|
رد: ** ليبيا زين علي زين ليبيا ورد وياسمين ** تجمع الليبيات
مررررررحبا
اثري الحمد لله طمنتينا عليك وعالوالده ربي يحفظها ويزيدها من الشفي فروسه الف لاباس عليه الحبوب فراس خشي وطمنينا عليه مره مره اوشي كيف حالك ومبارك متعولوا ربي يهنيها ماقصرتش في بتاتها ماشاء الله ومبارك مشريتي متألقه كالعاده وربي يحفظ السنافر هدهد ربي يحفظها هالمشاكسه الصغيره تعرف شن تبي ربي يخليها بالله بوسيهالي بوسه قووووووووووويه وحتي عضه كان تشجعتي وهانت عليك ههههههه ماشاء الله عليها ارقيها ديما حتي لو ميشوف فيها حد دوشت لجمونه ورنو ورقدتهم توه وبنخش اندوش عالسريع بنستشور شعري جبده خفيفه باش يقعد لغدوه وبنلفه كعكه فوق ومانيش انفكها لقبل مانمشي بما ان شعري طووويل يطلع يهبل زي المطبات كان وصفي صح امجربتها امتر من مره يقعد تابت ولقطه حلو علي طوله ولو حبيت انديره ذيل حصان هذا القرار توة قلت انقللها اتمكيجني المزينه بس التسريحه اتقيد ومبالغ فيها بما ان السبوع عالغدي <<<تفكير مليح صح؟؟؟هههه وتوه سلام معادش وقت نبي ساعه منكمل ونرقد ان شاء الله وسلام اليوم نلتقي والسلام عليكم ورحمه الله وبركاته |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة اللله وبركاااته
بارك الله فيكن يابنااات ع سؤال والله لا يوريكن بأس فروسه احسن شوي الحمدلله ناض مرتين بس مضايق ويرقد طوول ياروحي دايخ م دواء |
رد: ** ليبيا زين علي زين ليبيا ورد وياسمين ** تجمع الليبيات
اثري يا اثري
أحسن شئ سيااحه بعد العلاج وتجهوير وتغير جو الروح تنعنش شوي وترجع اقل هموووم وبه لي طمنتينا ع والدتك وعليك لانا فقدنااااك هههههههههههه الغيبه الجاايه تلقينا خشينا ف تجمع جديد بس ماعاد تغيبي عاد |
رد: ** ليبيا زين علي زين ليبيا ورد وياسمين ** تجمع الليبيات
ماشاء الله ع الدبش اوشي ههههههه صار حتي المستكه
بصراحه الغساله أنا ضد مفروض شور الراجل عاد هذه يجيبلها غسالة خخخخخخ وحلووو ان الوحده تجيب حاجتها كامله ومكمله وتجيب غسالة اماعين وبريد ميكر او صانعه الخبــز وتكون حاجتها انيقه ومرتبه بس بعد توصل للصابوون والحراراااات وليفات واسفنجات الغسل بالمطبخ زي مادارت بنت جيرانااا مثلآ انحسه شـــــــــــو أي عرض ( تفرجوا ياناس) هههه وجهة نظري .. ومن شن متخرجه ...؟؟ ولا زي اغلب لي تواااا ياخدو فيهن من الثانوووي 96 و95 و97 اكتشفت ان معايا اثنين من القرووب مواليد 95 و 96 الظاهر اني انا بس الثمانينيه المعمره هههههههههههههههههههه |
رد: ** ليبيا زين علي زين ليبيا ورد وياسمين ** تجمع الليبيات
را يزعلن بنات ال90 بس بصراااحه
في رجاله اطرشقوا اشوي مع الاسف خصيصا مدينه مصراته هذا حسب مانسمع هذا ياحلوات بنت جيرااان عيت خالتي مواليد 93 تخيلن يعني 20 سنه عمرها خطبوها ومشت الامور تمام بعد العريس بعد فتره من البيان قالتلها شهر 11 نسكر ال 20 انصدم قالت وعدا لهله قاللهم كيف تقولولي ماسكرتش ال 20 نا نبيها بنت 16 او 15 ( شوفوا الطرشقه) .... فسخوا الخطوووبه بكل اعتدار وحشم وقالوا طلب ولدهم قالنلهم امها مفروض من الاول قلتوا يعني بنت زي الورده ف عز شبابهااااااااااااااا حسسها هالمريض النفسي انها ( عانس))) ......ولاحول ولاقوة الا بالله وقالتلي خالتي خشوا حتي ع بنات 2000 خطبه وانا صعقت يعني عمرها 13 يخطبها ع ماطلع الفرح بعد سنتين 15 به البنت كيف تمتع بسنوات مع هلهااا بصراحه احلى ذكــري ايامات القرايه والثانويه والجاامعه حتي كان ازوجت ف الجامعه نقولوا أه كبيره عادي |
رد: ** ليبيا زين علي زين ليبيا ورد وياسمين ** تجمع الليبيات
هدووو بدتت العطله عندكم اكيد
انتي وجنوده واموله نحن امس بدت لعند 6 1 ان شاء الله |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
وصباحكم عسل ياعسولات |
رد: ** ليبيا زين علي زين ليبيا ورد وياسمين ** تجمع الليبيات
حتى انا انحس فيه عرض يافروسة
تعرفي عروستنا حشاك لين شبشب الحمام لين جايبته وحداد بخاري ومنشر ومساسيك الدبش وبالنسبة لعمرها هي مواليد 79 يعني اكبر منك خخخخخخ والعريس مواليد 81 وايهبل ورقيق مش شورها بكل .. مش قرمة عالصبح بس هذي هي الحقيقة وبالنسبة لمراة خوي مواليد 94 بس ماشاء الله عليها كل شي تعرف اديره امي تشكر في تطبيخها قالت ايهبل وخوي مواليد 83 يعني بينهم 11 سنة ... وخوي قال الها ماتجيبيش امعاك حتى حاجة لكن هي عاد بتطلع قدام ناسها وقدامنا فلازم اتجيب فجابت صالون وفرشة عجمية موف في الاسود بصراحة صالون مش عادي وجابت بعض ماعين للمطبخ ودبش الها هي .. فلما فرشت العروس شقتها بعد ما عدو جا تفرج وقال للبنات كان خليتوني انا انجيبه وخلاص لانه كان امسكر علي موضوع انه اتجيب العروس حاجة للشقة فقعدنا نقنعو فيه بيش اقتنع اهم حاجة ان عروستنا طيبة وبنت ناس وتحترم في امي وتساعد فيها |
رد: ** ليبيا زين علي زين ليبيا ورد وياسمين ** تجمع الليبيات
وتوة سلام ..
لي عودة باذن الله |
رد: ** ليبيا زين علي زين ليبيا ورد وياسمين ** تجمع الليبيات
اها يعني سلفتك اكبر من راجلهاااا ..
به من اختارها هل دارك ولا هو ؟؟ عليك قصقصه حتي نا ههههه وماشاء الله ع مرات خوووك اللهم بااارك اه هذوما العاقلات بصراحه في بناات ماشاء الله حتي العرووس لي عزمناها من سبها مواليد 93 وبصراحه رووعه م الاخير ثقافه وتفكير واحترام واسلووب والاهم عاقله بمعني الكلمة ,, |
| الساعة الآن 03:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .