|
رد: دردشة بنات فلسطين, دردشة حوامل فلسطين, تجمع بنات فلسطين
مراحب بنات/: احساس قلبي معك الله يعينك على الورشة تبعتك ما تعبيلنا زوزو بدبحك.......... حوائتي :من اول يوم بالتاسع اجاني طلق كاذب يعني مغص بس بعدها بروح ........ههههه مبسوطه على حالي كل يوم البيبي ببطني افضل ان شالله اصمد على الاقل لنص شهري .....لاني والله تعبت بهالحمل من الوقفه والوظيفه والبيت ما اخدت اجازة والله حابب اخلي ايام اجازاتي بعد الولادة بس امبارح اخدته اجازة لارتاح والاسبوع الجاي باخدلي كمان يوم على العلم انه وظيفتي بعيده عن بيتي ..........بالسيارة وبدون ازمة بدها 35 دقيقه سفر ازا ازمة بتاخد ساعة وربع ههههههههههه ودايما ازمة الحمد لله مسك السنين ضحكتيني :لاني انا ممنوع اني اضحك او اعطس او اسعل او اتأخر على الحمام شوي لاني متأكد رح اعملها ههههههههههههههه هاد من ضغط البيبي على عضلات الحوض بسبب ارتخاء في تمارين خاصة بتشدها يعني الامر طبيعي توكل على الله. سما كيف عمورة مشالله عنه امبين انه على قد حالو من صورته عمالو بيضحك بس ليش معلمتيه على الهايه انا يزن الحمد لله ما قبلها على العلم جبتله ياها وباكثر من نوع وما قبلها . ام عزمي شو طابخالنا اليوم؟ عيون المها وسهى ادخلو طمنونا عنكم عسولة تسلميلي يارب |
رد: دردشة بنات فلسطين, دردشة حوامل فلسطين, تجمع بنات فلسطين
صباحووووووووو كيفكم صبايا؟؟؟
حيفا لا تزعلي حبيبتي لعله خير و عادي في كتير ما بيبين الحمل من أوله اعملي فحص دم و شوفي يا عمري و طمنينا عسولة حبيبتي انا ما بأهتم بالمرة لمرة أبوه لزوجي هي آخر اهتماماتي هههههههه بس أصلا هي غيورة لأنها صغيرة بالعمر عمرها تقريبا 40 أو 41 سنة مشان هيك كيدها كبييييييييييييير هههههههه و الله انا كنت أحبها و أروح عندها أول ما تزوجت مع انها مو منيحة مع زوجي من مصغره ما بتحبه و لا بتحب أخته بس الله يجازيها اللي متلهم أيتام لو حسستي على شعرهم بتدخلي الجنة و تصدقي انه زوجي كان يقولي عيب روحي عندها و الله أنا كنت أطلع عندها عشان عمي ما يزعل لأني دايما عند بيت عم زوجي و عند بنات عمو وستو يعني كأنهم بيت حمايا و الله لو اني مرة أخوهم لبنات عمو ما حبوني هيك الحمد لله دايما بحب الخير للناس لهيك بيحبوني معلش طولت عليكي بالحكي مسك السنين غريبة انه ما عندك التهابات طيب يمكن عندك أملاح كتري من شرب المية و السوائل احساس أنثى لا تتعبي حالك حبيبتي و الله يعطيكي العافية سلفا انتي متلي بتحبي التغيير كل فترة بينك روووووووووز طمنينا عنك ويييييييينك صارلك فترة ما بتبيني بس ما تكوني تعبانة ياعمري و بسيطة لو كنتي مشغولة يعطيكي العافية بااااااااااقي الصبايا انشاء الله تكونوا بخير |
رد: دردشة بنات فلسطين, دردشة حوامل فلسطين, تجمع بنات فلسطين
هلا جارة يسعد صباحك
احتمال أطبخ بازيلاء بتحبيها؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
ام عزمي يعني مش كتير .........انا تعلمتها من حماتي بيت اهلي ما بعملوها
حيفا :حللي دم اضمن |
رد: دردشة بنات فلسطين, دردشة حوامل فلسطين, تجمع بنات فلسطين
بعين الله يا جارة الله يقيمك بالسلامة يارب وتكون ولادتك سهلة
|
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير حبيباتي كيفكم شو اخباركم
معلش يا قمرات تأخرت عليكم بس انتو عارفين الكهربا وبحكم اني بشتغل ما بشوف الكهربا احيانا طول اليوم يلا بعين الله اليوم مارحت على الشغل لانه عندهم عزا اتصلوا فيه وحكولي ما تيجي انبسطت وكملت نومتي وصحيت طبخت ملوخيه على فراح مين بتحبها تفضلوا عندي |
رد: دردشة بنات فلسطين, دردشة حوامل فلسطين, تجمع بنات فلسطين
هلا صبايا تسلمو عالسؤال جارة وعسولة واحساس وبينك والكل كيفكم؟
ام عزمي انا من زمان هون من اول حملي بس صارلي شهر ما بفوت وكتير مبلوشة بديت بالتطبيق للتعليم بالمستشفى للامراض العقلية وكتير مبلوشة هناك متاسفة صبايا مو كتير ببين بس والله اشتقتلكم كتير انا وبنوتي بديت اجهز بغرفة البنوتة تقريبا اشتريت كلشي والتخت والخزانة شفتهن راح ييجو بعد شه ان شاء الله شو اخباركم انتو وبيباتكم؟ بديتو بالتجهيزات؟ |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم صبايا
ام عزمي انا بحب البازيلا كتيييييييييييييييييييير خبيلي صحن هههههه صحة وهنا نورتي يا بينك الحمدلله يا مايا اموري تمام بناات>>>> اليوم شفت عباية الحمل اللي كنت مشترياها جديد ما لبستها الا مرتين والمرة التانية لما صارلي اللي صار.... صرت اعيط ايش رأيكم اوزعها>>>ماما حطت حالها جنبي وصارت تعيط بتقولي اخبيها ان شاء الله بلبسها عن قريب |
رد: دردشة بنات فلسطين, دردشة حوامل فلسطين, تجمع بنات فلسطين
مساكم عسل بنات
مايا منورة الله يكون بعونك ويكملك على خير يارب عسولة ياقلبي لازم تكوني اقوى من هيك ان شاء الله يارب بتلبسيها قريب الامل بوجه ربنا كبير ما في اكرم واقرب منووووووووو الله يفرحنا بخبر حملك قريب ويكملك على خير وتشوفي ضناكي بين ايدكي يارب |
رد: دردشة بنات فلسطين, دردشة حوامل فلسطين, تجمع بنات فلسطين
تسلمي يا حواء الله يسمع منك وربنا يقومك بالسلامة انتي وأحلى برلنت
وجميع الصبايا يااااااااااااااااارب الحمدلله ع كل شي من ربنا بس ما بعرف بس شفتها شميتها وتذكرتهم كيف كانوا نافخين بطني فيها فما مسكت دموعي حاسة حالي مش ححب حد زيهم كتير كنت متعلقة فيهم.... الله يسهل عليهم الحمدلله هم في الجنة و ايش بدي أحسن من هيك |
| الساعة الآن 09:41 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .