|
رد: دردشة حوامل مصر - دردشة بنات مصر - تجمع حوامل مصر
اها انتى تقصدى بطاطس محشيه مش صنيه
بوصى ياستى قورى البطاطس بس متخليش سمكها رفيع اوى ونقيها صغيره اقطعى اول شريحه منها وقورى وعصجى الحمه المفرومه زى ما شرحتلك وابقى ضيفى فص توم على اللحمه واحشيها وحطيها ف الحله واقفه ورصيها جمب بعضها واسقيها بشربه او ميه سخنه وعليها ماجى وفلفل اسود وملح وابقى حطى على الشوربه او الميه نص معلقه صلصه علشان تحمرها |
رد: دردشة حوامل مصر - دردشة بنات مصر - تجمع حوامل مصر
السبب الوحيد اللي مضايقني ان الدكاترة دول يحسسوكي انك جاهلة وازاي اصلا تعملي راسك براسهم وتتدخلي في شغلهم
طول الحمل اتحايل عليه يطلب تحاليل ابدااااااااااا لازم الواحدة تشتكي من حاجة وتموت وبعدين بقى نفكر نبدأ الاجرائات ونعمل تحاليل حاجة استغفر الله العظيم يارب مش انا لو كنت باتابع تحاليل كنت اكتشفت النسب في اول ارتفاعها مش بعد مابقت بالطريقة الفظيعة وبعدين الحاجة لما تتعرف اولها نسبتها تبقى بسيطة وماتبقاش عايزة علاج كتير دلوقتي بقى مع النسي العالية دي أثر على ضغطي وهآخد كورس مكثف مضاد حيوي1000 وعلاج للصديد وبكتريا البول وللأملاح وجسمي على طول تعباااااااااان وشوية مشاكل في كذا حاجة في جسمي ماكانوش عندي ابدا الحمل اللي فات لحد آخر يوم ماكانش عندي مشاكل كنت متابعة مع مركز طب الاسرة محترمين وآخر رعاية واهتمام تحاليل كل شهر ويسألوكي في اي حاجة تاعباكي ويدوكي فرصه تتكلمي مش عارفة اللي ربنا ابتلاني بيه ده ايه بجد بجد اوحش حاجة الغرووووووووور |
رد: دردشة حوامل مصر - دردشة بنات مصر - تجمع حوامل مصر
تاكل يالولو براحتها بس تنام
|
رد: دردشة حوامل مصر - دردشة بنات مصر - تجمع حوامل مصر
انصحك يا اية غيرى الدكتور ده والحقى نفسك
|
رد: دردشة حوامل مصر - دردشة بنات مصر - تجمع حوامل مصر
معلش آيه لسه واخدة بالى من ردك
معلش حبيبتى متخافيش أنا كمان كنت فى حملى فى النص الاخير عندى صديد على البول وكان عاملى مغص كلوى كل الحكاية بتاخدى أنتى بيوتك وبيتظبط الموضوع أختى فى أول حمل جالها الصديد واخدت الانتى بيوتك وولدت عادى فى نهاية التاسع وفى حملها التانى استهبلت ومأخدتش الانتى بيوتك كسلت فرفع درجة حرارتها جدااااا وجاتلها حمى وولدت فى التامن بسبب كدا بس فالفكرة بسيطة انتى متكسليش عن العلاج وان شاء الله خير لكن تراقبى درجة الحرارة أهم شئ مترتفعش وبس كدا واسمعى كلامى وغيرى أم الدكترو الدماغ ده |
رد: دردشة حوامل مصر - دردشة بنات مصر - تجمع حوامل مصر
كل الادوية اللي بآخدها بقى مكثفة وآثراها الجانبية سيئة
ومعظمها مش مناسبة للحمل ابدا وقلتله يقولي ايه يعني ماخلاص انتي في الاخير المشكلة واحد منهم مكتوب عليه (يمنع استعماله في الحمل خصوصا في الشهر الاخير لانه سيسبب انيميا شديدة لحديثي الوليدة) دمي محروق ع الآخر ايه اللي يخلينا نستنى لحد مانوصل نفسنا لكده يارب رحمتك |
رد: دردشة حوامل مصر - دردشة بنات مصر - تجمع حوامل مصر
يا عيال إليكم لستة العزومة اللى استقريت عليها ولو فى اقتراحات بديلة قولوا
هى الوحوش اللى انا عازماها عزاب وعاوزين أكل بيتى بحت عشان زهقوا من الجاهز الطبق الرئيسى " محشى كرنب " كعادة الشعب المصرى وملوخية خضرا وبامية ورز بشعرية وصينية جلاش بالسوسيس وصينية مسقعة باللحمة وصينية بطاطس محشية والمقبلات " قطايف باللحمة وسمبوسة بالجبنة والزعتر أو البقدونس واللحوم : فراخ محمرة ولحمة مرمية فى البامية وكفتة مشوية ياااااااااااااااااااااااااااااااااااااااااااااااار ب قدرنى أعمل الحاجات دى لو فى بدايل سهلة قولولى يا ولاد آل إيه البت دينا تقولى اعملى شركسية وكشك ألماز بتهررررررررررررررررررأ يا جدع انت عايزة تقنعيني وتقنعي نفسك انك تقدري تعملي كل ده ليه احمد هيصيف في جمصة ولا ايه ويسيبك تعملي كل ده طيب انا عندي عزومة انهارده والمعزومين متجوزين بس مرتاتهم في مصر والحد دلوقتي مانمتش وماجهزتش حاجة وطبعا مستنية نور تاخ وانا تلتات وراها |
رد: دردشة حوامل مصر - دردشة بنات مصر - تجمع حوامل مصر
طب ليه يا اية مفضلتيش فالمركز اللى جربتيه فالحمل الاولانى لما لقيتى الدكتور دا من الاول كدا ما علينا المهم متتعبيش نفسيتك انتى وبعد الشر عنك يا حبيبتى امشى انتى بس على العلاج كويس لان المضادات الحيويه لازم تتاخد فى ميعادها مظبزط وربنا يشفيكى يارب ويتمملك على خيريارب بحق الشهر الكريم
|
رد: دردشة حوامل مصر - دردشة بنات مصر - تجمع حوامل مصر
ايه انا راى تاخدى التحاليل دى وتروحى على دكتور تانى واوعى تولدى عند الراجل ده شكله ف الطراوة ومتخافيش ياايه كلها حجات تتعالج اهم حاجه ان البيبى بخير ده المهم بس لازم بجد تفكرى جديا انك تشوفى حد تانى يولدك اعملى استخاره كده وادعى ربنا يوفقك لحد كويس ومتقلقيش ياايه والله ياما ناس لا بيتابعوا ولا حاجه وفيهم بلاوى وولدوا وكويسين دى حاجه بأيد ربنا
|
رد: دردشة حوامل مصر - دردشة بنات مصر - تجمع حوامل مصر
رانيا ممكن مكان البطاطس دى ووجع الدماغ اعملى كفتة انا بالنسبة لى عزومة يعنى كفتة
اما المحشى بقى عمرى ماهعمله فى العزومة لان المحشى بتاعى وحش للاسف انا قلت لجارتى قبل كده لو هعزمك هاتى محشيكى معاكى هههههههههههههههههههه |
| الساعة الآن 03:40 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .