او على كرسي بالله بيعرف شو سبب يشرحلي يلاه تصبحوا على الف خير والاحلام سعيده |
رد: دردشة بنات فلسطين, دردشة حوامل فلسطين, تجمع بنات فلسطين
مسااااااااااااااااااء الخير بنااااااااات
كيفكم أهلا وسهلا بسهى وبالبنات الجداد اشتقتلكم كتير ما شاء الله حاكيين كتير من وراي هههه بس ويييييييييييييييينك يا حوااااااااااااااااااااااااااء؟؟؟ مختفية ولولو طمنوني عنكم غموض وجارة و احساس وكل البنات؟ الحمدلله اليوم كنت عند الدكتور بس الافندية حاطين رجل على رجل شافت واحد منهم قالتلي احتمال بنت والتاني مش مبين ههههههههه ما أزكاهم الله يخليلي اياهم يااااااااااارب ويقيمنا جميعا بالسلامة |
رد: دردشة بنات فلسطين, دردشة حوامل فلسطين, تجمع بنات فلسطين
سهى الله يديم المحبه بينكم بالنسبة للنبض والله عندي نفس الشي وبصراحه كتير بضايق منه بس مش عارفة ليش برضو |
| الساعة الآن 03:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .