|
رد: حبيباتى سيدات ليبيا تفضلو لأعرف ما حالكم
اهلين وخيتي أوشي كيف حالك وهل زوجك والصغار تشرفت بمعرفتك
|
رد: حبيباتى سيدات ليبيا تفضلو لأعرف ما حالكم
توا عندنا الساعة 4ونص درت الغدي او بالاحرى العشي امبطن ودجاج محمر في الكوشة
وغيرت لبنتي وتوا بترقد واني مندوش ومنرتاح حتي أني شوية بين ما جي رأجلي الجو عندنا نوو بكل يا لطيف |
رد: حبيباتى سيدات ليبيا تفضلو لأعرف ما حالكم
السسلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اهلا هدية الخالق ... انستينا وشرفتينا...
وربي يحفظلك بنيتك هي تقريبآ من عمر بنيتي الولي جت يوم 15.3.2013 وانتي امتي جبتي؟؟ |
رد: حبيباتى سيدات ليبيا تفضلو لأعرف ما حالكم
اثري ياحبوبه بارك الله فيك علي نصائحك القيمة والمفيدة جدآ...
جزاك الله خيرا عليها... القراية لزوجـــي... انا مازال توقعوا هكي بعد سنتين ممكن كان عشنا ... احتمال امريكا او مصر ههههههههه فرق صح...؟ وشكرا للتوضيح ع الكسكو .. وحلوة البصله نحن نقولوها التقليه اي حد اصوله غرباويه تلقيه عادة يدير فيها نحن الكسكو بالبصله نديروا فيها في الحنة الصغيره اي يوم مايحنوا العروس قبل يوم الصاله ... الحنة الكبيرة درناه ف فرحي مع عصبان وبطاطا امبطنه وشيش طاووق .. وطبعا الصاله الرز بالخلطه وانواااع موالح... والالعااااااااااااااب اه ماتذكرينش قاعده كل شوئ نقول لزوجي فروسي فاتنه رقد وفاتنه الديناصورات لين قالي خلاص الويك اند الجاي انعدوله هههههه |
رد: حبيباتى سيدات ليبيا تفضلو لأعرف ما حالكم
اوشـــــــــــــــــــي...
اول حكايه من حكايا مصراته.. ان حوش خالتي كبير بكـــــــل ومعبي بيبان باب ف المربوعه وباب ف الصاله وباب الرئيسي وباب من المطبخ ... يفتحن ع الجنانات ... تذكري بداية الحرب بعد قالو مرتزقه انتشروا والجو هذا طبعا مانرقد الليل خايفه من كثر هالبيبان رعب ههه وكنت نرقد مع بنت خالتي عمرها 12 سنه في دارها في سرير جنبها بمسافه مدايرته خالتي للضيوف الاقارب بس زيني او خالتي الاخري ... ف ليل مانرقد من الخوف ايامات الضرب وبعد قرب قعدنا نا وخالتي وكنتها وبنتها وبنية كنتها عمرها سنة نرقدوا ف المربوعه طبعا لو جا صارووخ مايمسحنش لان باقي الديار يطلن ع الشاؤع هههه اما المربوعه متركنه جايه في الجهه اللي لاصقة ف الحوش لي جنبهم... وفوق في شقة .. مانبوش نتفتفتوا ع اساس من الصواريخ شوفي التفكير لعند وين وصل ... والله في جيران قعدوا يونسوا ف بعضهم ف وقت الدق القوي يباتوا مع بعض... ...في موقف برضه متاع الناتوو اول ماضرب صواريخ التوماهووك نحن بم ان قريبين من البحر خطمن من فوقنا والله صوتهن لتوا ما ننساه لدررجة حسينا الحووووش كانه قدم ووخر طبعا مانحسابوش الناتو بدا يضرب لان الضي منقطع 3 ايااام لعند ماجا ولد خالتي وقالنا الاخبار بصراااحة انفجعنا نحسابوهم دزولنا شئ حاجة غريبة ف لحظة متاع الحوش لي قتلك قدم ووخر انصدمنا ومعش عرفنا شئ اصلا اشوي ومافقدنا الوعي كلنا خخخخخخخ جت كنة خالتي اضبطتني وخالتي بنتها حضنتها والبنية الصغيره اول مرة تخاف وبطت بقوة وراجل خالتي وجهه انزرق توقعنا اشوية والحوش يطيح علينا |
رد: حبيباتى سيدات ليبيا تفضلو لأعرف ما حالكم
يتبـــــــــــــــــــــع
|
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
اهلين ام فراس الله يأنسك حبيبتي وربي يحفظلك بنيتك
أني بنتي جبتها في نهاية اتنين تقريبا معناها قولي عمرها خمسة شهور ونص |
رد: حبيباتى سيدات ليبيا تفضلو لأعرف ما حالكم
اهلا وسهلا بهديه كيف حالك وشن اخبارك آنستينا وشرفتينا واعتبري نفسك وحده منا وفينا
كلنا وخيات هني وعلي قلب واحد ربي يحفظلك الاموره بنوتك شن اسمها ممكن يصير خنبه في الاسماء هههههه انا طرابلسيه وعندي بنوته اسمها ريناد وحامل ببنوته في بدايه السابع ان شاء الله وانا اكبر منك بسنتين مواليد التسعين ومتزوجه من 3سنين و4شهور وايام بالضبط ههههه طبعا اتحمليني لاني نعتبر اكتر وحده دوتها هلللللبه |
| الساعة الآن 07:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .